सागमा स्वर्ण विजेता कमल श्रेष्ठलाई गृह जिल्लामा सम्मान

श्याम घिमिरे
पुस ३,अर्घाखाँची –
दक्षिण एसियाली खेलकुद (साग)का स्वर्ण पदक विजेता कमल श्रेष्ठलाई गृह जिल्ला अर्घाखाँचीमा भब्य सम्मान गरिएको छ । सन्धिखर्क नगरपालिका –१२, डिभर्नाका श्रेष्ठलाई पञ्चेबाजा सहीत सन्धिखर्क र चुत्राबेसी बजार परिक्रमा गराईको हो ।

तेक्वान्दोको पुम्से एकल (२४–२९ वर्ष) तर्फ स्वर्ण र तेक्वान्दाकै समूहगत विधामा कास्य पदक विजेता श्रेष्ठलाई उद्योग वाणिज्य संघ अर्घाखाँची, सन्धिखर्कका स्थानीय बासिन्दा र नेवार समुदायले फूलमाला, अबिर, मायाको चिनो र सम्मानपत्र प्रदान गरेका थिए । सम्मान कार्यक्रममा श्रेष्ठले गृह जिल्लामा पाएको सम्मानले आत्मबल बढेको भन्दै आगामी दिनलाई खेलप्रतिको हौसला बढेको प्रतिक्रिया दिए ।

अर्घाखाँची उद्योग वाणिज्य संघका अध्यक्ष युवराज श्रेष्ठ, उपाध्यक्ष नेत्रप्रसाद भुसाल, महासचिव प्रदिप मिश्र लगायतले जिल्लाको गरिमा बढाएको भन्दै श्रेष्ठलाई सम्मान पत्र, खादा र फूलमाला लगाइदिएका थिए ।

श्रेष्ठलाई सन्धिखर्क नगरपालीका,अर्घाखाँची चेम्बर अफ कर्मश, राष्ट्रिय तेक्वान्दो संघ अर्घाखाँची, जिल्ला ब्याडािन्टन संघ अर्घाखाँची,सन्धिखर्क नगरपालीका १२ वडाकार्यालय ,खेलकुद बिकास समिति,होटल तथा रेष्टुरेन्ट व्यवसायी समिति लगायतका संस्थाहरुले समेत सम्मान गरेका हुन ।

१३ औँ सागमा स्वर्ण बिजेता कमल श्रेष्ठलाई जिल्लामा भब्य स्वागत

बसन्त श्रेष्ठ छापेली पौस २ अर्घाखाँची – १३ औँ दक्षिण यसियाली खेलकुद तेक्वान्दो पुम्सेमा स्वर्ण पदक बिजेता कमल श्रेष्ठलाई जिल्लामा भब्य स्वागत गरिएको छ । सन्धिखर्क नगरपालिका १२ डिभर्ना डाडा घर भई हाल नेपाल पुसिल क्लव काठमाण्डौमा कार्यरत श्रेष्ठले सागमा २३ देखि २९ वर्ष को पुम्सेमा स्वर्ण पदक जितेका थिए । श्रेष्ठले तेक्वान्दोकै समुहगत बिधामा कास्य पदम समेत हात पारेका हुन । 

कमल श्रेष्ठ गृह जिल्ला अर्घाखाँची आएसँगै जिल्लामा सम्मान र स्वागत गर्नेको ओइरो लागेको हो । आइतवार जिल्लामा डिभर्ना सनपा १२ का स्थानीय तथा खेल प्रेमीले स्वागत गरेका थिए ।अर्घाखाँची उद्योग बाणिज्य संघ र त्रिशक्ती युवा क्लबले कमल श्रेष्ठलाई सम्मान सहित सन्धिखर्क बजारमा बाजा गाजा सहित बजार परिक्रमा गराएको थियो । 

कार्यक्रममा उद्योग बाणिज्य संघ जिल्ला अध्यक्ष युवराज श्रेष्ठ लगायतले श्रेष्ठलाई स्वागत सहित सम्मान गरेको हो । 

त्यस्तै सन्धिखर्क नगरपालिका १२ झेडीमा त्रिशक्ती युवा क्लब र नेपाल मिडिया नेतवर्कले भब्य सम्मान गरेको छ । कार्यक्रममा क्लवका संरक्षक नारायण प्रसाद श्रेष्ठ, अध्यक्ष मधुकुमार श्रेष्ठ, नेपाल मिडिया नेटवर्कका अध्यक्ष बसन्त श्रेष्ठ, खेल प्रशिक्षक रामबहादुर बि.क लगायतले श्रेष्ठको बिजयले सिंगो नेपाल, प्रदेश ५ र जिल्लाको गौरव बढेको बताएका थिए । 

यस्तै जिल्ला तेक्वान्दो महासंघ र लंका यातायात प्रालीले पनि सम्मान गरेको  छ । कार्यक्रमा सन्धिखर्क नगरपालिका १ का वडाध्यक्ष युवराज बञ्जाडे, संघका अध्यक्ष बिष्णु परियार, लंका यातायातका कृष्णप्रसाद भुसाल लगायतले सम्मान गर्दै खेलकुदले नेपालको शिर उचो भएको बताउनुभएको थियो । यस्तै कमल श्रेष्ठलाई लंका यातायातले आजीवन यातायात क्षेत्रमा निशुल्क यात्रा गर्न दिने निर्णय समेत गरेको छ । 

सागका पदक विजेतालाई तीनदेखि ११ लाखसम्म दिने प्रधानमन्त्रीको घोषणा , खेलाडीहरुको उचित सम्मान गरिएको भनाइ

मंसिर २५, २०७६ काठमाडौं : प्रधानमन्त्री केपी शर्मा ओलीले १३औँ दक्षिण एसियाली खेलकुद प्रतियोगिता (साग) का पदक विजेता खेलाडीहरूलाई जनही तीनदेखि ११ लाख रूपैयाँसम्म आर्थिक पुरस्कार दिने घोषणा गरेका छन्।  बधाईका लागि बालुवाटारमा बोलाइएका खेलाडीहरुलाई सम्बोधन गर्दै प्रधानमन्त्री ओलीले एकभन्दा धेरै स्वर्ण विजेतालाई ११ लाख रूपैयाँ दिने घोषणा गरेका हुन्। प्रधानमन्त्रीको घोषणा अनुसार एउटा स्वर्ण विजेताले ९ लाख रुपैयाँ सरकारबाट पाउनेछन्। 

प्रधानमन्त्रीले समूहगत स्वर्ण जित्नेलाई पनि जनही पाँच लाख रुपैयाँ दिने जनाएका छन्। पदक विजेता खेलाडीसँगै प्रशिक्षकले पनि सरकारबाट पाँच लाख रूपैयाँ पुरस्कार पाउने भएका छन्। १३ औँ सागका रजत विजेताले ६ लाख रुपैयाँ पाउनेछन्। त्यसैगरि कास्य विजेताले जनही ३ लाख रुपैयाँ पाउने भएका छन्।  प्रधानमन्त्रीले मंगलबार दशरथ रंगशालामा भएको १३औँ सागको समापन समारोहलाई भिडियोमार्फत् सम्बोधन गर्दै विजेता खेलाडीहरुलाई उचित पुरस्कार दिने बताएका थिए। उनले सबै विजेता खेलाडीलाई बधाईका लागि बालुवाटार आउन पनि बोलाएका थिए। 

घरेलु भूमिमा सम्पन्‍न १३औँ सागमा नेपालले कीर्तिमानी ५१ स्वर्ण पदक जितेको थियो। सागमा दोस्रो स्थानमा रहेको नेपालले ५१ स्वर्ण, ६० रजत र ९५ कास्य पदक जितेको थियो। पदक विजेता खेलाडीहरुलाई अन्य संस्थाले पनि पुरस्कारको घोषणा गरिसकेका छन्। राष्ट्रिय खेलकुद परिषद्ले सागका स्वर्ण विजेतालाई पाँच लाख रुपैयाँ, रजत विजेतालाई तीन लाख रुपैयाँ र कास्य पदक विजेतालाई दुई लाख रूपैयाँ पुरस्कारको घोषणा यसअघि नै गरिसकेको छ। 

राखेपले समूहगतरुपमा स्वर्ण विजेताको हकमा स्वर्णधारीलाई दुई लाख रुपैयाँ, रजतलाई एक लाख ५० हजार रुपैयाँ र कास्य विजेतलाई एक लाख रुपैयाँ दिने भएको छ।  साग सुरु हुनुअघि नै सागका पदक विजेताका लागि सरकारले विशेष सुविधासहितको प्याकेज ल्याउने तयारी गरेको थियो। तर मंसिर १० गते एपेन्डिसाइटिस भएर प्रधानमन्त्री ओली अस्पताल भर्ना हुनुपरेपछि प्याकेज घोषणा कार्यक्रम रोकिएको थियो। 
source:thahakhabar.com

महिला भलिबल टोली, भारतसँग पराजित

मंसिर १७, २०७६ काठमाडौं : १३ औं सागमा नेपाली महिला भलिबल टोली ऐतिहासिक स्वर्ण पदक जित्नबाट चुकेको छ। बलियो प्रतिद्वन्द्वी भारतसँग ३-२ को सेटमा पराजित भएपछि नेपाल रजतमै सीमित भएको हो।  त्रिपुरेश्वरस्थित कभर्डहलमा महिला भलिबलको स्वर्ण भिडन्तमा नेपाली टोलीले दोस्रो सेट बराबरी गरेको छ। कडा प्रतिस्पर्धाबीच पहिलो सेट नेपाली खेलाडीले निक्कै मेहेनत गरे। 

पहिलो सेट गुमाएको नेपाल दोस्रो सेटदेखि खेलमा फर्किएको थियो। दोस्रो सेटको १२ औं अंकदेखि १७ अंकसम्म बनाउँदा बराबरीको स्थिति थियो । त्यसपछि उत्साहित नेपाली महिला टोलीले २१-१७ को अंकदुरी बनाएका थिए । २३-२२ को अंकदुरी हुँदा नेपालले केही सम्हालियो र दोस्रो सेट २५-२३ ले जित्यो ।  पहिलो सेट भारतले २५-१८ ले जितेको थियो। नेपालले सुरुवाती प्वाइन्टसँगै अग्रता बनाए पनि तालमेल मिलाउन नसक्दा पहिलो सेट गुमाएको थियो। नेपालले तेस्रो सेट २५-२१ ले जितेको थियो। तर चौथो र पाँचौ सेट गुमाउँदै नेपाल रजतमै सीमित भयो। नेपालका लागि रजत पदक पनि ऐतिहासिक हो। नेपालले श्रीलंकालाई हराएर कम्तीमा रजतपदक पक्का गरिसकेको थियो।
source:thahakhabar.com

जिल्ला प्रशासन कार्यालय अर्घाखाँचीद्धारा प्रथम चौमासिक अबधिमा सम्पादीत गरेका कार्यहरु सार्बजनिक , सरकारी गाडीको दुरुपयोग गरे कारबाही गर्ने प्रजिअ पौडेलको उद्घोष

श्याम घिमिरे
मंसीर ६ अर्घाखाँची –

जिल्ला प्रशासन कार्यालय अर्घाखाँचीले आ.ब २०७६।०७७ को प्रथम चौमासिक अबधिमा प्रशासनले सम्पादीत गरेका कार्यहरुको बारेमा आज सन्धिखर्कमा पत्रकार सम्मेलनको आयोजनागरी जानकारी गराएको छ । पत्रकार सम्मेलनमा सहजीकरण गर्दे प्रमुख जिल्ला अधिकारी विजयराज पौडेलले जिल्ला प्रशासन कार्यालयले चार महिनामा गरेका बिभिन्न कामहरुको प्रगति बिबरण पेश गर्नुभएको हो ।

प्रजिअ पौडेलले जिल्लाको शान्तिसुरक्षा,सुरक्षा समितिको काम,कार्यालयबाट गरीएका बिभन्न कामकार्यबाही , बिकास गतिबिधि, शुसासन, प्रबर्धनात्मक कार्य,चुनौति र समाधान लगायतका बिषयबस्तुमाथी प्रकाश पार्नु भएको थियो ।कार्यक्रममा प्रहरी नायव उपरिक्षक प्रकाश विष्ट,शसस्त्र प्रहरी नायव उपरिक्षक माधव रेग्मी,प्रमुख अनुसन्धान अधिकृत विनय चर्तुवेदी, लगायको उपस्थिती रहेको थियो । सहायक प्रमुख जिल्ला अधिकारी विक्रम थापाको सञ्चालनमा सम्पन्न कार्यक्रम पत्रकार महासघका अध्यक्ष हिम जिसि लेकालिले कार्यक्रम सफलताको शुभकामना व्यक्त गर्नुभएको हो ।

यसैबिच प्रजिअ पौडेलले सरकारी गाडीको दुरुपयोगगर्नेलाई कारबाही गरीने बताउनु भएको छ । पौडेलले पछील्लो समय जिल्लामा यसप्रकारका गतिबिधिहरु सार्बजनिक हुन थालेको भन्दै कोही कसैले सरकारी गाडीको दुरुपयोग गर्ने,अनाबश्यक ठाउमा सभारी साधनको प्रयोग गर्ने गरेको पाईएमा तुरुन्तै कारवाही गरीने बताउनु भयो ।