अर्घाखाँचीका बैंक तथा वित्तिय संस्थाहरु हप्तामा चार दिनखुल्ने


श्याम घिमिरे
जेठ २५ अर्घाखाँची –
अर्घाखाँची जिल्लामा रही सेबा दिदै आईरहेका बैंक तथा बित्तिय संस्थाहरु हप्तामा चारदिन खुल्ने भएका छन । जिल्ला प्रशासन कार्यालय अर्घाखाँचीमा आईतबार बसेको बैंक तथा बित्तिय संस्थाका प्रतिनिधिहरुको बैठकले अर्को सुचना जारी नहुँदा सम्मको लागी यस्तो निर्णय गरेको सहायक प्रमुख जिल्ला अधिकारी विक्रम थापाले जानकारी दिए ।


बैठकको निर्णय अनुसार आईतबार, सोमबार, बुधबार र बिहिबार बैंक,बित्तीय संस्था,बित्तीय कारोबारगर्ने सहकारी संस्था र बिमा कम्पनी खुल्ने भएका हुन । सामाजिक दुरी र सुरक्षित स्वास्थ्य बिधि अबलम्बन गरी बिहान १० बजे देखी दिउँसो २ बजे सम्म बैंक खुल्ने भएको थापाले जानकारी दिए ।

सरकारले ल्यायाे १४ खर्ब ७४ अर्ब ६४ करोडकाे बजेट , ७ प्रतिशत आर्थिक वृद्धिको लक्ष्य

जेठ १५, २०७७ काठमाडाैं : सरकारले आगामी वर्षको बजेट १४ खर्ब ७४ अर्ब ६४ करोड रुपैयाँको ल्याएको छ। कुल बजेटमध्ये ९ खर्ब ४८ अर्ब ९४ करोड रुपैयाँ चालु खर्च हुनेछ। ३ खर्ब ५२ अर्ब ९१ करोड रुपैयाँ पुँजीगत खर्च हुनेछ। सरकारले ८ खर्ब ८९ अर्ब ६२ करोड रुपैयाँ राजश्व संकलनबाट उठाउनेछ। साथै वैदेशिक सहायताबाट ६० अर्ब ५२ करोड रुपैयाँ जुटाउने छ।

साथै वैदेशिक ऋणबाट २ खर्ब ९९ अर्ब ५० करोड उठाउने छ भने २ खर्ब २५ अर्ब आन्तरिक ऋण उठाइने भएको छ।   आर्थिक वर्ष २०७६/७७ मा कुल बजेट १५ खर्ब ३२ अर्ब रुपैयाँ विनियोजन गरिएको थियो। यसवर्ष विगतको तुलनामा कुल बजेटको आकार केही घटेको छ। 

अर्थमन्त्री खतिवडाले प्रशासनिक खर्चमा व्यापक कटौती गरिएको बताएका छन्। आगामी वर्ष आन्तरिक ऋणको रकम विकास खर्चमा मात्रै विनियोजन गरिएको पनि खतिवडाले बताए। सरकारले आगामी वर्ष ७ प्रतिशत आर्थिक बृद्धि हुने लक्ष्य लिएको छ।

चालु वर्ष साढे ८ प्रतिशतको लक्ष्य राखिएको थियो। तर कोरोना भाइरसको संकटका कारण उक्त लक्ष्य २.३ प्रतिशत मात्रै सीमित हुने भएको छ। अर्थमन्त्री खतिवडाले मूल्य वृद्धिको लक्ष्य चालुभन्दा एक प्रतिशत बिन्दुले बढाएर ७ प्रतिशत प्रक्षेपण गरेका छन्।


ग्लोबल आईएमई बैंक भोली दुई घण्टा खुल्ने

No photo description available.

श्याम घिमिरे
चैत २५ अर्घाखाँची-
अर्घाखाँचीको सन्धिखर्कमा रहेको ग्लोबल आईएमई बैंकले बुधबार कारोवार गर्ने भएको छ । कोरोना भाईरस र लकडाउनका कारण बन्द रहेको बैंकले ग्राहकरुको समस्यालाई मध्यनजर गर्दे भोलि २६ गते बुधबार बिहान ११ बजे देखी दिउँसो १ बजेसम्म बैंक खुलागर्ने बैंकका शाखा प्रबन्धक प्रल्हाद न्यौपानेले जानकारी दिनुभयो ।

नगद जम्मा गर्ने, चेक साटने, रेमिटेन्स तथा लोक सेबा आयोगको राजश्व जम्मा गर्ने लगायतका काम हुने बैंकले जनाएको छ । बैंकले अत्यावश्यक काम भएमा मात्र बैंकको सेवा लिन ग्राहकहरुलाई आग्रह समेत गरेको छ ।

साईन रेसुङ्गा डेभलपमेन्ट बैंक द्धारा शिद्देश्वर शिवालयलाई ट्रष्ट हस्तान्तरण (तस्बिर सहित)

श्याम घिमिरे
फागुन १५ अर्घाखाँची –
साईन रेसुङ्गा डेभलपमेन्ट बैंक लिमिटेड अर्घाखाँचीले शिद्देश्वर शिवालय मन्दीर चुत्राबेसी भक्तिटोललाई ट्रष्ट हस्तान्तरण कार्यक्रम सम्पन्न गरेको छ । सुक्रबार मन्दिर परीषर् मा आयोजित एक कार्यक्रममा बैंकका क्षेत्रिय प्रबन्धक लेखनाथ पौडेल र चुत्राबेसी शाखा प्रबन्धक अञ्जली केसीले संयुक्त रुपमा शिद्देश्वर शिवालय मन्दिर संचालक समितिलाई ट्रष्ट हस्तान्तरण गर्नुभएको हो ।

हस्तान्तरण कार्यक्रममा मनतब्य राख्दै क्षेत्रिय प्रबन्धक लेखनाथ पौडेलले संस्थागत सामाजीक उत्तरदायित्व (सिएसआर) कार्यक्रम अन्तर्गत शिबालयलाई ट्रष्ट हस्तान्तरण गरीएको बताउनु भयो । पौडेलले बैंकले यस्ता कार्यक्रमहरुको सुरुवाती मात्र गर्न लागेको भन्दै आगामी दिनमा सहयोगलाई व्यापक बनाउदै लैजाने समेत बताउनु भयो ।

शिवालय मन्दिर संचालक समितिका सचिब कृष्णप्रसाद भुसालको अध्यक्षता, सनपा १० का वडाअध्यक्ष लक्ष्मीनारायण चुदाँलीको स्वागत मनतब्य र नेत्र भुसालको सञ्चालनमा सम्पन्न कार्यक्रममा समितिका कोषाध्यक्ष राजकुमार श्रेष्ठ,मोती आचार्य,मिना श्रेष्ठ, गोमा श्रेष्ठ,शान्ता खत्री,पत्रकार श्याम घिमिर,े बैंकका कर्मचारी लगायतको उपस्थिति रहेको थियो । ट्रष्ट करीब १ लाखको लागतमा सम्पन्न भएको बैंकका चुत्राबेसी शाखा प्रबन्धक अञ्जली केसीले जानकारी दिनुभयो ।

प्रथम शितगंगा महोत्सब सुरु ,स्थानिय उत्पादनलाई प्राथमिकता दिनुपर्ने पर्यटन मन्त्री गिरीको भनाई


श्याम घिमिरे
फागुन १ अर्घाखाँची –

“कृषि पर्यटन उद्योग –व्यापार र रोजगार, आर्थिक समृद्धि आत्मनिर्भरताको मुलआधार” भन्ने मुल नाराका साथ नेपालकै ठुलो नगरपालीका शितगंगा नगरपालीकामा आन्तरीक तथा बाह्य पर्यटकहरु भित्राउने मुख्य उद्देश्य सहीत बिहिबार देखी शितगंगा नगरपालिका– ३ ठाडामा प्रथम शितगंगा कृषि,पर्यटन तथा औधोगीक व्यापार माहोत्सब सुरु भएको छ । महोत्सवको ५ नम्वर प्रदेश सभाका उद्योग, पर्यटन, वन तथा वातावरण मन्त्री लिला गिरीले एक कार्यक्रमका बिच उद्घाटन गरे । उद्घाटन मनतब्य राख्दै गिरीले स्थानिय उत्पादन,कला सँस्कृति र पहिचानलाई उच्च प्राथमिकतामा राखेर महोत्सव सञ्चालन गर्नुपर्नेमा जोड दिए । देशमा राजनितिक क्रान्ति सकिएको बताउदै मन्त्री गरीले अबको क्रान्ति भनेको आर्थिक क्रान्ति भएकोले समृद्ध नेपाल निर्माणकोलागी कृषि र पर्यटनलाई माथी उठाउनुपर्ने बताए ।

शितगंगा उद्योग बाणिज्य संघका अध्यक्ष चिन्ताराज अधिकारीको अध्यक्षता, उपाध्यक्ष मणि अधिकारीको स्वागत मनतव्य र रिषी घिमिरेको सञ्चालनमा सम्पन्न कार्यक्रममा प्रदेश सभा सदस्य रामजीप्रसाद घिमिरे, जालपा भुसाल ,निर्मला क्षेत्री, जिल्ला समन्वय समिति अर्घाखाँचीका प्रमुख पिताम्वर शर्मा भुसाल, उपप्रमुख रिषि बहादुर पुलामी, सन्धिखर्क नगरप्रमुख कमल प्रसाद भुसाल, शितगंगा नगरप्रमुख सुर्य अधिकारी, शितगंगा नगर उपप्रमुख टिका वहादुर रेश्मी, प्रमुख जिल्ला अधिकारी बिजयराज पौडेले, नेपाल कम्युनिष्ट पार्टी नेकपा शितगंगा अध्यक्ष बसन्त श्रेष्ठ, नेपाली काँग्रेस जिल्ला सचिव छविलाला पौडेल, पत्रकार महासंघका अध्यक्ष हिम जिसी लेकाली, स्थानिय नारायण शर्मा, बिष्णु भट्टराई ,दिपक पौडेले लगायतले महोत्सव सफलताको शुभकामना ब्यतm गरेका थिए ।

कार्यक्रममा ¥याली सहीत स्थानिय कला सँस्कृति झल्कने खालका बिभिन्न झाँकी र पञ्चेवाजा समेत प्रस्तुति गरीएको थियो । फागुन १२ गते सम्म सन्चालन हुने महोत्वसमा बिभिन्न १०५ स्टल रहने र करिव एकलाख दर्शकले अबलोकन गर्नुका साथै झण्डै दुई करोडको कारोकार हुने आयोजकले जनाएको छ ।