श्याम घिमिरे, मंसीर २२ अर्घाखाँची – महिलामाथि भइरहेका हत्या, हिंसा, बलात्कार जस्ता जघन्य अपराध तत्कालै रोक्नुपर्ने तथा महिलाहरूलाई समान अधिकार दिएर सामाजिक समानता कायम गर्नुपर्ने मागका साथ राष्ट्रिय जनमोर्चा निकट अखिल नेपाल महिला संघ अर्घाखाँचीले आईतवार प्रमुख जिल्ला अधिकारी बिष्णु पौडेललाई ज्ञापनपत्र बुझाएको छ । केन्द्रीय स्तरको कार्यक्रम अनुसार जिल्ला प्रशासन कार्यालयमा पुगी ज्ञापनपत्र बुझाइएको अखिल नेपाल महिला संघ अर्घाखाँची अध्यक्ष सकुन्तला रानाले जानकारी दिनुभयो ।
ज्ञापनपत्र बुझाउन अखिल नेपाल महिला संघकी केन्द्रीय महासचिब तथा अर्घाखाँची जिल्ला अध्यक्ष सकुन्तला राना, जिल्ला सचिब कल्पना पोख्रेल, उषा पुन, साबित्रा दमासे, राधा आचायर्, सिता गैरे लगायतको प्रतिनिधि मण्डल जिल्ला प्रशासन कार्यालयमा गएको हो । ज्ञापनपत्र बुझदै प्रजिअ पौडेलले महिलाहरुमाथी भईरहेका सबैखाले अपराधहरुलाई रोक्न आफुहरु लागी परीरहेको बताउनु भयो पौडेलले महिलाहरुका जायज मागहरुलाई राज्यले पनि सम्बोधन गर्नेमा जोड दिनुभयो ।
Sandhikharkafm.com 