अर्घाखाँचीमा कोरोना संक्रमितको संख्या ६५१ , अब ३० जना आईसोलेशनमा,हालसम्म ११ जनाको ज्यान गयो

श्याम घिमिरे मंसिर १७ – अर्घाखाँचीमा कोरोना संक्रमितको संख्या ६५१ यथावत रहेको छ । संक्रमित मध्ये हालसम्म ६१० जना डिस्चार्ज भएका छन । अब जिल्लामा ३० जना सक्रिय संक्रमितहरु आइसोलेसनमा रहेका छन् । जसमा सन्धिखर्क नगरपालीकामा २४ जना,शितगंगा नगरपालीकामा ३ जना, मालारानी गाउँपालीकामा १ जना र छत्रदेब गाउँपालीकामा २ जना गरी जम्मा ३० जना आइसोलेसनमा रहेको जिल्ला प्रशासन कार्यालय अर्घाखाँचीका सहायक प्रजिअ बिक्रम थापाले जानकारी दिनुभएको छ । संक्रमणका कारण हालसम्म १ जनाको आत्महत्या सहित ११ जनाको ज्यान गईसकेको छ । कोरोनाका कारण ज्यान गुमाउनेहरुमा सन्धिखर्क नगरपालीकाका ४ जना,शितगंगाका २ जना,भुमिकास्थानका २ जना,मालारानीका १ जना र पाणिनीका २ जना गरी हालसम्म ११ जनाको ज्यान गईसकेको छ ।

Advertisement