पारिवारिक श्रोतमा स्थानीय समुदायको अधिकार बिषयक अन्तरकृया सम्पन्न


सागर परियार
९ मंसिर सन्धिखर्क २०७७-
पारिवारिक नीजि वन (एफोन) को आयोजनामा पारिवारिक श्रोतमा स्थानीय समुदायको अधिकार बिषयक् अन्तरकृया कार्यक्रम सम्पन्न भएको छ ।
कार्यक्रममा एफोनका केन्द्रीय न्यायिक बिभागका सदस्य राम मल्ल ठकुरीको प्रमुख आथित्यतामा सम्पन्न भएको हो । प्रमुख अथिति ठकुरीले पारिवारिक वन सरकारले राखेका लक्ष्य पूरा गर्ने साझेदार निकाय भएको बताउनुभयो । उहाँले सरकारको कतिपय नीतिका कारण आफैले हुर्काएको वनबाट जनताले लाभ लिनबाट बञ्चित हुदै आएको बताउनुभयो ।
      कार्यक्रममा निमित्त डिभिजन वन प्रमुख शिला पाख्रेलले सरकारले सामुदायिक वनसंगै अहिले नीजि वनको अवधारणा ल्याएको बताउनुभयो । उहाँले डिभिजन वन कार्यालयमा पारिवारिक नीजि वन दर्ता गर्न सुझाब समेत दिनुभयो ।
कार्यक्रममा एफोनका प्रदेश सदस्य बिष्णु प्रसाद पौडेल, फेकोफन जिल्ला अध्यक्ष रामचन्द्र पोख्रेल, पत्रकार महासंघका जिल्ला सदस्य वसन्त श्रेष्ठ लगायतले मन्तब्य राख्नु भएको थियो ।
  कार्यक्रममा एफोनका जिल्ला सचिव खिमानन्द खनालको अध्यक्षता र केशब मरासिनीको सञ्चालनमा सम्पन्न भएको थियो ।

नयाँ कार्य समिति निर्माण
यस्तै पारिवारिक नीजि वन (एफोन) को भेलाले नयाँ कार्य समिति समेत निर्माण गरेको छ ।
खिमानन्द खनालको अध्यक्षतामा १४ सदस्यीय जिल्ला कार्य समितिको गठन गरिएको छ । जसको उपाध्यक्षमा दिपक कुवँर, सचिवमा भरत शाह, कोषाध्यक्षमा माया पौडेल लगायतका रहुनभएको छ । 

छैठौं उद्योग दिवस अर्घाखाँचीमा पनी मनाईयो

 मंसिर ९ गते अर्घाखाँची – राष्ट्रियसभा सदस्य चन्द्रबहादुर खड्का उज्वलले उद्यमका क्षेत्रमा थुप्रै प्रयासहरु भईरहेका बताएका छन् । तिनै तहका सरकार उद्यमका क्षेत्रहरु विस्तार गर्न लागिपरेको उनले बताए । अनुत्पादक क्षेत्रमा ठूलो लगानी खर्च भईरहेको भन्दै उनले उद्योग व्यवसायमा उचित लगानी हुने हो भने बल्ल समृद्धि हासिल हुने बताए ।

छैठौं उद्योग दिवसको अवसरमा घरेलु तथा साना उद्योग अर्घाखाँचीले आयोजना गरेको कार्यक्रममा बोल्दै प्रमुख अतिथी खड्काले अर्घाखाँचीको बजार सानो भएकाले सृजनशिल उद्यम गर्नुपर्नेमा जोड दिए । समानान्तर उद्यम गर्दा सानो बजारमा खपत नहुने भएकाले सृजनशिल उद्यम गर्नुपर्ने उनको तर्क छ ।

कार्यक्रमका विशिष्ट अतिथी सन्धिखर्क नगरपालिकाका नगरप्रमुख कमलप्रसाद भुसालले राज्यको प्रयासमा व्यवसायीहरुले साथ दिए मात्र लक्ष्यप्राप्ती गर्न सकिने बताएका छन् । स्थानिय सरकारले लगानी गरिरहेको तर त्यही अनुरुप लक्ष्यप्राप्ती भने हुन नसकेको बताए । उद्योग बिना आर्थिकोपार्जन सम्भव नहुने भन्दै उनले लगनशिल भएर काम गर्न आग्रह गरे ।

वैदेशिक रोजगारलाइ न्यूनिकरण गर्न पनी युवाहरुलाई उद्यमी बनाउनु पर्ने उनको भनाई छ । अर्घाखाँची आफैमा प्राकृतिक सम्पदाले भरिपुर्ण ठाउँ भएकाले जाँगर गरे हरेक चिज यहाँ उत्पादन गर्न सकिने बताए । सन्धिखर्क नगरपालिकाले उद्यमका क्षेत्रमा उल्लेख्य बजेट बिनियोजन गरेको र गर्न खोज्नेलाई नगरपालिकाले निराश नबनाउने उनले प्रतिबद्धता व्यक्त गरे ।

प्रमुख जिल्ला अधिकारी विष्णु पौडेलले दर्ता नभई सञ्चालित उद्योग व्यवसायले कर छली गर्ने र राष्ट्रलाई कुनै योगदान नदिने भन्दै उनीहरुलाई निरुत्साहित गर्ने गरी कदम चालिने बताए । स्थानियस्तमा पहिचान बनाउने उत्पादनमा उनले जोड दिए । कार्यक्रममा उद्योगी रमा खत्री, पत्रकार लक्ष्मण घिमिरे, चेम्बर अफ कमर्सका अध्यक्ष अशोक श्रेष्ठ, नेपाली कांग्रेसका सभापती बिष्णुप्रसाद खनाल मुस्कान लगायतले मन्तव्य राखेका थिए ।

छैठौं उद्योग दिवसका अवसरमा आयोजित कार्यक्रममा घरेलु तथा साना उद्योगका कार्यालय प्रमुख केशव सुनारले कार्यपत्र प्रस्तुत गरे । अर्घाखाँचीमा २७ सय ६२ उद्योग दर्ता रहेको भन्दै सुनारले सबैलाई समान ढंगले सहयोग गरिरहेको बताए । ‘उद्योग र रोजगार, समृद्धीको आधार’ भन्ने नारा सहित मनाईएको कार्यक्रम कार्यालय प्रमुख केशव सुनारको अध्यक्षता र लक्ष्मी दहालको संचालनमा सम्पन्न भएको हो । कार्यक्रममा उद्योगिहरुलाई खादा र प्रमाणपत्र सहित सम्मान समेत गरिएको थियो । हरेक वर्ष मंसिर ९ गते यो दिवस मनाउँदै आईएको छ । source:lumbinipost

सबै भन्दा बढी कर दाखिला गर्ने अर्घाखाँचीका व्यवसायी बसन्त भुसाल उत्कृष्ट करदाता सम्मानबाट सम्मानित

मंसिर ७, कपिलवस्तु – नवौं कर दिवसको अवसरमा आन्तरिक राजश्व कार्यलय कपिलवस्तुले सबै भन्दा बढी कर दाखिला गर्ने दुई जना ब्यवसायीलाई उत्कृष्ट करदाता सम्मानबाट सम्मानित गरेको छ । आइतबार नवौं राष्ट्रिय कर दिवस तथा ‘कर साप्ताह-०७७’ को अवसर पारेर अर्घाखाँचीका अमर निर्माण सेवाका प्रोपाइटर बसन्त भुसाल र पावर ट्रेड ईन्डस्ट्रिज प्रालि कपिलवस्तुका प्रोपाइटर बिकाश केडियालाई ०७५/०७६ मा सबै भन्दा बढी कर दाखिला गरेको भन्दै सम्मान गरिएको हो । त्यो भन्दा अघिल्लो बर्ष अर्घाखाँचीबाट प्रदिप मिश्रलाई सबैभन्दा धेरै करदाताका रुपमा सम्मान गरिएको थियो ।

राजश्व कार्यलय कपिलवस्तुले कार्यालय प्रत्येक वर्ष सबैभन्दा बढी कर दाखिला गर्नेलाई सम्मान गर्दै आएको छ । कर तिर्नु आफ्नो दायित्व भएको र दायित्व बहन गर्नेलाई सम्मान गर्नुपर्ने कार्यालयले जनाएको छ । कार्यलय प्रमुख दिनेश पान्डेको अध्यक्षतामा सम्पन्न उक्त कार्यक्रममा कृष्णनगर भन्सार कार्यलयका प्रमुख जनाद्न पौडेल, कपिलवस्तु उद्योग बाणिज्य संघका अध्यक्ष उमानाथ पौडेल , चनौटा उद्योग बाणिज्य संघका अध्यक्ष जम्सेर अलि मिया , कृष्णनगर उद्योग बाणिज्य संघ कृष्णनगरका अध्यक्ष राम कुमार गुप्ता लगायतको उपस्थिति रहेको थियो । source:lumbinipost.com

अर्घाखाँचीमा एकैदिन २९ जनाले कोरोना संक्रमणलाई जिते, अब २६ जना आईसोलेशनमा

श्याम घिमिरे मंसीर ७ अर्घाखाँची -अर्घाखाँचीमा एकैदिन २९ जना कोरोना संक्रमीत निको भएर डिस्चार्ज भएका छन । आईतवार जिल्लाको सन्धिखर्क नगरपालीकाबाट २८ जना र भुमिकास्थान नगरपालीकाबाट १ जना गरी २९ जनाले कोरोनालाई जितेर डिस्चार्ज भएको जिल्ला प्रशासन कार्यालय अर्घाखाँचीले जनाएको छ ।

कुल ६२८ संक्रमितमध्ये हालसम्म जिल्लामा कोरोना संक्रमणबाट मुक्त हुनेको संख्या ५९३ पुगेको छ । अहिले जिल्लाको सन्धिखर्क नगरपालीकामा मात्रै २६ जना सक्रिय संक्रमितहरु आईसोलेशनमा रहेका छन भने जिल्लाका अन्य ५ पालीकामा सक्रिय संक्रमितको संख्या शुन्य रहेको जिल्ला प्रशासन कार्यालय अर्घाखाँचीका सहायक प्रजिअ बिनोद खनालले जानकारी दिनुभएको छ । संक्रमणका कारण हालसम्म १ जनाको आत्महत्या सहित ९ जनाको ज्यान गईसकेको छ ।

त्रिवेणीको नवौं बार्षिक साधारण सभा भर्चअल माध्यमबाट सम्पन्न-कृषि,ब्यापार,ब्यवसाय प्रर्वद्धनको निम्ती सरल कर्जा उपलब्ध गराउने प्रतिवद्धता

गोपाल प्रसाद भट्टराई मंसिर ७,अर्घाखाँची – त्रिवेणी बचत तथा ऋण सहकारी सस्था लिमिटेड सन्धिखर्कको नवौं बार्षिक साधारण सभा भर्चअल माध्यमबाट सम्पन्न भएको छ । संस्थाको स्थापना दिवको अवसरमा सन्धिखर्क–२ मसालबजार स्थित कार्यालयबाट जुम मार्फत आयोजना गरिएको कार्यक्रम सहकारीका अध्यक्ष उत्तममणी मिश्रको अध्यक्षता,उपाध्यक्ष यमकला बन्जाडेको स्वागत मन्तव्य र सचिव कमल प्रसाद घिमिरेको संचालन मा सम्पन भएको हो । यस्तै लेखा समितिका संयोजक  श्री शिव बेल्बासेले आ.व. २०७६/०७७ को लेखा परीक्षण प्रतिवेदन प्रस्तुत गर्नु भएको थियो ।

कार्यक्रममा शुभकामना मन्तव्य राख्दै पत्रकार महासंघ अर्घाखाँचीका अध्यक्ष हिम लेकालीले आर्थिक समृद्धिका निम्ती सहकारी आन्दोलन महत्वपूर्ण भएको बताउँदै सहकारी आन्दोलनले आर्थिक , सामाजिक र सांस्कृतिक विकासमा मद्धत पुर्याउने बताउनुभएको छ । कार्यक्रममा संस्थाको आ ब २०७६/७७ को प्रगति बिवरण, संस्थाको शेयरपुँजी, बचत र लगानी , आम्दानी र खर्च समेटिएको प्रतिवेदन समेत प्रस्तुत गरिएको कार्यालय व्यवस्थापक तुल्सीराम खनालले जानकारी दिनुभएको छ ।

१२ करोड १५ लाख ३१ हजार ६ सय ९० कुल पुंजी रहेको सहकारीले कृषि,ब्यापार,ब्यवसाय प्रर्वद्धनको निम्ती सरल कर्जा उपलब्ध गराउँदै आएको छ । सहकारीमा हालसम्म ७ सय ५९ जना सेयर सदस्य रहको कार्यालय व्यवस्थापक खनालले बताउनुभएको छ ।