श्याम घिमिरे
मंसीर १० अर्घाखाँची –
अर्घाखाँचीमा एकैदिन १७ जना कोरोना संक्रमीत निको भएर डिस्चार्ज भएका छन । बुधबार जिल्लाको सन्धिखर्क नगरपालीकाबाट १७ जनाले कोरोनालाई जितेर डिस्चार्ज भएको जिल्ला प्रशासन कार्यालय अर्घाखाँचीले जनाएको छ । कुल ६३१ संक्रमितमध्ये हालसम्म जिल्लामा कोरोना संक्रमणबाट मुक्त हुनेको संख्या ६१० पुगेको छ ।
अहिले जिल्लाको सन्धिखर्क नगरपालीकामा ९ जना र शितगंगा नगरपालीकामा ३ जना गरी जम्मा १२ जना मात्रै सक्रिय संक्रमितहरु आईसोलेशनमा रहेका छन भने जिल्लाका अन्य ४ पालीकामा सक्रिय संक्रमितको संख्या शुन्य रहेको जिल्ला प्रशासन कार्यालय अर्घाखाँचीका सहायक प्रजिअ बिनोद खनालले जानकारी दिनुभएको छ । संक्रमणका कारण हालसम्म १ जनाको आत्महत्या सहित ९ जनाको ज्यान गईसकेको छ ।
Sandhikharkafm.com 