सबै भन्दा बढी कर दाखिला गर्ने अर्घाखाँचीका व्यवसायी बसन्त भुसाल उत्कृष्ट करदाता सम्मानबाट सम्मानित

मंसिर ७, कपिलवस्तु – नवौं कर दिवसको अवसरमा आन्तरिक राजश्व कार्यलय कपिलवस्तुले सबै भन्दा बढी कर दाखिला गर्ने दुई जना ब्यवसायीलाई उत्कृष्ट करदाता सम्मानबाट सम्मानित गरेको छ । आइतबार नवौं राष्ट्रिय कर दिवस तथा ‘कर साप्ताह-०७७’ को अवसर पारेर अर्घाखाँचीका अमर निर्माण सेवाका प्रोपाइटर बसन्त भुसाल र पावर ट्रेड ईन्डस्ट्रिज प्रालि कपिलवस्तुका प्रोपाइटर बिकाश केडियालाई ०७५/०७६ मा सबै भन्दा बढी कर दाखिला गरेको भन्दै सम्मान गरिएको हो । त्यो भन्दा अघिल्लो बर्ष अर्घाखाँचीबाट प्रदिप मिश्रलाई सबैभन्दा धेरै करदाताका रुपमा सम्मान गरिएको थियो ।

राजश्व कार्यलय कपिलवस्तुले कार्यालय प्रत्येक वर्ष सबैभन्दा बढी कर दाखिला गर्नेलाई सम्मान गर्दै आएको छ । कर तिर्नु आफ्नो दायित्व भएको र दायित्व बहन गर्नेलाई सम्मान गर्नुपर्ने कार्यालयले जनाएको छ । कार्यलय प्रमुख दिनेश पान्डेको अध्यक्षतामा सम्पन्न उक्त कार्यक्रममा कृष्णनगर भन्सार कार्यलयका प्रमुख जनाद्न पौडेल, कपिलवस्तु उद्योग बाणिज्य संघका अध्यक्ष उमानाथ पौडेल , चनौटा उद्योग बाणिज्य संघका अध्यक्ष जम्सेर अलि मिया , कृष्णनगर उद्योग बाणिज्य संघ कृष्णनगरका अध्यक्ष राम कुमार गुप्ता लगायतको उपस्थिति रहेको थियो । source:lumbinipost.com

अर्घाखाँचीमा एकैदिन २९ जनाले कोरोना संक्रमणलाई जिते, अब २६ जना आईसोलेशनमा

श्याम घिमिरे मंसीर ७ अर्घाखाँची -अर्घाखाँचीमा एकैदिन २९ जना कोरोना संक्रमीत निको भएर डिस्चार्ज भएका छन । आईतवार जिल्लाको सन्धिखर्क नगरपालीकाबाट २८ जना र भुमिकास्थान नगरपालीकाबाट १ जना गरी २९ जनाले कोरोनालाई जितेर डिस्चार्ज भएको जिल्ला प्रशासन कार्यालय अर्घाखाँचीले जनाएको छ ।

कुल ६२८ संक्रमितमध्ये हालसम्म जिल्लामा कोरोना संक्रमणबाट मुक्त हुनेको संख्या ५९३ पुगेको छ । अहिले जिल्लाको सन्धिखर्क नगरपालीकामा मात्रै २६ जना सक्रिय संक्रमितहरु आईसोलेशनमा रहेका छन भने जिल्लाका अन्य ५ पालीकामा सक्रिय संक्रमितको संख्या शुन्य रहेको जिल्ला प्रशासन कार्यालय अर्घाखाँचीका सहायक प्रजिअ बिनोद खनालले जानकारी दिनुभएको छ । संक्रमणका कारण हालसम्म १ जनाको आत्महत्या सहित ९ जनाको ज्यान गईसकेको छ ।

त्रिवेणीको नवौं बार्षिक साधारण सभा भर्चअल माध्यमबाट सम्पन्न-कृषि,ब्यापार,ब्यवसाय प्रर्वद्धनको निम्ती सरल कर्जा उपलब्ध गराउने प्रतिवद्धता

गोपाल प्रसाद भट्टराई मंसिर ७,अर्घाखाँची – त्रिवेणी बचत तथा ऋण सहकारी सस्था लिमिटेड सन्धिखर्कको नवौं बार्षिक साधारण सभा भर्चअल माध्यमबाट सम्पन्न भएको छ । संस्थाको स्थापना दिवको अवसरमा सन्धिखर्क–२ मसालबजार स्थित कार्यालयबाट जुम मार्फत आयोजना गरिएको कार्यक्रम सहकारीका अध्यक्ष उत्तममणी मिश्रको अध्यक्षता,उपाध्यक्ष यमकला बन्जाडेको स्वागत मन्तव्य र सचिव कमल प्रसाद घिमिरेको संचालन मा सम्पन भएको हो । यस्तै लेखा समितिका संयोजक  श्री शिव बेल्बासेले आ.व. २०७६/०७७ को लेखा परीक्षण प्रतिवेदन प्रस्तुत गर्नु भएको थियो ।

कार्यक्रममा शुभकामना मन्तव्य राख्दै पत्रकार महासंघ अर्घाखाँचीका अध्यक्ष हिम लेकालीले आर्थिक समृद्धिका निम्ती सहकारी आन्दोलन महत्वपूर्ण भएको बताउँदै सहकारी आन्दोलनले आर्थिक , सामाजिक र सांस्कृतिक विकासमा मद्धत पुर्याउने बताउनुभएको छ । कार्यक्रममा संस्थाको आ ब २०७६/७७ को प्रगति बिवरण, संस्थाको शेयरपुँजी, बचत र लगानी , आम्दानी र खर्च समेटिएको प्रतिवेदन समेत प्रस्तुत गरिएको कार्यालय व्यवस्थापक तुल्सीराम खनालले जानकारी दिनुभएको छ ।

१२ करोड १५ लाख ३१ हजार ६ सय ९० कुल पुंजी रहेको सहकारीले कृषि,ब्यापार,ब्यवसाय प्रर्वद्धनको निम्ती सरल कर्जा उपलब्ध गराउँदै आएको छ । सहकारीमा हालसम्म ७ सय ५९ जना सेयर सदस्य रहको कार्यालय व्यवस्थापक खनालले बताउनुभएको छ ।

कक्षा १२ को परीक्षाकाे तयारी पूरा : परीक्षा स्थगित हुने हल्लामा नलाग्न आग्रह

मंसिर ७,काठमाण्डाै – कक्षा १२ को परीक्षाका लागि आवश्यक सम्पूर्ण तयारी पूरा भएको राष्ट्रिय परीक्षा बोर्डले जनाएको छ । कक्षा १२ को परीक्षा पर्सि मंगलबारदेखि सुरु हुँदैछ । बोर्डका सदस्य सचिव दुर्गा अर्यालले सबै विद्यालयमा उत्तर पुस्तिका पुर्याउने, प्रश्नपत्र तयार गर्ने, केन्द्राध्यक्षलाई तालिम दिने, स्वास्थ्य मापदण्डअनुसारको परीक्षा मापदण्ड तयार गर्नेसहित सम्पूर्ण तयारी पूरा भएको जानकारी दिनुभयो ।

बोर्डले केही परीक्षा केन्द्रमा प्रश्नपत्र पठाइसकिएको छ भने नजिकका परीक्षा केन्द्रमा अनलाइनको माध्यमबाट परीक्षा सञ्चालन हुनुभन्दा आधा घण्टा अगाडि प्रश्नपत्र पठाइने व्यवस्था मिलाइएको छ । परीक्षा स्थगित हुने हल्लामा नलाग्न पनि उहाँले आग्रह गर्नुभएको छ । अहिलेसम्मको अवस्थामा परीक्षा स्थगित हुने कुनै पनि सम्भावना नरहेको बोर्डका सदस्य सचिव अर्यालले बताउनुभयो । उहाँका अनुसार विद्यार्थीको चाहनाअनुसार होम सेन्टरमै परीक्षा सञ्चालन हुनेछ । कोरोना सङ्क्रमण भएका र परीक्षामा बस्न नसक्ने परीक्षार्थीलाई अर्को परीक्षा सञ्चालन गरिनेछ । कोरोना सङ्क्रमण पुष्टि भएर पनि परीक्षामा बस्न सक्ने विद्यार्थीका लागि भने छुट्टै स्थानको व्यवस्था गरिएको छ ।

बोर्डले परीक्षा सञ्चालन हुने विद्यालयका प्रधानाध्यापक र कर्मचारीलाई परीक्षा कसरी सञ्चालन गर्ने भन्ने विषयमा भर्चुअल रूपमा नै अभिमूखीकरणको काम पनि गरिसकेको छ । यो पटक परीक्षार्थीका लागि ४० अंकको लिखित परीक्षा हुनेछ । ४० अंक कक्षा ११ को पढाइलाई आधार मानेर प्रदान गरिनेछ । २० अंक भने स्कुल आफैँले मूल्याङ्कन गरेर दिनेछ । परीक्षामा ४ लाख ३२ हजार ५ सय परीक्षार्थी सहभागी हुनेछन् । कोरोना सङ्क्रमण कायमै रहे पनि भौतिक दूरी कायम गरी परीक्षा लिन लागिएको हो । गएकाे वैशाख ८ गतेदेखि सञ्चालन हुनुपर्ने परीक्षा कोरोना सङ्क्रमण जोखिमका कारण स्थगित भएको थियो । मङ्सिर ९ गतेदेखि सुरु हुने परीक्षा १६ गते सकिनेछ । source:ujyaaloonline

चार बर्षीय नातिलाई बचाईदिन हजुरआमाको गुहार

अर्घाखाँची मंसिर ७- र्घाखाँची जिल्ला भूमिकास्थान नगरपालिका वडा नं.२ ढाकावाङ्ग निवासी ६२ बर्षिय निमकला खनालकाे राेएरै दिन बित्ने गरेकाे छ । बेदनाकाे पहाड बाेकेर बाँचेकी निमकलाका श्रीमान बितेकाे बर्षाै भएकाे छ । जेठाे छाेरासंगै बस्दै आएकी उनी अहिले नातिकाे पिरले भाेकतिर्खा हराएकाे छ । चार बर्षका नाति अनुजलाई अहिले गम्भीर राेग लागेकाे छ । छुमुछुमु हिड्ने पाईला र ताेते बाेली दैवले कति बेला चुड्ने हाे सन्त्रासमा छिन् उनि । फूल जस्ताे नाति आफ्नाे जीवनभन्दा प्याराे लाग्छ उनलाई ।


पीडित बालक अनुज खनाल नातिसंगै खेलेर दुख बिर्सिने गरेकी निमकला सुर्ता सपना नाति कै छ । मेलापर्व जे आए पनि उनकाे आङमा घाम लाग्दैन । अर्काे महिनाकाे खर्च कहाँबाट जुटाउने भन्ने पिराेलाेले मात्रै सताईरहन्छ उनलाई । अनुज खनाल जन्मेदेखि नै अस्वस्थ छन् । उनलाई थाले सिमिया भन्ने राेग लागेकाे छ । उनलाई जन्मेकाे ४ महिनादेखि अहिलेसम्म अरूकाे रगत दिएर बचाईएकाे छ ।राेगकाे कारण शरीरले रगत उत्पादन गर्न छाडेपछि उनलाई बचाउन निरन्तर अरूकाे रगत आवश्यकता परेकाे हाे । उनकाे उपचार शुरूमा काठमाण्डु र अहिले आम्दा अस्पताल भैरहवामा हुँदै आएकाे छ ।

पीडित बालककी आमाअनुज खनाललाई जन्मेकाे ४ महिनादेखि उपचार गर्दै आएकाे उनकी आमा शाबित्रा खनालले बताईन् । “सुरूमा एक एक महिनामा उपचारकाे लागि काठमाडौ लैजानु पर्दथ्याे । अहिले प्रत्येक २१ दिनमा आम्दा अस्पताल पुर्याउनु पर्दछ,” उनले भनिन्, “उपचारमा ढिला भए बच्चा आत्तिने, खाना नखाने, शरीर सेताे हुँदै जाने र बेहाश हुने गर्छ। ”यसरी प्रत्येक पटक आउँदाजाँदा औषधि उपचार खर्च जुटाउन सारै मुस्किल परेकाे उनकाे भनाइ छ । डाक्टरले याे राेग बाट बच्चालाई बचाउन सधै रगत दिएर मात्र सम्भव नहुने हुँदा बाेनमेराे फेर्नुपर्ने बताएका छन् । यस्काे उपचार खर्च न्युनतम पनि ३० लाख लाग्ने डाक्टरहरू बताउँछन् । शावित्राकाे श्रीमान भारतमा छन्, लकडाउनका कारण उनकाे जागिर पनि धरापमा परेकाे छ । अनुजकाे दाजु १२ बर्षकाे छन् ,उनलाई पनि आँखा नदेख्ने राेग लागेकाे छ ।

पहिलाे छाेरा आँखाकाे कमजोरी हुनु, सानाे छाेरा गम्भीर राेग लाग्नु घरमा सहयाेग गर्ने काेही नहुनुले अन्धकार छाएकाेछ याे घर परिवारमा ।
 नातिलाई बचाउन बारम्बार सहयाेग पुर्याउने चासाे चिन्ता राखिरहने छाेरी बिष्णुमाया खनाल “भुसाल”काे अतुलनिय याेगदान भएकाे आमा निमकला बताउनु हुन्छ । साथै याे दुखमा साथ दिने घरदैलाेमा आएर सहयाेग गर्ने सबैलाई धन्यबाद भन्नुहुन्छ ।

आउनुहाेस् उहाँहरूकाे दु:खमा हामी पनि सहयोगी बनाै ,पराेपकारभन्दा ठूलो धर्म अर्काे कुनै छैन । हाम्राे सानाे सहयाेगले त्याे अबाेध बालककाे जीवन बच्न सक्छ । सबै पुण्य आत्माहरू, परोपकारी मनहरूसंग उहाँहरूले अनुजकाे जीवन रक्षार्थ अपील गरिरहनु भएकाे छ, सहयाेगकाे अपेक्षा गर्नु भएकाे छ । एकपटक पत्रकार रविलाल पाैडेलले उनकाे बिषयमा तयार पारेकाे भिडियो पनि हेर्नुहाेस् (तल लिंकमा दिइएको छ ) , मन पलाए हामीलाई सम्पर्क गर्नुहाेस् ।

सहयाेगकाे निम्ति बैक खाता नं. र सम्पर्क नं. यस प्रकार छन् :-
*अनुज खनाल, खाता नं.०४१०१४३२४३४०००१७
एनएमबि बैंक लिमिटेड, सन्धिखर्क, अर्घाखाँची ।
*कवि खनाल ,ढाकाबाङ्ग : ९८५७०२९२१६
* राम प्रसाद पन्थी (सन्धिखर्क): ९८५७०२९५५६
* निमकला खनाल (ढाकावाङ्ग): ९८४४७७८१७४
* बिष्णु खनाल “भुसाल ” (काठमाण्डाैं):९८४१९९०४५४
* रविलाल पाैडेल, पत्रकार (बुटवल):९८५७०६४६५८
* हिम लेकाली, पत्रकार (अर्घाखाँची):९८५७०६१४२८ https://youtu.be/PWu_dzh91fA

source:sugampost.com