साझा पार्टीेद्धारा शितगंगा ३ को ढाडखोलामा टोल समिति गठन

सन्धिखर्क एफएम
कार्तिक २० अर्घाखाँची–
साझा पार्टी अर्घाखाँचीले जिल्लाको शितगंगा नगरपालिका वडा नं. ३ ढाडखोलामा टोल समिति गठन गरेको छ । वडा नं. ३ का वडासंयोजक ढुण्डीराज न्यौपाने, संगठन विभाग प्रमुख बसन्त सिंह, सूचना संचार विभाग प्रमुख दिपक पौडेल, वडा नं. २ का सल्लाहकार सागर अधिकारीको उपस्थितीमा सम्पन्न भेलाले विष्णु प्रसाद पौडेलको संयोजकत्वमा १३ सदस्यीय टोल समिति गठन गरेको छ । गठित समिकिो सचिवमा गंगा विक, सूचना तथा संचारमा सीता पौडेल र सल्लाहकार दधिराम पौडेल रहेको पार्टीले जानकारी दिएको छ । जसको सदस्यहरुमा दिपक बिक, गंगा विक, प्रेम पौडेल, संगम घिमिरे, पार्वता पौडेल, रमेश पौडेल, सीता पौडेल, अनिषा पौडेल र अन्जु पौडेल रहेका छन् ।

वडा नं. ३ कै खसर्कामा बिमला बेल्वासे संयोजक र कमल पौडेल सचिव रहेको टोल समिति यस अघि नै गठन भैसकेको साझा पार्टीका नेता हरिप्रसाद भुसालले जानकारी दिनुभयो ।

१० लाख घुससहित विद्युत् प्राधिकरणका नवाैं तहका इन्जिनियर पक्राउ

कात्तिक २०,हेटौंडा : घुस रकमसहित हेटौंडाबाट एक इन्जिनियर पक्राउ परेका छन्। घुस लिँदा लिँदै गरेको अवस्थामा नेपाल विद्युत प्राधिकरण अन्तर्गतको हेटौंडा–भरतपुर–बर्दघाट विद्युत् प्रसारण विस्तार आयोजनाका प्रमुख इन्जिनियर ईश्वरीप्रसाद जैसवाललाई अख्तियार दुरुपयोग अनुसन्धान आयोग हेटौंडाको टोलीले प्रक्राउ गरेको हो। हेटौंडा–१० बसपार्क मेगा होटलबाट १० लाख रुपैयाँ घुस रकमसहित नवौं तहका इन्जिनियर जैसवाललाई अख्तियारले समातेको हो। जैसवालले प्रसारण लाइनको ठेकेदारसँग घुस रकम लिँदै गरेको अवस्थामा पक्राउ परेको अख्तियार हेटौंडाले जनाएको छ। source:thahakhabar

ओली–प्रचण्डबीचकाे छलफल निष्कर्षविहीन

 कात्तिक २०, काठमाण्डाै – प्रधानमन्त्री एवं सत्तारुढ नेपाल कम्युनिस्ट पार्टी नेकपाका अध्यक्ष केपी शर्मा ओली र अर्का अध्यक्ष पुष्पकमल दाहाल प्रचण्डबीच बालुवाटारमा भएको छलफल निष्कर्षविहीन भएको छ ।नेकपाभित्रको विवाद समाधानबारे बालुवाटारमा छलफल भए पनि कुनै निष्कर्ष ननिस्किएको हो । मन्त्रिपरिषद् बैठक सकिएलगत्तै उहाँहरुबीच दिउँसो १२ बजेदेखि छलफल भएको थियो ।

राजदूत सिफारिस, मन्त्रिमण्डल हेरफेर, कर्णाली प्रदेशका मुख्यमन्त्रीविरूद्ध अविश्वासको प्रस्ताव दर्ता, ‘रअ’ प्रमुखसँगको भेटलगायत कारण नेकपाका दुई अध्यक्षबीच विवाद बढ्दै गइरहेको छ ।सरकारले महत्त्वपूर्ण निर्णय गर्नुपूर्व सचिवालयका सदस्यको सुझाव, अध्यक्षद्वयको आपसी परामर्श र सहमतिको आधारमा गर्नुपर्ने भदौ २६ गतेको स्थायी कमिटी बैठकका निर्णय पालना नगरेको प्रधानमन्त्री ओलीमाथि आरोप लाग्दै आएको छ । पार्टी काममा केन्द्रित हुनुपर्ने अध्यक्ष प्रचण्डले सरकारले गर्ने स–साना काममा पनि हस्तक्षेप गर्न खोजेको ओली पक्षका नेताहरुको आरोप छ ।  

काेराेना परीक्षण र उपचार निःशुल्क गर्ने आदेश पुनरावलाेकन गर्न सरकारले दिएकाे निवेदन खारेज

 कात्तिक २०, काठमाण्डाै – कोरोना सङ्क्रमण परीक्षण र उपचार निःशुल्क गर्ने आदेश पुनरावलोकन गर्न सरकारले दिएको निवेदन सरकारले खारेज गरेको छ । बिहीबार सर्वाेच्च अदालतका न्यायाधीशहरु हरिकृष्ण कार्की, सपना मल्ल प्रधान र पुरुषोत्तम भण्डारीको पूर्ण इजलासले स्वास्थ्य तथा जनसङ्ख्या मन्त्रालयले दिएको पुनरावलोकन निवेदन अघि बढाउनका लागि अनुमति नदिएको हो । 

गएको असोज १५ गतेको फैसला उल्ट्यानुपर्ने भन्दै स्वास्थ्य मन्त्रालयले सर्वाेच्चमा पुनरावलोकनका लागि निवेदन दर्ता गरेको थियो । १५ गतेको फैसलामा सर्वाेच्चले कोरोना भाइरसको सङ्क्रमण छ/छैन थाहा पाउन गरिने पीसीआर परीक्षण र उपचार निःशुल्क गर्न सरकारको नाममा परमादेश दिएको थियो । यो फैसलापछि सरकारले अब कोरोना परीक्षण निःशुल्क गर्नुपर्ने भएको छ । 

अर्घाखाँची अस्पतालका प्रमुख डा. कपिल गौतमलाई कोरोना पुष्टि , कोरोनालाइ सहज नसोच्न गौतमको आग्रह

श्याम घिमिरे
कार्तिक २० अर्घाखाँची –

अर्घाखाँची अस्पतालका प्रमुख डाक्टर कपिल गौतमलाई कोरोना संक्रमण पुष्टि भएको छ । गौतमले बुधवार सामाजिक सन्जाल मार्फत आफुलाई कोरोना संक्रमण भएको जानकारी दिनुभएको हो । गौतमले दुई दिन देखि आफुलाई ज्वोरो आउने, टाउको दुख्ने, खानाको स्वाद र गन्ध पत्ता नहुने , पखाला लाग्ने, छाति भारी हुने जस्ता लक्षण देखा परेको हुदा कोभिड १९ को आरटि आरटि–पिसीआर चेक गर्दा पोजेटिभ देखिएको सामाजिक सन्जाल मार्फत बताउनु भएको हो ।

गौतमले विगत केहि समय देखि आफ्नो सम्पर्कमा आएका ब्यक्तिहरु आइसोलेसनमा बस्न र कुनै लक्षण देखा परेमा चेक जाच गराउन अनुरोध गर्नुभएको छ । उहाँले अनावश्यक भिड भाड नगर्न, स्वास्थ्य सम्बन्धि मापदण्ड पालना गर्न र कोरोनालाइ सहज रुपमा नसोच्न सबैलाई सुझाब समेत दिनुभएको छ । हाल अर्घाखाँची अस्पतालमा ४ जना चिकित्सक सहित १२ जना स्वास्थ्यकर्मिहरु सकृय संक्रमित रहेका छन ।