श्याम घिमिर
असोज २४ अर्घाखाँची –
अर्घाखाँचीमा सनिवार ३४ जनामा कोरोना भाईरस संक्रमण पुष्टी भएको छ । जिल्लाको सन्धिखर्क नगरपालीकाका २९ जना र शितगंगा नगरपालीकाका ५ जना गरी ३४ जनामा कोरोना संक्रमण देखिएको जिल्ला स्वास्थ्य कार्यालय अर्घाखाँचीका सुचना अधिकारी बिजय बिकले जानकारी दिनुभएको छ । प्रादेशिक जनस्वास्थ्य प्रयोगशाला भैरहवामा गरिएको परीक्षणमा समुदायस्तरका २५ जना पुरुष र ९ जना महिला गरी ३४ जनामा संक्रमण पुष्टी भएको हो । ८४ जनाको पिसीआर जाँचगर्दा ३४ जनाको रिपोर्ट पोजेटिभ आएको हो ।
प्राप्त जानकारी अनुसार दुईजना स्वास्थ्यकर्मी सहित केही कार्यालयका कर्मचारी,सुरक्षाकर्मी, शिक्षक र यस अघि संक्रमित भएका व्यक्तिका परीवार सहित समुदायस्तरका व्यक्तिहरुमा कोरोना पोजेटिभ देखिएको सुचना अधिकारी बिकले जानकारी दिनुभयो । यो संगै जिल्लामा कोरोना संक्रमितको संख्या ४८६ पुगेको छ । जसमध्ये हालसम्म ३९२ जना निको भएर घर फर्किएका छन् । अहिले जिल्लामा ९० जना सक्रिय संक्रमितहरु आईसोलेशनमा रहेका छन । कोरोनाका कारण यसअघि ४ जनाको ज्यान गईसकेको छ ।
Sandhikharkafm.com 