शितगंगा नगरपालिकामा १७ घरगोठ पहिरोमा पुरिए


श्याम घिमिरे असोज ९ अर्घाखाँची
लगातार परेको अबिरल बर्षाका कारण अर्घाखाँची जिल्लाको शितगंगा नगरपालिकामा १७ वटा घरगोठ पहिरोमा पुरिएका छन् । सुक्रवार जिल्लाको शितगंगा नगरपालिका वडानं.१२ को कोठिया मैदानमा एक्कासी जमिन भासिएर पहिरो जाँदा १७ वटा घर पर्णरुपमा क्षेती भएका छन भने १८ वटा घर जोखिममा परेको जिल्ला प्रहरी कार्यालय अर्घाखाँचीले जनाएको छ ।

पहिरोका कारण विस्थापित भएका १७ घरपरिवारका झण्डै एकसय जनालाई गौरा माबी रजिया र स्थानियको खाली घर र गोठमा राखिएको जिल्ला प्रहरी कार्यालय अर्घाखाँचीका सुचना अधिकारी रामनारायण गुप्ताले जानकारी दिनुभयो । पहिरोमा मानविय क्षती नभएपनी घरमा रहेको नगद, जिन्सि, अन्नपात, पशु चौपाया सबै पुरिएको प्रहरीले जनाएको छ । पहिरो खस्ने क्रम नरोकिएकाले घरहरु पुरिने संख्या बढ्न सक्ने प्रहरीको भनाई रहेको छ । स्थानिय जनप्रतिनिधिको समन्वयमा नेपाल प्रहरी, सशस्त्र प्रहरी र नेपाल आर्मीले जोखिममा रहेका घरपरिवारलाई सुरक्षित स्थानमा सारेको जनाईएको छ ।

सुक्रवार सन्धिखर्क नगरपालीकाका ४ जनामा कोरोना संक्रमण पुष्टी, १ जना डिस्चार्ज


श्याम घिमिरे
असोज ९ अर्घाखाँची-

अर्घाखाँचीमा सुक्रबार थप ४ जनामा कोरोना भाईरस संक्रमण पुष्टी भएको छ । जिल्लाको सन्धिखर्क नगरपालीकाका ४ जनामा कोरोना संक्रमण देखिएको जिल्ला प्रशासन कार्यालय अर्घाखाँचीले जनाएको छ । यो संगै जिल्लामा कोरोना संक्रमितको संख्या ४०१ पुगेको छ । यस्तै पछिल्लो २४ घण्टामा सन्धिखर्क नगरपालीकाको आईसोलेशनबाट १ जनाले कोरोनालाई जितेर घरफर्किएका छन । यस संगै हालसम्म डिस्चार्ज हुनेको संख्या ३६६ पुगेको छ । अहिले जिल्लाका बिभिन्न आईसोलेशनमा ३१ जना सक्रिय संक्रमितहरु उपचाररत रहेका छन ।

यसैबिच सुक्रवार दिउँसोसम्म जिल्लामा १७४ जना संस्थागत क्वरेन्टीनमा र ४८ जना होम क्वरेन्टीनमा गरी जम्मा २२२ जना व्यक्तिहरु बिभिन्न क्वरेन्टीनमा रहेका छन् । पछिल्लो २४ घण्टामा सन्धिखर्क नगरपालीकाबाट ७ जना,शितगंगा नगरपालीकाबाट ७ र भुमिकास्थान नगरपालीकाबाट १५ जना गरी जम्मा २९ जना बिभिन्न क्वरेन्टीनबाट डिस्चार्ज भएको जिल्ला प्रशासन कार्यालय अर्घाखाँचीका सहायक प्रजिअ बिनोद खनालले जानकारी दिनुभएको छ ।

लगातारको बर्षाका कारण सन्धिखर्क ७ भुजुङ्गेको दलितबस्ती पहिरोको उच्च जोखिममा,जोखिम बढेसंगै ८ घरपरीवारलाई बिद्यालयमा राखियो ,गोरुसिङ्गे सन्धिखर्क सडक खण्ड अबरुद्ध , सितगंगामा घर भत्किँदा २ जना घाइते

सन्धिखर्क एफएम
असोज ८, अर्घाखाँची

बिगत तीन दिन देखि लगातार परेको अविरल वर्षाका कारण सन्धिखर्क नगरपालिका–७ भुजुङ्गे स्थित दलित बस्ती पहिरोको उच्च जोखिममा परेको छ । बस्तीनै जोखिममा परेपछि त्यहाँका ८ घर परिवारलाई सुरक्षित स्थानमा सारिएको छ । पहिले देखिनै जोखिममा रहेको सो बस्ती लगातारको बर्षाका कारण झनै जोखिममा परेपछि ८ घर परीवारलाई सुरक्षित स्थानमा सारिएको जिल्ला प्रहरी कार्यालय अर्घाखाँचीका सुचना अधिकारी रामनारायण गुप्ताले जानकारी दिनुभएको छ । उनिहरुलाई चन्द्रप्रभा मावि डिहिडाँडामा स्थानान्तरण गरीएको गुप्ताले बताउनुभयो ।

यसैबिच अविरल वर्षाकै कारण जिल्लाको शितगंगा नगरपालिकामा २ वटा घर भत्किएका छन् । सितगंगा नगरपालिका ४ चाक्लामा दिपक सुनारको घर भत्किँदा २ जना सामान्य घाइते भएको जिल्ला प्रहरी कार्यलय अर्घाखाँचीका प्रहरी नायव उपरीक्षक माधब बुढाथोकीले बताउनुभयो । यस्तै सितगंगा नगरपालिकाकै ११ मा एक घर भत्किएको छ । यता भुमिकास्थान नगरपालिकाको वडानम्वर ७ र ९ मा गोठ भत्किँदा २ वटा भैंसी मरेका प्रहरीले जनाएको छ ।

यता लगातार परेको अविरल वर्षाका कारण गोरुसिङ्गे–सन्धिखर्क सडकखण्डको दह खोलामा गएराति ठूलो पहिरो जादाँ सडक अवरुद्ध भएको छ । सडकखण्डको विभिन्न ठाउँमा स–साना पहिरो गएपनि दह खोलामा गएराति ठूलो पहिरो झरेको हो । सडक अवरूद्द भएपछि बिरामी बोकेका एम्बुलेन्स समेत रोकिएका छन् । मालवाहक, निजी तथा सार्वजनिक सवारी साधनहरू पनि बीच बाटोमा अलपत्र परेका छन् । यात्रुहरू बिच बाटोमा अलपत्र परेका छन् । बिहीबार बिहानैदेखि पहिरो हटाउने प्रयास भैरहेको, तर पहिरो निकै ठूलो भएकाले सडक खुलाउन समय लाग्ने प्रमुख जिल्ला अधिकारी बिष्णु प्रसाद पौडेलले जानकारी दिनुभयो ।

यता सालझण्डी सन्धिखर्क सडक खण्डपनि अवरुद्ध भएको छ । पाणिनि गाउँपालिकाको विभिन्न स्थानमा पहिरो खसेपछि सडक अवरुद्ध बनेको छ । बर्षापछि जिल्लाका अधिकांश ग्रामीण सडकहरु पनि अवरुद्ध भएका छन ।

गोरुसिङ्गे सन्धिखर्क सडक खण्ड अबरुद्ध


सन्धिखर्क एफएम
असोज ८, २०७७ अर्घाखाँची
बिगत तीन दिन देखि लगातार परेको अविरल वर्षाका कारण गोरुसिङ्गे–सन्धिखर्क सडकखण्डको दह खोलामा गएराति ठूलो पहिरो जादाँ सडक अवरुद्ध भएको छ । सडकखण्डको विभिन्न ठाउँमा स–साना पहिरो गएपनि दह खोलामा गएराति ठूलो पहिरो झरेको हो । सडक अवरूद्द भएपछि बिरामी बोकेका एम्बुलेन्स समेत रोकिएका छन् । मालवाहक, निजी तथा सार्वजनिक सवारी साधनहरू पनि बीच बाटोमा अलपत्र परेका छन् । यात्रुहरू बिच बाटोमा अलपत्र परेका छन् । बिहीबार बिहानैदेखि पहिरो हटाउने प्रयास भइरहेपनि पहिरो निकै ठूलो भएकाले सडक खुलाउन समय लाग्ने प्रमुख जिल्ला अधिकारी बिष्णु प्रसाद पौडेलले जानकारी दिनुभयो ।

अबिरल बर्षाका कारण पहिरो जादा अर्घाखाँचीमा तिन पशुचौपायको मृत्यु


श्याम घिमिरे
असौज ७ अर्घाखाँची-

मंगलवार साँझ देखी लगातार परेको अबिरल बर्षाका कारण पहिरो गई अर्घाखाँचीमा पशुचौपाय बाध्ने गोठ भत्कदा तिनवटा पशुचौपायको मृत्यु भएको छ । जिल्लाको मालारानी गाउँपालीका वडानं.५ बाँगी सातबिसे निवासी डब्बल प्रसाद भुसालको गोठ देखी माथीबाट पहिरो खस्दा गोठमा बाँधिराखेका २ वटा भैसीको पहिरोले च्यापी मृत्यु भएको जिल्ला प्रहरी कार्यालय अर्घाखाँचीका प्रहरी निरीक्षक एवं सुचना अधिकारी रामनारायण गुप्ताले जानकारी दिनुभयो ।

यस्तै बर्षाकै कारण भुमिकास्थान नगरपालीका वडानं.३ ठुलाखर्क निवासी सेती कामीको गोठ माथीबाट पहिरो आई गोठभत्कदा गोठमा बाँधि राखेको १ वटा बाख्राको पहिरोले च्यापि मृत्यु भएको प्रहरी निरीक्षक गुप्ताले जानकारी दिनुभयो । घटनास्थलमा प्रहरी पुगिसकेको प्रहरीले जनाएको छ ।