अर्घाखाँचीमा सुक्रवार थप १ जनामा कोरोना संक्रमण ,संक्रमितको संख्या ३८९ पुग्यो

श्याम घिमिरे
असोज २, अर्घाखाँची –

अर्घाखाँचीमा पछिल्लो २४ घण्टामा थप एकजनामा कोरोना संक्रमण पुष्टी भएको छ । उपचारकालागी काठमाण्डौ गएका सन्धिखर्क नगरपालीका वडानम्वर ४ का एकजनामा कोरोना संक्रमण देखिएको जिल्ला प्रशासन कार्यालय अर्घाखाँचीले जनाएको छ । यो संगै जिल्लामा कोरोना संक्रमितको संख्या ३८९ पुगेको छ । कुल संक्रमितमध्ये हालसम्म ३५२ जनाले कोरोनालाई जितेर घरफर्किएका छन । अहिले जिल्लाका बिभिन्न आईसोलेशनमा ३३ जना सक्रिय संक्रमितहरु उपचाररत रहेका छन । संक्रमित मध्ये यसअघि ४ जनाको ज्यान गईसकेको छ ।

यसैबिच सुक्रबार दिउँसोसम्म जिल्लामा २०६ जना संस्थागत क्वरेन्टीनमा र ११० जना होम क्वरेन्टीनमा गरी जम्मा ३१६ जना व्यक्तिहरु बिभिन्न क्वरेन्टीनमा रहेका छन् । पछिल्लो २४ घण्टामा भुमिकास्थान नगरपालीकामा ४ जना व्यक्तिहरु क्वरेन्टीनमा थपिएका छन भने सन्धिखर्कबाट ४ जना र शितगंगाको क्वरेन्टीनबाट १० जना गरी जम्मा १४ जना डिस्चार्ज भएको जिल्ला प्रशासन कार्यालय अर्घाखाँचीका सहायक प्रजिअ बिनोद खनालले जानकारी दिनुभएको छ ।

Advertisement

जनकपुर आइपुग्याे नेपाली रेल

असोज २, धनुषा – नेपाली झण्डा अङ्कित रेल जनकपुर आइपुगेकाे छ । एउटा इन्जिन र चार वटा बोगीसहितकाे रेल शुक्रबार दिउँसाे जनकपुर आइपुगेकाे रेल विभागका महानिर्देशक बलराम मिश्रले फेसबुकमार्फत जानकारी दिनुभएकाे छ । नेपाली रेल भारतको हाजिपुर रेल्वे स्टेशनबाट जयनगर हुँदै शुक्रबार दिउँसाे जनकपुर आइपुगेको हो, रेलकाे भव्य स्वागत गर्दै जनकपुरमा हस्तान्तरण गर्ने तयारी छ । 

धनुषाको कुर्थादेखि भारतको जयनगरसम्म रेल सञ्चालनका लागि दुई वटा रेल नेपाल आइपुगेकाे हाे ।  ६ वर्षअघि २०७१ सालदेखि रेल सेवा बन्द रहेकोमा अब फेरि सञ्चालन हुनेछ । आवश्यक कानुन बनाएर दशैं-तिहारपछि रेल सञ्चालनमा ल्याउने विभागले जनाएको छ । भारतीय सरकारी कम्पनी कोनकान कम्पनीमार्फत रेल सेट खरिद गरिएको होे ।

जयनगरदेखि धनुषाको कुर्थासम्म ३५ किलोमिटर लम्बाइको रेलमार्गका भौतिक पूर्वाधार निर्माण भइसकेको छ । कुर्थाबाट बिजलपुराखण्ड १७ किलोमिटरसमेत गरेर ५२ किलोमिटर सम्पन्न हुनेछ र त्यसपछि रेल त्यहाँसम्म विस्तार हुनेछ । रेल सञ्चालनको जिम्मेवारी रेल्वे कम्पनीको हो । कम्पनीले आवश्यक जनशक्ति भर्ना गर्ने प्रक्रिया अघि बढाइसकेको छ । जनकपुरमा रेल आइपुगेपछि अहिले त्यहाँ ठूलाे भिड देखिएकाे छ । फाेटाे खिच्नेदेखि भिडियाे लिनेसम्मकाे ठूलाे उपस्थिति देख्न सकिन्छ । source:ujyaaloonline

सरकारको आग्रह : अवस्था धेरै खराब भयो, भीडभाड र जुलुस नगर्नू

असोज २, २०७७ काठमाडौं : सरकारले कोभिड-१९ का कारण देशको अवस्था झन् खराब हुन थालेको जनाएको छ। स्वास्थ्य तथा जनसंख्या मन्त्रालयका प्रवक्ता प्राध्यापक डाक्टर जागेश्‍वर गौतमले शुक्रबारको नियमित ब्रिफिङका क्रममा कोभिडले देशको अवस्थामा धेरै खराब भएको बताए। उनले दुई महिनाअघि नै मन्त्रालयले भनेको कुरा अहिले पनि सर्वसाधारणले नसुनेको भन्दै दु:ख व्यक्त गरे।

‘अहिले माइतीघरसहितका स्थानमा भिडभाड र जुलुस गरेर हिँड्ने क्रम बढेको छ’, उनले भने, ‘दुई महिनाअघि पनि भिडभाड र जुलुस नगर्न मैले भनेको थिएँ। अहिले माइतीघर र बालुवाटारसहितका स्थानमा फेरि भिडभाड बढ्दा कोरोना खतरनाक हुने देखिएको छ।’ गौतमले जुलुस र भीडभाडले ठूलो क्षति निम्त्याउने पनि चेतावनी दिए। ‘यसले ठूलो क्षति हुनेवाला छ, यो क्षतिलाई रोक्न जुलुस नगरौं। काठमाडौंसहितका घना बस्तीमा कोभिड-१९ को संक्रमण बढेको छ’, उनले भने, ‘अवस्था धेरै खराब भएको हामीले आँकलन गरेका छौं।

‘ गौतमले ६० वर्ष नाघेका र दीर्घ रोगीहरुलाई घर बाहिर ननिस्किन पनि अपिल गरे। ‘६० वर्ष पुगेका कोही पनि घर बाहिर ननिस्किनु होला, मधुमेह रोगी, फोक्सो र मुटुसहितका बिरामीले घरबाट ननिस्किनु होला’, उनले थपे, ‘केही दिनका लागि तपाईंहरु घरमै बस्नुस्। घरबाट बाहिर निस्कनै परेमा जनस्वास्थ्यका मापदण्ड पालना गर्नू।’ पछिल्लो २४ घण्टामा काठमाडौं उपत्यकामा मात्रै ८ सय ५९ जनालाई कोरोना संक्रमण भएपछि सरकारले अवस्था जटिल मोडतर्फ गएको बताएको छ। पछिल्लो २४ घण्टायता काठमाडौं जिल्लामा मात्रै ६ सय ९८ जना संक्रमित भेटिएका छन्। अर्कातिर ललितपुरमा ७९ जना संक्रमित भेटिँदा भक्तपुरमा ८२ जना नयाँ संक्रमित थपिएका छन्।  यस्तै देशभर शुक्रबार २ हजार २० जना नयाँ संक्रमित थपिएका छन्। सरकारले पछिल्लो २४ घण्टामा ११ हजार ४ सय ५८ जनामा पिसिआर परीक्षण गरेको छ। 

नेपालमा एकैदिन अहिलेसम्मकै उच्च २ हजार २० संक्रमित भेटिए

असोज २,काठमाण्डाै – नेपालमा कोरोना भाइरसका सङ्क्रमितको सङ्ख्या ६१ हजार पाँच सय ९३ पुगेकाे छ । गएको २४ घण्टामा दुई हजार २० जनामा कोरोना भाइरसकाे सङ्क्रमण पुष्टि भएकाे स्वास्थ्य तथा जनसङ्ख्या मन्त्रालयले जनाएको छ । गएको २४ घण्टामा ११ हजार चार सय ५८ जनाकाे पीसीआर परीक्षण गर्दा दुई हजार २० जनामा सङ्क्रमण देखिएकाे हाे । गएकाे २४ घण्टामा आठ सय ७१ जना निकाे भएर फर्किएसँगै डिस्चार्ज हुनेकाे सङ्ख्या ४३ हजार आठ सय २० पुगेको छ ।  

अब नेपालमा १७ हजार तीन सय ८३ जना सक्रिय सङ्क्रमित आइसाेलेशनमा रहेका छन् । यस्तै सात हजार सात सय ३६ जना क्वरेण्टीनमा रहेकाे मन्त्रालयले जनाएको छ । यस्तै गएको २४ घण्टामा सात जनाको ज्यान गएसँगै कोरोना सङ्क्रमणबाट ज्यान गुमाउनेको सङ्ख्या तीन सय ९० पुगेको मन्त्रालयका प्रवक्ता डाक्टर जागेश्वर गौतमले जानकारी दिनुभयो ।  

TVS कम्पनिको मोटरसाईकलको शोरुम अब सन्धिखर्कमा पनि ।

श्याम घिमिरे
असोज १ अर्घाखाँची–
TVS कम्पनिको मोटरसाईकलको शोरुम अर्घाखाँचीको सन्धिखर्कमा शुभारम्भ भएको छ । बिश्वकर्मा पुजाको अबसरपारीे सन्धिखर्क नगरपालीका २ चुत्राबेसी बाँगीखोला कचवय नजिकैे शोरुमको शुभारम्भ गरीएक हो । नेपालकोलागी आधिकारीक डिलर जगदम्बा मोटर्स, काठमाण्डौको डिलर रहेको, युनाइटेड मोटर्समा एक लाख देखी आठ लाख रुपैया सम्मका युवा,बृद्धबृद्धा,महिला लगायत सबै रेन्जका व्यक्ति चढ्नमिल्ने मोटरसाईकल र स्कुटी बिक्रिबितरण गरीने व्यवस्थापक मनोज पौडेलले बताए ।

शोरुमले ५० प्रतिशत डाउन पेमेन्टमा शुन्य प्रतिशत व्याजदरमा फाईनान्सको सुबिधा र नगदमा १० हजार छुट गर्ने जनाएको छ । यस्तै ५ बर्ष ईन्जीनको वारेन्टी,६ वटा फ्रि–सर्भिस ,१ बर्षको कर छुट ,हेलमेट,लेगगार्डको व्यवस्था कम्पनी आफैले गर्ने अर्का व्यवस्थापक सुरेश खत्रिले जानकारी दिए ।

डिजिटल प्रबिधिमा निर्मित मोटरसाईकलमा FI Engine, Beeutooth connect ,Gprs connect ,ABS break लगायत विभिन्न सुबिधाहरु रहेकोे शोरुमले जनाएको छ । शोरुमले आजैबाट बाईकरुहरु बिक्रिसमेत गर्न थालेको छ ।