अर्घाखाँचीमा कोरोना संक्रमितको संख्या ३५५ पुग्यो ।

श्याम घिमिरे
भदौ १७ अर्घाखाँची-
अर्घाखाँचीमा कोरोना संक्रमितको संख्या ३५५ पुगेको छ । पछिल्लो २४ घण्टामा सन्धिखर्क नगरपालीका वडानम्वर ६ का १ जना पुरुषलाई कोरोना संक्रमण पुष्टी भएसंगै संक्रमितको संख्या ३५५ पुगेको हो । रुपन्देहीमा उपचारककोलागी गएका उनमा चेक गराउदा कोरोना पोजेटिभ देखीएको जिल्ला प्रशासन कार्यालय अर्घाखाँचीले जनाएको छ । हालसम्म संक्रमित मध्ये ३२७ जना संक्रमणमुक्त भएका छन । हाल सन्धिखर्क नगरपालीकामा १३ जना ,शितगंगा नगरपालीकामा २ जना ,भुमिकास्थान नगरपालीकामा ८ जना र मालारानी गाउँपालीकामा २ जना गरी जम्मा २५ जना सक्रिय संक्रमितहरु बिभिन्न आइसोलेसनमा रहेका छन् ।

यसैबिच आज दिउँसोसम्म ६७ जना व्यक्तिहरु जिल्लाका बिभिन्न क्वरेन्टीनमा रहेका छन् । पछिल्लो २४ घण्टामा भुमिकास्थान नगरपालीकाको क्वरेन्टीनमा २ जना मात्रै थपिएको जिल्ला प्रशासन कार्यालय अर्घाखाँचीका सहायक प्रजिअ बिनोद खनालले जानकारी दिनुभएको छ ।

Advertisement

२४ घण्टामा ११२० जनामा काेराेना सङ्क्रमण, १२ जनाकाे ज्यान गएकाे पुष्टि

भदौ १७, काठमाण्डाै – नेपालमा कोरोना सङ्क्रमितको सङ्ख्या ४१ हजार ६ सय ४९ पुगेकाे छ । गएको २४ घण्टामा एक हजार एक सय २० जनामा कोरोना भाइरसकाे सङ्क्रमण पुष्टि भएकाे स्वास्थ्य तथा जनसङ्ख्या मन्त्रालयले जनाएको छ । यस्तै गएको २४ घण्टामा एक हजार एक सय १२ जना कोरोना सङ्क्रमित निको भएर घर फर्किएसँगै डिस्चार्ज हुनेकाे सङ्ख्या २३ हजार दुई सय ९० पुगेको छ ।

अब नेपालमा १८ हजार एक सय आठ जना सक्रिय सङ्क्रमित आइसाेलेशनमा रहेका छन् । यस्तै ६ हजार सात सय ६६ जना क्वरेण्टीनमा रहेकाे मन्त्रालयले जनाएको छ । 

यस्तै गएको २४ घण्टामा १२ जनाको ज्यान गएसँगै कोरोना सङ्क्रमणबाट ज्यान गुमाउनेको सङ्ख्या दुई सय ५१ पुगेको मन्त्रालयका प्रवक्ता डाक्टर जागेश्वर गौतमले जानकारी दिनुभयो । 

अर्घाखाँचीमा थप एकहप्ता लकडाउन हुने

श्याम घिमिरे
भदौ १७ अर्घाखाँची-
अर्घाखाँचीमा थप एक हप्ता लकडाउन हुने भएको छ । आज बिहान जिल्ला प्रशासन कार्यालयमा बसेको जिल्ला स्तरीय कोभिड १९ संकट व्यवस्थापन केन्द्र ( डिसीसीएमसी) को बैठकले भदौ २४ गते राती १२ बजेसम्मका लागी लकडाउन थप गर्ने निर्णय गरेको छ ।
यसअघि आज राती १२ बजेसम्मको लागि लकडाउन गरिएकोमा यसलाई बढाएर २४ गते राती १२ बजे सम्म लगिएको सहायक प्रमुख जिल्ला अधिकारी बिक्रम थापाले जानकारी दिनुभयो ।

देशका बिभिन्न जिल्लाहरु र छिमेकि जिल्ला कपिलवस्तु, रुपन्देही लगायतका क्षेत्रहरुमा कोरोना भाइरसको संक्रमण बढीरहेको र अर्घाखाँचीमा पनि समुदाय स्तरमा कोरोना संक्रमित हुन लागेपछि लकडाउन अबधि थपिएको प्रशासनले जनाएको छ । यसअघि जिल्ला प्रशासन कार्यालयमा मंगलबार गरीएकोे राजनितिक दल र सञ्चारकर्मीहरुसँगको छुट्टाछुट्टै भेटघाटमा लकडाउनलाई निरन्तरता दिन उनिहरुले सुझाव दिएका थिए ।

नेपाल टेलिकमको अप्टीकल फाईबर ब्रेक हुँदा अर्घाखाँचीका बिभिन्न स्थानका टाबरहरु अबरुद्ध

श्याम घिमिरे
भदौ १७ अर्घाखाँची-

नेपाल टेलिकमको अप्टीकल फाईबर (Adss) ब्रेक हुँदा अर्घाखाँचीका बिभिन्न स्थानका टाबरहरु अबरुद्ध भएकाछन । सदरमुकाम सन्धिखर्क देखी झण्डै साढे २ किलोमिटरको क्षेत्रमा अप्टीकल फाईबर ब्रेक हुँदा जिल्लाको किमडाँडा, धारापानी, ढाकावाङ, असुरकोट,हंसपुर,पाली र वाङ्लामा रहेका जिएसएम बिटिएस टाबर बन्द भएका हुन ।

टाबर बन्दहुँदा त्यस क्षेत्रका 2g,3g र 4g सेवा अबरुद्ध भएको नेपाल टेलिकम अर्घाखाँचीका कार्यालय प्रमुख गोबिन्द पराजुलीले जानकारी दिनुभएको छ । फाईबर मर्मत कार्यकोलागी फिल्डमा प्राबिधिकहरु खटिएपनि प्रतिकुल मौसमका कारण मर्मत कार्यमा समस्या परेको प्रमुख पराजुलीले बताउनुभएको छ । प्रतिकुल मौसमका बावजुतपनि प्राबिधिकहरु मर्मत कार्यमा जुटिरहेकोले यथासाध्य छिटो टाबरहरु सञ्चालनमा आउने टेलिकम अर्घाखाँचीका प्रमुख गोबिन्द पराजुलीले जानकारी दिनुभएको छ ।

कर्मचारीमा कोरोना देखिएपछि जिल्ला प्रशासन कार्यालय दाङको सेवा बन्द

भदौ १७, २०७७ दाङ : दाङमा जिल्ला प्रशासन कार्यालयका एक कर्मचारीमा कोरोना संक्रमण देखिएपछि अत्यावश्यक कामबाहेकका सेवा बन्द गरिएको छ। कार्यालयले मंगलबार सूचना जारी गर्दै कार्यालयमा कार्यरत एक कर्मचारीमा संक्रमण भएको पुष्टि गरेको हो। कर्मचारीमा कोरोना संक्रमण पुष्टि भएपछि कार्यालयबाट प्रदान गरिने शान्ति सुरक्षा र मुद्दालगायतका अत्यावश्यक सेवाबाहेक अन्य सेवा प्रदान गर्न बन्द गरिएको जानकारी दिइएको छ। प्रमुख जिल्ला अधिकारी गोविन्द्रप्रसाद रिजालद्वारा जारी विज्ञप्तिमा सेवा बुधवारदेखि अनिश्चितकालका लागि बन्द गरिएको जनाइएको छ।