सन्धिखर्क साना सहरी खानेपानी संस्थाको बैठक सम्पन्न, भदौ १ गतेदेखी सन्धिखर्कमा खानेपानीको न्यूनतम महशुल २५० हुने

श्याम घिमिरे
साउन २५ अर्घाखाँची–
सन्धिखर्क साना सहरी खानेपानी तथा सरसफाई नगर आयोजना उपभोक्ता मूल संस्थाको बैठक आज सन्धिखर्कमा सम्पन्न भएको छ । संस्थाका अध्यक्ष दुर्गा प्रसाद श्रेष्ठको अध्यक्षता, बरीष्ठ उपाध्यक्ष रामबहादुर रायमाझीको स्वागत मनतब्य र सचिब कमलप्रसाद घिमिरेको सञ्चालनमा सम्पन्न बैठकले आगामी भाद्र १ गतेदेखी खानेपानीको न्यूनतम शुल्क घटाउने लगायतका महत्वपुर्ण निर्णय गरेको छ । संस्थाले नौलापानी राटटारी सन्धिखर्क १ र २ को खानेपानी आयोजनाको पानी आपुर्ति गर्ने कार्य सञ्चालनमा ल्याएकोले आगामी भाद्र १ गते देखी लागुहुने गरी साबिकको न्यूनतम महशुल रु ३२० लाई घटाई रु २५० कायम गर्ने निर्णय गरेको कार्यालय प्रमुख कृष्णप्रसाद आचार्यले जानकारी दिनुभयो ।

यस्तै बैठकले संस्थाले ल्याएको कार्यक्षेत्र भित्र निर्माण व्यवसायी र उपभोक्ताहरुले सडक निर्माण कार्य गर्दा, घर निर्माण गर्दा र अन्य निर्माणका कार्यहरु गर्दा खानेपानीका पाईपहरु काटिने गरेकोले अब उप्रान्त निर्माण कार्य गर्दा र गराउदा संस्थासंग समन्वय गर्न आग्रह समेत गरेको छ । यस्तै बैठकले गत बर्षको समीक्षा र आगामि बर्षको कार्य योजना निर्माण गर्नुका साथै आय(व्यय सार्वजनिक गरेको कार्यालय प्रमुख आचार्यले बताउनु भयो । बैठकले खानेपानी सञ्चालनमा सहयोग पु¥याउने सम्पुर्ण संघसंस्था ,राजनीतिक दल,निर्माण व्यवसायी ,उपभोक्ता ,नागरिक समाज लगायतलाई धन्यवाद दिने निर्णय समेत गरेको संस्थाका सचिब कमलप्रसाद घिमिरेले बताउनुभयो ।

शितगंगा नगरपालीकाको आईसोलेशनबाट एकजना डिस्चार्ज भएसंगै जिल्लामा अब एकजना मात्रै कोरोना संक्रमित आइसोलेशनमा


श्याम घिमिरे
साउन २५ अर्घाखाँची –

अर्घाखाँचीमा अब एक जना मात्रै कोरोना संक्रमित आइसोलेशनमा रहेका छन । पछिल्लो समय शितगंगा नगरपालीकाको आईसोलेशनबाट एकजना डिस्चार्ज भएसंगै जिल्लामा अहिले एकजनामात्रै कोरोना संक्रमित आईसोलेशनमा रहेका छन । हालसम्म ३ सय २७ जना संक्रमित भएको जिल्लामा अहिले भने एक जना मात्रै संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ । यो संगै जिल्लामा कोरोना संक्रमितको संख्या घट्दै गएको छ । हाल सन्धिखर्क नगरपालीकामा एक जना मात्रै संक्रमित आइसोलेशनमा रहेका छन् । ३२७ जना संक्रमितमध्ये ३२३ जना कोरोनामुक्त भएर घर फर्केको प्रशासनले जनाएको छ ।

संक्रमितमध्ये हालसम्म सन्धिखर्क नगरपालिकाका ४३ जना, शितगंगा नगरपालिकाका ६५ जना , भुमिकास्थान नगरपालीकाका १०६ जना,मालारानी गाउँपालीकाका ६७ जना, पाणिनी गाउँपालिकाका १४ जना र छत्रदेव गाउँपालिकाका २८ जना गरि ३२३ जना डिस्चार्ज भएका छन । कोरोना संक्रमणका कारण शितगंगा, भुमिकास्थान र मालारानीका १÷१ जना गरी ३ जनाको मृत्यु गैसकेको छ ।

यसैबिच सनिबार दिउँसो सम्म जिल्लाका बिभिन्न क्वरेन्टीनमा १२८ जना व्यक्तिहरु रहेका छन् । गत जेठ महिनासम्म क्वरेन्टीनमा बस्नेको संख्या ६ हजार भन्दा माथी पुगेको भएपनि पछिल्लो समय भारत लगायत अन्य मुलुकबाट आउनेको संख्या कमी भएको र दैनिक डिस्चार्ज हुनेको संख्यामा बृद्धि भएकोले क्वरेन्टीनमा बस्नेको संख्या घट्दै गएको हो ।

पछिल्लो २४ घण्टामा शितगंगा नगरपालीकामा ३ जना,भुमिकास्थान नगरपालीकामा ८ जना र छत्रदेव गाउँपालीकामा ३ जना गरी जम्मा १४ जना व्यक्तिहरु क्वरेन्टीनमा थपिएका छन भने सन्धिखर्क नगरपालीकाको क्वरेन्टीनबाट १ जना मात्रै डिस्चार्ज भएको जिल्ला प्रशासन कार्यालय अर्घाखाँचीका सहायक प्रजिअ बिनोद खनालले जानकारी दिनुभएको छ ।

यता समुदाय स्तरमा कोरोना संक्रमण छ कि छैन भनेर जिल्लाबाट चेकजाँचको लागी पठाईएका २०३ जनाको स्वाब मध्ये १९१ जनाको पिसीआर रिपोर्ट नेगेटिभ आएको छ भने अन्य १२ जनाको रिपोट आउन काँकी रहेको प्रमुख जिल्ला अधिकारी बिजयराज पौडेलले जानकारी दिनुभएको छ ।

अर्घाखाचीमा तपाईको मास्क खै ? अभियान शुरु, माक्स नलगाउने ८८ जनालाई जरीवाना


श्याम घिमिरे
साउन २५ अर्घाखाँची-

अर्घाखाँची जिल्लामा तपाईको मास्क खै ? अभियान शुरु भएको छ । लकडाउन हटेपनि कोरोना भाइरस संक्रमणको जोखिम कायमै रहेकोले नागरिकहरुलार्ई मास्क लगाउन आग्रह गर्ने उद्धेश्यका साथ तपाईको मास्क खै ? अभियान शुरु गरिएको जिल्ला प्रहरी कार्यालय अर्घाखाँचीका प्रहरी नायब उपरीक्षक माधब बुढाथोकीले जानकारी दिनुभयो । कोरोना संक्रमणको जोखिम भईरहदा पनि मास्क नलगाई हिड्न थालेपछि सर्वसाधारणलाई मास्क लगाउन प्रेरित गर्ने उद्देश्यले अभियान चलाइएको बुढाथोकीले बताउनुभयो ।

सुक्रवार सन्धिखर्क बजारमा मास्क नलगाई हिँड्ने व्यक्तिहरुलाई जिल्ला प्रशासनले निशुल्क मास्क समेत वितरण गरेको थियो भने जिल्ला प्रहरी कार्यालयको सक्रियतामा सन्धिखर्क र चुत्रावेसी बजारमा मास्क लगाउन आग्रह गर्दै चेतनामुलक कार्यक्रम स्वरुप माईकिङ् गर्ने , मास्क नलगाएका व्यक्तिलाई सम्झाउने, बुझाउने लगायतका कामहरु पनि गर्दै आएको छ ।

अभियान अन्तर्गत हाल सम्म स्वास्थ्य सुरक्षा मापदण्ड उल्लङघन गर्ने ८८ जनालाई प्रति व्यक्ति रु १ सयका दरले जरीवाना गरिएको र ४३०८ जनालाई स्वास्थ्य सुरक्षा सम्बन्धी प्रशिक्षण दिईएको जिल्ला प्रहरी कार्यालय अर्घाखाँचीका सुचना अधिकारी प्रहरी निरीक्षक प्रकाश खत्रीले जानकारी दिनुभयो ।

अब अर्घाखाँची जिल्लामा पनि मास्क नलगाई घरबाहिर हिँडडुल गर्नेलाई प्रशासनले कारबाहि गर्ने छ । लकडाउन खुल्ला भयो भनेर धेरै जना मास्क विना नै बजारहरुमा ओहोरदोहोर गर्ने गरेको र जसका कारण संक्रमण फैलन सक्ने जोखिम रहेकाले अब जिल्लामा पनि मास्क नलगाईकन हिँड्न नपाईने प्रमुख जिल्ला अधिकारी बिजयराज पौडेलले बताउनुभयो । नागरिकहरु आफै सचेत बन्नुपर्ने बताउँदै प्रजिअ पौडेलले भिडभाड नगर्न , बजारहरुमा निस्कदा मास्क लगाउन आग्रह गर्नुभएको छ ।

अवदेखि घरबाहीर निस्कदा र भिडभाडमा मास्क नलगाई हिँड्नेलाई संक्रामक रोग ऐन २०२० अनुसार एक सय रुपैयाँ जरिवाना समेत तिराउने जिल्ला प्रशासन कार्यालय अर्घाखाँचीले जनाएको छ ।