एमसीसी खारेजीको माग गर्दे राजमो अर्घाखाँचीद्धारा सन्धिखर्कमा विरोध सभा ।


श्याम घिमिरे
असार ११ अर्घाखाँची –

अमेरिकन सहायता परियोजना मिलेनियम च्यालेन्ज कर्पोरेसन (एमसीसी) खारेजीको माग गर्दै राष्ट्रिय जनमोर्चा अर्घाखाँचीले बिहिवार सदरमुकाम सन्धिखर्कमा बिरोध सभा सम्पन्न गरेको छ । सभालाई सम्बोधन गर्दे राजमो अर्घाखाँची अध्यक्ष थम्मन केसीले अमेरिकी सहयोग मिलेनियम च्यालेन्ज कर्पोरेशन (एमसीसी) सम्झौता देखाउने दाँत मात्रै भएको र असली दाँत आइपीएस भएको बताउनुभयो । आइपीएस भारत र अमेरिकाको प्रोजेक्ट हो, हाम्रो राष्ट्रियता, सार्बभौमीकता र असंलग्न परराष्ट्र नीति पैसासित साटिन्न, हामी कहिल्यै गुलाम भएनौँ र एमसीसी मार्फत पनि गुलाम हुने छैनौँ । स्वयंम प्रधानमन्त्री केपी शर्मा ओलीकै पार्टीले पनि भनेको छ, कि एमसीसी जस्ताको त्यस्तै पास गरेर जाने हो भने नेपालको ऐन, कानुन र संबिधान भन्दा माथि जान्छ । जसले राष्ट्रियता, सार्वभौमिकता माथि हस्तक्षेप हुन्छ ।’

अध्यक्ष केसीले एमसीसी परियोजनाको सम्पुर्ण बौद्धिक सम्पत्ति अमेरिकाको हुने, परियोजना निर्माण पछिको सक्कली डकुमेण्ट अमेरिकालाई बुझाउनु पर्ने, लेखा रिपोर्ट नेपालले गर्न नपाउने, एमसीसीको प्रावधानमा अमेरिकी सुरक्षा नीति र सुरक्षा नीतिको प्रतिकुल भएमा परियोजना खारेज हुने, अमेरिकी हित विपरित भए स्वतः खारेज हुने, परियोजनाको बुँदासंग नेपालको कानुन बाँझिएमा नेपालको कानुन खारेज हुनेजस्ता प्रावधानले एमसीसी राष्ट्रहित विपरित भएको बताउनुभयो । नेपालमा पछिल्लो समय नेकपा मसाल लगायतका दलहरुले एमसीसीको परियोजना नेपालको हितमा नभएको भन्दै विरोध गर्दै आईरहेका छन ।

नेपालमा कोभिड-१९ बाट मृत्यु हुनेको संख्या २६ पुग्‍यो

असार ११, २०७७ काठमाडौं : नेपालमा कोरोना भाइरस (कोभिड—१९) बाट मृत्यु हुनेको संख्या २६ पुगेको छ। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा स्याङ्जाका १ र ललितपुरका १ जना गरी २ दुई जनाको मृत्यु भएसँगै मृतकको संख्या २६ पुगेको हो। मन्त्रालयका प्रवक्ता डा. जागेश्वर गौतमका अनुसार मधुमेहका बिरामी स्याङ्जाको आँधिखोला १ का ५५ वर्षीय पुरुषमा असार ८ गते कोरोना पोजेटिभ देखिएको थियो। कोरोना पोजेटिभ देखिएको ती पुरुषको पश्चिमाञ्चल क्षेत्रिय अस्पतालको आइसियुमा उपचारकै क्रममा हिजो मृत्यु भएको हो।

यस्तै, ललितपुरको महालक्ष्मी ५ का ५० वर्षीय पुरुषको आज विहान मृत्यु भएको हो। ५ महिनाअघि मानव अंग प्रत्यारोपण केन्द्र भक्तपुरमा मिर्गौला प्रत्यारोपण गरेका पुरुषको स्वास्थ्यमा समस्या देखिएपछि अस्पताल भर्ना भएका थिए। नर्भिक अस्पतालमा उपचारका क्रममा कोरोना पोजेटिभ देखिएपछि उनलाई पाटन अस्पताल भर्ना गरिएको थियो। कोरोना संक्रमितको संख्या ११ हजार १ सय ६२ पुगेको छ। जसमा महिला १ हजार १ सय ४२ र पुरुष १ हजार २० जना रहेका छन्।

बिहीबार महिला ४८ र पुरुष ३ सय ८६ गरी ४ सय ३४ जनामा कोरोना पोजेटिभ देखिएको प्रवक्ता डा. गौतमले बताए। गत २४ घण्टामा पीसीआर विधिबाट बिहीबार ६ हजार ५ सय ४३ गरी आजसम्म १ लाख ९९ हजार ७ सय ३७ जनाको परीक्षण भएको छ। यस्तै आरडिटी विधिबाट बिहीबार ४ हजार १ सय ६७ गरी आजसम्म २ लाख ८७ हजार ८ सय ६३ जनाको परीक्षण भएको छ। अहिले देशभरका क्वारेन्टाइनमा ७४ हजार २२ जना रहेका छन्। यस्तै ८ हजार ४ सय २२ जना आइसोलेसनमा रहेका छन्। बिहीबार महिला १९ र पुरुष २ सय ९३ गरी ३ सय १२ जना डिस्चार्ज भएका छन्। आजसम्म २ हजार ६ सय ५० जना डिस्चार्ज भएको उनले बताए ।

नेपालमा काेराेना सङ्क्रमितकाे सङ्ख्या ११ हजार नाघ्याे,बिहीबार मात्रै ४३४ जना थपिए

असार ११, २०७७ काठमाडौं : पछिल्लो २४ घण्टामा देशका विभिन्न प्रयोगशालामा गरिएको पिसिआर परीक्षणमा  ४३४ जना संक्रमित थपिएका छन्।  स्वास्थ्य तथा जनसंख्या मन्त्रालयले कोरोना अपडेटबारे नियमित प्रेस ब्रिफिङमा यस्तो जानकारी दिएको हो।  आज थपिएका संक्रमितहरूमा ४८ जना महिला र ३८६ पुरुष छन्। यससँगै नेपालमा हाल कुल संक्रमितको संख्या ११ हजार १६२ पुगेको मन्त्रालयका प्रवक्ता जागेश्वर गौतमले जानकारी दिए। हालसम्म रसुवाबाहेक ७६ जिल्लामा कोरोना संक्रमित पुगिसकेको छ।

शितगंगामा थप एकजनामा कोरोना संक्रमण पुष्टि, संक्रमितको संख्या २५१ पुग्यो, ४८ जनाले कोरोनालाई जिते ,एकैदिन २३६ जना डिस्चार्ज


श्याम घिमिरे
असार ११ अर्घाखाँची –

जिल्लाको शितगंगा नगरपालिकामा थप एकजनामा कोरोना पोजेटिभ देखिएको छ । बुधबार गरीएको परीक्षणमा शितगंगा नगरपालिकाका एकजनामा कोरोना संक्रमण पुष्टिभएको हो । यो संगै अर्घाखाँचीमा कोरोना संक्रमितको संख्या २५१ पुगेको स्वास्थ्य कार्यालय अर्घाखाँचीले जनाएको छ । हाल सम्म संक्रमित हुनेहरुमा सन्धिखर्क नगरपालिकाका ३९ जना शितगंगा नगरपालिकाका ४५ जना, भूमिकास्थान नगरपालिकाका ७३ जना,मालारानी गाउँपालिकाका ६७ जना, छत्रदेव गाउँपालिकाका १८ जना र पाणिनी गाउँपालिकाका ९ जना गरि जम्मा २५१ जना रहेका छन ।

यता जिल्लाका बिभिन्न क्वरेन्टीनमा रहेका ४८ जना कोरोना संक्रमितहरु निको भएका छन । मंगलवार साँझसम्म सन्धिखर्क नगरपालिकाबाट २९ जना शितगंगा नगरपालिकाका १५ जना, छत्रदेव गाउँपालिकाका १ र पाणिनी गाउँपालिकाका ३ जना गरि जम्मा ४८ जना कोरोना भाईरबाट निको भएका स्वास्थ्य कार्यालयले जनाएको छ । हालसम्म कोरोना भाईरसका कारण भुमिकास्थानमा १ जना र मालारानी गाउँपालीकामा १ जना गरी २ जनाको ज्यान गएको छ ।

यता जिल्लामा भारतबाट आएका १५ सय भन्दा धेरै व्यक्तिहरु बिभिन्न क्वरेन्टीनमा रहेका छन । जिल्लाका ६ वटा स्थानीय सरकारले निर्माण गरेका २ सय ४३ स्थानका क्वरेन्टीनमा बुधबार दिउँसो ३ बजे सम्म १५ सय ३७ जना व्यक्तिहरु रहेको जिल्ला प्रशासन कार्यालय अर्घाखाँचीले जनाएको छ । जसमध्ये सन्धिखर्क नगरपालीकामा १५९ जना, शितगंगा नगरपालीकामा ४११ जना, भूमिकास्थान नगरपालीकामा ३१६ जना, छत्रदेव गाउँपालीकामा २७९ जना, मालारानी गाउँपालीकामा ३११ जना र पाणिनी गाँउपालीकामा ६१ जना रहेको अर्घाखाँचीका सहायक प्रमुख जिल्ला अधिकारी बिनोद खनालले जानकारी दिनुभयो ।

यस्तै पछिल्लो २४ घण्टामा बिभिन्न पालीकाको क्वरेन्टीनबाट २३६ जना डिस्चार्ज भएका छन भने ८ जना थपिएका छन । ६ वटा स्थानिय सरकारले निर्माण गरेका २ सय ४३ स्थानका क्वरेन्टीनमा ५१ सय ३ वटा बेड संख्या रहेका छन । यता कोरोना पोजेटिभ देखिएका मध्ये २५१ जना मध्ये २ सय जनालाई बिभिन्न स्थानमा रहेका आईसोलेशन स्थानमा राखीएको छ, उनिहरु सबैको स्वास्थ्य अबस्था सामान्य रहेको अर्घाखाँची अस्पतालका प्रमुख डा.कपिल गौतमले जानकारी दिनुभएको छ ।

सन्धिखर्क नगरपालिकाको सातौ नगर सभा तथा बजेट अधिवेशन सम्पन्न ।


सन्धिखर्क एफएम असार १०-
सन्धिखर्क नगरपालिकाको सातौ नगर सभा तथा बजेट अधिवेशन बुधबार सम्पन्न भएको छ । सभाले आ.व.२०७७÷०७८को कुल वार्षिक बजेट रु ८७ करोड ४९ लाख मध्ये चालु तर्फ रु ४७ करोड ८४लाख ३० हजार (कुल बजेटको ५४.६८ प्रतिशत) र पुजी गत तर्फ रु ३९करोड ४४ लाख ७० हजार (४५.३२प्रतिशत) बजेट पास भएको नगरप्रमुख कमल भुसालले बताउनुभयो ।