अर्घाखाँचीमा थप ६ जनामा कोरोना पुष्टि, संक्रमितको संख्या १६५ पुग्यो

श्याम घिमिरे असार ५ अर्घाखाँची –

अर्घाखाँची जिल्लामा सुक्रबार थप ६ जनामा कोरोना संक्रमण पुष्टि भएको छ । जिल्लाको पाणिनी गाउँपालिकाका ४ जना र शितगंगा नगरपालीकाका २ जना गरी ६ जनामा कोरोना पुष्टि भएको स्वास्थ्य कार्यालय अर्घाखाँचीका प्रमुख पुष्पा थापाले जानकारी दिनुभयो । ६ जना संक्रमित थपिएसंगै जिल्लामा संक्रमितको संख्या १ सय ६५ पुगेको छ । जसमा भुमिकास्थान नगरपालिकामा ६२ जना, पाणिनि गाउँपालिकामा ९ जना, छत्रदेव गाउँपालिकामा १० जना, सन्धिखर्क नगरपालिकामा २९ जना, मालारानि गाउँपालिकामा १८ जना र शितगंगा नगरपालिकामा ३७ जना गरी जम्मा १६५ जना कोरोना संक्रमित रहेको स्वास्थ्य कार्यालयले जनाएको छ । यस्तै २ जनाको भने कोरोनाकै कारण ज्यान गईसकेको छ ।

यता जिल्लामा भारतबाट आएका झण्डै २ हजार व्यक्तिहरु बिभिन्न क्वरेन्टीनमा रहेका छन । जिल्लाका ६ वटा स्थानीय सरकारले निर्माण गरेका २ सय ४३ स्थानका क्वरेन्टीनमा सुक्रवार दिउँसो ३ बजे सम्म १९ सय ८० जना व्यक्तिहरु रहेको जिल्ला प्रशासन कार्यालय अर्घाखाँचीले जनाएको छ ।

जसमध्ये सन्धिखर्क नगरपालीकामा २ सय ५५ जना, शितगंगा नगरपालीकामा ५ सय ७ जना, भूमिकास्थान नगरपालीकामा ५ सय १२ जना, छत्रदेव गाउँपालीकामा २ सय ७२ जना, मालारानी गाउँपालीकामा ३ सय ३७ जना र पाणिनी गाँउपालीकामा ९७ जना रहेको सहायक प्रमुख जिल्ला अधिकारी बिनोद खनालले जानकारी दिनुभएको छ । पछिल्लो २४ घण्टामा बिभिन्न पालीकाको क्वरेन्टीनबाट ११९ जना डिस्चार्ज भएका छन भने ३३ जना थपिएका छन । ६ वटा स्थानिय सरकारले निर्माण गरेका २ सय ४३ स्थानका क्वरेन्टीनमा ५१ सय ३ वटा बेड संख्या रहेका छन । यता कोरोना पोजेटिभ देखिएका मध्ये १०५ जनालाई बिभिन्न आईसोलेशन स्थानमा राखीएको छ, उनिहरु सबैको स्वास्थ्य अबस्था सामान्य रहेको अर्घाखाँची अस्पतालका प्रमुख डा.कपिल गौतमले बताउनुभएको छ ।

Advertisement

कोभिड- १९ सम्बन्धी अभिमुखिकरण कार्यक्रम सन्धिखर्कमा सम्पन्न

५ असार अर्घाखाँची – जिल्ला समन्वय समिति अर्घाखाँचीका प्रमुख पिताम्बर शर्मा भुसालले कोरोना भाइरस कोभिड १९ मा संक्रमितहरुले आत्मबल वृद्धि गरि हाइजनीक खानेकुरा जस्तै गुर्जो तातो पानी, ज्वानो बेसार कागती, खानका लागी आग्रह गरेका छन ।

युएसआईडीको आर्थिक सहयोग, स्वास्थ्य कार्यालयको समन्वय लुम्बिनी सामाजिक विकास केन्द्रको साझेदारीमा सञ्चालित सुआहारा दोस्रोको चौथो बर्ष अन्तर्गत अर्घाखाँची जिल्लाको सन्धिखर्कमा एक दिने कोभिड १९ सम्बन्धि जिल्ला स्तरिय अभिमुखिकरण कार्यक्रम सम्पन्न भयो ।

सोही कार्यक्रममा स्वास्थ्य कार्यालयका गणेश राज पौडेल, विजय विक र सुआहाराका डा समिर थपलियाले कोभिड १९ सम्बन्धि कोरोना भाईरस रोग,परिचय,सर्ने तरिकाहरु, सराइ अवधि, लक्षण तथा चिन्हहरु,गम्भिर जोखिमका हुने मानिसहरु, अन्तरराष्ट्रिय तथा राष्ट्रिय स्तरमा कोभिड १९ को अवस्था, रोगथाम, नियन्त्रण र उपचार व्यवस्थापनमा संचालन भएका क्रियाकलापहरु, विश्वब्यापि महामारीको सन्दर्भमा पोषणको महत्व, सामाजिक कलंङ्क र रोगथाम, नियन्त्रण र उपचार व्यवस्थापन यसले पार्ने प्रभाव र मानसिक तथा मनोपरामर्स र महामारीमा को रोगथाम, नियन्त्रण र उपचार व्यवस्थापनमा व्यक्ति, परिवार, समुदाय, सामाजिक स्वमसेवकहरुको भुमिकाको बारेमा सहजीकरण गरेका थिए ।

सुआहारा चौथो बर्षमा सञ्चालित क्रियाकलापहरुको उपलब्धि र लकडाउनको समयमा फिल्डमा रहेका कर्मचारीहरुले मोबाइल मार्फत हजार दिनका र अन्य घर धुरिमा परामर्श गरेको बारेमा फिल्ड सयोंजक हरि प्रसाद पौडेलले समिक्षा तथा प्रस्तुत भएको थियो ।

कार्यक्रममा जिल्ला प्रशासन कार्यालय अर्घाखाँचीका सहायक प्रमुख जिल्ला अधिकारी विक्रम थापा, स्थानिय तहका स्वास्थ्य शाखा सयोजक र जिल्ला स्तरिय सरोकारवालाहरु पत्रकार महासघं, जिल्ला विपत व्यवस्थापन समिति, कृषि ज्ञान केन्द्र र शिक्षा समन्वय इकाई कायालयका प्रमुख तथा प्रतिनिधीहरुको सहभागिता रहेको थियो । कार्यक्रम स्वास्थ्य कार्यालय अर्घाखाँचीका प्रमुख पुष्पा थापाको अध्यक्षता र सुचना अधिकारी विजय विकको सञ्चालनमा सम्पन्न भएको थियो । source:hindukhabar

अर्घाखाँचीमा दुई छुट्टाछुट्टै घटनामा दुईजनाको मृत्यु

श्याम घिमिरे असार ५ अर्घाखाँची –
अर्घाखाँचीमा दुई छुट्टाछुट्टै घटनामा बिहिबार दुईजनाको ज्यान गएको छ । जिल्लाको मालारानी गाउँपालिका र सन्धिखर्क नगरपालिकामा भएका छुट्टाछुट्टै घटनामा दुई जनाको मृत्यु भएको हो । टारी खेतमा रोपाँई गरी घर फर्कने क्रममा मालारानी गाउँपालिका वडानं.५ बाँगी आरुखोला निवासी ४९ बर्षीय मन बहादुर खत्रीको घर नजिकै बाटोदेखि अन्दाजी ५० मिटर तल खस्न गई मृत्यु भएको जिल्ला प्रहरी कार्यलय अर्घाखाँचीका सुचना अधिकारी प्रहरी निरिक्षक प्रकाश खत्रीले जानकारी दिनुभयो । घाईते भएका खत्रीको उपचारको लागि जिल्ला अस्पताल सन्धिखर्क ल्याउने क्रममा बाटो मै मृत्यु भएको हो ।

यस्तै सन्धिखर्क नगरपालिका वडा नम्बर–२, भलायडाँडा निवासी ५५ बर्षीय बसन्त कुमालको सन्धिखर्कमा रहेको सुस्त मनस्थिति स्कुलको भवन निर्माणको काम गर्ने क्रममा लडेर मृत्यु भएको हो । लडेर घाइते भएका कुमाललाई उपचारको लागि बुटवल लैजाने क्रममा बाटोमै मृत्यु भएको प्रहरी निरिक्षक खत्रीले जानकारी दिनुभयो । दुवै घटनाको बारेमा थप अनुसन्धान भई रहेको प्रहरीले जनाएको छ ।