आइसोलेशनमा रहेका व्यक्तिहरुको अबस्था बुझन प्रजिअ पौडेल आइसोलेशन स्थलमा


सन्धिखर्क एफएम
जेठ २८ अर्घाखाँची-
अर्घाखाँचीका प्रमुख जिल्ला अधिकारी बिजयराज पौडेल आइसोलेशनमा रहेका व्यक्तिहरुको अबस्था बुझन् बुधबार रबि चित्र जनता युबाबर्ष माबि हटारी पुगेका छन । कोरोना पोजेटिभ देखिएपछि आईसोलेशनमा बसेका व्यक्तिहरुको बसाई लगायतको अबस्था बुझन प्रजिअ पौडेल आईसोलेशन स्थानमा पुगेका हुन । हटारीमा ३४ जना कोरोना संक्रमित व्यक्तिहरु आईसोलेशमा रहेका छन । यस्तै जिल्लामा हाल सम्म देखिएका ३६ जना संक्रमित मध्ये १ जनाको मृत्यु भैसकेको छ भने सन्धिखर्क नगर उपप्रमुख आफ्नै निबासमा होम आईसोलेशनमा बसेका छन । हाल उनीहरुको स्वास्थ्थ अबस्था सामान्य रहेको छ ।

यसैबिच पौडेलले जिल्लामा थप संक्रमितको संख्या बढ्न सक्ने भन्दै संक्रमितहरु राख्नकोलागी सन्धिखर्कमा रहेको अर्घाखाँची आबासिय माबी , मथुरामा रहेको सिटिइभिटी कलेज र शारदा माबी ढिकुरमा थप आइसोलेशन सेन्टर बनाउन बिभिन्न निकायहरुसंग छलफल समेत चलाइएको बताए ।

अर्घाखाँची : क्वरेण्टीनमा बसेका एक जनाकाे मृत्यु

जेठ २८,अर्घाखाँची – मालारानी गाउँपालिकाको क्वरेण्टीनमा बसेर उपचारको लागि बुटबल गएर पर्कँदै गरेका एक पुरुषको मृत्यु भएको छ । मालारानी गाउँपालिका ४ ब्याडापाटाको सार्वजनिक आधारभूत विद्यालयमा रहेको क्वरेण्टीनमा बसेका ५७ वर्षीय पुरुषको उपचार गरी फर्कँर्दै गर्दा बाटोमै मृत्यु भएको जिल्ला स्वास्थ्य कार्यलयका जन स्वास्थ्य निरीक्षक गणेशराज पौडेलले बताउनुभयो । 

भारतबाट आउनुभएका उहाँ क्वारेण्टीनमा बस्दै आउनुभएको थियो । घाटीको शल्यक्रियासमेत गर्नुभएका उहाँलाई श्वासप्रश्वासमा समस्या आएपछि उपचारको लागि मङ्गलबार जिल्ला अस्पताल सन्धिखर्क जानुभएको थियो । सन्धिखर्कमा सामान्य उपचारपछि उहाँलाई थप उपचारको लागि लुम्बिनी प्रादेशिक अस्पताल बुटबल रिफर गरिएको थियो । लुम्बिनी प्रादेसिक अस्पतालमा उपचारपछि घर फर्कँदै गर्दा उहाँको गोरुसिङ्गे सन्धिखर्क सडकको कोन्द्रे खोलामा मृत्यु भएको स्थानीय गोकुल रिजालले बताउनुभयो । उनको स्वाब परीक्षणको लागि पठाइएको जिल्ला स्वास्थ्य कार्यलयले जनाएको छ ।  source:ujyaaloonline

यात्रु बाेकेर क्वरेण्टीन हिँडेकाे टिप्पर कर्णालीमा खस्याे, ३० भन्दा बढी बेपत्ता

जेठ २८, २०७७ बुधबार कालीकोट – रास्कोट नगरपालिकाको टिप्पर लालीघाट बजार नजिकै दुर्घना भएको छ । लालीघाटबाट मान्छे लिएर क्वरेण्टीनतर्फ गइरहेकाे टिप्पर कर्णाली नदीमा खसेकाे हाे । टिप्परमा ४० जनाकाे हाराहारीमा यात्रु रहेकाे बताइएकाे छ । 

तीन जनाको शव भेटिएको र ३० भन्दा बढी हराइरहेको प्रारम्भिक जानकारी आएको छ । उद्धारकाे लागि नेपाल प्रहरी, नेपाल आर्मी घटनास्थलतर्फ गएको सहायक प्रमुख जिल्ला अधिकारी युवराज गुरागाईँले बताउनुभयो । source:ujyaaloonline

जर्ज फ्लोयडको अन्त्येष्टि : आमाकै चिहानछेउ गाडियो, हत्या गर्नेलाई जमानत

जेठ २८, २०७७ – अमेरिकी प्रहरीद्वारा हत्या गरिएका जर्ज फ्लोयटको अन्तेष्टिमा हजारौं मानिसहरु उपस्थित भएका छन्। फ्लोयडको शवलाई उनकै आमाको चिहानछेउ अन्तेष्टि गरिएको छ।  टेक्सस राज्यको ह्युस्टन शहरमा फ्लोयडको अन्तिम संस्कार गरिएको हो। अत्येष्टिमा सहभागी नश्लीय हिंसाविरोधी आन्दोलनकारीहरुले फ्लोयडलाई सदैव सम्झिने भन्दै अमेरिकामा कालो भएर जन्मनु नै उनको अपराध भएको प्रतिक्रिया दिएका छन्।

फ्लोयडको जन्म भएको नर्थ क्यारोलिना राज्यमा आयोजित श्रद्धाञ्जली सभामा पनि हजारौं मानिसहरु उपस्थित भएका छन्।  २५ मे मा फ्लोयडलाई मिनियापोलिस राज्यका एक प्रहरी अधिकारीले भुईँमा लडाएर घुँडाले घाँटी थिचि मारिदिएका थिए। गिरफ्तार गरेपछि फ्लोयडको घाँटीलाई ती प्रहरी अधिकारीले लगभग ९ मिनेटसम्म घुँडाले दबाएका थिए। 

काला जातिमाथि प्रहरी ज्याजदीको चरमोत्कर्षका रुपमा फ्लोयडको हत्या भएपछि सो अपराधमा संलग्न प्रहरी अकिारीसहित चार जनाविरुद्ध कारबाही अघि बढाइएको छ। 

फ्लोयडको हत्यामा संलग्न मिनियापोलिस शहरका पूर्व पुलिसकर्मी डेरेक साविनलाई जमानत दिइएको छ।  निजलाई १२ लाख ५० हजार अमेरिकी डलर जमानत तोकिएको हो। साविनमाथि सेकेन्ड डिग्री मर्डरको आरोप लगाइएको छ। यस मामिलामा अन्य तीन पुलिसकर्मीलाई पनि जागिरबाट निकालिएको छ। 

फ्लोयडको हत्या भएपछि डेमोक्रेटिक पार्टीका नेताहरुले प्रहरी बबृरता र नश्लवादका विरुद्ध प्रहरी प्रशासन सुधारका लागि एक बृहद कानुन ल्याउन प्रस्ताव गरेका छन्।

source:thahakhabar

धानमन्त्री ओलीले संसदमा सम्बोधन गर्ने

जेठ २८, २०७७ काठमाडौं : प्रधानमन्त्री केपी शर्मा ओलीले आज संसदमा सम्बोधन गर्ने भएका छन्। बिहान ११ बजे प्रधानमन्त्री ओलीले  संसदमा सम्बोधन गर्ने कार्यक्रम रहेको प्रधानमन्त्रीको सचिवालयले जनाएको छ।  प्रधानमन्त्री ओलीले सम्बोधन गर्ने भनिएपनि  कोरोना रोकथाम तथा नियन्त्रणका लागि सरकारले गरेका काम, संसदमा पेश गरिएको बजेटलगायतका विषयमा संसदमा उठेका प्रश्नहरुको प्रत्युत्तरको जवाफ दिने सिलसिलामा बोल्ने थाहा भएको छ।  लकडाउनको  निर्णय गर्न आजै मन्त्रिपरिषद् बैठक बस्ने छ।

आजको बैठकले लकडाउनको नयाँ मोडालिटी कस्तो बनाउने भन्ने विषयमा निर्णय गर्ने छ। बैठक दिउँसो २ बजे प्रधानमन्त्री निवास बालुवाटारमा बस्नेछ। गत चैत ११ गतेदेखि लकडाउन लागू गरेको सरकारले पछिल्लोपटक थपेको अवधि यही जेठ ३२ गते सकिँदै छ। आजको  मन्त्रिपरिषद् बैठकले अब लकडाउन कस्तो बनाउने, कहिलेसम्म लम्ब्याउने भन्ने विषयमा समेत निर्णय गर्ने एक मन्त्रीले मन्त्रीले जानकारी दिए।  लकडाउन लम्बिँदै गएपछि व्यवसायी तथा सर्वसाधारणले उल्लंघन गर्ने क्रम बढिरहेको छ। काठमाडौं उपत्यकामा पसल खोल्ने विषयमा दैनिकजसो व्यापारी र प्रहरीबीच विवाद हुने गरेको छ। लकडाउनकाे  माेडालिटी तय गर्न प्रधानमन्त्री ओलीले अघिल्लो हप्ता मात्रै विज्ञहरुसँग छलफल गरेका थिए।