नेपालमा कोरोना सङ्क्रमितको सङ्ख्या ३ हजार २३५, शनिबार थपिए ३२३

जेठ २४,काठमाण्डाै – नेपालमा कोरोना सङ्क्रमितको सङ्ख्या तीन हजार दुई सय ३५ पुगेको छ । पछिल्लो २४ घण्टामा थप तीन सय २३ जनामा कोरोना देखिएको स्वास्थ्य तथा जनसङ्ख्या मन्त्रालयले जनाएको छ । शनिबार सङ्क्रमित भएकामा दुई सय ८६ जना पुरूष र ३७ जना महिला छन् ।

देशका विभिन्न प्रयोगशालामा गरिएको पीसीआर परीक्षणमा उनीहरूमा पोजेटिभ देखिएको मन्त्रालयका प्रवक्ता डाक्टर विकास देवकोटाले जानकारी दिनुभयो । त्यस्तै कोरोना सङ्क्रमणबाट ज्यान गुमाउनेको सङ्ख्या १३ पुगेको छ ।डोल्पाका ५८ वर्षीय पुरूष र धनगढीकी ५५ वर्षीया महिलामा मृत्यु भइसकेपछि कोरोना सङ्क्रमण पुष्टि भएको हो । कोरोना सङ्क्रमणलई जितेर शनिबार थप ३२ जना घर फर्केका छन्।

Advertisement

अर्घाखाँचीमा रुखबाट लड्दा एकको मृत्यु

श्याम घिमिरे
जेठ २४ अर्घाखाँची –
अर्घाखाँचीमा रुखबाट लड्दा एक जनाको ज्यान गएको छ । जिल्लाको मालारानी गाउँपालीका वडानम्वर ९ गोखुङ्गाकी ४७ बर्षीय फुलमती परीयारको सुक्रबार रुखबाट लडेर ज्यान गएको जिल्ला प्रहरी कार्यालय अर्घाखाँचीका सुचना अधिकारी प्रकाश खत्रिले जानकारी दिए ।

मालारानी ९ की दलित महिला सदस्य समेत रहेकि परीयार साबिक गोखुङ्गा गाबिस वडानम्वर ६ को काफलनेटी भन्ने स्थानमा रहेको गोईलीको बुटोमा चढी फल टिप्ने क्रममा एक्कासी रुखबाट लडी अचेत भएकी थिइन् । उपचारका लागि अर्घाखाँची अस्पताल ल्याएपछि परीयारलाई चिकित्सकले मृत घोषणा गरेको वडाअध्यक्ष फनबहादुर पुनले बताए ।

मालपोत कार्यालय आइतबारदेखि खुल्ने

काठमाण्डौ – भोलि आइतबारदेखि मालपोत कार्यालय खुल्ने भएका छन् । कोरोना रोकथामको लागि सरकारले गरेको लकडाउनका कारण बन्द रहेका सबै मालपोत कार्यालय भोlलि आइतबारदेखि खोल्न भूमि व्यवस्था तथा अभिलेख विभागले पत्र पठाएको छ । साढे २ महिनादेखि कार्यालय बन्द हुँदा मालपोत सम्बन्धी काम भएका छैनन् । विभागले आइतबारदेखि कार्यालय प्रमुख र कर्मचारी अनिवार्य रुपमा उपस्थित हुनुपर्ने र सुरक्षाका उपाय अपनाएर आन्तरिक प्रशासनिक तथा अन्य अत्यावश्यक काम सुरु गर्न निर्देशन दिएको छ ।

डोल्पाका ५८ वर्षीय पुरुषको कोरोना सङ्क्रमणकाे कारण मृत्यु भएकाे पुष्टि, कोरोना सङ्क्रमणबाट ज्यान गुमाउनेको सङ्ख्या १२

जेठ २४ जुम्ला – डोल्पामा ज्यान गुमाउनुभएका ५८ वर्षीय पुरुषमा कोरोना सङ्क्रमण भएको पुष्टि भएको छ । जगदुल्ला गाउँपालिका ३ का ५८ वर्षीय पुरुषको गएको जेठ २० गते होम क्वरेण्टीनमै मृत्यु भएको थियो  । उहाँको स्वाब परीक्षण गर्दा कोरोना रिपाेर्ट पोजेटिभ आएको कर्णाली स्वास्थ्य विज्ञान प्रतिष्ठान शिक्षण अस्पतालले जनाएको छ । प्रतिष्ठानले प्रकाशन गरेको विज्ञप्तिमा उहाँ अस्थायी रुपमा सुर्खेतमा बसोवास गर्दै आउनुभएकाे र २०७७ जेठ १६ गते डोल्पा (घर) गएर होम क्वरेण्टीनमा बस्नुभएकाे उल्लेख छ । 

उहाँको जेठ २२ गते स्वाब सङ्कलन गरेर कर्णाली स्वास्थ्य विज्ञान प्रतिष्ठान शिक्षण अस्पताल ल्याइएको थियो । पीसीआर विधिबाट परीक्षण गर्दा नतिजा पोजेटिभ आएको निर्देशक मङ्गल रावलले जानकारी दिनुभयो । प्रतिष्ठानले घटनास्थल भौगोलिक दुरीले टाढा भएकाेले त्यहाँका स्थानीयको समन्वयमा मृतककाे सम्पर्कमा आएका अन्यको खोजी गरिने बताएको छ । योसहित कर्णालीमा कोरोना सङ्क्रमणकाे कारण मृत्यु हुने सङ्ख्या तीन पुगेको छ । यसअघि सुर्खेतमा एक र दैलेखमा एक जनाको कोरोनाकाे कारण मृत्यु भएको पुष्टि भएको छ ।  योसँगै नेपालमा कोरोना सङ्क्रमणबाट ज्यान गुमाउनेको सङ्ख्या १२ पुगेको छ ।

अर्घाखाँचीमा थप एक जनामा कोरोना पोजेटिभ, संक्रमितको संख्या पाँच पुग्यो

श्याम घिमिरे
जेठ २४ अर्घाखाँची –

अर्घाखाँचीमा सनिबार थप एक जनामा कोरोना पोजेटिभ देखिएको छ । जिल्लाको छत्रदेव गाउँपालीको वडा नम्बर ५ को क्वरेन्टीनमा बसेका ४९ वर्षिय पुरुषमा कोरोना पोजेटिभ देखिएको स्वास्थ्य कार्यालय अर्घाखाँचीका सुचना अधिकारी विजय विकले जानकारी दिए । उनी केही दिन अगाडीमात्र भारतबाट आएका थिए । यो सहित अर्घाखाँचीमा पाँच जनामा कोरोना पोजेटिभ देखिएको छ ।

यसअघि पालीको क्वरेन्टीनमा रहेका दुई जना र शितगंगाका एक जनामा कोरोना पुष्टि भएको थियो भने भुमिकास्थानका एक जना युबकको कोरोनाकै कारण भारतबाट घर फर्कने क्रममा बाटोमै ज्यान गएको थियो । पालीका दुई र शितगंगगाका एक जनाको सन्धिखर्कको हटारीनेटामा रहेको आईसोलेशन कक्षमा उपचार भैरहेको छ । उनिहरु तिनैजनाको स्वास्थ्य अबस्था सामान्य रहेको अर्घाखाँची अस्पतालका प्रमुख डा.कपिल गौतमले जानकारी दिए ।