अर्घाखाँचीमा दुई जनामा कोरोना संक्रमण


श्याम घिमिरे
जेठ १२ अर्घाखाँची –

अर्घाखाँची जिल्लामा दुई जनामा कोरोना (कोभिड १९) संक्रमण पुष्टि भएको छ । प्रादेशिक प्रयोगशाला भैरहवामा गरिएको परिक्षणमा दुई जनामा कोरोना संक्रमण पुष्टि भएको हो ।

जिल्लाको पाणिनी गाउँपालिका वडा नंं. ८ को पालीमा रहेको क्वारेन्टीनमा रहेका दुईजनामा कोरोना पुष्टि भएको अर्घाखाँची अस्पतालका प्रमुख डा. कपिल गौतमले जानकारी दिनुभयो । प्रदेश ५ को पहाडी जिल्ला अर्घाखाँचीमा पहिलोपटक कोरोना संक्रमण देखिएको हो । संक्रमित दुवैजना भारतबाट आएका थिए ।

यसैबिच जिल्लाका ६ वटा स्थानीय सरकारले निर्माण गरेका बिभिन्न १ सय ३१ स्थानका क्वरेन्टीनमा सोमबार अपह्रान्न सम्म १६ सय २२ जना व्यक्तिहरु रहेको अर्घाखाँचीका सहायक प्रमुख जिल्ला अधिकारी विनोद खनालले जानकारी दिनुभएको छ ।

कोरोना सङ्क्रमतिमध्ये १५५ जना उपचारपछि निको

जेठ १२,काठमाण्डौ – नेपालमा काेराेना भाइरसबाट सङ्क्रमित भएकामध्ये एक सय ५५ जना उपचारपछि निको भएका छन् । साेमबार बेलुका वीरगञ्जको नारायणी अस्पतालमा उपचार गराइरहेका ४३ जना डिस्चार्ज भएसँगै निको हुनेको सङ्ख्या एक सय ५५ पुगेको हो  । अस्पतालका मेडिकल सुपरिन्टेन्डेन्ट डाक्टर मदनकुमार उपाध्यायले आज ४३ जना कोरोनामुक्त भएपछि नारायणी अस्पतालको आइसोलेशन कक्ष खाली भएको बताउनुभयो । यसअघि साेमबार बिहान वीरगञ्जको नारायणी अस्पतालमा उपचाररत एकै परिवारका १८ जना डिस्चार्ज भएका थिए । 

उपचारपछि निको भएका दुई महिने शिशु र १० जना बालबालिकासहित १८ जनालाई अस्पतालले डिस्चार्ज गरेको अस्पतालका मेडिकल सुपरिन्टेन्डेन्ट मदन उपाध्यायले जनाकारी दिनुभयो । प्रदेश १ मा २६ जना, प्रदेश २ मा ७६ जना, वाग्मती प्रदेशमा ११, गण्डकी प्रदेशमा दुई , प्रदेश ५ मा ३५ जना र सूदूरपश्चिममा पाँच जना गरी एक सय ५५ जना उपचारपछि निको भएका हुन् । 

त्यस्तै साेमबार नै कपिलवस्तुमा कोरोना सङ्क्रमित नर्स उपचारपछि घर फर्किनुभएको छ । कपिलवस्तु अस्पतालमा कार्यरत तौलिहवाकी २५ वर्षीया नर्स सङ्क्रमणबाट मुक्त भएर घर फर्कनुभएको हो । उहाँको दुई पटक जाँच गर्दा रिपोर्ट नेगेटिभ आएको स्वास्थ्य कार्यालयका कोरोना फोकल पर्सन कुमार थापाले बताउनुभयो । नेपालमा पहिलो कोरोना सङ्क्रमित स्वास्थ्यकर्मी १४ दिनमै कोरोना जित्न सफल भएको पनि थापाले बताउनुभयो । source:ujyaaloonine

नेपालमा काेराेना सङ्क्रमितकाे सङ्ख्या ६८२ पुग्याे, ११२ जना निकाे

जेठ १२, काठमाण्डाै – नेपालमा काेराेना भाइरसबाट सङ्क्रमित हुनेकाे सङ्ख्या ६ सय ८२ पुगेकाे छ । साेमबार दिउँसाे थप सात जनामा काेराेना सङ्क्रमण पुष्टि भएकाे स्वास्थ्य तथा जनसङ्ख्या मन्त्रालयले जनाएकाे छ । 

मन्त्रालयका प्रवक्ता डाक्टर विकास देवकाेटाका अनुसार सेती अस्पतालकाे प्रयाेगशाला भेरी अस्पताल र नारायणी अस्पतालकाे प्रयाेगशालामा गरिएकाे परीक्षणमा सङ्क्रमण देखिएकाे हाे । 

मन्त्रालयका अनुसार अछामका एक, बर्दियाका तीन, बाराका एक र पर्साका एक जनामा काेराेना सङ्क्रमण पुष्टि भएकाे हाे । त्यस्तै बाराका एक जना मृतकमा पनि आज नै काेराेना पुष्टि भएकाे छ ।

साेमबार बिहान ७२ र अहिले सात गरी आज एकैदिन ७९ जनामा सङ्क्रमण पुष्टि भएकाे हाे । 

सङ्क्रमितमध्ये अहिलेसम्म एक सय १२ जना निकाे भएका छन् भने चार जनाकाे ज्यान गएकाे छ ।

अर्घाखाँचीमा १६ सय २२ जना क्वरेन्टीनमा


श्याम घिमिरे
जेठ १२ अर्घाखाँची –
रोजगारीको सिलसिलामा भारतका विभिन्न शहरमा गएका अर्घाखाँचीबासीहरु यतिबेला जिल्ला भित्रिरहेका छन् । जिल्लामा भारतबाट आउनेको संख्या दिनप्रतिदिन बढ्दै गईरहेको छ । पछिल्लो समय स्थानिय सरकार र प्रशासन भारतबाट आउने व्यक्तिहरुको व्यवस्थापनमा जुटीरहेका छन । भारत लगायत अन्य स्थानबाट आएका सबैलाई सम्बन्धीत पालिकाले निर्माण गरेको क्वरेन्टीनमा राखिएकोे छ ।

यसैबिच जिल्लाका ६ वटा स्थानीय सरकारले निर्माण गरेका बिभिन्न १ सय ३१ स्थानका क्वरेन्टीनमा सोमबार अपह्रान्न सम्म १६ सय २२ जना व्यक्तिहरु रहेको अर्घाखाँचीका सहायक प्रमुख जिल्ला अधिकारी विनोद खनालले जानकारी दिनुभएको छ । जसमध्ये सन्धिखर्क नगरपालीकामा १७९ जना, भूमिकास्थान नगरपालीकामा ४१० जना, शितगंगा नगरपालीकामा ५०० जना ,पाणिनी गाँउपालीकामा ११६ जना,मालारानी गाउँपालीकामा ३२१ जना र छत्रदेव गाउँपालीकामा ९६ जना रहेको सहायक प्रजिअ खनालले जानकारी दिनुभयो ।

अर्घाखाँचीका स्थानीय तहहरूले निरन्तर क्वरेन्टीनको संख्या बढाउदै गएको र त्यसमा बस्नेहरुको संख्या पनि बढ्दो रहेको प्रशासनको भनाई रहेको छ । अधिकांस क्वरेन्टीनमा भारतबाट आएका मानिसहरु नै बसेको जनाईएको छ । हाल सम्म सन्धिखर्क नगरपालीकामा ११, भूमिकास्थान नगरपालीकामा २८, शितगंगा नगरपालीकामा ३९ ,पाणिनी गाँउपालीकामा २३,मालारानी गाउँपालीकामा १८ र छत्रदेव गाउँपालीकामा १२ गरी कुल १ सय ३१ स्थानमा क्वरेन्टीनको निर्माण गरीएको छ । पछिल्लो दिन मात्रै २३३ जना भारतबाट आएकाहरुलाई बिभिन्न पालीकाले निर्माण गरेका क्वरेन्टीनमा राखीएको छ ।

कोरोनाका कारण थप एक जनाको मृत्यु, मृतकको संख्या ४ पुग्यो

जेठ १२, २०७७ काठमाडौं : नेपालमा थप एक जनामा कोरोना संक्रमणबाट मृत्यु भएकाे पुष्टि भएको छ।  वीरगञ्जको नेशनल मेडिकल कलेजमा मृत्यु भई अन्त्येष्टि गरिसकेका एक व्यक्तिमा कोरोना संक्रमण पुष्टि भएकाे नारायणी अस्पतालका मेसु डा मदन उपाध्यायले जानकारी दिए।

उपचारको क्रममा जेठ ४ गते राति मृत्यु भएका बाराका ७० वर्षीय वृद्धमा कोरोना संक्रमण पुष्टि भएको  हो । वृद्धको मृत्युबारे स्वास्थ्य मन्त्रालयले भने केही जानकारी दिएको छैन। वीरगञ्जस्थित प्रयोगशालामा परीक्षण गर्दा रिपोर्ट शंकास्पद आएपछि उनको स्वाब पुनः परीक्षणका लागि काठमाडौंको राष्ट्रिय जनस्वास्थ्य प्रयोगशालामा पठाइएको थियो।

मृतक वृद्धको त्यहाँ पनि पीसीआर विधिबाट परीक्षण गर्दा कोरोना संक्रमण पुष्टि भएको पर्साका सहायक प्रमुख जिल्ला अधिकारी ललितकुमार बस्नेतले जानकारी दिए।  क्षयरोग, दम र निमोनियाबाट ग्रसित वृद्धलाई उनको परिवारले जेठ २ गते अस्पतालको भेन्टिलेटरमा भर्ना गराएका थिए। तर, कोरोना परीक्षणको रिपोर्ट नआउँदै जेठ ४ गते राति वृद्धको मृत्यु भएको थियो। अस्पतालले वृद्धको शव परिवारको जिम्मा लगाएपछि मृतकका आफन्तले पनि धार्मिक परम्पराअनुसार उनको अन्त्येष्टि गरिसकेका छन्।
source:thahakhabar.com