अर्घाखाँचीमा ८९ स्थानमा ८ सय दुई जना क्वरेण्टीनमा

श्याम घिमिरे
जेठ १० अर्घाखाँची –
रोजगारीको सिलसिलामा भारतका विभिन्न शहरमा गएका अर्घाखाँचीबासीहरु यतिबेला जिल्ला भित्रिरहेका छन् । जिल्लामा भारतबाट आउनेको संख्या दिनप्रतिदिन बढ्दै गईरहेको छ । भारतबाट जिल्लाबासीलाई ल्याउनकालागी सुनौली र कृष्णनगर सिमानामा स्थानिय सरकारका प्रमुख सहित वडा अध्यक्षहरु त्यहाँ पुगेका छन ।

पछिल्लो समय अर्घाखाँचीका स्थानिय सरकारहरु भारतबाट आउने व्यक्तिहरुको व्यवस्थापनमा जुटीरहेका छन । भारतबाट आउनेहरुलाई पालिकाले निर्माण गरेका क्वरेण्टीनमा राख्न थालीएको छ । जिल्लाका ६ वटा स्थानीय सरकारले बनाएका बिभिन्न क्वरेण्टीनमा सनिबार अपह्रान्न सम्म ८ सय २ जना रहेको अर्घाखाँचीका सहायक प्रमुख जिल्ला अधिकारी विनोद खनालले जानकारी दिनुभएको छ । भारत लगायत अन्य स्थानबाट आएका सबैलाई सम्बन्धीत पालिकाले निर्माण गरेको क्वरेण्टीनमा राखिएकोे खनालको बताउनु भयो ।

जिल्लामा ८९ स्थानमा ९ सय १३ वटा बेड सहीतका क्वारेन्टीनहरु स्थापना गरीएको छ । सनिवार सम्म जिल्लाका बिभिन्न क्वरेन्टीनमा ८ सय २ जना रहेका छन । जसमध्ये सन्धिखर्क नगरपालीकामा ११७ जना, भूमिकास्थान नगरपालीकामा २३३ जना, शितगंगा नगरपालीकामा २२० जना ,पाणिनी गाँउपालीकामा १८ जना,मालारानी गाउँपालीकामा १६६ जना र छत्रदेव गाउँपालीकामा ४८ जना रहेको सहायक प्रजिअ खनालले जानकारी दिनुभयो । यस्तै जिल्लाका ३ स्थानमा १२ वटा आइसोलेसन बेडहरु रहेको जनाईएको छ ।

यसैबिच अर्घाखाँचीका स्थानीय तहहरूले निरन्तर क्वरेन्टीनको संख्या बढाउदै गएको र त्यसमा बस्नेहरुको संख्या पनि बढ्दो रहेको प्रशासनले जनाएको छ । अधिकांस क्वरेन्टीनमा भारतबाट आएका मानिसहरु नै बसेका छन ।

Advertisement

बाँकेका २७ सहित थप ३६ जनामा काेराेना पुष्टि, सङ्क्रमितकाे सङ्ख्या ५८४ पुग्याे

जेठ १०, काठमाण्डाै – शनिबार दिउँसाे थप ३६ जनाकाे काेराेना भाइरसकाे सङ्क्रमण पुष्टि भएकाे स्वास्थ्य तथा जनसङ्ख्या मन्त्रालयले जनाएकाे छ । मन्त्रालयका प्रवक्ता डाक्टर विकास देवकाेटाका अनुसार याेसँगै नेपालमा काेराेना सङ्क्रमितकाे सङ्ख्या पाँच सय ८४ पुगेकाे छ । शनिबार बिहानमात्रै ३२ जनाका काेराेना पुष्टि भएकाे थियाे । 

मन्त्रालयका अनुसार पछिल्लाे विवरण अनुसार सबैभन्दा धेरै बाँकेका २७ जना सङ्क्रमित भएका छन् । राप्ती स्वास्थ्य विज्ञान प्रतिष्ठानमा गरिएको परीक्षणमा बाँके नरैनापुरका २७ जनामा सङ्क्रमण पुष्टि भएको हो । नरैनापुरको मदरसाका १७ देखि ३२ वर्ष उमेर समूहका ६ जना, नरैनापुर ३ राष्ट्रिय प्रावि गेगलीमा १६ देखि ३२ उमेर समूहका १५ जनामा पोजेटिभ देखिएको हो । यस्तै नरैनापुरकै १ मा २२ देखि ५० वर्ष उमेर समूहका ६ जनामा पोजेटिभ देखिएको मन्त्रालयका प्रवक्ता देवकोटाले बताउनुभयो ।

यस्तै सेती अस्पतालको प्रयोगशालामा गरिएको परीक्षणमा बैतडीका चार जनालाई सङ्क्रमण पुष्टि भएको छ ।  उनीहरुमध्ये २० वर्षका दुई जना, २२ र २७ वर्षका एक एक जना रहेको मन्त्रालयले जनाएको छ । उनीहरु चारै जनामा आरडीटी पोजेटिभ भएपछि पीसीआर गर्दा पनि पोजेटिभ देखिएको हो । त्यस्तै सुर्खेतमा दुई जना पुरुष र एक जना महिलामा कोरोना भाइरस सङ्क्रमण पुष्टि भएको छ । यस्तै कोशी अस्पतालमा झापाका ३३ वर्षीय पुरुषमा सङ्क्रमण पुष्टि भएको छ । बर्दिया बडैयाताल ७ का एक जना पुरुषमा पनि सङ्क्रमण पुष्टि भएको छ । नेपालमा काेराेना सङ्क्रमितमध्ये अहिलेसम्म ७९ जना उपचारपछि निकाे भएका छन् भने तीन जनाकाे ज्यान गएकाे छ ।  

अर्घाखाँचीमा चार सय ८८ जना क्वरेण्टीनमा

श्याम घिमिरे जेठ १० अर्घाखाँची –
रोजगारीको सिलसिलामा भारतका विभिन्न शहरमा गएका अर्घाखाँचीबासीहरु अहिले जिल्ला फर्किरहेका छन् । उनीहरुलाई पालिकाले क्वरेण्टीनमा राख्न थालेका छन । अर्घाखाँची जिल्लामा पछिल्लो एक हप्तामा भारतबाट आएका तीन सय भन्दा बढी व्यक्तिलाई क्वरेण्टीनमा राखिएको हो । भारतमा रोजगारीको शिलसिलामा गएकाहरु एक हप्तामा मात्र ३ सय १ जना जिल्ला भित्रिएको प्रमुख जिल्ला अधिकारी विजयराज पौडेलले बताउनु भयो । भारतबाट मानिसहरु दैनिक आइरहेको र सबैलाई स्थानीय सरकारले क्वरेण्टीनमा राखेको उहाँको भनाइ छ ।

जिल्लाका ६ स्थानीय सरकारले बनाएका बिभिन्न क्वरेण्टीनमा सुक्रबार अपह्रान्न सम्म ४ सय ८८ जना रहेको सहायक प्रमुख जिल्ला अधिकारी विनोद खनालले बताउनुभयो । भारतबाट आएका तथा अन्य स्थानबाट आएका सबैलाई सम्बन्धीत पालिकाले बनाएको क्वरेण्टीनमा राखिएकोे छ ।

जिल्लामा ७९ स्थानमा ९ सय १३ वटा बेड सहीतका क्वारेन्टीनहरु स्थापना गरीएको छ । जिल्लामा सुक्रबार सम्म बिभिन्न क्वरेन्टीनमा ४ सय ८८ जना रहेका छन । जसमध्ये सन्धिखर्क नगरपालीकामा ६८ जना, भूमिकास्थान नगरपालीकामा १७३ जना, शितगंगा नगरपालीकामा ९१ जना ,पाणिनी गाँउपालीकामा १८ जना,मालारानी गाउँपालीकामा ९० जना र छत्रदेव गाउँपालीकामा ४८ जना रहेको बताईएको छ । यस्तै जिल्लाका ३ स्थानमा १२ वटा आइसोलेसन बेडहरु रहेको जिल्ला प्रशासन कार्यालय अर्घाखाँची जनाएको छ ।

थप ३२ जनामा कोरोना संक्रमण, संक्रमितको संख्या ५४८ पुग्यो

जेठ १०, २०७७ काठमाडौं : नेपालमा थप ३२ जना कोरोना संक्रमित थपिएका छन्। स्वास्थ्य मन्त्रालयकाअनुसार यो सँगै संक्रमितको संख्या ५४८ पुगेको छ। राष्ट्रिय जनस्वास्थ्य प्रयोगशाला काठमाडौं, प्रादेशिक जनस्वास्थ्य प्रयोगशाला भैरहवा र भरतपुर अस्पताल कोभिड १९ प्रयोगशाला चितवनमा गरिएको परीक्षणका क्रममा थप ३२ जना संक्रमित फेला परेका हुन्‌।

स्वास्थ्य तथा जनस‌ंख्या मन्त्रालयका अनुसार कपिलवस्तुको बाणगंगा नगरपालिकाका आठ जनामा कोरोना संक्रमण देखिएको छ। यस्तै, सर्लाहीको गोडैता र कविलासी नगरपालिकाका १३ जना, बाराको करैबामाइ गाउँपालिकाका एक जना, रुपन्देहीको गैडहवा र रोहिणी गाउँपालिकामा आठ जना, चितवनको भरपुर ६ मा एक जना र काठमाडौंमा एकजना नयाँ संक्रमित पहिचान भएको हो।