छाँया पोलिक्लिनिकका १० स्वास्थ्यकर्मीको रिपोर्ट नेगेटिभ

श्याम घिमिरे जेठ ८ अर्घाखाँची –
अर्घाखाँची जिल्लाको सन्धिखर्क नगरपालिका १ मा रहेको छाँया पोलिक्लिनिकमा कार्यरत १० जना स्वास्थ्यकर्मीको पिसीआर परीक्षण नेगेटिभ आएको छ । गुल्मी मदाने गाउँपालीकाका कोरोना संक्रमित व्यक्तिको उपचार गराएको खुलेपछि सिल गरिएको छाँया पोलिक्लिनिकका १० जना स्वास्थ्यकर्मीको स्वाब जाँचको लागि प्रादेशिक जनस्वास्थ्य प्रयोगशाला रुपन्देहीमा पठाइएको थियो । १० जना स्वास्थ्यकर्मीकै पिसीआर रिपोर्ट नेगेटिभ आएको अर्घाखाँची अस्पतालका प्रमुख डाक्टर कपिल गौतमले जानकारी दिनुभयो ।

गुल्मीको मदाने गाउँपालिका ६ पुर्कोट घर भएका उनी गत वैशाख ३१ गते ज्वरो आउने र रुघाखोकी लाग्ने भएपछि उपचारको लागि सन्धिखर्कको छाँया पोलिक्लिनिक गएका थिए । क्लिनिकमा उपचार सम्भव नभएपछि उनि जेठ १ गते बुटवलको क्रिमसन अस्पतालमा गएर भर्ना भएका थिए । जेठ ३१ गते साँझदेखि ५ गते सम्म उपचारको लागि आएका सबै बिरामी तथा तिनका आफन्त कोरोना सरेको छ कि भनेर चिन्तित बनेका थिए । अहिले भने सबैको पिसीआर रिपोर्ट नेगेटिभ आएपछि सबै जिल्लावासी खुसी भएका छन् ।

यसैबिच छाँया पोलिक्लिनिक प्रा.लि.ले एक बिज्ञप्ती निकाली आफुहरुको छबिमा आँच आउनेगरी अनरंगल प्रचार नगरीदिन सबैलाई आग्रह गरेको छ । क्लिनिकले बिहिबार बिज्ञप्ती जारी गर्दे बिषम परीस्थीतिमा प्रत्यक्ष वा अप्रत्यक्ष रुपमा सहानुभुति तथा सहयोग गर्ने सबै शुभचिन्तकप्रति बिशेष धन्यबाद समेत प्रकट गरेको छ ।

Advertisement

आज एकैदिन २७ जनामा काेराेना पुष्टि, झापामा मात्रै २३ जना थपिए

जेठ ८, – नेपालमा आज एकैदिन २७ जनामा कोरोना भाइरसको सङ्क्रमण पुष्टि भएको छ । आज थपिएका सङ्क्रमितमध्ये झापामा मात्रै २३ जनालाई सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । झापा कचनकवल गाउँपालिकाका १७ देखि ५५ वर्ष उमेरका व्यक्तिलाई कोरोना भाइरसको सङ्क्रमण पुष्टि भएको मन्त्रालयले जनाएको छ ।

यस्तै आज रुपन्देही, दाङ, सुनसरी र धनकुटका एक/एक जनामा कोरोना सङ्क्रमण पुष्टि भएको छ । योसँगै नेपालमा कोरोना भाइरसबाट सङ्क्रमित हुनेको सङ्ख्या चार सय ५४ पुगेको छ ।अहिलेसम्म कोरोनाको कारण तीन जनाको ज्यान गएको छ भने ४९ जना निको भएका छन् । 

रूपन्देहीमा उपचाररत गुल्मीका कोरोना संक्रमितको मृत्यु ,नेपालमा ज्यान गुमाउनेको संख्या तीन पुग्यो

जेठ ८, २०७७ बुटवल : गुल्मीका ४१ वर्षीय कोरोना संक्रमितको रुपन्देहीस्थित क्रिमसन अस्पतालमा उपचारका क्रममा बिहीबार बिहान मृत्यु भएको छ। पछिल्लो मानवीय हताहतीसँगै नेपालमा कोरोना भाइरसबाट ज्यान गुमाउनेको संख्या तीन पुगेको छ। 

सोमबार स्वास्थ्य तथा जनसंख्या मन्त्रालयले कोरोना संक्रमण पुष्टि गरेका गुल्मी मदाने गाउँपालिका-६ का ती पुरुषको उपचारकै क्रममा बिहीबार बिहान ७ बजेर १० मिनेट जाँदा मृत्यु भएको सामाजिक विकास मन्त्रालयका स्वास्थ्य महाशाखा प्रमुख डा. उमाशंकर प्रसाद चौधरीले बताए। ‘आज बिहान ७ बजेर १० मिनेटमा उनको मृत्यु भएको हो, शव व्यवस्थापनका लागि तयारी चलिरहेको छ,’ डा. चौधरीले भने।  यद्यपी, स्वास्थ्य निर्देशनालयले हरेक दिन गर्ने नियमित पत्रकार सम्मेलनमार्फत मृत्युको पुष्टि हुन बाँकी नै छ।

अस्पतालले भने केही बेरमा नै आधिकारिक जानकारीसहित विज्ञप्ती जारी गर्ने बताएको छ।  बिहीबार विहान मृत्युवरण गरेका संक्रमित जेठ १ गते क्रिमसन अस्पतालमा भर्ना भएका थिए। सुरूमा आईसीयूमा उपचाररत उनलाई कोरोना पुष्टि भएपछि अस्पतालकै भेन्टिलेटरमा राखिएको थियो।  क्रिमसन अस्पतालमा भर्ना हुनुभन्दा एकहप्ता पहिल्यैदेखि उनमा ज्वरो देखिएको चिकित्सकहरुले बताएका छन्। ज्वरो आएपछि गाउँकै पुर्कोट दहस्थित मदाने पोलिक्लिनिकमा जाँच गराएका उनी त्यहाँ सञ्चो नभएपछि मोटरसाइकल चलाएरै अर्घाखाँचीको सन्धिखर्कस्थित छायाँ पोलिक्लिनिकमा पुगेका थिए। त्यहाँ स्वास्थ्यमा जटिलता देखिएपछि उनलाई मणिग्रामको क्रिमसन अस्पताल रिफर गरिएको थियो। 

यसअघि बुधबार नै सामाजिक विकास मन्त्री सुदर्शन बराल र तिलोत्तमा नगरपालिकाका नगरप्रमुख बासुदेव घिमिरेलाई उद्धृत गर्दै केही सञ्चारमाध्यमहरुमा संक्रमितको मृत्यु भएको भन्ने समाचारहरु प्रकाशित भएका थिए। उक्त कुरालाई खण्डन गर्दै अस्पताल प्रशासनले बुधबार मध्यान्हमा अस्पतालले विज्ञप्ती जारी गर्दै बिरामीको मृत्यु नभएको, तर अवस्था गम्भीर रहेको बताएको थियो।  बिहीबार अस्पतालमा उपचारकै क्रममा उनको मृत्यु भएको स्वास्थ्य महाशाखा प्रमुख डा. चौधरीले पुष्टी गरेका हुन्। संक्रमितको मृत्यु भएसँगै हालसम्म नेपालमा कोरोनाबाट मृत्यु हुनेको संख्या तीन पुगेको छ।  यसअघि सिन्धुपाल्चोकको बाह्रबिसेकी सुत्केरी र बाँके नरैनापुरका क्वारेन्टाइनमा बसेका पुरुषको पनि कोरोनाकै कारण मृत्यु भएको थियो। source:thahakhabar.com

मालारानी गाउँपालिकाको कोरोना महामारी नियन्त्रण तथा व्यवस्थापन कोषमा १ करोड ११ लाख ७१ हजार रुपैया संकलन । भारतमा अलपत्र परेकालाई क्रमश स्वदेश फर्काउने पालीका अध्यक्ष आचार्यको भनाई ।

श्याम घिमिरे जेठ ८ अर्घाखाँची –
कोरोना भाईरसको संक्रमण रोकथाम, नियन्त्रण तथा उपचारकोलागी मालारानी गाउँपालिका अर्घाखाँचीले स्थापना गरेको कोरोना महामारी नियन्त्रण तथा व्यवस्थापन कोषमा हाल सम्म १ करोड ११ लाख ७१ हजार ५ सय ३६ रुपैयाँ संकलन भएको छ । बिभिन्न निकाए तथा सहयोगी दाताहरुबाट सहयोग रमक प्राप्त भएको गाउँपालिकाका प्रमुख प्रसाशकिय अधिकृत विष्णु घर्तीले जानकारी दिनुभयो ।

घर्तीले संकटको घडीमा सहयोग गर्ने सम्पुर्ण सहयोगी हातहरुलाई धन्यवाद दिदै पालीकाले स्थापना गरेको कोरोना महामारी नियन्त्रण तथा व्यवस्थापन कोषमा सहयोग गर्न समेत जिल्लाबासीहरुलाई आग्रह गर्नुभएको छ ।

यसैबिच मालारानि गाउँपालीका अध्यक्ष बालकृष्ण आचार्यले कोरोना भाईरसका कारण भारतमा अलपत्र र संकटमा परेका पालीकाबासीहरुलाई क्रमश घर फर्काउन लागीएको बताउनुभएको छ । अध्यक्ष आचार्यले देश तथा बिदेशबाट घर फर्कने व्यक्तिले नेपाल सरकारले बनाएको मापदण्डमा रही अनिबार्य रुपमा क्वरेन्टीनमा बस्नुपर्ने समेत बताउनुभयो हो ।

प्रदेश एकमा थप १७ जनामा कोरोना पुष्टि, संक्रमितको संख्या ४४४ पुग्यो

जेठ ८, २०७७ काठमाडौं : प्रदेश १ का थप १७ जनामा कोरोना भाइरस पुष्टि भएको छ।  बुधबार राति थप १७ जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयका सहप्रबक्ता डा.समिर कुमार अधिकारीले प्रेस बिज्ञप्ती मार्फत जानकारी दिनुभएको छ । बुधबार  राति पुष्टि भएकाहरु  झापाको दक्षिणी सीमावर्ती कचनकवल गाउँपालिकाको क्वारेन्टाइनमा राखिएका १५ जना हुन्। त्यस्तै २ जना मध्ये एक धनकुटाका र एक धरानका हुन्।  यो स‌गै देशभरमा काेराेना संक्रमितकाे संख्या ४ सय ४४ पुगेकाे छ।