रायमाझी र खड्काद्धारा स्वास्थ्य सामाग्री हस्तान्तरण, विदेशमा अलपत्र परेकालाई स्वदेश ल्याउन पहल गर्ने रायमाझीको भनाई

सन्धिखर्क एफएम जेठ ७ अर्घाखाँची –
नेपाल सरकारका पुर्बउपप्रधानमन्त्री तथा संघिय सांसद टोपबहादुर रायमाझीले कोराना भाईरसले देश विदेशमा संकट पारेको बताउनु भएको छ । रायमाझीले कोरोना भाईरसका कारण बिदेशमा संकटमा परेका नेपालीहरुलाई नेपालमा ल्याउन पहल गर्ने समेत बताउनु भयो ।

बुधबार सन्धिखर्कमा स्वास्थ्य सामाग्री हस्तान्तरण गर्दे रायमाझीले यस्तो बताउनु भएको हो ।
स्वास्थ्य सामाग्री संघिय सांसद टोपबहादुर रायमाझी र राष्ट्रिय सभा सदस्य चन्द्रबहादुर खड्का उज्ज्वलले संयुक्तरुपमा प्रमुख जिल्ला अधिकारी विजयराज पौडेल मार्फत जिल्लालाई हस्तान्तरण गर्नुभएको हो । उहाँहरुले सर्जिकल माक्स ७ हजार ५ सय पिस, ग्लोब्स ५ हजार पिस, सेनिटाईजर ३० लिटर, थर्मलगन ८ पिस र पिपिई २५ पिस उपलव्ध गराउनु भएको हो । यसअघि पनि गत बैशाखमा उहाँहरुले जिल्लालाई बिभिन्न स्वास्थ्य सामाग्रीहरु प्रदान गर्नुभएको थियो । स्रोत :पत्रकार गणेश खनाल

Advertisement

घरेलु मदिरा बरामद तथा नष्ट

श्याम घिमिरे जेठ ७ अर्घाखाँची –
जिल्ला प्रहरी कार्यालय अर्घाखाँचीले अवैध रुपमा उत्पादन गरीएको घरेलु मदिरा बरामद गरी नष्ट गरेको छ । अवैध घरेलु मदिरा नियन्त्रण अभियान अन्तर्गत मंगलबार सन्धिखर्क नगरपालीका वडा नं.१ र २ का विभिन्न स्थानहरुमा जिल्ला प्रहरी कार्यालय अर्घाखाँचीबाट खटिएको प्रहरी टोलीले विशेष सुचनाको आधारमा घरेलु मदिरा नियन्त्रणमा लिएको हो ।

वडाका विभिन्न स्थानहरुमा चेकजाँच गर्दा रक्सी बनाउनको लागि तयारी अवस्थामा राखिएको कच्चा पदार्थ र तयारी मदिरा नष्ट गरेको जिल्ला प्रहरी कार्यालय अर्घाखाँचीका सुचना अधिकृत प्रहरी निरीष्क्षक प्रकाश खत्रीले जानकारी दिए ।

चेकजाँचको क्रममा प्रहरीले रक्सी बनाउनको लागि तयारी अवस्थामा राखिएको कच्चा पदार्थ अन्दाजी २६ सय लिटर तथा तयारी अवस्थामा रहेको अन्दाजी ३ सय ६५ लिटर घरेलु रक्सी र रक्सी बनाउन प्रयोग गरिएको १२ सेट भाडा, कच्चा पदार्थ तथा तयारी रक्सी भण्डारण गरिएका प्लाष्टिकका साना ठुला गरी ९४ वटा भाडाहरु बरामद गरिएको खत्रिले बताए ।

यसैबिच बरामद गरीएको घरेलु मदिरा तथा कच्चा पदार्थ जिल्ला प्रहरी कार्यालयको परिसर भित्रै नष्ट गरिएको प्रहरीले जनाएको छ ।

सिडिओेको आदेशमा पत्रकारलाई निषेध – मन्त्री उपस्थित कार्यक्रम बहिष्कार

जेठ ७, २०७७ नवलपरासी : प्रदेश ५ का सामाजिक विकास मन्त्री सुदर्शन बरालको उपस्थितिमा मंगलबार परासीस्थित रामग्राम नगरपालिकाको कार्यालयमा भएको कार्यक्रममा पत्रकारलाई प्रवेश गर्न रोक लगाइयो। मन्त्री आउने सूचना पाएर बिहान ९ बजे नगरपालिका पुगेका पत्रकारलाई गेटमा रहेका प्रहरीले ‘पत्रकारलाई छिर्न नदिने आदेश भएकोले बाहिरै बस्नुस्’ भनी गेटबाटै फर्काए।

जिल्ला समन्वय समितिका प्रमुख शिवशंकर रायले मन्त्री आउने भन्दै पत्रकारलाई निमन्त्रणा गरेका थिए। कोरोना नियन्त्रणका लागि अग्रपक्तिमा रहेर समाचार सम्प्रेषण गर्दै आएका पत्रकारलाई उक्त कार्यक्रममा प्रवेश नदिईपछि पत्रकारहरुले उक्त कार्यक्रम बहिस्कार गरी फर्किएका थिए। पत्रकारहरुले यस किसिमको कार्यको गम्भीर भर्त्सना गर्दै निन्दनीय घटना भनेका छन्।

रिपाेर्टिङका लागि पुगेका पत्रकारलाई प्रवेशमा निषेध गरिएपछि उक्त कार्यक्रमको समाचार समेत सम्प्रेषण नगर्न अनुरोध गरिएको नेपाल पत्रकार महासंघ जिल्ला शाखा अध्यक्ष हरि शर्माले बताएका छन्। लकडाउनलाई प्रभावकारी कार्यान्वयन गराउन नसकेको भन्दै आरोप खेप्दै आएका प्रमुख जिल्ला अधिकारी वासुदेव दाहालको यो आदेशलाई रहस्मय लिएको छ।

कार्यक्रममा मन्त्रीसहित प्रदेशसभा सदस्य, जिसस प्रमुख, सातै स्थानीय तहका प्रमुख, सिडिओ, स्वास्थ्य कार्यालय प्रमुख, सुरक्षा निकायका प्रमुख, पृथ्वीचन्द्र अस्पतालका डा मोहमम्द नुरुल होदालगायतको सहभागिता रहेकाे बताइएकाे छ। source:thahakhabar.com