कोरोना संकास्पद अर्घाखाँचीका युवकको स्वाब परिक्षण नेगेटिभ


श्याम घिमिरे
बैशाख १८, अर्घाखाँची –
अर्घाखाँची जिल्लाको भुमिकास्थान नगरपालिका वडा नं. ८ नुवाकोटका ३७ वर्षीय एक युवकको पिसिआर विधिबाट गरिएको कोरोना परिक्षणको रिपार्ट नेगेटिभ आएको छ । भुमिकास्थान नगरपालिका वडा नं. ८ नुवाकोटको यशोधरा आधारभूत विद्यालयको क्वारेन्टीनमा १८ दिन देखी बस्दै आएका युबकको बुटबलमा गरीएको स्वाब परीक्षणको रिपोर्ट नेगेटिभ आएको अर्घाखाँची जिल्ला अस्पतालका प्रमुख डा.कपिल गौतमले जानकारी दिनुभयो ।


उनको मंगलबार दिउँसो आरडीटी टेस्ट गर्दा पोजेटिभ देखिए पछि सोही दिन साँझ अर्को पटक आरडीटी परीक्षण गरीएको थियो, साँझ गरीएको आरडीटी परीक्षण नेगेटिभ देखिए पछि उनको स्वाबलाई बुटबल पठाईएको थियो । उनलाई अहिले बुटबलमा रहेको कोरोना बिशेष अस्ततालको निगरानिमा राखिएको र उनको अबस्था सामान्य रहेको डा. गौतमले बताउनुभयो । उनि केही दिन अगाडी भारतबाट नेपाल आएका थिए । यसैबिच डा.गौतमले कोरोना भाईरसबाट जोगीन सबैलाई सचेत र सजग रहन आग्रह समेत गर्नुभएको छ ।