नेपालमा थप एक जनामा कोरोना सङ्क्रमण, सङ्क्रमितको संख्या ५२ पुग्यो

बैशाख १४, काठमाण्डौ – नेपालमा थप एक जना कोरोना सङ्क्रमणको पुष्टि भएको छ । झापाका ५० वर्षका पुरूषमा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ । मन्त्रालयका सह-प्रवक्ता डा.समीरकुमार अधिकारीका अनुसार कोशी अस्पताल, विराटनगरमा भएको परीक्षणको नतिजा अनुसार झापाका ५० वर्षकम पुरुषमा कोरोना पोजिटिभ देखिएको हो ।

यो सँगै नेपालमा कोरोना संक्रमितको संख्या ५२ पुगेको छ । १६ जना उपचारपछि निको भएका छन् ।

लकडाउन वैशाख २५ सम्मलाई लम्ब्याउने सरकारको निर्णय

बैशाख १४, सरकारले लकडाउनको समय वैशाख २५गतेसम्म थपेको छ । आइतबार बसेको मन्त्रीपरिषद्को बैठकले कोरोनाको जोखिम कायमै रहेको भन्दै लकडाउनको समय २५ गतेसम्म पुर्याएको हो । तर उद्योग कलकारखाना सञ्चालनमा भने खुकुलो बनाइएको एक मन्त्रीले जानकारी दिए ।

‘नागरिकहरुको लागि लकडाउन पहिले जस्तै कडा नै हुन्छ, तर उद्योग खोल्न भने खुकुलो बनाउने निर्णय भएको छ’, ती मन्त्रीले भने । चैतको ११ गतेदेखि लकडाउन गरिरहेको सरकारले अहिले तेस्रोपटक थपेर वैसाख २५ गतेसम्म पुर्याएको छ । source:ujyaaloonline

भारतबाट फर्कीएका एकसय अठ्ठाईस जना स्थानिय क्वरेण्टीनमा


सन्धिखर्क एफएम
बैशाख १४ अर्घाखाँची –
कोरोना भाईरसका कारण नेपाल भारत सिमानाकामा लकडाउनमा परेका अर्घाखाँचीका १ सय २८ जनालाई जिल्लामा ल्याईएको छ । सुक्रबार र सनिबार गरी उनिहरुलाई जिल्लामा ल्याईएको हो । भारतको नौतनवाको एक बिद्यालयको क्वरेण्टीनमा २६ दिन राखेर जिल्लामा ल्याइएका उनीहरुलाई पुनः १४ दिनको लागि स्थानीय सरकारले निर्माण गरेको क्वरेण्टीनमा राखिएको अर्घाखाँचीका प्रमुख जिल्ला अधिकारी विजयराज पौडेलले बताए । जिल्ला प्रशासन कार्यलयमा बसेको सर्वपक्षीय बैठकको निर्णयबाट दुबै देशका सरकारको समन्वयमा सिमानाकाको क्वरेण्टीनमा बसेका उनीहरुलाई गृह जिल्ला ल्याईएको हो ।

भारतको बिभिन्न ठाँउमा रोजगारी गरी फर्किएका मालारानी गाउँपालिकाका ९३ जना, सन्धिखर्क नगरपालिका २० जना, पाणिनि गाउँपालिकाका ९ जना , छत्रदेव गाउँपालिकाका ४ जना र शितगंगा नगरपालिकाका १ जना गरी १ सय २८ जनालाई सम्बन्धित पालिकाको क्वरेण्टीनमा राखिएको प्रजिअ पौडेलले जानकारी दिए । आफ्ना पालिकाका बासिन्दालाई सम्बन्धित पालिकालेनै व्यवस्थापन गर्नेगरी क्वरेण्टीनमा राखिएको मालारानी गाउँपालीका अध्यक्ष बालकृष्ण आचार्यले बताए ।

खड्काद्धारा ब्यक्तिगत पहलमा ५ पिस पिपिई र ७ हजार पिस माक्स हस्तान्तरण

Image may contain: 1 person, standing and outdoor


श्याम घिमिरे सन्धिखर्क एफएम
बैशाख १४ अर्घाखाँची –
कोभिड १९ संक्रमण नियन्त्रणको सिलसिलामा राष्ट्रिय युवा संघ नेपाल अर्घाखाँचीका जिल्ला सदस्य एवं युबा व्यक्तित्व शशिकिरण खड्काले जिल्लालाई विभिन्न स्वास्थ्य साम्राग्रिहरु हस्तान्तरण गर्नुभएको छ । अर्घाखाँचीको मालारानि गाउँपालिका वडानम्वर ५ बाँगी निवासी हाल सन्धिखर्क नगरपालीका १ रतहले बस्दै आईरहनुभएका खड्काले व्यक्तिगत पहलमा सर्जिकल माक्स ७ हजार पिस,पिपिई ५ पिस र स्यानीटाइजर २१ पिस आईतबार प्रमुख जिल्ला अधिकारी विजयराज पौडेललाई हस्तान्तरण गर्नु भएको हो ।
यसैबिच कोरोना भाईरस रोकथामकोलागी जिल्लामा अत्यन्तै आबश्यक रहेका सामाग्रीहरु प्रदान गरेकोमा प्रजिअ पौडेलले खड्कालाई धन्यवाद समेत प्रकट गर्नुभएको छ ।

वीरगञ्जका २ जनामा काेराेना पुष्टि, सङ्क्रमितकाे सङ्ख्या ५१ पुग्याे

बैशाख १४, २०७७ आइतबार पर्सा – वीरगञ्जका दुई जनामा काेराेना भाइरस (काेभिड १९) काे सङ्क्रमण पुष्टि भएकाे छ ।  राष्ट्रिय जनस्वास्थ्य प्रयोगशाला टेकुमा गरिएको परीक्षणमा वीरगञ्जका दुई जना पुरुषमा कोरोनाको सङ्क्रमण भएको पाइएको स्वास्थ्य तथा जनसङ्ख्या मन्त्रालयले जनाएको छ । दुवै जना ५० वर्ष उमेरका हुन् । योसँगै नेपालमा कोरोना सङ्क्रमितको संख्या ५१ पुगेको छ । १२ जना निको भएर डिस्चार्ज भएका छन् ।