नेपालमा कोरोना नियन्त्रणमा सहयोगका लागि कोरियामा डेढ करोड संकलन

 चैत १७, २०७६ सोमबार -वैदेशिक रोजगारीको लागि कोरियामा रहेका नेपालीहरुले नेपालमा कोरोनाको संभावित संक्रमण रोक्ने काममा सहयोग गर्न एक करोड ५० लाख रुपैँया संकलन गरेका छन् । 

अहिले कोरियामा प्रयोग भैरहेको तीन घण्टामै कोरोना परीक्षणको नतिजा दिने किट्स, पीपीइ लगायत स्वास्थ्यसम्बन्धी सामग्री किनेर पठाउन रकम संकलन गरिएको गैह्रआवासीय नेपाली संघ कोरियाका सचिव मनोज गौतमले जानकारी दिनुभयो । संघले हिजोसम्म रकम संकलन गरेको थियो ।  

गैह्रआवासीय नेपाली संघको तर्फबाट तीन हजार र कोरियामा रहेका नेपालीहरुको तर्फबाट दुई हजार किट्स खरिद गरी नेपाल पठाउने तयारी भए पनि उडान समस्याका कारण ढिला भएको र आउँदो शुक्रबारसम्ममा सामग्री पठाइसकिने  सचिव गौतमले जानकारी दिनुभयो । 

किट्स, पीपीईलगायत सामग्री खरिदका लागि कोरियन कम्पनी क्इीन्भ्ल्त् सँग नयाँ सम्झौता गरिएको पनि सचिव गौतमले बताउनुभयो ।

‘नेपाल र कोरियाली सरकारसँगको समन्वयमा अप्रिल तीन तारिखमा चार्टर उडानको तयारी भैरहेको छ, त्यो सम्भव नभएमा सौल ग्वाङझाऊ हुदै अप्रिल तिन तारिखसम्म नेपाल पुराउने हाम्रो प्रयास हुनेछ’ गैह्र आवासीय नेपाली संघ कोरियाका महासचिव बिमल सुबेदीले भन्नुभयो । source:ujyaaloonline

सात वटै प्रदेशमा पुग्यो कोभिड-१९ नियन्त्रण गर्न चाहिने सामग्री

चैत १७, २०७६ सोमबार काठमाण्डौ – सरकारले कोभिड-१९ नियन्त्रण गर्न चीनबाट ल्याएको सामग्री सात वटै प्रदेशमा वितरण गर्न सुरु गरेको छ । 

स्वास्थ्य सेवा विभागका महानिर्देशक महेन्द्रप्रसाद श्रेष्ठकाअनुसार कर्णाली प्रदेशको सुर्खेतमा सेनाको हेलिकप्टरमार्फत सामग्री पुगिसकेको छ । यही हेलिकप्टरले सुदूरपश्चिम प्रदेशको धनगढीमा पनि सामान लैजाँदै छ ।

कर्णाली र सुदूरपश्चिमबाहेक हेलिकप्टरमार्फत विराटनगरमा पनि सामान गइसकेको मन्त्रालयले जनाएको छ । अन्य प्रदेशमा पनि स्थलमार्ग भएर सामान लिएर गाडी छुटिसकेका छन्  ।

सरकारले सातै प्रदेशमा ल्याब सञ्चालन गरेर त्यही कोभिड–१९ को परीक्षण गर्ने तयारी गरेको छ । प्रदेश स्तरमा रहेका अस्पतालका ल्याब स्तरवृद्धि गरी सञ्चालन सम्भाव्यताको लागि ल्याब विज्ञहरुको टोली पनि पठाइसकिएको स्वास्थ्य मन्त्रीका स्वास्थ्य विज्ञ डाक्टर खेम कार्कीले जानकारी दिनुभयो । source:ujyaaloonline

कोरोना भाइरस : विश्वरभर ३४ हजारको ज्यान गयो, ७ लाखमा संक्रमण

चैत १७, २०७६ सोमबार काठमाण्डौ – विश्वभर अहिलेसम्म कोरोना संक्रमणका कारण ३३ हजार ९ सय ९८ जनाको ज्यान गएको छ भने कोरोना संक्रमितको संख्या ७ लाख नाघेको छ । ७ लाख २३ हजार ५ सय ९४ संक्रमितमध्ये १ लाख ५१ हजार ८ सय २४ जना उपचारपछि निको भएका छन् । १ सय ९९ देशसहित दुई वटा अन्तराष्ट्रिय पानीजहाजमा कोरोना फैलिएको छ ।