अर्घाखाँचीको डोहोटेमा हेल्थ डेस्क स्थापना गरीने

सन्धिखर्क एफएम चैत ९-
अर्घाखाँचीमा कोरोना भाइरस सम्बन्धि हेल्थ डेस्क स्थापनार्थ अनुगमन लाई तिब्रता दिइएको छ । प्रदेश सभा सदस्य चेतनारायण आचार्य सहितको टोलिले अर्घाखाँचीका विभिन्न ठाउँमा हेल्थ डेक्स स्थापना गर्ने निणय गर्दे मुख्य सिमावर्ती क्षेत्र ठाडाको डोहोटेमा आईतबार स्थलगत निरीक्षण गरेको हो ।

निरीक्षणमा शितगंगा नगरप्रमुख सुर्य प्रसाद अधिकारी, सन्धिखर्क नगर उपप्रमुख ठाकुर कुमार बिक, शितगंगा नगर उपप्रमुख टीका रेश्मी, प्रमुख जिल्ला अधिकारी बिजयराज पौडेल, प्रहरी नायब उपरीक्षक प्रकाश बिष्ट, शसस्त्र प्रहरी बलका प्रहरी नायब उपरीक्षक माधब रेग्मी,रामबाँण गुल्मका प्रमुख सुमन थापा, जनस्वास्थ प्रमुख पुष्पा थापा, स्वास्थ्थ कार्यालयका प्रमुख डा.कपिल गौतम लागायत सरोकारवाला निकायको सहभागीता रहेको थियो ।

टोलिले सोमबार बिहान देखि डोहोटेमा हेल्थ डेस्क स्थापना गर्ने जनाईएको छ ।यस्सै जिल्लाका ६ वटै स्थानीय निकायहरुले पनि सोमबार देखि नै आआफ्नो सिमामा हेल्थ डेक्स स्थापना गर्ने समाचारमा जनाईएको छ ।

भारत र बिदेशबाट अर्घाखाँची आएकाहरु अनिबार्य १४ दिन सेल्फ क्यारेन्टाईनमा बस्नु पर्ने

अर्घाखाँची चैत १० –
अर्घाखाँची जिल्लामा भारत हुँदै नेपाल आउनु भएका र बिदेश बाट नेपाल आउनु भएका सम्पुर्ण दाजु भाइ दिदी बहिनी हरुलाई १४ दिन सम्म अनिवार्य सेल्फ क्यारेन्टाईनमा बस्नुपर्ने गरि जिल्ला स्तरिय कोरोना रोकथाम नियन्त्रण समन्वय समितिले निर्णय गरेको छ । यदि कोही कसैले अटेर गरेमा नजिकको प्रहरी कार्यलय वा जिल्ला प्रहरी कार्यलयको फोन न ०७७४२०१०० वा वडा अध्यक्ष , गाउँपालिका प्रमुखहरुलाई जानकारी गराउन प्रमुख जिल्ला अधिकारि बिजयराज पौडेलले आग्रह गर्नुभएको छ ।

सेल्फ क्यारेन्टाईनमा बस्दा एक जना व्यक्ती एउटा कोठा बस्ने , परिबारका सद्स्य हरुसङ घुलमिल नगर्ने , आफू बस्ने कोठा सफा गर्ने ,सौचालय सफा राख्ने , साबुन पानीले हात धुने ,१४ दिनको अबधि सम्म कोरोना भाईरसका लक्षण नदेखिएमा मात्र परिबार र समाजमा घुलमिल हुन पाईने छ । त्यस्तो लक्षण देखियमा तत्काल नजिकको स्वास्थ्य सस्थामा खबर गर्न समेत प्रमुख जिल्ला अधिकारी पौडेलले आग्रह गर्नु भएको छ ।

कोरोनाबाट ज्यान गुमाउनेको संख्या १४ हजार ६ सय नाघ्यो

चैत १०, २०७६ सोमबार – कोरोनाको सङ्क्रमणका कारण विश्वभर ज्यान गुमाउनेको संख्या १४ हजार ६ सय १२ पुगेको छ । एक सय ९१ देश र एउटा पानीजहाजमा फैलिएको कोरोना भाइरसबाट पछिल्लो २४ घण्टामा १ हजार ५ सय ९९ जनाको ज्यान गएसँगै ज्यान गुमाउनेको संख्या १४ हजार ६ सय १२ पुगेको छ । 

इटालीमा पछिल्लो २४ घण्टामा ६ सय ५१ जनाले ज्यान गुमाएका छन् । त्यहाँ ज्यान गुमाउनेको संख्या ५ हजार ४७६ पुगेको छ । त्यहाँ ५९ हजार १३८ जना सङ्क्रमित छन् । 

अमेरिकामा पछिल्लो २४ घण्टामा ११३ जनाले ज्यान गुमाएका छन् । त्यहाँ ज्यान गुमाउनेको संख्या   ४ सय १५ पुगेको छ ।

संसारभर अहिलेसम्म तीन लाख ३५ हजार ५११ जना सङ्क्रमित भएकोमा ९७ हजार ६३७ जना उपचारपछि निको भएका छन् । 

कोरोनाको सङ्क्रमण बढ्दै गएपछि जर्मनीले दुई जना भन्दा बढी व्यक्ति भेला हुन प्रतिबन्ध लगाएको छ । चान्स्लर एन्जेला मर्केलले सङ्क्रमणको दरलाई सुस्त बनाउन मानिसको व्यवहार नै सबैभन्दा प्रभावकारी उपाय भएकोले व्यक्तिबीचको दूरी कायम गर्न सबैलाई आग्रह गर्दै दुई जना भन्दा धेरै व्यक्ति भेला हुन प्रतिबन्ध लगाएको बीबीसीले जनाएको छ । 

अमेरिकाको न्यूयोर्कमा भेन्टिलेटर लगायत अत्यावश्यक स्वास्थ्य सामाग्री अब १० दिनलाई मात्र पुग्ने चेतावनी दिइएको छ । न्यूयोर्कका मेयर बिल डि ब्लासियोले आफूहरु ठूलो अभावको १० दिन मात्रै नजिक रहेको भन्दै तत्काल व्यवस्था नभए मानिसहरु सेवा नपाएर ज्यान गुमाउने अवस्था आउने बताउनुभएको बीबीसीले जनाएको छ ।

कोरोना सङ्क्रमण बढ्दै गएपछि अस्ट्रेलियाले सिनेमाघर, पुजास्थल लगायत बन्द गराएको छ । बेलायतका प्रधानमन्त्री बोरिस जोनसनले व्यक्तिगत दूरी कायम नगरे कडा प्रतिबन्ध लगाउने चेतावनी दिनुभएको छ । source:ujyaaloonline

‘८० प्रतिशतभन्दा बढी कोरोना सङ्क्रमित व्यक्तिहरू आँफै निको हुने गरेका छन्’

काठमाडौं चैत ९, एजेन्सी । झण्डै ८० प्रतिशतभन्दा बढी व्यक्तिमा कोरोना भाइरसको सङ्क्रमण भए पनि उनीहरू आँफै निको हुनसक्ने भारतीय चिकित्सा अनुसन्धान परिषद् (आइसीएमआर) का महानिर्देशक बलराम भार्गवले आइतबार बताएका छन् ।

भार्गवले सार्वजनिक वृत्तबाट स्वास्थ्य क्षेत्रमा गरिएको आलोचनाबारे सम्बोधन गर्दै भने, ‘बिरामीको अवस्था बुझ्नु जरूरी छ । कोरोना भाइरस सङ्क्रमणका सामान्य बिरामी ८० प्रतिशतभन्दा बढी हुने र चिसोका कारण आउने यस्तो ज्वरो आँफै निको हुनसक्छ । कोरोना भाइरसको सङ्क्रमणका कारण २० प्रतिशत बिरामीमा रूघा, खोकी, ज्वरोका जटिल समस्या देखिने र तिनीहरूको उपचार अस्पतालमा भर्ना भएर गर्नुपर्ने हुन्छ ।’

‘अस्पतालमा भर्ना हुने करिब पाँच प्रतिशत कोरोना सङ्क्रमित विरामीलाई मात्र रोग प्रतिरोधका लागि उपचार दिइने र कतिपय बिरामीलाई मात्र नयाँ प्रकारका औषधिको संयोजन मिलाएर उपचार गरिने हो,’ उनले थपे । भारतमा अहिलेसम्म १५ हजारदेखि १७ हजार बिरामीको कोरोना भाइरस सङ्क्रमण परीक्षण भएको र अहिलेसम्म भारतमा ३४१ जनामा भाइरस सङ्क्रमणको पुष्टि भएको आइसीएमआर महानिर्देशकले बताए ।

भारतमा एक दिनमा १० हजार व्यक्तिमा सङ्क्रमण परीक्षण गर्ने क्षमता रहेको र एक सातामा ५० देखि ७० हजार व्यक्तिको सङ्क्रमण परीक्षण गर्न सकिने दाबी पनि उक्त अवसरमा गरे । कोभिड–१९ को सङ्क्रमणको रोकथाम र नियन्त्रणको सबैभन्दा राम्रो उपाय हरेक सङ्क्रमित व्यक्ति र सङ्क्रमित नभएको व्यक्ति पनि सकेसम्म एक्लै बस्ने भएको उनले बताए । कोभिड–१९ भाइरस हावामा नरहने तर व्यक्तिगत सम्पर्क वा साना साना पानी वा पसिनाका कणबाट सर्ने उनले बताए ।

source:ratopati.com

आजदेखि काठमाण्डौ उपत्यकाबाहेक अरु ठाउँमा एक जिल्लाबाट अर्को जिल्लामा गाडी चलाउन नपाइने

 चैत १०, २०७६ सोमबार काठमाण्डौ – सरकारले सोमबारदेखि लामो दूरीका सार्वजनिक गाडी चलाउन रोक लगाएको छ । काठमाण्डौ उपत्यकाबाहेक अरु ठाउँमा एक जिल्लाबाट अर्को जिल्लामा गाडी चलाउन नपाइने सरकारले जनाएको छ ।

सोमबारदेखि अर्को सूचना प्रकाशित नभएसम्मका लागि एक जिल्लाबाट अर्को जिल्लामा गाडी चलाउन नपाइने यातायात व्यवस्था विभागले जनाएको छ ।

विभागका महानिर्देशक गोगन हमालले सोमबारदेखि काठमाण्डौ, ललितपुर र भक्तपुरभित्र गाडी ओहोर दोहोर गर्न पाइने भए पनि काठमाण्डौ बाहिरका सबै ठाउँमा भने एक जिल्लाबाट अर्को जिल्लामा जान नपाउने बताउनुभयो । यो नियम उपत्यकाका तीन सहरबाहेक सबैतिर लागू हुने उहाँको भनाइ छ । 

उहाँले भन्नुभयो, ‘अब पाँचथरबाट ताप्लेजुङ अनि हुम्लाबाट जुम्लासम्म पनि जान रोकिनेछ । यसको अर्थ सीमा जोडिएका जिल्लामा पनि केही समयमा लागि गाडी चलाउन पाइने छैन ।’

महानिर्देशक हमालकाअनुसार सरकारले यात्रु ओसार्ने सार्वजनिक, निजी र भाडाका चार पाङ्ग्रे तथा दुई पाङ्ग्रे सबै यातायातका साधनमा यो नियम लागू हुनेछ । तर यो बेलामा पनि एम्बुलेन्स, पानी, औषधि, दूधलगायतका अत्यावश्यक सेवाका गाडी भने चल्न पाउने उहाँले बताउनुभयो । source:ujyaaloonline