६ महिनाकालागी जिल्लामा औषधीको अभाव नहुने , हल्लाका पछि नलाग्न औषधि ब्यवसायीको आग्रह,सरसफाईमा बिशेष ध्यान दिनुपर्ने ।

श्याम घिमिरे चैत ३ अर्घाखाँची –
अर्घाखाँचीका औषधि ब्यवसायीहरुले ६ महिनाका लागी जिल्लामा औषधीको अभाव नहुने बताएका छन । अहिले सम्म बिक्रिबितरण हुदै आएका सबैखाले औषधी बिसम परिस्थिति बाहेक ६ महिना सम्मका लागी स्टक रहेकोले नआत्तिन उनिहरुले अर्घाखाँची बासीलाई अपिल समेत गरेका छन् । विश्वभर फैलिरहेको कोरोना भाइरस (कोभिड १९) को त्रासले जनता आतंकित भएको भन्दै हल्लाको पछि नलाग्न र नडराउन पनि व्यवसायीहरुले सबैलाई आग्रह गरेका छन ।

संक्रमणको संत्रासलाई कम गर्न सचेतना दिने उद्देश्यका साथ नेपाल औषधि व्यवसायी संघ अर्घाखाँचीले सोमबार सन्धिखर्कमा आयोजना गरेको पत्रकार सम्मेलन मार्फत उनिहरुले यस्तो अपिल गरेका हुन् ।


उनिहरुले औषधी र माक्समा मेडिकलहरुले कालोबजारी गरेको पाईएमा समितीलाई जानकारी गराउन आग्रह गरे । यो अबस्थामा कालोबजारी गर्न खोज्नेलाई कारकाही गर्ने उनिहरुले बताए । नियमित सरसफाई,शारीरीक ब्यायाम,स्वस्थ्य आहार–बिहारमा ध्यान दिने ,ईम्युनिटी पावर बढाउने खालका खानेकुराहरु प्रयोगमा जोड दिए कुनैपनि रोगले तुरुन्तै आक्रमण नगर्ने भन्दै व्यवसायिहरुले अनाबश्यक रुपमा नअत्तालिन जिल्लाबासीलाई अनुरोध समेत गरे ।

संस्थाका अध्यक्ष प्रेम बहादुर पछाईको अध्यक्षता र महासचिव तिलक मिश्रको सञ्चालनमा सम्पन्न पत्रकार सम्मेलनमा र सम्मेलनमा लुम्बिनी अञ्चल शाखा परामर्श सल्लाहकार नारायण प्रसाद पौडेल,निबर्तमान औषधी व्यवसायी संघका अध्यक्ष लिलामणी ढुङ्गाना लगायतले मन्तव्य राख्दै नेपालमा कोरोनाको संक्रमण आएमा नियन्त्र गर्नुभन्दा आउन नदिन बढि ध्यान दिनुपर्नेमा जोड दिए ।

यस्तै नियमित उमालेको पानी पिउने,सावुनपानीले राम्रो संग हात धुने,भिडभाडमा नजाने,भेटघाट हुँदा हात नमिलाउने,रुघाखोकी लागे माक्स प्रयोग गर्ने जस्ता सकरात्मक गतिबिधि गरेमा पनि रोग सर्नबाट बच्न सकिने उनिहरुको भनाई रहेको थियो ।

अर्घाखाँची अस्पतालमा काेराेना भाईरसकाे उपचारका लागि आइसोलेसन कक्षकाे स्थापना

अशाेक खनाल/सन्धिखर्क एफएम अर्घाखाँची, ३ चैत – अर्घाखाँची अस्पतालले कोरोना भाइरसको शंकास्पद बिरामीको उपचार गर्न आइसोलेसन कक्षको स्थापना गर्ने भएको छ।

सन्धीखर्क नगरपालिकाको पहलमा अस्पतालमा आईसोलेसन कक्ष स्थापना हुँन लागेको हो । आइसोलेसन कक्ष निर्माणको तयारीका लागि सन्धीखर्क नगरपालिकाका नगर प्रमुख कमल प्रसाद भुसाल, उपप्रमुख ठाकुर कुमार बिक,नगर प्रबक्ता लिलाराम गौतम सोमबार अस्पताल पुगि आजै देखि कार्य प्रारम्भ गर्न नगरपालिकाका सिनियर सव-इन्जिनियर हरि बोहरालाई खटाइएका छन् ।

कक्ष स्थापना पश्च्यात अस्पतालले जिल्लामै शंकास्पद बिरामीको खकार,सिंगानको नमुना संकलन गरी परिक्षण गर्ने ब्यवस्था मिलाउने अस्पतालका प्रमुख कपिल गौतमले जानकारी दिए ।

अर्घाखाँचीमा भएको क्षतिप्रति रायमाझी र उज्जवलद्धारा दुःख व्यक्त

अर्घाखाँचीमा भएको क्षतिप्रति रायमाझी, भुसाल र उज्जवलद्धारा दुःख व्यक्त

श्याम घिमिरे सन्धिखर्क एफएम ,चैत्र ३ अर्घाखाँची- नेपाल कम्युनिष्ट पार्टी नेकपा केन्द्रीय स्थायि कमिटी सदस्य एवं प्रतिनिधि सभा सदस्य टोपबहादुर रायमाझी र राष्ट्रिय सभा सदस्य चन्द्रबहादुर खड्का उज्ज्वलले शितगंगा नगरपालिका वडानम्वर १२ का वर्ष १० का विकास नेपाली, भुमिकास्थान नगरपालिका वडानम्वर ९ का वर्ष ३८ का शालिकबहादुर बलालको प्राकृतिक विपतबाट ज्यान गुमाएको प्रति दुख्ख व्यक्त गदै शोकाकुल परिवारलाई धैर्य धारणा गर्न आग्रह गर्नुभएको छ ।

यस्तै चैत्र १ गते शितगगा नगरपालिकाका विभिन्न वडाहरूमा आएको असिना पानिले पु¥याएको क्षति प्रति पनि दुख्ख व्यक्त गदै राहत र क्षतिपूर्तिको लागि आफनो तर्फबाट विशेष पहल गर्ने रायमाझी र खड्काद्वारा जारी संयुक्त प्रेस विज्ञप्तीमा जनाईएको छ ।

अर्घाखाँचीमा एसईईमा ३६ सय भन्दा बढि परीक्षार्थी सहभागि हुँदै, १७ जना विद्यार्थी परीक्षा दिनबाट बञ्चित

श्याम घिमिरे चैत्र ३ अर्घाखाँची –
यही चैत्र ६ गते देखि सञ्चालन हुने माध्यमिक शिक्षा परीक्षा एसईईमा अर्घाखाँचीबाट ३६ सय भन्दा बढि परीक्षार्थीहरु सहभागि हुने भएका छन् । नियमित,ग्रेड वृद्धी र प्राविधिक धारका गरि जिल्लामा ३६ सय ८ परिक्षार्थीहरु परीक्षामा सहभागि हुने शिक्षा विकास तथा समन्वय इकाइ प्रमुख मनिराम पराजुलीले जानकारी दिनुभएको छ ।


प्रमुख पराजुलीले दिएको जानकारी अनुसार नियमित तर्फ १९ सय ६७ छात्रा र १६ सय ४१ छात्र गरि ३६ सय ८ परिक्षार्थी रहेका छन् । त्यस्तै ग्रेड वृद्धी तर्फ ५४ छात्रा र ४३ छात्र गरि जम्मा ९७ परीक्षार्थी रहेका छन् । यस्तै प्राविधिक धार तर्फ नियमिति र ग्रेड वृद्धी गरि जम्मा ६५ जना परीक्षार्थी परीक्षामा सहभागि हुने भएका छन् ।

परीक्षाका लागि जिल्लाभर १७ वटा केन्द्रमा १७ केन्द्राध्यक्ष ,१९ सहायक केन्द्राध्यक्ष, १७१ निरीक्षक, ३४ सहायक कर्मचारी, ६८ जना बिद्यालय सहयोगी कर्मचारी र २५५ जना सुरक्षाकर्मी खटीने छन् । परीक्षाको लागी आवश्यक सम्पूर्ण तयारी पूरा भएको प्रमुख पराजुलीले बताउनुभयो ।

यसैबीच पराजुलीले यस बर्षको एसईई परिक्षालाई मर्यादित, ब्यबस्थीत र स्वच्छ रुपमा सम्पन्न गर्न जिल्लामा रहेका सबै सरोकारवाला निकायहरुलाई आग्रह समेत गर्नुभएको छ ।

असिनाले मानविय तथा कृषिमा भएको क्षतिप्रति नेकपा अर्घाखाँचीद्धारा दुःख व्यक्त

अर्घाखाँची, २ चैत । नेपाल कम्युनिष्ट पार्टी अर्घाखाँचीले एक विज्ञप्ती जारी गर्दै चैत १ गते राती परेको अविरल वर्षापछि भएको क्षतीप्रति दुःखत व्यक्त गरेको छ

सितगंगा नगरपालिकामा भएको मानविय तथा कृषिजन्य क्षतिमा नेकपा अर्घाखाँचीले दुःख व्यक्त गर्दै तत्काल राहत दिनका लागी स्थानिय, प्रदेश र संघिय सरकारलाई आग्रह गरेको छ ।

नेकपा अर्घाखाँचीका अध्यक्ष चेतनारायण आचार्य र सचिव ठाकुर कुमार विकद्धारा जारी विज्ञप्तीमा भनिएको छ, ‘भुमिकास्थान नगरपालिकाको ढिकुरा निवासी वर्ष ३८ का शालिक बहादुर बलाल र सितगंगाको ठाडा रजियाँ रातामाटाका वर्ष १० का विकास नेपालीको निधनप्रति दुःख व्यक्त गरेको छ।’