सन्धिखर्क नगरपालीका वडानम्वर २ को आयोजनामा भलिबल प्रतियोगीता सुरु, खेल क्षेत्रको विकासकालागि नगरपालीकाले बिशेष ध्यान दिएको नगरप्रमुख भुसालको भनाई (तस्बिर सहित)

श्याम घिमिरे
फागुन २ अर्घाखाँची
सन्धिखर्क नगरपालीकाका नगर प्रमुख कमल प्रसाद भुसालले खेल क्षेत्रको विकासकालागि नगरपालीकाले बिशेष ध्यान दिएको बताउनु भएको छ । सन्धिखर्क नगरपालीका वडानम्बर २ को आयोजनामा सुरु भएको सन्धिखर्क नगरपालीका वडानम्बर १ र २ स्तरीय अन्तर माबि छात्र,छात्रा भलिबल प्रतियोगिताको आज उद्घाटन गर्दे यस्तो बताउनु भएको हो । भुसालले जिल्लामा पछिल्लो समय ठूलाठूला प्रतियोगिता समेत हुन लागेकाले यस्ता प्रतियोगिताले खेल क्षेत्रको विकासमा ठुलो मद्दत पुग्ने भन्दै खेलकुदको विकासमा आवश्यक वजेट बिनियोजन गर्न कन्ज्युसाइ गर्न नहुनेमा जोड समेत दिनुभयो ।

कार्यक्रममा मनतब्य राख्दै प्रमुख जिल्ला अधिकारी बिजयराज पौडेलले स्थानीय स्तरमा हुने प्रतियोगिताको माध्यमबाट नै राष्ट्रिय खेलाडी बन्ने भएकोले प्रतियोगिता आयोजनाले राष्ट्रिय खेलाडी निर्माणमा सहयोग पुग्नेमा बिश्वास व्यक्त गर्नुभयो ।

वडानम्वर २ का वडाअध्यक्ष मोतिजंग रायमाझीको अध्यक्षता वडासदस्य शुश्मा श्रेष्ठको स्वागत मनतब्य र शिक्षक धुर्ब आचार्यको सन्चालनमा सम्पन्न उद्घाटन कार्यक्रममा शिक्षा बिकाश तथा समन्वय ईकाइ प्रमुख मनिराम पराजुली,सनपा १ का का.बा अध्यक्ष लक्ष्मण पराजुली,अर्घाखाँची शिक्षा क्याम्पस प्रमुख श्रीकृष्ण भुसाल, नेपाल पत्रकार महासंघका अध्यक्ष हिम जिसी लेकाली लगायतले शुभकामना मनतब्य राख्नुभएको हो ।

कार्यक्रममा सनपा उपप्रमुख ठाकुर कुमार बिक,प्रमुख प्रशासकिय अधिकृत जिबन ज्ञवाली,प्रहरी नायब उपरीक्षक प्रकाश बिष्ट,माधब रेग्मी,अनुसन्धान अधिकृत बिनय चर्तुबेदी लगायतको उपस्थिति रहेको थियो ।

अर्घाखाँची आबासीय माबिको व्यवस्थापनमा सुरु भएको प्रतियोगीतामा नगरका ७ बिद्यालयका छात्र र छात्रा गरी १४ टिमको सहभागीता रहेको छ । प्रतियोगीताको फाईनल खेल भोली हुने आयोजकले जनाएको छ ।

Advertisement

सन्धिखर्क नगरपालीका १० मा उपभोक्ता समितिका पदाधिकारीहरुलाई योजना कार्यान्वयन सम्बन्धी प्रशिक्षण तथा योजना सम्झौता कार्यक्रम सम्पन्न (तस्बिर सहित)

श्याम घिमिरे
फागुन २ अर्घाखाँची –
सन्धिखर्क नगरपालीको आयोजनामा नगरको वडानम्वर १० का उपभोक्ता समितिका पदाधिकारीहरुलाई योजना कार्यान्वयन सम्बन्धी अभिमुखीकरण प्रशिक्षण तथा योजना सम्झौता सम्बन्धि कार्यक्रम आज धरमपानीमा सम्पन्न भएको छ । आर्थिक वर्ष २०७६।०७७ मा वडाबाट सञ्चालन हुने करीब १७ वटा योजनाहरुका उपभोक्ता समिति र सरोकारवालाबीच योजना सम्झौता र कार्यादेश दिने काम सम्पन्न भएको हो ।

कार्यक्रममा विभिन्न उपभोक्ता समितिहरुलाई योजनामा गर्नुपर्ने कार्यहरुको बारेमा सहजीकरण गर्दे सन्धिखर्क नगरपालीकाका नगरप्रमुख कमल प्रसाद भुसालले सम्झौता अनुसार समयमै काम सम्पन्न गर्न सबै उपभोक्ता समितिहरुलार्ई आग्रह गर्नुभयो । भुसालले योजना सम्झौता कार्यमा अहोरात्र खटी सहयोग गर्ने कर्मचारी,जनप्रतिनिधि लगायत सबैलाई धन्यबाद समेत दिनुभयो ।
उपप्रमुख ठाकुर कुमार बिकले आर्थिक बर्षको अन्तिममा आएर कामगर्ने परीपाटीको अन्त्यगर्न आफुहरु लागी परीरहेको भन्दै सो कार्यमा सहयोग गर्न सम्पुर्ण नगरबासीलाई आग्रह गर्नुभयो ।

कार्यक्रममा नगरपालीकाका शाखा अधिकृत मञ्जु खनाल, योजना प्रमुख दिलिप केसी,ईन्जिनियर प्रमोद केसी, वडा अध्यक्ष लक्ष्मीनारायण चुँदाली, वडा सचिव धर्मराज भुसाल, सदस्य भेषराज क्षेत्री लगायतले योजनाहरुको बारेमा सहजीकरण गर्नुभएको थियो । यस्तै कार्यक्रममा नेपाल बैंक, लिमिटेड कार्यालय सन्धिखर्कबाट उक्त योजनाहरुको खाता खोल्ने कार्य समेत सम्पन्न भएको जनाईएको छ । वडामै आएर गरीने यस्ताखाले कार्यक्रमले आफुहरु अत्यन्तै खुसी भएको स्थानिय उपभोक्ताहरुको भनाईरहेको छ ।

प्रथम शितगंगा कृषि पर्यटन तथा औद्योगिक व्यापार महोत्सव शुरु

सचिन बोहोरा
ठाडा । अर्घाखांची शीतगंगा नगरपालिका– ३ ठाडामा प्रथम शीतगंगा कृषि, पर्यटन तथा औद्योगिक व्यापार महोत्सव विहीबारबा शुरु भएको छ । महोत्सवको प्रदेश–५ का पर्यटन मन्त्री लिला गिरीले उद्घाटन गरे । भौगोलिक हिसाकले देशकै ठुलो नगरपालिकामा शीतगंगा उद्योग वाणिज्य संघले आफ्नो स्थापनास“गै महोत्सव सञ्चालन गरेको छ ।

फागुन १२ गतेसम्म सञ्चालन हुने महोत्सवमा १ सय ५ स्टल छन् । दुई करोडको कारोवार हुने अपेक्षा आयोजकको छ । शीतगंगामा भएका धार्मिक तथा ऐतिहासिक पर्यटकीय स्थलको प्रचार–प्रचार गरी पर्यटक भित्राउनु पनि महोत्सवको उद्देश्य रहेको आयोजक शीतगंगा उद्योग वाणिज्य संघका अध्यक्ष चिन्तराज अधिकारीले बताए । शीतगंगामा उत्पादन भएको वस्तुको बजार प्रवद्धन गरी उत्पादन वृद्धि गर्न सहयोग पुग्ने विश्वास छ ।

नगरका १४ वटै वडा दुर्गम र भौगोलिक जटिलता छ । महोत्सवले नगरको विकास र सम्बृद्धिमा सहयोग पुग्ने नगर प्रमुख सुर्यप्रसाद अधिकारीले बताए । उद्घाटनम प्रदेश सांसद रामजीप्रसाद घिमिरे, निर्मला क्षत्री, जलपा भुसाल, जिल्ला समन्यव समिति प्रमुख पिताम्बर शर्मा, सन्धिखर्क नगरपालिका प्रमुख कमलप्रसाद भुसाल, प्रमुख जिल्ला अधिकारी विजय पौडेल लगायत दलका नेता, जनप्रतिनिधि, कर्मचारी, सुरक्षा प्रमुख, सञ्चारकर्मी एवं सर्वसाधारणको उल्लेख्य उपस्थिति रहेको छ । source:hindukhabar

६० लाखमा धातिवाङ्गमा कालिका मन्दिर निमार्ण हुदै, गाउँपालिका अध्यक्ष गौतमद्धारा शिलन्यास

घनश्याम पौडेल
अर्घाखाँची, १ फागुन । पाणिनी गाउँपालिकाका अध्यक्ष अच्युत गौतमले धार्मिक स्थलको संरक्षण गर्नुपर्नेमा जोड दिएका छन । अर्घाखाँची जिल्लाको पाणिनी गाउँपालिका वडा नं. ६ धातिवाङ्गमा निमार्ण हुन लागेको कालिका मन्दिरको शिलन्यास गर्दै अध्यक्ष गौतमले कालिका मन्दिरको निमार्णपछि पाणिनीमा पर्यटन प्रवद्र्धनमा थप टेवा पुग्ने बताए ।

गाउँपालिका भित्र रहेका पाणिनी तपोभुमि, दुर्वावेश्वर गुफा, सिद्धेश्वर गुफा लगाएतका प्रसिद्ध धार्मिक तथा पर्यटकीय स्थल रहेकाले ऐतिहासिक रुपमा बन्न लागेको मन्दिर पाणिनीकै नमुना हुनेमा विश्वस्त भएको बताए । मन्दिर निमार्णको क्रममा आवश्यक सहयोग गर्नका लागी गाउँपालिका तप्पर रहेको बताए ।

पाणिनी गाउँपालिकाका उपाध्यक्ष लक्ष्मी गौतमले अन्य विकास सँगै धार्मिक स्थलको संरक्षण र सम्बद्र्धनमा गाउँपालिकाले ध्यान दिएको बताईन । उनले मन्दिर निमार्णले धार्मिक सहिष्णुता कायम गरी राम्रो मन्दिर बनाई पाणिनी गाउँपालिकाको धार्मिक स्थल निमार्णमा एउटा इटा थपिने बताईन ।

पाणिनी गाउँपालिकाका प्रमुख प्रशासकिय अधिकृत मधुकृष्ण पौडेलले निर्माधादिन मन्दिर समयमै सम्पन्न हुनका लागी शुभकामना व्यक्त गरे । उनले राज्यबाट आएको रकम सदुपयोग भई ऐतिहासिक मन्दिर बनाउँनका लागी शुभकामना व्यक्त गरे ।

कार्यक्रममा डिभिजन वन कार्यालयका वन अधिकृत मोहन गजुरेल, साहु पौडेल कुलपुजा समाजका अध्यक्ष प्रेमनारायण पौडेल, वडा अध्यक्षहरु शालिकरा भट्टराई, नेत्रप्रसाद भट्टराई, स्थानेश्वर घिमिरे, जिवलाल घिमिरे, शुभबहादुर सारु, मिनराज आत्रेय, समाजसेवी इन्द्रमणि पौडेल, कार्यपालिका सदस्य तारा पौडेल, लगाएतले शुभकामना मन्तव्य राख्दै मन्दिर निमार्णका लागी पुर्ण रुपमा सहयोग गर्ने बताए । कार्यक्रम मन्दिर व्यवस्थापन समितीका अध्यक्ष मणिराम पौडेलको अध्यक्षता, सदस्य कृष्णप्रसाद पौडेलको सञ्चालन र सदस्य टामलाल पौडेलको स्वागतमा सम्पन्न भएको हो ।

पाणिनी गाउँपालिकाकै ऐतिहासिक कलात्मक रुपले निर्मित हुन लागेको मन्दिर करिब ६० लाखमा सम्पन्न हुनेछ । मन्दिर निमार्णका लागी पाणिनी गाउँपालिकाले १० लाख, वडा कार्यालयबाट ८ लाख, डिभिजन वन कार्यालयबाट १० लाख रुपैया विनियोजन भएको छ । अन्य अपुग रकम संकलन गरिनेछ । यहाँ हरेक वर्ष विजयादशमीको दिन सराय नाचँ, नवदुर्गा पुजा लगाएतका रुपमा मन्दिर परिचित रहेको छ ।