राजमोको संगठन निर्माण अभियान अर्घाखाँचीमा सुरु


श्याम घिमिरे
फागुन १ अर्घाखाँची –

राष्ट्रिय जनमोर्चा अर्घाखाँचीले जिल्लाका ६ वटै पालीकाका बिभिन्न स्थानबाट आज एकैसाथ संंगठनात्मक अभियानको सुरुवात गरेको छ । जिल्लाका ६ वटै पालीकाका बिभिन्न वडाहरुबाट एक महिने संगठनात्मक अभियानको सुरुवात गरीएको राजमो अर्घाखाँचीका अध्यक्ष थम्मन केसीले जानकारी दिनुभयो । जसअन्तरगत सदरमुकाम समेत रहेको सन्धिखर्क नगरपालिका स्थित वडानम्बर २ को भलायडाडाँबाट नगरपालीकाको संगठनात्मक अभियानको सुरुवात गरिएको हो ।


सन्धिखर्क २ का स्थायी बासीन्दा रहनुभएका राष्ट्रिय जनमोर्चाका पुराना नेता तथा जिल्लाकै बामपंन्थी आन्दोलनका योद्धा रामचन्द्र पोख्रेललाई राजमोको सदस्यता नबिकरण गरी अभियानको सुरुवाती गरीएको अभियानका नगर इन्चार्ज गोबिन्द बिसीले जानकारी दिनुभयो । २ नम्बर वडाको अभियानमा राजमो नेता बिसी लगायत जिबनारायण खनाल,भिम आचार्य,कमल घिमिरे,कृष्णप्रसाद खनाल,तुल्सीराम खनाल लगायतको उपस्थिति रहेको थियो ।


सन्धिखर्कमा गत माघमा मोर्चाको बृहत जिल्ला भेला बसी विस्तृत योजना बनाइ संगठनात्मक अभियान सन्चालन गर्ने योजना बनाएको थियो । सन्धिखर्क नगरपालीका सहित ६ वटै पालिकामा संगठन निर्माणको योजना तयार पारेको राजमो जिल्ला सचिब बाबुरमा सुनारले जानकारी दिनुभयो । कार्यक्रम अन्तर्गत जिल्लाका ६ वटै पालिकाहरुका ६१ वडाहरुमा सम्पर्क स्थापित गर्ने, सदस्यता वितरण र समितिहरु निर्माण गर्ने, विभिन्न स्थानहरुबाट आएर बसोबास गरेका पार्टी समर्थकहरुलाई गोलबन्द गर्ने, स्थानीय स्तरमा विकास निर्माण योजनामा जनताको नेतृत्व गर्ने लगायतका अभियान सञ्चालन गरिने राजमोले जनाएको छ । राष्ट्रिय जनमोर्चाले आजबाट देशब्यापी रुपमा एक महिने संगठनात्मक अभियानको प्रारम्भ गरेको हो ।


अभियान सन्चालन गर्न राजमो सन्धिखर्कले वडानम्बर १ मा राजेन्द्र नेपाली,२ मा जिबनारायण खनाल, ३ मा शिद्धि प्रसाद भट्टराई,४ मा कमल प्रसाद घिमिरे,५ मा खेमराज भुसाल, ६ मा पदम केसी,७ मा दिलदार हुसेन,८ मा चन्द्र प्रसाद बन्जाडे,९ मा पोमनारायण पौडेल, १० मा रुद्र पराजुली र ११ र १२ मा भिम आचार्यलाई संयोजकको जिम्मा दिएको बताईएको छ ।

भगवती माध्यमिक बिद्यालयको अध्यक्षमा :आचार्य


शोभाखर पन्थी,अर्घाखाँची फाल्गुण १-
भगवती माध्यमिक बिद्यालय कुर ,शंखेटारीको अध्यक्षमा मुकुन्दराज आचार्य चयन हुनुभएको छ । अभिभावकहरुको बिहिवार भएको भेलाले शिक्षा बिद आचार्य लाई सर्वसहमत अध्यक्ष पदमा चयन गरेको हो । लामो समय सम्म शिक्षण पेसामा रहनुभएका आचार्यले दुई दशक सम्म भगवती माध्यमिक बिद्यालयको प्रधानाध्यापक भएर काम गरि सक्नु भएको छ । यसैगरी समितिको सदस्यमा सन्धिखर्क वडा नं.२ का अध्यक्ष मोतिजङ्ग रायमाझी ,हिमबहादुर कुमाल,सीता माया पौडेल ,खिमबहादुर नेपाली ,सीता भुसाल ,सारदा रायमाझी र सदस्य सचिव श्यामबहादुर भुसाल रहनु भएको छ ।

Image may contain: 5 people, including Thakur Kumar BK and Motijung Rayamajhi, people smiling, people sitting and indoor


यस अघि कार्यक्रममा मन्तव्य राख्ने बक्ताहरुले शिक्षा क्षेत्रमा आमुल परिवर्तनको खाँचो रहेको बताए । मुलुकमा राजनीतिक परिवर्तन भएपनि समय सापेक्ष रुपमा शिक्षामा परिवर्तन हुन नसक्दा समस्या बल्झिएको उनिहरुको भनाइ थियो ।

Image may contain: 1 person, standing and outdoor

कार्यक्रममा मन्तव्य राख्दै सन्धिखर्क नगरपालिकाका उपप्रमुख ठाकुर कुमार बि.क.किशोरले शिक्षा क्षेत्रमा आमूल परिवर्तन गरेर अघि बढ्नुपर्ने बताउनुभयो । अझैपनि शिक्षा क्षेत्रमा थुप्रै समस्याहरु रहेको भन्दै उहाँले शैक्षिक बिकृति र विसंगतिको अन्त्यको निम्ति नयाँ योजनाका साथ अघि बढ्नुपर्ने बताउनु भयो । नेपाली जनताको ठुलो त्याग र बलिदानका कारण मुलुकमा राजनीतिक परिवर्तन भएपनि आर्थिक,सामाजिक र सांस्कृतिक रुपान्तरणको अभावमा जनताले परिवर्तनको अनुभुती गर्न नसकेको उहाँको भनाइ थियो । बिकास र समृद्धिको यात्रामा मुलुक अगाडि बढेको भन्दै उपप्रमुख बि.क.ले समृद्धिको मेरुदण्डको रुपमा रहेको शिक्षा क्षेत्रलाई समय अनुकुल बनाउनु पर्नेमा जोड दिनुभयो । नेपाल कम्युनिस्ट पार्टी नेकपाका नेता समेत रहनु भएका उहाँले शिक्षा क्षेत्र लाई शैक्षिक माफियाहरुले घेराबन्दीमा पारेको बताउँदै माफियाको षड्यन्त्र चिरेर अगाडि बढ्न सरकारलाई आग्रह समेत गर्नुभयो ।

Image may contain: 6 people, including Bishnu Bhusal and Susma Shrestha, people sitting

कार्यक्रममा मन्तव्य राख्दै सन्धिखर्क नगरपालिकाका नगर शिक्षा अधिकारी युगल नारायण बस्यालले शैक्षिक गुणस्तर वृद्धि लाई पहिलो सर्त बनाएर अघि बढ्न आग्रह गर्नुभयो । शैक्षिक गुणस्तर बृद्धिको निम्ति सरोकार वालाहरु बीच समन्वय गरेर अघि बढ्नुपर्ने उहाँको भनाइ थियो ।

सन्धिखर्क नगरपालिका वडा नं.२ का अध्यक्ष मोतिजङ्ग रायमाझीले शिक्षाको बिकास बिना विकास र समृद्धिको अभियान अगाडि बढ्न नसक्ने बताउनुभयो । लगानी अनुसार सरकारी बिद्यालयले प्रतिफल दिन नसकेको उहाँको गुनासो थियो ।

जेष्ठ अभिभावक फौदबहादुर नेपालीको अध्यक्षता र शोभाखर पन्थीको संचालनमा सम्पन्न कार्यक्रममा नेपाल कम्युनिस्ट पार्टी नेकपा सन्धिखर्कका अध्यक्ष श्रीकृष्ण भुसाल , गंगा आधाभुत बिद्यालय व्यबस्थापन समितिका अध्यक्ष के.बी. भुसाल , सन्धिखर्क नगरपालिका वडा नं. २ का सदस्य शुष्मा श्रेष्ठ , समाजसेवी द्वय रामचन्द्र पोख्रेल ,बिष्णु ढुङ्गाना,बिद्यालयका प्रधाना ध्यापक श्यामबहादुर भुसाल , पुर्व प्रधानाध्यापक मुकुन्दराज आचार्य,बरिष्ठ शिक्षक धुर्व के.सी.लगायतका बक्ताहरुले मन्तव्य राख्दै जिल्लाको शैक्षिक धरोहरको रुपमा रहेको भगवती माध्यमिक बिद्यालय लाई थप व्यबस्थित गर्दै नमुना बिद्यालयको रुपमा बिकास गर्नुपर्ने बताउनुभयो ।

नेकपा अर्घाखाँचीद्धारा जनयुद्ध दिवसको अवसरमा अस्पतालमा रहेका बिरामीहरुलाई हर्लेक्स र फलफुल बितरण

सन्धिखर्क एफएम फागुन १ अर्घाखाँची – २५ औं जनयुद्ध दिवसको अवसरमा नेपाल कम्युनिष्ट पार्टी (नेकपा) अर्घाखाँचीले अर्घाखाँची अस्पताल सन्धिखर्कमा रहेका विरामीहरुलाई स्वास्थ्य लाभको कामना सहित फलफुल र हर्लेक्स वितरण गरेको छ । बितरण कार्यक्रम पछि नेकपा अर्घाखाँचीका नेता तथा कार्यकर्ताहरुले अबिर लगाई शुभकामना आदान प्रदान गरेका थिए । कार्यक्रममा राष्ट्रिय सभा सदस्य एवं नेकपा नेता चन्द्रबहादुर खड्का, प्रदेस सांसद तथा नेकपा अर्घाखाँचीका अध्यक्ष चेतनारायण आचार्य, प्रदेस सांसद रामजि प्रसाद घिमिरे, नेकपा प्रदेस कमिटि सचिवालय सदस्य एवं जिल्ला सचिब ठाकुर कुमार बिक, प्रदेस कमिटि सदस्य छमकुमारि खनाल, तोज बहादुर रायमाझी कार्यालय सदस्य पिताम्वर भुसाल नेताहरु रामबहादुर चौहान, प्रेम नारायण गैरे लगायतका नेता तथा कार्यकर्ताहरु उल्लेखनिय उपस्थिति रहेको थियो । उनिहरुले अमर शहिदहरुको बलिदानिप्रती सम्मान र संघर्षबाट प्राप्त उपलब्धिलाई स्मरण गरेका थिए । फलफुल बितरणमा पुगेका नेता कार्यकर्ताहरु लाई अस्पतालका प्रमुख डा.कपिल गौतमले मनतब्य मार्फत स्वागत गरेका थिए ।

यसैबिच विप्लब नेतृत्वको नेपाल कम्युनिष्ट पार्टीले केन्द्रिय कार्यक्रम अनुसार बिहिबार अर्घाखाँची जिल्लामा २५ औ जनयुद्ध दिबस मनाएको समाचारमा जनाईएको छ । कार्यक्रममा मन्तब्य राख्दै जिल्ला इन्चार्ज कमल केसीले देशमा भएका बिभिन्न परिबर्तनमा जनयुदको ठुलो भुमिका रहेको बताउदै जनयुद्धका उपलब्धीलाई संस्थागत गरी लैजान नसक्दा कैयौ सहिद बेपत्ता परिबारको सपना साकार हुन नसेकेको बताउनु भयो । केसीले ति अधुरा सपनालाई एकीकृत जनक्रान्तिले हल गर्ने समेत दाबि गर्नुभयो । कार्यक्रम जिल्ला सेक्रेटरी खेम घर्तीको अध्यक्षता रामचन्द्र गौतमकोे सञ्चालनमा सम्पन्न भएको हो । कार्यक्रममा उपस्थित सबैलार्ई अबिर लगाई मिठाई समेत बितरण गरीएको जनाईएको छ ।

आज विश्व रेडियाे दिवस, विश्वमा व्यावसायिक रेडियो प्रसारण सुरु भएको सय वर्ष पुग्याे

फागुन १, २०७६ बिहिबार काठमाण्डाै – आज (बिहीबार) विश्व रेडियो दिवस । स्पेनको प्रस्तावमा संयुक्त राष्ट्रसङ्घीय शैक्षिक, सामाजिक तथा सास्कृतिक सङ्गठन युनेस्कोले सन् २०११ देखि फेब्रुअरी १३ लाई रेडियो दिवसका रुपमा मनाउने घोषणा गरेको हो ।

रेडियो दिवसका अवसरमा विभिन्न कार्यक्रम गर्ने गरिएको छ । रेडियोलाई महत्वपूर्ण सञ्चारमाध्यमको रुपमा सम्मान गर्न, प्रसारकबीचको अन्तर्राष्ट्रिय समन्वय र सहयोगमा सुधार गर्न, ठूला नेटवर्क र समुदायिक रेडियोले सूचनाको पहुँचलाई बढावा दिन प्रेरित गर्ने उद्देश्यले यो दिवस मनाउने गरिएको हो ।

विश्वमा व्यावसायिक रेडियो प्रसारण सुरु भएको सय वर्ष भएको छ भने नेपालमा भने रेडियो प्रसारण सुरु भएको ६९ वर्ष पुगेको छ ।

नेपालमा पहिलोपटक भोजपुरबाट २००३ सालमा रेडियोको प्रसारण सुरु भए पनि औपचारिक रुपमा भने २००७ साल मंसिर २८ गतेदेखि विराटनगरबाट प्रजातन्त्र रेडियोका नाममा रेडियो सुरु भएको हो ।

सरकारीस्तरबाट २००७ साल चैत २० गते सिंहदरबारमा रेडियो नेपालको स्थापना गरिएको थियो । यस्तै २०५२ सालदेखि एफएमको प्रसारण सुरु भएको हो ।

नेपालमा अहिले इजाजत प्राप्त एफएम रेडियोको सङ्ख्या सात सय ४० पुगेको सञ्चार तथा सूचना प्रविधि मन्त्रालयले जनाएको छ ।  source:ujyaaloonline

कुवेतमा बालुवाकाे ढिस्काेमा पुरिएर चार नेपालीकाे ज्यान गयाे

फागुन १, २०७६ बिहिबार काठमाण्डाै – कुवेतमा निर्माणस्थलमा पुरिएर चार जना नेपालीको ज्यान गएको छ । अन्य तीन जना घाइते भएका छन् भने अरु तीन जना पुरिएका छन् ।

कुवेतको अल–मुत्लामा निर्माणस्थलमा बालुवा र गिट्टीको थुप्रो खसेपछि घाइते भएका सात जनाको उद्धार गरिएकामा चार जनाको ज्यान गएको र उनीहरु नेपाली रहेकाे समाचार संस्था ‘अरब टाइम्स’ ले जनाएको छ ।

बालुवा र गिट्टीकाे थुप्राेमा पुरिएका अन्य तीन जनाको अवस्था थाहा हुन सकेको छैन । उनीहरुको खोजी भइरहेको अधिकारीहरुले जनाएका छन् । घाइते तीन जनाकाे जाहारा अस्पतालमा उपचार भइरहेको खबरमा उल्लेख छ ।

चिनियाँ कम्पनीले काम गरिरहेको निर्माणस्थलमा बालुवा गिट्टीको थुप्रो खस्दा दुर्घटना भएको हो । ज्यान गुमाएका र घाइते भएकाहरुको पहिचान भने खुलेको छैन । source:ujyaaloonline