ज्ञान प्रकाश माबी डिभर्नाद्धारा ६ सय जना ब्यक्ति सम्मानित

बिक्रम पाण्डे,सन्धिखर्क एफएम
माघ २७ अर्घाखाँची –

ज्ञान प्रकाश माबी डिभर्नाले बिद्यालयलाई सहयोग गर्ने करीब ६ सय जना ब्यक्तिहरुलाई एक कार्यक्रमका बिच सम्मान गरेको छ । अर्घाखाँची जिल्लाको सन्धिखर्क नगरपालिका वडा नं. १२ मा रहेको ज्ञान प्रकाश माध्यमिक बिद्यालयले सोमबार एक कार्यक्रमको आयोजना गरि बिद्यालयलाई सहयोग गर्ने ब्यक्तित्वहरुलाई सम्मान गरेको हो ।

बिद्यालयले २०७६ सालको तिहारको अवसरमा सञ्चालन गरेको देउसी भैलो कार्यक्रममा आर्थिक सहयोग गर्ने करीव ६ सय जना सहयोगदातालाई सम्मान गरेको हो । कार्यक्रम सन्धिखर्क नगरपालिका वडा नं. १२ का वडा अध्यक्ष नारायण खड्काको प्रमुख आतिथ्यतामा सम्पन्न भएको हो । कार्यक्रममा बिद्यालयका प्रधानाध्यापक सुर्य बहादुर खनालले कार्यक्रममाथी प्रकाश पार्नु भएको थियो । कार्यक्रममा बोल्दै प्र.अ खनालले बिद्यालयलाई सहयोग गर्ने सहयोगी मनहरुलाई धन्यवाद ब्यक्त गर्दै अभिभावकको पनि बिद्यालय प्रती चासो र जिम्मेवार हुने बताउनु भयो ।

कार्यक्रममा नेकपाका प्रतिनिधि राम बहादुर बिक ,नेपाली काङ्ग्रेस क्षेत्र नं. १ का सभापति केशबराज कुवँर ,नेपाली काङ्ग्रेस वडा सभापति लिलाधर बस्याल , राष्ट्रिय जनमोर्चाका गोपाल पाण्डे , कृषि बिकास बैंकका सन्धिखर्क शाखा प्रमुख चिरञ्जिबी बस्याल , साँस्कृतिककर्मी खगिश्वर केसी , चारतारा सहकारीका अध्यक्ष कृष्ण बहादुर खड्का , आईएम ई लाईफ ईन्स्योरेन्सका अर्घाखाँची प्रमुख बोम बहादुर क्षेत्री लगायतको आतिथ्यता रहेको थियो ।

हजारौको संख्यामा अभिभावक र बिद्यार्थीको सहभागीता रहेको कार्यक्रममा बिद्यार्थीहरुले आफ्नो प्रतिभा मार्फत गीत तथा नृत्य प्रस्तुत गरेका थिए । कार्यक्रम बिद्यालय ब्यबस्थापन समितीका अध्यक्ष कासीराम बस्यालको अध्यक्षता , सहायक प्रधानाध्यापक दुर्गा प्रसाद बस्यालको स्वागत मनतव्य र शिक्षक दिनामणी बेल्बासेको सञ्चालनमा सम्पन्न भएको थियो ।

Advertisement

जीबन ज्योति आधारभूत बिद्यालयमा बिद्यालय व्यवस्थापन समितिको गठन

सन्धिखर्क एफएम
माघ २७ सन्धिखर्क –

सन्धिखर्क नगरपालीका वडानं.८ किमडाँडामा रहेको जीबन ज्योति आधारभूत बिद्यालय लमलमेमा बिद्यालय ब्यबस्थापन समिति र शिक्षक अभिभावक संघको गठन भएको छ । आईतबार बिद्यालयमा आयोजित अभिभाबकको भेलाले भक्तबहादुर थापाको अध्यक्षतामा बिद्यालय व्यवस्थापन समितिको निर्बिरोध गठन गरेको हो । जसको सदस्यहरुमा सुशीला वलि, सिता खत्री, बिनोद थापा, सरिता पान्डे, साबित्रा वलि, कमला सुनार, भगवती ज्ञवाली र सदस्य सचिबमा खिम बहादुर घर्ती चयन हुनभएको छ ।

यस्तै भेलाले भिम बहादुर वलिको अध्यक्षतामा शिक्षक अभिभावक संघको गठन गरेको छ । जसको सदस्यहरुमा यमुना नेपाली, देबि शाही, ओम बहादुर खत्री, सुरज वलि, कमला वलि, केशर बहादुर थापा , चन्द्रबहादुर घर्ती राम प्रसाद चुदाली भगवती ज्ञवाली र सदस्य सचिबमा खिम बहादुर घर्ती रहनु भएको बिद्यालयका शिक्षक भगवति ज्ञवालीले जानकारी दिनुभएको छ ।