जे.सि.आई.नेपालको आयोजनामा ३९० घण्टे टेलरिङ्ग तालिम सन्धिखर्कमा सुरु, सिपले व्यक्तिको जीवन जिउन सहज हुने वडाअध्यक्ष बन्जाडेकोे भनाई

श्याम घिमिरे
माघ २० अर्घाखाँची –

सन्धिखर्क नगरपालिका वडानम्बर १ का वडाअध्यक्ष युबराज बन्जाडेले कुनैपनि सिपले व्यक्तिको जीवन जिउन सहज हुने बताउनु भएको छ । नेपाल सरकार शिक्षा बिज्ञान तथा प्रबिधि मन्त्रालय ईभेन्ट परियोजना र दवल्ड बैंकको सहयोगमा जिभ करियर ईन्ष्टिच्युट प्रालि ( जे.सि.आई ) नेपाल सन्धिखर्क अर्घाखाँचीको आयोजनामा ३९० घण्टे टेलरिङ्ग तालिमको आज सन्धिखर्कमा उद्घाटन गर्दै बन्जाडेले यस्तो बताउनु भएको हो । बन्जाडेले तालीम पश्चायत सिकेका कुराहरुलाई व्यबहारमा लागु गर्नुपर्ने बताउदै यस्ताखाले तालीमले ब्यक्ती आफ्नै खुट्टामा उभीन सक्ने हुनाले निरन्तर रुपमा लागी परी रहनुपर्नेमा जोड समेत दिनु भयो ।

कार्यक्रममा सन्धिखर्क नगरपालिका वडानम्बर १ का वडासदस्य लक्ष्मण पराजुलि,पत्रकार श्याम घिमिरे,प्रशिक्षक माया आले लगायतले शुभकामना मनतव्य राख्दै तालीमलाई व्यवहारमा उतार्नुपर्ने बताउनु भएको हो । सि.टि.ई.भि.टि बाट मान्यताप्राप्त लेबल ए र बि को तालीममा जिल्लाभरबाट २०÷२० जना लक्षित समुहका प्रशिक्षार्थीहरुको सहभागीता रहेको छ । कार्यक्रम तालीम संयोजक नबराज बन्जाडेको अध्यक्षता,सन्जय श्रेष्ठको स्वागत मनतव्य र साबित्रा बस्यालको सञ्चालनमा सम्पन्न भएको होे । संस्थाले टेलरिङ्ग तालमि,औधोगिक वायरीङ्ग,मोटरसाईकल मर्मत तालीम लगायतका सिपमुलक तालमिहरु सन्चालन गरीरहेको संस्थाका अध्यक्ष नबराज बन्जाडेले जानकारी दिनुभयो ।

Advertisement

हिन्दुधर्मको रक्षा र प्रचारप्रसारकोलागी सन्धिखर्कमा बृहत प्रशिक्षण कार्यक्रम हुने

श्याम घिमिरे
माघ १९ अर्घाखाँची-

हिन्दुधर्म रक्षा परीषद् नेपाल अर्घाखाँचीले यही माघको २४ गते सन्धिखर्कमा बृहत प्रशिक्षण कार्यक्रम सन्चालन गर्ने भएको छ । परीषद्मा आबद्ध युबा स्वयंमसेबकहरुलाई माघ २४ गते सुक्रबार एक दिने प्रशिक्षण कार्यक्रम गर्न लागीएकोे हिन्दुधर्म रक्षा परीषद् नेपालका केन्द्रीय अध्यक्ष नारायण खनालले जानकारी दिनुभयो । कार्यक्रम तयारीको बारेमा जानकारी दिने उद्देश्यले आईतबार सदुमुकाम सन्धिखर्कमा पत्रकार सम्मेलन गरी अध्यक्ष खनालले कार्यक्रमको तयारी अन्तमि चरणमा पुगेको बताउनुभयो । पत्रकार सम्मेलनमा मनतब्य राख्दै अध्यक्ष खनालले बैदिक सनातन हिन्दुधर्मको रक्षा र यसको व्यापक प्रचारप्रसारको लागी एक दिने प्रशिक्षण राखीएको बताउनुभयो ।

प्रशिक्षणमा प्रा. हरीप्रसाद सोडारी र प्रा.डा.देबमणी भट्टराईले सहजिकरण गर्ने समेत खनालले जानकारी दिनुभयो । परीषद्ले जिल्लामा पछिल्लो समय हिन्दुधर्म रक्षार्थ बिभिन्न सांगठनिक गतिबिधिहरु सञ्चालन गरीरहेको हिन्दू जागरण युवा स्वयंसेबक नेपालका जिल्ला अध्यक्ष नारायण खड्काले बताउनु भयो ।

दादुरा–रुबेला खोप अभियान सम्बन्धी अभिमुखिकरण

श्याम घिमिरे
माघ १९ अर्घाखाँची –
जिल्ला स्वास्थ्य कार्यालय अर्घाखाँचीको आयोजनामा दादुरा–रुबेला खोप अभियान तथा नियमित खोपको सुदृढीकरण कार्यक्रम अन्र्तरगत एक दिने अभिमुखि करण कार्यक्रम सम्पन्न भएको छ । जिल्लामा कृयाशिल सञ्चारकर्मीहरु बिच एक दिने अभिमुखिकरण कार्यक्रम आईतबार सम्पन्न भएको हो । जिल्ला स्वास्थ्य कार्यालय अर्घाखाँचीमा आयोजित कार्यक्रममा जिल्ला अस्पतालका मेडिकल सुपरीटेन्डेन्ट डा. कपिल गौतम,जनस्वास्थ्य अधिकृत गणेश राज पौडेल,स्वास्थ्य कार्यालयका प्रमुख पुष्पा थापा, रामप्रसाद गौतम लगायतले सहजीकरण गर्नुभएको थियो ।

कार्यक्रममा दादुरा–रुबेला खोप अभियान २०७६।७७ को बारेमा जानकारी गराईएको हो । कार्यक्रममा नेपालबाट दादुर –रुबेला रोग पूर्णरुपमा निवारण गर्न ९ महिना देखी ५ बर्षमुनिका सबै बालबालीकालाई खोप लगाउन प्रचारप्रसार मार्फत आग्रह गर्ने कुरामा समेत जोड दिईएको थियो ।

कल्याणी द्धारा विपन्न विद्यार्थीहरुलाई कपडा वितरण (तस्बिर सहित)

श्याम घिमिरे
माघ १९ अर्घाखाँची-

कल्याणी सेवा नेपाल सन्धिखर्कले शिवमदन माध्यमिक विद्यालय पाणिनि ७ सत्तिनेटामा अध्ययनरता विपन्न विद्यार्थीहरुलाई जाडोमा लगाउने न्यानो कपडा वितरण गरेको छ । कल्याणीले १५ जना विद्यार्थीहरुलाई आईतबार एक कार्यक्रमका बिच स्वीटर वितरण गरेको हो । विद्यालय व्यवस्थापन समितिका अध्यक्ष मान बहादुर घलेको प्रमुख आतिथ्यता रहेको कार्यक्रममा विद्यालयका प्रअ राजेन्द्र पौडेल, कल्याणी सेवा नेपालका अध्यक्ष शुसिला बन्जाडे , सचिव पवित्रा भट्टराई, ससचिव कमला भण्डारी, सदस्यहरु सीता क्षत्री , पवित्रा सापकोटा, बिद्यालयका पिटिए अध्यक्ष मनिराम आचार्य लगायतको उपस्थिति रहेको थियो ।

कार्यक्रममा पिटिए अध्यक्ष मनिराम आचार्य , कल्याणी सेवा नेपालका सचिव पवित्रा भट्टराई ,विद्यालयका प्रअ राजेन्द्र पौडेल लगायतले शुभकामना मन्तव्य राख्नुभएको थियो । कार्यक्रम विद्यालयका शिक्षक सीता बन्जाडेको सन्चालन र सहायक प्रअ मातृका प्रसाद भट्टराईको स्वागत मन्तव्यमा सम्पन्न भएको थियो । संस्थाले जिल्लाका बिभिन्न क्षेत्रमा सामाजीक गतिबिधि र स्वास्थ्य उपचार लगायत बिभिन्न कार्यमा सहयोग गर्दे आईरहेको छ ।