राजमो अर्घाखाँचीको बिस्तारीत बैठक सम्पन्न,आगामी फागुनभर सांगठनिक अभियान सन्चालन गर्ने ।


श्याम घिमिरे
माघ १८ अर्घाखाँची –
राष्ट्रिय जनमोर्चा अर्घाखाँचीको चौथो जिल्ला सम्मेलन पछिको प्रथम बिस्तारीत बैठक सनिवार सन्धिखर्कमा सम्पन्न भएको छ । बैठकको अखिल नेपाल किसान महासंघका केन्द्रीय अध्यक्ष भैरबराज रेग्मील उद्घाटन गरे । उद्घाटन कार्यक्रममा मनतब्य राख्दै रेग्मीले राष्ट्रियताको लागि नेपाली जनताले कठोर संघर्ष गर्नुपर्ने बेला आएको बताए । भारतले लिम्पियाधुरा देखि कालापानीसम्म कब्जा गरेर आफ्नो नक्सामा समेट्नु नेपाल विरुद्ध युद्धको घोषणा गरे सरह भएको भन्दै उनले भारतले कब्जा गरेको भूमी जुनसुकै उपायवाट भएपनि फिर्ता गरेर आफ्नो अखण्डताको रक्षा गर्न नेपाली जनता तयार हुनुपर्ने बताए ।

राष्ट्रिय जनमोर्चाका केन्द्रीय सदस्य मनोज भट्टले एमसीसी स्वीकार गरेर ओली सरकारले देशलाई साम्राज्यवादी ध्रुर्वतर्फ लैजान खोजेको आरोप लगाउदै ‘होलीवाइन, एमसीसी र आइपीसमा संलग्नता तथा बिमस्टेकमा सहभागिताले देशलाई अमेरिकी साम्राज्यवादी क्याम्पमा लैजाने प्रयास गरेको बताए । सरकार नेपालको असंलग्न परराष्ट्र नीति विपरित हिडिरहेको आरोप लगाउदै भट्टले संसदले नागरिकता संशोधन विधेयक पास गरे नेपाल सिक्किम बन्ने दाबि समेत गरे ।


राजमो जिल्ला अध्यक्ष थम्मन केसीको अध्यक्षता,उपाध्यक्ष गोपाल पौडेलको स्वागत मनतब्य र सचिब बाबुराम पन्थीको सञ्चालनमा सम्पन्न कार्यक्रममा राजमो नेता शेर बहादुर बिसी,सागर केसी,झबिलाल थापा,यमलाल पोख्रेल,पशुपति ढकाल,कल्पना पोख्रेल,राजेन्द्र नेपाली,पुरन नेपाली लगायतले शुभकामना मनतब्य राखेका थिए । बैठकले अर्घाखाँचीका ६ वटै पालीकाहरुमा आगामी फागुन महिना भर १ महिने सांगठानिक अभियान सञ्चालन गर्ने निर्णय समेत गरेको छ । जसकोलागी सबै पालीकाहरुमा अभियान सञ्चालनको समिति गठन गरीएको राजमो अर्घाखाँचीले जनाएको छ ।

छोरीलाई जबरजस्ती करणी गर्ने बाबुलाई जन्मकैदको फैसला ।


श्याम घिमिरे
माघ १७ अर्घाखाँची –

आफ्नै ९ वर्षीया छोरीलाई जबरजस्ती करणी गर्ने बाबुलाई अर्घाखाँची जिल्ला अदालतले जन्मकैदको फैसला सुनाएको छ । जबरजस्ती तथा हाडनाता करुणीका आरोपित बाबुलाई जिल्ला न्यायाधीश बासुदेव न्यौपानेको इजलासबाट माघ १३ गते जन्मकैद हुने फैसला सुनाइएको निमित्त श्रेस्तेदार नारायण बहादुर भट्टराईले जानकारी दिनुभयो । गत साउन २ गते राती आफ्नै छोरीलाई जबरजस्ती करणी गरेको भनी जाहेरी परेपछि उनी विरुद्ध अनुसन्धान सम्पन्न भै अभियोग दर्ता भएको थियो । १० वर्षभन्दा कम उमेरका बालबालिकालाई जबरजस्ती करणी गरेकाले जन्मकैदको फैसला सुनाइएको अदालतका सूचना अधिकारी टेकराज गैरेले बताउनुभयो ।

त्यस्तै सन्धिखर्क नगरपालीकाको डिभर्नामा ५ वर्षीय नातिनीलाई बलात्कार गर्ने हजुरबुबालाई पनि २० बर्ष कैद र ४० हजार रुपैया जरिवानाको फैसला गरेको सूचना अधिकारी गैरेले जानकारी दिनुभयो ।