अर्घाखाँचीः दलितको विभेद अन्त्यका लागी सबै एकजुट हुनुपर्नेमा जोड

घनश्याम पौडेल
अर्घाखाँची, १० भदौ । प्रतिनिधी सभा सदस्य तथा नेकपाकी नेतृ नेता अन्जना विसुङखले दलितको अधिकारका लागी कुनै पार्टी नभनी सबै एकजुट भएर लड्नुपर्ने बताईन । निर्वाचित महिला जनप्रतिनिधीहरुका सवालमा अन्तरपार्टी दलित महिला सञ्जाल तथा सांसदहरुसँग अन्तरक्रिया कार्यक्रममा अर्घाखाँची जिल्लाबाट दलित महिला सदस्यले उठाएका आवाजहरु संसदमा बुलन्द गर्ने बताईन ।
प्रतिनिधी सभा सदस्य तथा काँग्रेसकी नेतृ लक्ष्मी परियारले दलितको हितका लागी हरेक आन्दोलनमा लड्दै आएको बताईन । संसदमा अझै दलितको अधिकारका लागी एकजुट भएर अगाडी बढ्ने बताईन । देशमा छुवाछुत र विभेदको अन्त्य गर्नका लागी सबै महिलाहरु एकजुट हुनुको कुनै विकल्प नरहेको बताईन ।

कार्यक्रममा पुर्व दलित आयोगका अध्यक्ष तथा नेकपा अर्घाखाँचीका सहईन्चार्ज शुसिला श्रीपाली, सन्धिखर्क नगरपालिकाका उपमेयर ठाकुर कुमार विक, काँग्रेसका जिल्ला सभापति विष्णु मुस्कान, समाजवादी पार्टीका टोपबहादुर बलाल, जनमोर्चाका गोविन्द विसी, नेपाल दलित संघका प्रितम दलित, दलित संगठनका विष्णु परियार, जातिय समता समाजका राजेन्द्र जिसी, समाजवादी दलितका दिनेश सुनार, अन्तरपार्टी महिला सञ्जालका शुसिला गैरे, महिला संघका जानका बन्जाडे, अखिल नेपाल महिला संघका मिना विसी, पत्रकार घनश्याम पौडेल लगाएतले मन्तव्य राखेका थिए ।

कार्यक्रममा दलित वडा सदस्यहरुले वडा अध्यक्ष, पालिका अध्यक्षबाट विभेदका परेको गुनासो बताएका थिए । कार्यक्रम दलित महिला केन्द्र नेपालका अध्यक्ष गौरा नेपालीको अध्यक्षता र जिल्ला प्रतिनिधी राधा नेपालीको सञ्चालन सम्पन्न भएको हो ।

राष्ट्रिय जनमोर्चा भुमिकास्थान १ द्वारा श्रद्धाञ्जली कार्यक्रम सम्पन्न

माधव खनाल भाद्र १० अर्घाखाँची –
राष्ट्रिय जनमोर्चा भुमिकास्थान नगरपालिका वडा न १ द्वारा राष्ट्रिय जनमोर्चाका अर्घाखाँची जिल्ला सदस्य मेघराज खनालकी ममतमयी माता भुमिकास्थान नगरपालिका वडा न १ साम्नेगाउ निवाशी स्वर्गीय मोतिकला खनालको नवौं दिनको पुण्यतिथि पारी आज भुमिकास्थान १ को साम्नेगाउमा श्रद्धाञ्जली कार्यक्रम सम्पन्न भएको छ ।

श्रद्धाञ्जली कार्यक्रममा प्रमुख अतिथिको आसनबाट बोल्दै राष्ट्रिय जनमोर्चाका पुर्व केन्द्रिय सदस्य सेर बहादुर बि सि ले खनालको निधनले राष्ट्रिय जनमोर्चालाई अतुलनीय क्षतिपुगेको बताउनु भएको छ साथै बिसिले स्वर्गीय मोतिकला खनालले देखाएको बाटोमा लाग्न कार्यकर्ता हरुलाइ आग्रह समेत गर्नुभयो श्रद्धाञ्जली कार्यक्रममा राष्ट्रिय जनमोर्चाका पुर्व केन्द्रिय सदस्य तथा जिल्ला सल्लाहकार सागर के सि नेपाल कम्युनिस्ट पार्टी मसालका जिल्ला प्रवक्ता पशुपति ढकाल राष्ट्रिय जनमोर्चा का जिल्ला अध्यक्ष थम्मन के सि राष्ट्रिय जनमोर्चाका केन्द्रिय परिषद सदस्य खड्क बहादुर थापा अखिल नेपाल महिला संघकि केन्द्रिय सदस्य कल्पना पोख्रेल लगायतले श्रद्धाञ्जली मन्तव्य राख्नुभएको थियो ।

उक्त श्रद्धाञ्जली कार्यक्रममा राष्ट्रिय जनमोर्चाका बैकल्पिक केन्द्रिय सदस्य यमलाल पोख्रेल राष्ट्रिय जनमोर्चा जिल्ला सदस्य कमल भुसाल राष्ट्रिय जनमोर्चा भुमिकास्थान नगर सचीव हिमलाल बन्जाडे भुमिकास्थान नगर सदस्य शिव बन्जाडे राष्ट्रिय जनमोर्चा भुमिकास्थान वडा न २ का अध्यक्ष बाबुराम खनाल अखिल छैठौंका केन्द्रिय उपाध्यक्ष देबेन्द्र कुवर अखिल छैठौंका केन्द्रिय सचीव गोपालप्रसाद भट्टराई अखिल नेपाल युवक संघका जिल्ला अध्यक्ष कुलराज खनाल प्रगतिशील पत्रकारसँगका केन्द्रिय सदस्य श्यामप्रसाद घिमिरे प्रगतिशील पत्रकारसँगका जिल्ला अध्यक्ष जितेन्द्र खत्री अखिल नेपाल टेड युनियन महासंघ अन्टुकका जिल्ला सदस्य खिमप्रसाद खनाल अखिल नेपाल शिक्षक संघ भुमिकास्थान सचीव रामप्रसाद खनाल भुमिकास्थान नगरपालिका वडा न १ का अध्यक्ष भोजराज खनाल भुमिकास्थान नगर कार्यपालिका सदस्य शान्ता खनाल भुमिकास्थान १ कि वडा सदस्य चमकला नेपाली लगायतको उपस्थिति रहेको थियो ।

स्वर्गीय खनालका दुई छोरा दुई बुहारी चार छोरी र नातिनातिना हुनुहुन्छ । खनालको भाद्र २ गते ८० वर्षको उमेरमा आफ्नै निवासमा निधन भएको
श्रद्धाञ्जली कार्यक्रम स्वर्गीय मोतिकला खनालका जेष्ठ सुपुत्र मेघराज खनालको अध्यक्षता र माधव खनालको सञ्चालनमा सम्पन्न भएको थियो

स्कुल छोडेर कटहर खान जाँदा बालक बने अरिंगालको सिकार

file photo

१० भाद्र २०७६, मंगलवार , अर्घाखाँची  । अर्घाखाँचीको सन्धिखर्कमा अरिंगालको टोकाइबाट बालकको ज्यान गएको छ । जिल्लाको सन्धिखर्क नगरपालिका–५ कुरापोख्रालका १५ वर्षीय नन्दबहादुर मुखियाको ज्यान गएको हो ।

स्थानीय गोपेश्वर आधारभूत विद्यालय मथुराको कक्षा ५ मा अध्ययन गर्ने बालक सोमबार विहान विद्यालय जान भनी घरबाट निस्केकोमा विद्यालय नगई नजिकैको कटहरको रुखमा चढेको बेला अरिंगालले टोकेको थियो ।

अरिंगालले टोकेपछि नजिकैको एक घरमा गएर बालकले आफूलाई अरिंगालले टोकेको जानकारी गराएका थिए । बालकलाई अरिंगालले टोकेको थाहा पाएपछि स्थानीय पार्वता मुखियाले बालकको घरमा खबर गरेकी थिइन् । त्यसपछि बालकको उपचारका लागि जिल्ला अस्पताल लगिएको थियो ।

गम्भीर घाइते भएका बालकको अर्घाखाँची जिल्ला अस्पतालमा प्राथमिक उपचारपछि थप उपचारको निम्ति अन्यत्र लैजानुपर्ने बताइएको थियो । आर्थिक अभावका कारण समयमै अन्य अस्पतालमा लैजान नसकिएका कारण बालकको ज्यान गएको हो । source:hindukhabar.com

भिडियो शालिकरामले खिचेको होइन, अरुले नै हो : अदालत ‘भिडियो खिचेको र आत्महत्या गरेको समय फरक थियो’

भदौ १०, २०७६ काठमाडौं : पत्रकार शालिकराम पुडासैनी आत्महत्या प्रकरणमा प्रथम प्रमाण भनिएको भिडियोमाथि चितवन जिल्ला अदालतले प्रश्न उठाएको छ। जिल्ला अदालतका न्यायाधीश हेमन्त रावलको एकल इजलासले सोमबार जारी गरेको आदेशमा पुडासैनीले आत्महत्या गर्नुपूर्व खिचेको भिडियोबारे प्रश्न उठाएको हो।

आदेशमा भिडियो पुडासैनी आफैंले नभएर अरु कसैले खिचेको लेखिएको छ। यसको मतलब हुन्छ आत्महत्या गर्नुपहिले पुडासैनीको कोठामा अरू कोही उपस्थित थियो। अदालतको आदेशमा लेखिएको छ, ‘भिडियो रेकर्डको अन्त्यमा मृतक शालिकराम पुडासैनीले आफ्नो दुवै हात जोडेर आफ्ना बृद्ध बुबाआमा र पत्नीलाई आफूले आत्महत्या गर्नुको कारण र दुःखको पश्चाताप बोध गरी क्षमायाचना गर्दै दुवै हात जोडेर प्रणाम, दण्डवत गरेको अवस्थाले सो भिडियो आफैँले एक्लैले खिचेको भन्ने देखिएन।‘ आदेशमा अगाडि भनिएको छ, ‘घटनास्थलमा मृतकबाहेक अर्को व्यक्ति पनि भएको अवस्थामा मृत्युकालीन घोषणापछि आत्महत्या गर्दा घटनास्थलमा रहेको अर्को व्यक्तिले निजलाई आत्महत्या गर्नबाट रोक्न, बचाउन…’

पढ्नुहोस् :

आदेशमा भिडियो खिचेको समय र आत्महत्या गरेको समय फरकफरक भएको पनि लेखिएको छ। भिडियो खिच्ने बेला अर्कै व्यक्ति भएको र उसले चाहेको भए बताउन सक्थ्यो भनेर पनि आदेशमा लेखिएको छ। भिडियोबारे थप भनिएको छ, ‘निजले घटनास्थलको सो कोठामा उपयुक्त उचाईको स्थानमा आफ्नो मोबाइल भिडियो रेकर्ड मोडमा स्थिर राखी भिडियो खिचेको हो भन्ने घटनास्थल मुचुल्का र बरामदी मुचुल्कामा मोबाइल त्यस्तो स्थानमा राखेको अवस्थामा भेटिएको भन्ने व्यहोरा उल्लेख भएको पनि देखिएन।

अतः सो भिडियो रेकर्ड हुँदा निज शालिकराम पुडासैनीले अर्को कुनै व्यक्तिको सहयोगमा सो भिडियो रेकर्ड गरेको अवस्था देखिन्छ।‘ पुडासैनीलाई आत्महत्या गर्न दुरुत्साहन गर्ने अभियुक्तहरू टिभी कार्यक्रम प्रस्तोता रवि लामिछाने, पत्रकार युवराज कँडेल र अस्मिता कार्कीका बारेमा चितवन जिल्ला अदालतले जारी गरेको आदेशमा उक्त कुरा लेखिएको छ। आदेशअनुसार रविलाई पाँच लाख, युवराजलाई तीन लाख धरौटी र अस्मितालाई साधारण ताखेमा छोडिएको छ। पुडासैनीले गत साउन २० गते चितवनको एक होटलमा आत्महत्या गरेका थिए। उनले आत्महत्या गर्नुपूर्व मोबाइलमा भिडियो रेकर्ड गरेका थिए।

जसमा रवि, युवराज र अस्मिताले आफूलाई मर्न बाध्य पारेको बताएका थिए। उक्त भिडियोको आधारमा प्रहरीले अनुसन्धान अगाडि बढाएको थियो। पुडासैनीले आत्महत्या गरेको १० दिनपछि चितवन प्रहरीले रवि, युवराज र अस्मितालाई काठमाडौंबाट पक्राउ गरेर अनुसन्धानका लागि चितवन लगेको थियो। प्रहरी अनुसन्धान र अदालतको बयान तथा थुनछेक बहसका क्रममा १२ दिन प्रहरी हिरासतमा बसेका तीनैजनालाई अदालतले रिहा गर्न भनेको हो। उनीहरूलाई असोज ५ गते तारेख पनि तोकिएको छ।
source:thahakhabar.com

रामदेवका मुख्य सहयोगी ,आचार्य बालकृष्णलाई कसैले विष खुवाएको खुलासा

भदौ १०, २०७६ काठमाडौं : गत साता अचानक अस्वस्थ भएका भारतस्थित पचञ्जलि योगपीठका प्रभावशाली व्यक्ति आचार्य बालकृष्णलाई कसैले विष खुवाएको खुलासा भएको छ। नेपालको स्याङ्जामा जन्मिएका आचार्य भारतका प्रभावशाली योग गुरु रामेदेवका मुख्य सहयोगी हुन्। कृष्ण जन्माष्टमीका दिन भक्तले उपलब्ध गराएको प्रसाद ९पेडा० खाँदा अचानक बिरामी भएका आचार्य बालकृष्णको स्वास्थ्यमा सुधार देखिएको छ।

पेडा खाएपछि बेहोस भएका आचार्यलाई तत्काल पतञ्जलि स्वामित्वामा रहेको अस्पतालबाट अर्कै अस्पतालमा सरुवा गरिएको थियो। आचार्यलाई पेडामा विष मिसाएर खान दिएको आशंका गरिएको छ भन्ने खबर नेपाल समाचारपत्र दैनिकमा छ। नेपाल आएका आचार्य बालकृष्णको फुड प्वाइजन भएको वा होइन भन्ने विषयमा अनुसन्धान गर्नुपर्ने देखिएको छ। सोमबार बिहान नेपाल फर्कनुअघि पतञ्जलि योगपीठ नेपालका अधिकारीसँग कुरा गर्दै बाबा रामदेवले आचार्य बालकृष्णलाई कसैले पेडामा विष मिसाएर खुवाएको र सो विषयमा अनुसन्धान भइरहेको बताए।
source:thahakhabar.com