श्याम घिमिरे
अर्घाखाँची, ३ भदौ –
अर्घाखाँचीका प्रमुख जिल्ला अधिकारी बिजयराज पौडेलले समृद्ध पूर्ण जिल्ला निर्माण गर्न र जिल्लामा शान्ति सुरक्षा कायम गर्न सबै पक्षको सकरात्मक सहयोगको आबश्यकता रहेको बताउनु भएको छ । भर्खर मात्र सरुवा भई अर्घाखाँची आउनुभएका प्रजिअ पौडेलले कानुन विपरित कुनैपनि कार्य गर्ने अधिकार कसैलाई पनि नभएकोले त्यस्तो देखिएमा कानुन अनुसार कारवाही गर्ने समेत बताउनु भयो ।
जिल्ला स्थित क्रियाशिल पत्रकारहरुसंग मंगलबार भेटघाट गर्दे पौडेलले कानुन र समाजको हित बाहिर रहेर कुनैपनि गतिविधी नगर्ने बताउनु भयो । उहाँले जिल्लाको विकास निमार्णमा आफु जुनसुकै प्रकारको सहयोग गर्न तयार रहेको समेत बताउनु भयो ।
यस्तै पौडेलले जिल्लामा रहेका मुख्य समस्याहरुको समाधान गर्न आफुले पहल गर्ने भन्दै गत वर्ष सञ्चालन भएका सकारात्मक कार्यलाई निरन्तरता दिदै अगाडी बढ्ने प्रतिबद्धता समेत ब्यक्त गर्नुभयो । प्रजिअ पौडेलले सञ्चारकर्मी र प्रशासनको सम्बन्ध नङ्ग र मासुको जस्तै हुनुपर्नेमा जोड समेत दिनु भएको थियो ।
Sandhikharkafm.com 