ब्रह्म कुमारी ईस्वरीय बिश्वबिद्यालयको आयोजनामा निशुल्क स्वास्थ्य एवं खुसीयाली जिबन अनुभति सम्बन्धी शिबिर सन्चालन हुने ।


श्याम घिमिरे
साउन ३ अर्घाखाँची –

व्रह्मकुमारी ईस्वरीय बिश्व बिद्यालय अर्घाखाँची केन्द्रको आयोजनामा यही साउन ६ गते देखी १२ गते सम्म सन्धिखर्कमा निशुल्क स्वास्थ्य एवं खुसीयाली जिबन अनुभुति सम्बन्धी एक हप्ते शिबीर सन्चालन हुने भएको छ ।


शिबिर सन्चालन सम्बन्धी जानकारी दिने उद्धेश्यले आयोजित पत्रकार भेटघाट कार्यक्रममा मनतब्य राख्दै केन्द्र सन्चालीका ब्रह्मकुमारी कृतिले चुत्राबेसीको होटल डायमण्डमा बिहान ४ बजे देखी ७ बजे सम्म दैनिक ३ घण्टा शिबिर सन्चालन हुने जानकारी गराउनुभएको हो ।


शिबिरमा शारीरिक ब्यायम, आसन, उपयुक्त खानपान रहनसहन तथा मेडिटेसन द्वारा शारीरीक तथा मानसिक स्वास्थ लाभ, सकारात्मक सोचको माध्यम द्वारा तनाब र क्रोध मुक्त जीवन , परमात्मको सम्बन्ध र राजयोग मेडिटेसन द्वारा कार्य कुशलता एबम कार्य दक्षतामा वृद्धि , मनलाई सकारात्मक दिशा दिन कर्म सिद्धान्तको रहस्य द्वारा सुमधुर पारीबारिक एवं सामाजिक सम्बन्ध, आन्तरिक खुशी तथा उच्च स्तरीय जिबनशैली सम्बन्धित बिषयमा केन्दीत रहेर शिबिर सन्चालन गरीने कृतिले जानकारी दिनुभयो । यस्तै कृतिले निशुल्क रुपमा सन्चालन हुने शिबिरमा सहभागी भै मनलाई निरोगी बनाउन सबैलाई आग्रह समेत गर्नुभयो । शिबिरमा मुख्य प्रशिक्षकको रुपमा स्वास्थ्यकर्मी नबिन पन्थी रहने जनाईएको छ ।

This image has an empty alt attribute; its file name is 67088872_2329065567359743_1118019294689492992_n.jpg

नेपालकै प्रसिद्ध सिद्धेश्वर शिवालय सन्धिखर्कमा साउने मेला सुरु (तस्विर सहित)

घनश्याम पौडेल
अर्घाखाँची, २ साउन – अर्घाखाँचीको सन्धिखर्कमा रहेको ऐतिहासिक धार्मिक तथा पर्यटकीय स्थल सिद्धेश्वर शिवालय मन्दिर भक्तिटोला चुत्राबेसीमा आज देखि एक महिना धार्मिक साउने मेला सुरु भएको छ । धार्मिक मेलामा हजारौ भक्तजनहरुको उपस्थिति रहने छ ।

This image has an empty alt attribute; its file name is 67314904_418499775426650_7334338217690267648_n.jpg

आज देखि सुरु भएको साउने मेलाको सुरुको दिन आज बिहान चुत्राबेसीको भक्तिटोलामा रहेको सिद्धेश्र सिवालय मन्दिरबाट सुरु भएको कलश यात्रा चुत्राबेसी र सन्धिखर्क बजारका बिभिन्न भाग पक्रिमा गर्दै सन्धिखर्कमा रहेको शिवालय मन्दिरमा पुगेको थियो । कलश यात्रा सहित भजन तथा नाचगान समेत गरिएको थियो ।

This image has an empty alt attribute; its file name is 67559683_730100667408635_7444142410981965824_n.jpg

मन्दिरमा रहेको धारोमा विभिन्न तीर्थहरुको जल रहेको हुनाले त्यसबाट जल लगि बोल बम भन्दै बजारका बिभिन्न भाग परिक्रमा गरी सिद्धेश्वर सिवालय मन्दिरमा रहेको स्फटिकको शिवलिंगमा अर्पण गरिएको मन्दिरका अध्यक्ष नारायण खनालले बताए ।

This image has an empty alt attribute; its file name is 67377028_639334313223431_8498920790433988608_n.jpg

ऐतिहासिक, धार्मिक तथा पर्यटकीय महत्व बोकेको सुन्दर प्राकृतिक मनोरम स्थल सिद्धेश्वर शिवालय मन्दिरमा स्फटिकको शिवलिंग राखि दैनिक बैदिक बिधि पूर्वक पुजा आजा गरिदै आएको छ । स्फटिकको शिबलिंग भएको शिव मन्दिर नेपालकै इतिहासमा पहिलो भएको मन्दिर व्यवस्थापन समितिका अध्यक्ष खनालले बताए ।

This image has an empty alt attribute; its file name is 67386926_513755036096312_8314286249527476224_n.jpg

साउन महिनालाई भगवान शिवको पुजाआजा गरिने महिनाका रुपमा लिइन्छ । साउन महिनाभर बैदिक पुजा आजाका साथ जलापर्ण सहितको कार्यक्रम राखिएको सिद्धेश्वर शिवालय मन्दिरले जनाएको छ । सिद्धेश्वरको प्रचारमा यस किसिमको मेलाले ठूलो टेवा पु¥याउने छ ।

दालमोठ उद्याेगले फेरीएको खड्काको जिबन ।

श्याम घिमिरे
साउन ३ अर्घाखाँची –


पढाईका हिसाबले उनले कक्षा ५ मात्रै पास गरेका छन । पढाइमा उनको मन खासै गएन । स्थानिय शान्ति माबि धारापानीमा अध्ययन गर्दे गर्दा बीचमै पढाइ छाडेर उनी भारत गए,भारतमा राम्रो कमाई नभएपछी उनी दुबई तर्फ लागे । करीब १० बर्षको दुबई रोजगारी पछी उनी स्वदेशमै केही गर्नुपर्छ भनेर घरमा फर्के । अनि केही समय खाली बसे त्यसपछी उनले दुबईमा सिकेको दालमोठ बनाउने सिपलाई निरन्तरता दिनुपर्छ भन्ने हेतुले दालमोठ उधोग खोल्ने मन गरे, र केही समय पछी सन्धिखर्कमा सगरमाथा दालमोठ उधोगको नामबाट उधोग सन्चालन गरे ।

भुमिकास्थान नगरपालीका ४ धारापानी मकैडाँडाका ४६ बर्षिय युवा विजय खड्काले ८ वर्षअघि सामान्य लगानीबाट सुरु गरेको त्यहि उद्योग अहिले सन्धिखर्क नगरपालिका २ चुत्राबेसीमा स्थापित भएको छ । भुमिकास्थान नगरपालिका–४ धारापानीका खड्का २०६७ साल देखि निरन्तर दालमोठ उद्योगमा लागेका छन् । उद्योगमा हाल ७ जनालाई रोजगारी समेत दिएका छन् ।


खड्काले ८ वर्षअघि करीब २ लाख रुपैयाँको लगानीमा सुरु गरेको दालमोठ उद्योग अहिले जीविकोपार्जको प्रमुख माध्यम बनेको छ । घर परिवारको सहयोगमा सुरु गरेको उद्योगले अहिले करीब १ करोड भन्दा बढीको सम्पत्ति जोरेको खड्काले बताए । उनले उत्पादन गरेको दालमोठ जिल्लाको सन्धिखर्क,सितगंगा र भुमिकास्थान नगरपालीका त्यस्तै मालारानी,छत्रदेब र पाणीनि गाउँपालीका लगायत बिभिन्न क्षेत्रका बजारमा बिक्री बितरण भईरहेको छ ।

‘सुरुमा दालमोठ उद्योग सञ्चालन गर्दा धेरै समस्या भोग्नु प¥यो, दालमोठ खासै बिक्री हुँदैन थियो, बजारको अभावले धेरै दिन त तयार गरेको दालमोठ गोदाममै थन्कीने अबस्था रहयो, बाहीरबाट आउने दालमोठले गर्दा केही चुनौति भएको लगायतका समस्या भोगेको बताउँदै खड्काले भने, ‘अहिले दैनिक करीब डेढ क्विन्टल जति दालमोठ ,भुजा,चट्पटा,बदाम,कर्नफ्लेक्स लगायतका सामाग्रीहरु बिक्री बितरण भइरहेको छ ।’

बुटबल र कपिलबस्तुबाट मैदा,तेल भुजा,मटर,बदाम आदी खाद्य सामाग्रीहरु ल्याई दालमोठ उत्पादन भइरहेको छ । सरकारी निकायबाट आफुलाई राम्रै सहगोग भएको र सामाग्रीहरुमा अनुदान समेत प्राप्त गरेको उनी बताउँछन् ।

उनले दालमोठ उद्योगलाई विस्तार गर्ने योजना बनाएका छन् । सन्धिखर्क नगरपालीकामा आफ्नै ४ तले घर समेत निर्माण गरेका खड्काले अत्याधुनिक प्रबिधिबाट उद्योग सञ्चालन गरीरहेको समेत बताए । खड्काका श्रीमति र २ छोराहरु रहेका छन ।