mr&missअर्घाखाँचीको अन्तीम अडिसन साउन ४ गते हुने ।

श्याम घिमिरे अर्घाखाँची असार २८ –

अर्घाखाँचीको सदरमुकाम सन्धिखर्कमा जिल्लामै पहिलो पटक सौन्र्दर्य तालीम हुने भएको छ । बालबालीकाहरुमा लुकेर रहेका बिभिन्न खाले प्रतिभाहरुलाई प्रस्फुटनगर्ने उद्धेश्यका साथ A&A EVENTS संस्था कपिलबस्तुको आयोजनामा mr.&miss अर्घाखाँचीको आयोजना गर्ने आयोजक संस्था A&A EVENTS का सिईओ अनमोल सिंहले जानकारी दिए ।

सन्धिखर्कमा रहेको होटल साथी प्रालीमा यही श्राबण ४ गते सनिबार सन्चालन हुने (अडिसन) कार्यक्रमको स्थानीय रुपमा आकार नृत्य तथा म्युजिक सेन्टरले समन्वय गरेको सिंहले बताए । कार्यक्रममा १३ बर्ष देखी २५ बर्ष सम्मका युबायुबतिहरु सहभागी हुन पाउने उनले बताए । १५ देखी २० दिन सम्म सन्चालन हुने कार्यक्रमा सहभागी हुन फर्म शुल्क बापत रु पाँच सय र तालीम शुल्क बापत रु १५ हजार लाग्ने सिंहले बताए ।

तालीमको मुख्य प्रशिक्षक मोडल तथा कोरीयोग्राफर अस्मिता भट्टराई र मुख्य उद्घोषक सुमन श्रेष्ठ रहने सिंहले जनाए । यसअघि असार २८ गते सनिबार हुने भनिएको (अडिसन) कार्यक्रम प्रतिकुल मौसमको कारण स्थगन गरीएको समेत श्रेष्ठले जानकारी दिए ।

बाढी पहिराेमा परेर ज्यान गुमाउनेकाे संख्या ३० पुग्याे, १३३ जनाको उद्धार

फाइल तस्बिर

 असार २८, २०७६ शनिबार १५:४३ काठमाण्डाै – अविरल वर्षाका कारण शुक्रबारदेखि देशका विभिन्न स्थानमा आएको बाढी पहिरोमा परेर शनिबार दिउँसोसम्म ३० जनाको मृत्यु भएको छ । बाढी पहिरोमा परेर १८ जना बेपत्ता भएका छन् भने १२ जना घाइते भएका छन् । 

स्थानीय प्रहरी कार्यालय र विपद् व्यवस्थापन महाशाखाबाट परिचालित टोली समेतकाे सक्रियतामा काठमाण्डौमा १०८ जना, उदयपुरमा १० जना, ललितपुरमा ८ जना, सिन्धुलीमा २ जना, सिरहामा २ जना, भक्तपुर, सुनसरी र मकवानपुरमा १-१ जना गरी १३३ जनाको उद्धार गरिएको छ ।

मृतकहरुको जिल्लागत संख्या 

बाढी पहिरोमा परेर ललितपुरमा ५ जना, काठमाण्डाै, खोटाङ र काभ्रेमा ३-३ जना, भोजपुर, मकवानपुर, धादिङ र सिन्धुलीमा २-२ जना तथा ओखलढुंगा, पर्सा, रामेछाप, इलाम, झापा, सुनसरी, बारा र चितवनमा १-१ जना गरी ३० जनाको ज्यान गएको हो । 

यस्तै मकवानपुरमा ४ जना, काभ्रेमा २ जना तथा खोटाङ, रामेछाप, धादिङ, दोलखा, सुनसरीमा र चितवनमा १-१ जना गरी १२ जना घाइते भएका छन् । बेपत्ता हुनेहरुमा सिन्धुलीमा ४ जना, भोजपुरमा ३ जना तथा काठमाण्डौ, ललितपुर, पाँचथर, झापा, उदयपुर, मोरङ, सुनसरी, पर्सा, महोत्तरी, रौतहट, धादिङमा १-१ जना गरी १८ जना रहेका छन् ।

बाढी पहिराेबाट जनधनकाे उद्धारका तथा अवराेध भएका सडक तथा बाटाे खुलाउनका लागि प्रभावित स्थानहरुमा सम्बन्धित प्रदेशका प्रहरी कार्यालयका प्रमुख, प्रहरी नायब महानिरीक्षकहरुसहित काठमाण्डौ उपत्यकामा ८८५६ जना, प्रदेश नं १ मा ६३०५ जना, प्रदेश नं २ मा ५७०२ जना, प्रदेश नं ३ मा ३४०५ जना , प्रदेश नं ६ मा ३११२ जना गरि २७,३८० प्रहरी कर्मचारीहरु परिचालित गरिएकाे थियाे । sour:ujyaaloonline

कैदी बन्दीहरूको लागीे १ महिने सीप विकास तालिम सम्पन्न

श्याम घिमिरे असार २८ अर्घाखाँची –
अर्घाखाँची कारागारमा रहेका कैदी बन्दीहरुलाई लक्षीत गरी आयोजना गरीएको १ महिने सिप बिकास तालीमको सनिबार एक कार्यक्रमका बिच समापन गरीएको छ । जिल्ला प्रशासन कार्यालय अर्घाखाँचीको आयोजना र कारागार कार्यालयको समन्वयमा गत जेठ २८ गते देखी तालीम सन्चालन गरीएको हो । कारागारमा रहेका पुरुष बन्दीहरूका लागि बाँसका कलात्मक सामग्री बनाउने र महिला बन्दीहरूका लागि हाते बुनाई होजियरी तालिम सञ्चालन गरिएको थियो ।

समापन तथा प्रमाण पत्र बितरण कार्यक्रममा मनतब्य राख्दै प्रमुख जिल्ला अधिकारी प्रेमलाल लामीछानेले बन्दी जिवन बिताउनेहरुलाई सिपमुलक तालिम दिएर समाजमा फर्किएपछि दक्ष ब्यक्ति बनाउने उदेश्यका साथ तालिम सन्चालन गरिएको बताउनुभयो । बन्दी जिवन केवल बन्द रहन मात्र नभएर सिक्ने अबसरका रुपमा पनि लिनुपर्ने भन्दै लामीछानेले सिपलाई व्यबहारमा लागु गर्न सबैलाई आग्रह गर्नुभयो ।

लगनशिल,अनुशासित र मेहनतका साथ काम गरेमा जुनसुकै काममा पनी सफल हुने बताउदै लामीछानेले तालीमको भरपुर सदुपयोग गर्नुपर्नेमा जोड दिनुभयो । प्रजिअ लामीछानेले जिल्ला कारागार अर्घाखाँचीमा बन्दी जिवन भन्दा पनि सुधार जिवन दिने खालको बातावरण तयार गरिएको बताउदै बन्दी जिवन संगै पुन : सामाजिकरण हुने दिन आउने भएकाले सिप सिकेर दक्ष ब्यक्ति बन्नुको बिकल्प भएको बताउनु भयो ।

सहायक प्रजिअ बिक्रम थापाको सन्चालनमा सम्पन्न कार्यक्रममा शसस्त्र प्रहरी नायब उपरीक्षक गोपाल प्रसाद श्रेष्ठ,अनुसन्धान अधिकृत लक्ष्मण चौधरी,प्रहरी निरीक्षक खिमबहादुर घम,घरेलु कार्यालयका प्रमुख इन्दीरा भुसाल,सहायक प्रजिअ बिष्णुराज बेल्बासे,नेपाल पत्रकार महासंघमा अध्यक्ष हिम जिसी लेकाली, निमित्त जेलर कृष्ण प्रसाद आचार्य, तालीम प्रशिक्षक अमृत प्रसाद रिजाल,खिमकली श्रेष्ठ लगायतको उपस्थिती रहेको थियो ।

प्रदेश सरकार प्रदेश नं. ५ आन्तरीक मामिला तथा कानुन मन्त्रालय बाट चालु आ.ब २०७५\०७६ को प्राप्त स्विकृत कार्यक्रम अनुसार कारागारका २० कैदीहरुलाई तालमि दिईएको हो । अर्घाखाँची कारागारमा उत्पादिन बाँसका कलात्मक सामाग्रीहरु जिल्ला र जिल्ला बाहिर बिक्रिबितरण हुने गरेका छन ।