रवीन्द्र अधिकारीको उत्तराधिकारी भएर आएँ, उहाँका अपुरा काम पूरा गर्नेछु : पर्यटन मन्त्री भट्टराई

unn.prixa.net

साउन १५,  काठमाण्डौ – नवनियुक्त संस्कृति, पर्यटन तथा नागरिक उड्डयन मन्त्री योगेश भट्टराईले सपथ ग्रहण गरेलगत्तै कार्यभार सम्हाल्नु भएको छ ।

बुधबार दिउँसो राष्ट्रपति निवास शीतल निवासमा राष्ट्रपति विद्यादेवी भण्डारीसँग सपथ ग लिएसँगै उहाँले सिंहदरबारस्थित कार्यकक्षमा पुगेर कार्यभार सम्हाल्नु भएको हो ।

कार्यकक्षमै सञ्चारकर्मीसँग संक्षिप्त कुराकानी गर्दै मन्त्री भट्टराईले आफू काम लगाउनभन्दा पनि सिक्न आएको बताउनुभयो ।  उहाँले भन्नुभयो, ‘म काम लगाउन आएको होइन, सिक्न आएको हो ।’ उहाँले सबैले मिलेर काम गरेमा अघि बढ्ने सकिने बताउनुभयो । 

त्यस्तै उहाँले तत्कालीन पर्यटन मन्त्री रवीन्द्र अधिकारीको स्मरण गर्दै उहाँका अपुरा काम आफूले पूरा गर्ने प्रतिबद्धता व्यक्त गर्नुभयो । गएको फागुनमा तत्कालीन पर्यटन मन्त्री रवीन्द्र अधिकारीको हेलिकप्टर दुर्घटनामा निधन भएपछि यो मन्त्रालय प्रधानमन्त्री आफैले सम्हाल्दै आउनुभएको थियो । 

लामो समय सुखदुःखमा अधिकारीसँगै रहेको बताउँदै नवनियुक्त मन्त्री भट्टराईले भन्नुभयो, ‘घनिष्ट मित्र गुमायाैँ । म सम्झन चाहन्छु । लामो समय बिताइयो, सुख दुःखमा सँगै हिँडेका थियौँ, उहाँले राम्रोसँग यो मन्त्रालय सम्हाल्नुहुन्थ्यो, तर घटनालाई जित्न सकेनौँ ।’

त्यस्तै मन्त्री भट्टराईले आफू रवीन्द्र अधिकारीको उत्तराधिकारीकै रुपमा आएको बताउनुभयो । उहाँले भन्नुभयो, ‘आज उहाँको कुर्सीमा छु, म उत्तराधिकारी जस्तो भएर आएको छु, यसो भन्दा मलाई अफसोच छैन । म रवीन्द्र अधिकारीको उत्तराधिकारी भएको छु ।’

त्यस्तै उहाँले रवीन्द्र अधिकारीले अगाडि सारेका कामहरु पूरा गर्ने बताउनुभयो । ‘म यहाँ एउटा परिस्थितिले आकस्मिक रुपमा आएँ, रवीन्द्र अधिकारीका अपुरा काम पूरा गर्नेछु ।’

नेपाल भ्रमण वर्ष–२०२० नजिकिँदै गर्दा विभागीय मन्त्री नहुँदा कामकारबाहीमा समस्या उत्पन्न हुँदै आएको थियो ।  रिक्त रहेको सम्बन्धित मन्त्रालयमा मन्त्री नियुक्त गर्न पार्टी भित्रैबाट दबाब थियो । प्रधानमन्त्री ओलीले भट्टराईलाई पर्यटन मन्त्री बनाउने विषयमा पार्टीका अर्का अध्यक्ष पुष्पकमल दाहाल प्रचण्ड, वरिष्ठ नेता माधवकुमार नेपाल, नेता झलनाथ खनाल लगायतका नेताहरुसँग छलफल नै गर्नुभएको थियो ।

नेताहरुसँगको सल्लाहमा प्रधानमन्त्री ओलीले भट्टराईलाई संस्कृति, पर्यटन तथा नागरिक उड्डयन मन्त्रालयको जिम्मेवारी दिनुभएको हो ।

यसअघि चुनावका बेला ताप्लेजुङमा भएको चुनावी सभामा ओलीले ‘योगेशलाई जिताएर पठाउनुस् मन्त्री बनाउने काम मेरो भयो’ भन्ने अभिव्यक्ति नै दिनुभएको थियो ।

भट्टराईले नेपाली कांग्रेसका उम्मेद्वार केशवप्रसाद दाहाललाई २ हजारभन्दा बढी मतले पराजित गर्दै प्रतिनिधिसभा सदस्यमा विजयी हुनुभएको थियो । भट्टराईको १९४८९ मत आउँदा दाहालले १६८८८ मत ल्याउनुभएको थियो । source:ujyaaloonline

पर्यटन मन्त्री योगेश भट्टराईद्वारा सपथ

unn.prixa.net

साउन १५, २ काठमाण्डौ – नेपाल कम्युनिष्ट पार्टीका केन्द्रीय सदस्य योगेश भट्टराईले संस्कृति, पर्यटन तथा नागरिक मन्त्रीको सपथ लिनुभएको छ ।

राष्ट्रपति भवन शीतल निवासमा राष्ट्रपति विद्यादेवी भण्डारीले नवनियुक्त पर्यटन मन्त्री भट्टराईलाई सपथ गराउनुभएको हो ।गएको फागुनमा तत्कालीन पर्यटन मन्त्री रवीन्द्र अधिकारीको हेलिकप्टर दुर्घटनामा निधन भएपछि यो मन्त्रालय प्रधानमन्त्री आफैले सम्हाल्दै आउनुभएको थियो । 

सपथ ग्रहण समारोहमा उपराष्ट्रपति नन्दबहादुर पुन, प्रधानमन्त्री केपी शर्मा ओली, प्रतिनिधि सभाका सभामुख कृष्णबहादुर महरा, राष्ट्रिय सभाका अध्यक्ष गणेशप्रसाद तिमिल्सिना, मन्त्रीहरु तथा उच्च पदस्थ व्यक्तिहरुको उपस्थिति रहेको थियो । नवनियुक्त पर्यटन मन्त्री योगेश भट्टराईले बुधबारदेखि नै कार्यभार सम्हाल्नु भएको छ ।

नेपाल भ्रमण वर्ष–२०२० नजिकिँदै गर्दा रिक्त रहेको सम्बन्धित मन्त्रालयमा मन्त्री नियुक्त गर्न पार्टी भित्रैबाट दबाब थियो । प्रधानमन्त्री ओलीले भट्टराईलाई पर्यटन मन्त्री बनाउने विषयमा पार्टीका अर्का अध्यक्ष पुष्पकमल दाहाल प्रचण्ड, वरिष्ठ नेता माधवकुमार नेपाल, नेता झलनाथ खनाल लगायतका नेताहरुसँग छलफल नै गर्नुभएको थियो ।नेताहरुसँगको सल्लाहमा प्रधानमन्त्री ओलीले भट्टराईलाई संस्कृति, पर्यटन तथा नागरिक उड्डयन मन्त्रालयको जिम्मेवारी दिनुभएको हो ।  

यसअघि चुनावका बेला ताप्लेजुङमा भएको चुनावी सभामा ओलीले ‘योगेशलाई जिताएर पठाउनुस् मन्त्री बनाउने काम मेरो भयो’ भन्ने अभिव्यक्ति नै दिनुभएको थियो । भट्टराईले नेपाली कांग्रेसका उम्मेद्वार केशवप्रसाद दाहाललाई २ हजार भन्दा बढी मतले पराजित गर्दै प्रतिनिधिसभा सदस्यमा विजयी हुनुभएको थियो । भट्टराईको १९४८९ मत आउँदा दाहालले १६८८८ मत ल्याउनुभएको थियो ।  source:ujyaaloonline

पत्रकार आचार्यलाई प्रादेशिक शिक्षा पत्रकारिता पुरस्कार

सन्धिखर्क एफएम, साउन १४ काठमाण्डौ –यस बर्षको प्रादेशिक शिक्षा पत्रकारिता पुरस्कार अर्घाखाँचीका पत्रकार प्रेमनारायण आचार्यलाई प्रदान गरिएको छ । नेपाल पत्रकार महासंघ र शिक्षा मन्त्रालय, शिक्षा तथा मानव स्रोत विकास केन्द्रद्वारा संयुक्तरुपमा प्रदान गरिने रु २० हजार राशीको पुरस्कार आचार्यलाई प्रदान गरिएको हो । नेपाल पत्रकार महासंघको केन्द्रीय कार्यलयमा भएको कार्यक्रममा शिक्षा मन्त्री गिरीराजमणि पोख्रेलले नगद २० हजार सहित सम्मान पत्रले पुरस्कृत गर्नु भएको हो ।

अर्घाखाँची जिल्लामा रही विगत १२ बर्ष देखि व्यवसायीक रुपमा सक्रिय पत्रकार आचार्यले , अन्नपुर्ण पोष्ट राष्ट्रिय दैनिक , एभिन्युज टेलिभिजन, उज्यालो नेटवर्क र रेडियो देउराली लगायतका मिडियामा कार्यरत हुनुहुन्छ ।

कक्षा १२ काे नतिजा आज प्रकाशित हुँदै

साउन १३, २०७६ काठमाडौं : राष्ट्रिय परीक्षा बोर्डले कक्षा १२ एसएलसीई को नतिजा आज सोमबार प्रकाशन गर्ने भएको छ। बोर्डले सबै विषयको नतिजा आजै प्रकाशन गर्ने तयारी गरेको हो। माध्यमिक शिक्षा उत्तीर्ण परीक्षा, कक्षा १२ (एसएलसिई) को नतिजा साँझसम्म आइसक्ने परीक्षा बोर्डले जनाएको छ।नतिजा प्रकाशनका लागि सोमबार साँझ पाँच बजे बोर्ड बैठक बोलाइएको छ।  प्राविधिकसहितको उपस्थितिमा आइतबार नतिजाको सुद्धता परीक्षण गरिएको थियो। परीक्षणमा गल्ती नभेटिएकाले आज नतिजा प्रकाशन गर्ने तयारी गरिएको हो। यस वर्ष चार लाखभन्दा बढी विद्यार्थी कक्षा १२ को परीक्षामा सहभागी भएका छन्।

सिंगापुरसँग नेपाल पराजित, टी-२० विश्वकप खेल्ने नेपालको सपना अधुरै,नेपाली क्रिकेट टोली भोलि स्वदेश फर्किँदै, सन्दीप र सोमपाल भने नआउने

unn.prixa.net

साउन १२, २०७६- आईसीसी वरीयतामा आफूभन्दा निकै तल रहेको टिम सिंगापुरसँग ८२ रनले पराजित भएपछि नेपालको ट्वान्टी–२० विश्वकप सपना यो संस्करणका लागि समाप्त भएको छ । 

सिंगापुर प्रस्थान गर्नुअघि नेपाल उपाधिको प्रमुख दावेदार थियो । नहोस पनि किन आईसीसी वरीयतामा ११ औं स्थानमा थियो । बाँकी सबै निकै तल थिए । तर पहिलो खेलमै २१ औं वरीयताको कतारसँग पराजित भएपछि नेपाली टोली नराम्रोसँग झस्कियो ।

त्यसपछिका बाँकी २ खेलमा ३५ औं वरीयताको मलेसिया र २८ औं वरीयताको कुवेतलाई नेपालले सजिलै हरायो । घरेलु टोली सिंगापुरविरुद्धको खेलमा पराजित भएपछि नेपाली खेलाडीका लागि बिर्सनलायक प्रतियोगिताको अनुभव रह्यो ।

नेपालले सन् २०१४ मा बंगलादेशमा भएको ट्वान्टी २० विश्वकप खेलेको थियो । दोस्रोपल्ट विश्वकप खेल्ने लक्ष्यमा रहेको नेपालले एसियाली छनोट नै पार गर्न सकेन । सिंगापुरले अक्टोबर ११ देखि नोभेम्बर ३ सम्म युएईमा हुने ग्लोवल क्वालिफायर खेल्ने भएको छ ।

फाइनलसरह रहेको खेलमा टस जितेर पहिले ब्याटिङ गरेको सिंगापुरबिरुद्ध नेपाली बलरहरु प्रभावहीन रहे । अविनाश बोहोराले अन्तिम ओभरतिर ४ विकेट झारे पनि अन्य सबै महंगा बने । सुपरस्टार स्पिनर सन्दीप लामिछाने र बसन्त रेग्मीले ४ ओभरमा ५० रन खाए ।

सिंगापुरले सुरुआतदेखि नै आक्रामक ब्याटिङ गरेको थियो । दोस्रो ओभरमा ओपनर सुरेन्द्रन चन्द्रमोहनलाई गुमाए पनि त्यसपछि आएका तिमोथी डेविडले अर्का ओपनर रोहन रंगराजनसँग मिलेर दोस्रो विकेटका लागि ८९ रनको साझेदारी गरे । १०.४ ओभरमा रंगराजनलाई अविनाश बोहोराले ४९ रनको व्यक्तिगत स्कोरमा आउट गरे ।

चौथो नम्बरमा ब्याटिङमा आएका मनप्रित सिंहसँग मिलेर डेविडले तेस्रो विकेटका लागि ६६ रनको साझेदारी गरे । डेविडले ४३ बलमा ८ चौका र ३ छक्काको सहयोगमा ७७ रन बनाए । बने मनप्रितले २७ बलमा ४२ रन जोडे । सिंगापुरले अन्तिम ३ ओभरमा ४ विकेट गुमाएको थियो । नेपालका लागि अविनाशले ४ ओभरमा ३५ रन खर्चेर ४ विकेट लिए । करण केसीले २ विकेट झारे ।

विशाल लक्ष्य पछ्याएको नेपालका लागि ओपनर पारस खड्का र ज्ञानेन्द्र मल्लले २७ रनको साझेदारी गरेका थिए । सिंगापुरका कप्तान अम्जाद मेहवुवको बलमा ठूलो शट प्रहार गर्न खोज्दा पारस मिडअन क्षेत्रमा क्याच आउट भएका हुन् । उनले १० बलमा १ चौका र १ छक्कासहित १२ रन जोडे । त्यसपछि आएका शरद भेषावकरसँग मिलेर ज्ञानेन्द्रले थप २७ रनको साझेदारी गरे । सेलाडोर विजयकुमारको बलमा बोल्ड हुनुअघि ज्ञानेन्द्रले २१ बलमा ३९ रन जोडे ।

नेपालले सातौं, आठौं र नवौं ओभरमा लगातार विकेट गुमायो । ज्ञानेन्द्र आउट भएको अर्को ओभरमा अनन्था कृष्णाले शरद भेषावकरलाई आउट गराए । उनले ११ बलमा ७ रनमात्र बनाउन सके । यू१९ कप्तान रोहित कुमार पौडेललाई विजयकुमारले ५ रनको ब्यक्तिगत स्कोरमा कट एन्ड बोल्ड गरे ।
विजयकुमारले ११ औं ओभरमा २ विकेट झारे । १०.२ ओभरमा विकेटकिपर ब्याट्सम्यान विनोद भन्डारी ९ रनको स्कोरमा आउट गराएका उनले १०.४ ओभरमा करण केसीलाई पनि पेविलियनको बाटो देखाए । करणले खाता खोल्नै सकेनन् ।

१३.२ ओभरमा सोमपाल कामी दुर्भाग्यबस रनआउटको शिकार हुँदा नेपाल १००–७ को नाजुक स्थितिमा पुग्यो । त्यही ओभरको पाँचौं बलमा सन्दीप लामिछाने पनि आउट भए । १५ औं ओभरको पाँचौं बलमा दीपेन्द्र सिंह ऐरी २२ रनको स्कोरमा आउट भएपछि नेपालको झिनो आशा पनि समाप्त भयो । नेपाल १५ ओभरमा १०९ रनमै अलआउट भयो ।

यसैबिच विश्वकप क्रिकेट एशिया क्षेत्रीय छनोटको फाइनल खेल्न सिंगापुर गएको नेपाली राष्ट्रिय टोली सोमबार स्वदेश फर्कने भएको छ। प्रतियोगिताको अन्तिम खेलमा आयोजक सिंगापुरसँग पराजित भएको टोली सोमबार राति साढे १० बजे मलेसियन एयरबाट त्रिभुवन विमानस्थलमा आइपुग्ने भएको हो। टोलीका सदस्य सन्दीप लामिछाने र सोमपाल कामी भने नेपाल फर्किने छैनन्। उनीहरू ग्लोबल टि ट्वाइन्टी क्यानडा लिग क्रिकेट खेल्न सिधै क्यानडा जानेछन्। उनीहरू सोमबार बिहान साढे ८ बजे टोरन्टो क्यानडा पुग्नेछन्। सोमबार हुने खेलका लागि नै उनीहरू त्यहाँ पुग्ने नेपाली टोलीका व्यवस्थापक रमन शिवाकोटीले जानकारी दिए।