सन्धिखर्क एफएम कार्तिक १३ अर्घाखाँची :
अर्घाखाँची जिल्लाको साबिक ढाकाबाङ गाबिस हाल भुमिकास्थान नगरपालिका वार्ड नम्बर १ साम्नेगाँउ निवासी वसन्त गमालका ४ बर्षिय छोराको सोमबार राती बुटवलमा निधन भएको छ । कात्तिक ११ गते राती बालकले उल्टी गरेपछि १२ गते उपचारको निम्ति बालकलाई अर्घाखाँची जिल्ला अस्पताल सन्धिखर्कमा भर्ना गरिएको हो । बच्चा बेहोस अबस्थामा रहेकोले आईसियुमा राखेर उपचार गर्नुपर्ने भन्दै डाक्टरले बच्चाको बुबालाई सम्पुर्ण अबस्था जानाकारी गराई बच्चालाई रिफर गरेका थिए । बच्चालाई रिफर गरेपनी उनिहरुले आर्थिक अभाबका कारण जिल्ला अस्पतालकै बेडमा राखेर उपचार गराउन बाध्य भएका थिए ।
साँझ सम्म बच्चालाई अन्यत्र उपचार गर्न लैजाने छाँटकाँट नदेखेपछी समाजसेबि सहयोगी बिसीको पहलमा भुमिकास्थान नगरपालिकाका सामाजिक एवं राजनितिक ब्यक्तित्व कबिराम खनालले अस्पताल पुगेर एम्बुलेन्स र उपचारको लागि आर्थिक ब्यबस्थापन गरेर बुटवल पठाउनु भएको थियो । तर निज बच्चा लुम्बिनी अञ्चल अस्पतालमा उपचारार्थ रहेकै अबस्थामा सोमबार राती करीब साढे ३ बजे दुखद निधन भएको निजका बुवा वसन्त गमालले जानाकारी दिनु भयो ।
यसैबिच बुटवलका डाक्टरले उपचार गर्न ढिलो भएको कारण बच्चालाई बचाउन नसकिएको बताएका छन । केही समय अगाडी मात्र बच्चाका बुबा पनि गम्भीर बिरामी परी करीब तिन लाख रुपैया खर्च गरेर उठ्नु भएको जनाईएको छ । यस्तै बच्चाका बुबाले उपचारको निम्ति आफुसंग एक हजार रुपैया सम्म पनि नभएको पीडा समेत पोख्नुभएको छ ।
Sandhikharkafm.com 