व्यक्तिगत स्वार्थ भन्दा माथि उठेर राष्ट्र निर्माणको अभियानमा जुट्न सांसद रायमाझीको आग्रह

शोभाखर पन्थी भाद्र २५ अर्घाखाँची : पुर्व उपप्रधानमन्त्री टोपबहादुर रायमाझीले व्यक्तिगत स्वार्थ तथा दलगत स्वार्थ भन्दा माथि उठेर राष्ट्र निर्माणको अभियानमा जुट्न सबैपक्षलाई आग्रह गर्नु भएको छ ।

मालारानी गाउँ पालिका वार्ड नं १ का वार्ड अध्यक्ष बालकृष्ण आचार्यकी स्वर्गीय माता साबित्रा आचार्यको ११ औं पुण्य तिथिको अबसरमा आइतबार आयोजित श्रद्धाञ्जली कार्यक्रममा मन्तव्य राख्दै उहाँले स्वर्गीय आमा साबित्राको सम्बृद्धिको चाहनालाई पुरा गर्ने प्रतिबद्धता जाहेर गर्नुभयो । रायमाझीले आमजनता र कार्यकर्ताको चाहना अनुसार पार्टी एकता भएको भन्दै पार्टीको निर्णय र एकताको पक्षमा दृढता पुर्बक उभिन कार्यकर्ता लाई निर्देशन दिनुभयो ।

कार्यक्रममा राष्ट्रिय सभाका सदस्य चन्द्रबहादुर खड्का , प्रदेशसभा सदस्य चेतनाराणय आचार्य,नेकपाका नेता नरेन्द्र कुमार क्षत्री ,जनार्दन खनाल ,नेपाल कम्युनिस्ट पार्टीका प्रस्ताबित जिल्ला अध्यक्ष पिताम्बर भुसाल ,सचिव तोज बहादुर रायमाझी ,नेता दलबहादुर भट्टराई ,मालारानी गाउँपालीकाका अध्यक्ष बालकृष्ण आचार्य ,सालिकराम आचार्य,लिल बहादुर बि.क.,कृष्णप्रसाद भुसाल लगायतले मन्तव्य राख्दै स्वर्गीय आमाले गणतन्त्र र प्रजातको लागि खेलेको भुमिका निक्कै प्रसंसनीय भएको बताए ।

कपिलबस्तुका धनबहादुर घर्तीमगरको हत्यामा संलग्न तिन जनालाई पत्रकार सम्मेलनगरी सार्बजनिक

श्याम घिमिरे भाद्र २५ अर्घाखाँची :कपिलबस्तु पिपरा धैरनीडाँडाका धनबहादुर घर्तीमगरको मिलेमोतोमा हत्या गरेको आरोपमा धनबहादुरकी श्रीमति राधा घर्ती मगर न्यौपाने,त्यस्तै राधाको प्रेमी रुकुम निवासी रमेश बिक र राधाकै आमा बसुन्धरा बस्याललाई हत्यामा संलग्न रहेका भन्दै प्रहरीले आईतबार पत्रकार सम्मेलन गरी सार्बजनिक गरेको छ ।

सन्धिखर्क नगरपालिका वडानम्बर १२ बस्यालटोलामा रहेको ससुराली आएकोबेला भदौ १३ गते धारिलो हतियार प्रहार गरी धनबहादुरको हत्या गरि जंगलमा लगी सब फालीएको अबस्थामा भेटिएको थियो । राधा र रमेशले राति हत्या गरी बोरामा हालेर जंगलमा लगेर फ्याँकेको स्वीकार गरेका छन ।

प्रहरीसँगको वयानमा रमेशले कुटपिट गरी मारेको राधाले बताएकी हुन । राधा र रमेश चार वर्षदेखि प्रेम सम्बन्धमा रहँदै आएको वयानमा राधाले स्वीकार समेत गरेकी छिन । अभियुक्त रमेशलाई प्रहरीले सल्लानबाट पक्राउ गरेको हो ।

उनिहरु तिनैजनालाई ज्यान सम्बन्धी कसुरमा थप अनुसन्धानकालागी म्याद थप गरी प्रहरी हिरासतमा राखीने प्रहरी नायब उपरीक्षक नबराज मल्लले पत्रकार सम्मेलनमा जानकारी दिनुभयो ।

धारापानीमा अखिल छैठौं कार्यक्रम सम्पन्न

श्याम घिमिरे भाद्र २४ अर्घाखाँची :

सामाजिक अन्धबिस्वास र बिकृतिका बिरुद्ध सचेतना अभियान थालेको अखिल छैठौं अर्घाखाँचीले आइतबार शान्ति मा.वि.र अन्नपूर्ण मा.वि.भुमिकास्थान धारापानीमा कार्यक्रम सम्पन्न गरेको छ । कार्यक्रममा छैठौंका जिल्ला सह–सचिव सन्देश खनाल,सदस्य हिम्मत खनालले समाजमा घटिरहेका सामाजिक कु–प्रथा,बलत्कार,हत्या तथा लैङ्गिक हिंसा बिरुद्ध सचेतना मुलक मन्तव्य राख्नुभएको हो । आसन्न असौजको ५ र ६ गते सन्धिखर्कमा २४ औं जिल्ला सम्मेलन गर्ने तयारी गरेको अखिल छैठौंले सम्मेलनको पूर्व सन्ध्यामा सांगठानिक गतिबिधिको साथसाथै सामाजिक सचेतना अभियान पनि संचालन गरेको हो ।

विद्यालयमा बिषयगत प्रशिक्षण पछि आजै सम्पन्न सांगठानिक भेलाले जिवन परियारको अध्यक्षतामा ३३ सदस्यिय अखिल छैठौं शान्ति मा.वि.मुल इकाइ समितिको गठन गरेको छ । जसको उपाध्यक्षमा दिपक थापा,सचिव भेषराज खत्री,सह–सचिव माधव भाट र कोषाध्यक्षमा संगिता भाट निर्बा्चित हुनुभएको छ । यस्तै भेलाले विश्व घ.म.को अध्यक्षतामा ४९ सदस्यिय अखिल छैठौं अन्नपूर्ण मा.वि. मुल इकाइ समितिको पनि गठन गरेको छ । जसको उपाध्यक्ष,सचिव,सह–सचिव र कोषाध्यक्षमा क्रमशः बिशाल खनाल,मुना पौडेल,रेखा के.सी. र हिमाल रोकाया मगर निर्बा्चित हुनुभएको छ भने विजय घ.म.र इशा भाट सचिवालय सदस्यमा चयन हुनुभएको अखिल छैठौं अर्घाखाँचीले जनाएको छ ।