जातीय समता समाज अर्घाखाँची द्धारा प्रधानमन्त्रीलाई ज्ञापनपत्र

श्याम घिमिरे भाद्र २४ अर्घाखाँची :

राष्ट्रीय जनमोर्चा निकट जातीय समता समाज जिल्ला समिति अर्घाखाँचीले जिल्ला प्रशासन कार्यालय अर्घाखाँची मार्फत आईतबार प्रधानमन्त्रीको कार्यालय सिंहदरबारमा ज्ञापनपत्र पठाएको छ ।

कुल जनसंख्याको करिब २० प्रतिशत जनसंख्या रहेको नेपालको दलित समुदाय देशको राजनीतिक परिवर्तन तथा आर्थिक–सामाजिक विकासमा उल्लेखनीय भूमिका रहँदै आएको तर देशमा लोकतान्त्रिक गणतन्त्रको स्थापनाको एक दशक पुगिसक्दापनि दलित समुदाय माथिको भेदभाव, छुवाछूत, ज्यादती, उत्पीडन र शोषणका साथै कतिपय स्थानहरुमा पंचायतकालिन समाजमा जस्तो व्यवहार देखापरेको भन्दै प्रधानमन्त्रीको ध्यानाकर्षण गराइएको छ । समाजमा देखिने यसप्रकारका व्यवहारका कारण दलित समुदायले देशमा लोकतान्त्रिक गणतन्त्रात्मक व्यवस्था आएको अनुभूति प्राप्त गर्न नसकेको ज्ञापनपत्रमा उल्लेख गरीएको छ ।

परिवर्तित राजनीतिक तथा आर्थिक–सामाजिक परिवेशमा दलित समुदायको सामाजिक जीवनमा सुधार हुनु आवश्यक रहेको भन्दै जातीय समता समाजका तर्फबाट दलित समुदायका विद्यमान समस्याहरु तत्काल समाधानका लागि ज्ञापनपत्र मार्फत आग्रह गरीएको छ ।

२०६८ को जातीय विभेद विरुद्धको कानुनले दलितहरुमाथि हुने छुवाछूत लगायतका भेदभाव गर्नेलाई कडा सजायको व्यवस्था गरेको भएपनी त्यसो हुननसक्नु दुर्भाग्य रहेको समता समाजले जनाएको छ ।

भूमिहीन दलितहरुलाई एक पटक जमिन दिन संविधानको प्रावधान अनुसार व्यवस्थापिका संसदमा विधेयक प्रस्तुत गरेको स्वागतयोग्य काम भएपनी जमिन दिने प्रश्नलाई निरपेक्ष ढंगबाट हेरिनु दुखत रहेको बताईएको छ ।

यस्तै ज्ञापन पत्रमा दलितहरुको मात्र प्रतिस्पर्धा हुने गरी सुरक्षित निर्वाचन क्षेत्रको संवैधानिक व्यवस्था गर्नुपर्ने, राज्यका सम्पूर्ण क्षेत्र, अंग र निकायहरुमा समानुपातिक समावेशी प्रतिनिधित्व हुनुपर्ने, सेना, प्रहरी लगायतका सम्पूर्ण क्षेत्रमा दलित समुदायको समानुपातिक प्रतिनिधित्वका अतिरिक्त क्षतिपूर्ति वापत थप प्रतिनिधित्वको संवैधानिक व्यवस्था गर्नुपर्ने लगायतका मागहरु राखेर ज्ञापनपत्र बुझाइएको हो ।

ज्ञापनपत्र बुझदै प्रमुख जिल्ला अधिकारी खिमराज भुसालले जायज मागहरुलाई राज्यले सम्बोधन गर्ने भन्दै आफुले ज्ञापनपत्रलाई प्रधानमन्त्री कार्यालयमा पठाउने बताउनु भएको थियो । ज्ञापनपत्र बुझाउन जातिय समता समाजका जिल्ला अध्यक्ष राजेन्द्र नेपाली, उपाध्यक्ष चेत बहादुर बिक,सदस्यहरु पिताम्बर सुनार, कर्णबहादुर परीयार तारा नेपाली लगायतको प्रतिनिधि मण्डलको सहभागीता रहेको थियो ।

Advertisement

साफ च्याम्पियनसिप फुटबलमा नेपाल सेमिफाइनलमा

भदौ २४ , काठमाडौं : साफ च्याम्पियनसिप फुटबलमा नेपालले सेमिफाइनलमा स्थान पक्का गरेकाे छ। शनिबार भएकाे बंगालादेशसँगकाे खेलमा जित हातपारेसँगै नेपालले अगाडिकाे स्थान पक्का गरेकाे हाे।

बंगलादेशकाे राजधानी ढाकास्थित बंगबन्धु राष्ट्रिय रंगशालामा पहिलो हाफको ३३ औं मिनेटमा बिमल घर्तीमगरले  फ्रि किक गोल गरेका थिए। खेलको अन्तिम समय ९० मिनेटमा नेपालका लागि नवयुग श्रेष्ठले उत्कृृृष्ठ गाेल गरेरे। याेसँगै नेपालले २-० जित निकाल्न सफल भएकाे हाे। शनिबारकाे खेल हार्दा वा बराबरी हुँदा घर फर्कनुकाे बिकल्प नेपालसँग थिएन। खेलमा  नेपाली टोलीलाई चार, चार, दुईको ढाँचामा खेलाडी मैदान उतारिएकाे थियाे।

शनिबारकाे खेलमा  गोलकिपर किरण चेम्जोङ, डिफेन्डरमा सुमन अर्याल, अनन्त तामाङ, आदित्य चौधरी, दिनेश राजवंशी, मिडफिल्डरमा रोहित चन्द, निराजन खड्का, सुजल श्रेष्ठ, सुनिल बल र फरवार्डमा विमल घर्तीमगर तथा भरत खवास खेलेका थिए। यसअघि नेपालले भुटानविरुद्ध ४-० जित निकालेकाे थियाे भने पाकिस्तानसँग २-१ काे हार बेहाेरेकाे थियाे।

अाज कुशेअाैँसी, बुबाकाे मुख हेर्ने दिन, गाेकर्णमा श्राद्ध गर्नेकाे घुइँचाे

भदौ २४, २०७५ काठमाडौं : चान्द्रमानअनुसार भाद्र कृष्ण औँसी तिथि अर्थात् अाइतबार कुशेऔँसी पर्व मनाइँदैछ। देवकार्य र पितृकार्यका लागि वर्षभरि आवश्यक पर्ने कुश काटेर राख्ने परम्परा छ। यो दिन बिहानै पुरोहितले मन्त्रोच्चारणपूर्वक काटेको कुश यजमानका घरमा लग्ने चलन छ। 

कुशलाई पवित्र स्थानमा राखिन्छ। यसरी राखिएको कुशले वर्षभर घरको रक्षा गर्छ भन्ने विश्वास गरिन्छ। यसरी राखिएको कुश वर्षभरि पर्ने मांगलिक पितृकार्यलगायतमा प्रयोग गर्ने चलन छ। कुशको प्रयोग आयुर्वेदमा समेत हुन्छ। लौकिक चलनअनुसार आज छोराछोरीले मीठामीठा खानेकुरासहित बुबाको मुख हेर्ने गर्छन्।

हुन त एकदिन मुख हेरेर छोराछोरीको कर्तव्य पूरा नहुने बताइन्छ। काम विशेषले टाढा रहेका छोराछारीले बुबासँग भेट्ने दिनका रूपमा भने यसको महत्त्व रहेको पुराणविद् पं.बालमुकुन्द देवकोटा बताउँछन्। पिता नभएकाहरूले उनको स्मृतिमा श्राद्ध गर्ने परम्परा छ।  भाद्र कृष्ण औँसीमा तीर्थमा श्राद्ध गर्ने चलन पनि छ। काठमाडौंको गोकर्ण यो दिन श्राद्ध गर्नेको गन्तव्य बन्छ। यसै दिन युवाकवि मोतिराम भट्टको जन्मजयन्ती पर्छ। 

आकार कला केन्द्रको आयोजनामा खुल्ला तिज गित प्रतियोगिता सम्पन्न

सन्धिखर्क एफएम भाद्र २४ अर्घाखाँची : आकार कला केन्द्र सन्धिखर्कको आयोजनामा सनिबार खुल्ला तिज गित प्रतियोगिता सम्पन्न भएको छ । कुल दश समुहको सहभागीता रहेको प्रतियोगीतामा मेना किशोरी जागरण समुह सनपा ११ प्रथम, सक्रिय महिला समुह मालारानी ५ बाँगी द्धतिय, गौरी शंकर इङ्गलिस वोडिङ्र्ग तृतिय र मदरल्याण्ड वोडिङ्ग स्कुलले शान्तोना स्थान प्राप्त गरेका छन । प्रतियोगीतामा बिजयी समुहलाई नगद तथा प्रमाणपत्र प्रदान गरीएको हो । कार्यक्रम पुष्पा थापाको अध्यक्षता र प्रमुख जिल्ला अधिकारी खिमराज भुसालको बिशिष्ट आतिथ्यतामा सम्पन्न भएको हो ।