अर्घाखाँचीमा निजामती सेवा दिबस विभिन्न कार्यक्रम गरि मनाईयो,कर्मचारीले जनतालाई शुसासनको अनुभुती गराउनु पर्नेमा जिल्ला न्यायाधीश पौडेलको जोड

श्याम घिमिरे भाद्र २२ अर्घाखाँची :अर्घाखाँची जिल्ला अदालतका न्यायाधीस रामचन्द्र पौडेलले निजामती कर्मचारीले जनतालाई शासकको व्यवहार नगरि शुसासन कायम गर्न तर्फ उन्मुख हुन आग्रह गर्नुभएको छ । निजामती सेवा दिवस २०७५ को अबसरमा निजामती सेवा दिवस समारोह समिति अर्घाखाँची द्वारा आयोजित पुरस्कार बितरण तथा प्रबचन कार्यक्रममा प्रमुख अतिथिको रूपमा मनतब्य राख्दै पौडेलले यस्तो आग्रह गर्नु भएको हो । न्यायाधीश पौडेलले साबिकको निजामती ऐनले कामगर्न सक्ने अबस्था नरहेको भन्दै यसलाई परिमार्जित गर्नुपर्ने धारणा राख्नु भएको हो । पछिल्लो समयमा कर्मचारीलाई काम गर्न अफ्ठारो परेकोले यो समस्यालाई हटाउन सम्बन्धित निकायको ध्यान जानू पर्ने बताउनु भयो ।


दिवस मुल समारोह समितिका अध्यक्ष एवं प्रमुख जिल्ला अधिकारी खिमराज भुसालको अध्यक्षता,कर्मचारी मिलन केन्द्रका अध्यक्ष खिम बहादुर रानाको स्वागत मनतब्य र शेष कान्त घिमिरे को सन्चालनमा सम्पन्न कार्यक्रममा आधिकारिक ट्रेड युनियन का जिल्ला उपाध्यक्ष बलराम मिश्र,पेसागत संगठनका केन्द्रीय सदस्य कबिसिंह कठायत ,पत्रकार महासंघका अध्यक्ष हिम जिसि लेकालि,जिल्ला खेलकुद बिकास समितिका अध्यक्ष सिद्धि प्रसाद भुसाल लगायतले शुभकामना मनतब्य राख्नु भएको हो ।

कार्यक्रममा कर्मचारी मिलन केन्द्रका संस्थापक अध्यक्ष दलबहादुर केसिलाई सम्मान समेत गरिको हो । यस्तै दिवसको अबसरमा सन्चालित जिल्ला स्तरीय खुल्ला ब्याडमिन्टन प्रतियोगिता सफल टिमलाई पुरस्कार पनि बितरण गरिएको हो । यस अघि बिहान प्रभातफेरि तथा अस्पतालका बिरामीलाई फलफूल बितरण गरिएको हो।

शरिरिक रुपमा अपाङ्गता भएका बालबालिकाको उपचार गर्न सक्षम परियोजना गाउँ–गाउँमा

 

नबिन के.सी,भाद्र २२ अर्घाखाँची
शरिरिक रुपमा अपाङ्गता भएका बालबालिकाको पहिचान गरि उपचारको लागी पहल गर्ने मालारानी गाउँपालिकाका २९ बिद्यालयका प्रधानाध्यापकहरुले प्रतिबद्धता जनाएका छन । सक्षम परियोजनाले बिहिबार मालारानी गाउँपालिकाको आर्दश मा.बिमा अपाङ्गता अधिकार सम्बन्धी अभिमुखीकरण कार्यक्रममा उनिहरुले उक्त प्रतिबद्धता जनाएका हुन ।

सक्षम परियोजनाले मालारानी गाउँपालिकाका ३५ जना बालबालिकालाई उपचार गरिरहेको सक्षम परियोजनाका अर्घाखाँचीका संयोजक लेखनाथ आचार्यले जानकारी गराए । ‘ मालारानी गाउँपालिका भित्रका शारिरिक रुपमा अपाङ्गता भएका बालबालिका खुट्टा फर्किएका , घुडा जोडिने जस्ता समस्या भएकाहरुलाई उपचार गरिरहेका छौ । ’ उक्त परियोजनाले बिपन्न बालबालिकालाई नि.शुल्क रुपमा उपचार गर्ने र आर्थिक भएका व्याक्तिहरुबाट सहयोगको रुपमा केही पैसा लिने गरेको आचार्यले बताए ।

अपाङ्गगता सम्बन्धी बनेका ऐन कानुन र नेपालको संबिधान २०७२ मा उल्लेख भएका अपाङ्गता अधिकार को बिषयबस्तुको बारेमा आचार्यले जानकारी गराएका थिए । आर्दश मा.बिका प्रधानाध्यापक भेषराज खनालले शारिरिक अपाङ्गता भएका बालबालीकालाई खोजी गरि उपचारको लागी सक्षम परियोजना सम्म पुयाउने प्रतिबद्धता जनाए । श्रोत व्याक्ति बिष्णु पोख्रेलले परियोजनाले राम्रो काम गरेको भन्दै यसले बालबालिकाको जिबननै परिर्बतन गर्ने बताए ।

मालारानी गाउँपालिका शिक्षा शाखाका प्रमुख रमेश पन्थीले बालबालिकाको उपचार संगै नियमित रुपमा फलोअप गर्ने गरि परियोजनाले काम गरेकोमा धन्यवाद ज्ञापन गर्दै परियोजना सफलताको शुभकामना दिएका थिए । परियोजनाले जिल्ला भर ३ सय ५ जना १८ बर्ष मुनिका बालबालिकालाई उपचारकोलागी पठाई सकेको छ । काठमाण्डौको बनेपामा रहेको विकालाङ्ग मित्र ÷अपाङ्ग बाल अस्पताल तथा पुनस्थापना केन्द्रमा शारिरिक रुपमा अपाङ्गगता भएका बालबालिकाको उपाचार हुने गरेको छ । उक्त कार्यक्रम सक्षम परियोजना पुनस्थापना साहयक नारायण खनालको सञ्चालनमा सम्पन्न भएको थियो ।