अखिल छैठौं अर्घाखाँचीले सांगठनिक अभियानलाई तिब्र पार्यो

श्याम घिमिरे भाद्र १४ अर्घाखाँची : आसन्न असौजको पहिलो हप्ता जिल्ला र अन्तिम हप्ता हुने राष्ट्रिय सम्मेलनको तयारीमा जुटेको अखिल छैठौं अर्घाखाँचीले आज जनप्रिय मावि,बाल शिक्षा आधारभुत विद्यालय असुरकोट र शान्ति मा.वि.खिल्जीमा प्रशिक्षण भेला सम्पन्न गरेको छ ।

भेलामा छैठौंका जिल्ला उपाध्यक्ष बिष्णु के.सी.,सह–सचिव सन्देश खनाल र सदस्य आकाश भाटले समाजमा घटिरहेका बलत्कार,हत्या,लैङ्गिक हिंसा तथा सामाजिक कु प्रथा बिरुद्ध सचेतना मुलक मन्तव्य राख्दै सामाजिक बिकृतिका बिरुद्ध युवा बिद्यार्थीहरु एक हुनुपर्ने बताउनुभएको छ ।

भेलाले निमकला रानाको अध्यक्षतामा ७१ सदस्यिय अखिल छैठौं जनप्रिय मा.वि.मुल इकाइ समितिको गठन गरेको छ । जसको उपाध्यक्षमा सरोज घ.म.,सचिव सम्झना पुलामी,सह–सचिव ब्रमाण्ड श्रेष्ठ र कोषाध्यक्षमा सरिता श्रेष्ठ निर्बाचित हुनुभएको छ भने आशिष थापा,सन्दिप बन्जाडे,राजेश के.सी. र सन्दिप श्रेष्ठ सचिवालय सदस्यमा चयन हुनुभएको छ ।यस्तै भेलाले सन्दिप पोख्रेलको अध्यक्षतामा ९१ सदस्यिय अखिल छैठौं शान्ति मा.वि.खिल्जी मुल इकाइ समितिको पनि गठन गरेको छ ।

जसको उपाध्यक्ष,सचिव,सह–सचिव र कोषाध्यक्षमा क्रमशः बिपना वेल्वासे,सपना पोख्रेल,सविता थापा र रन्जित दमासे चयन हुनुभएको छ ।अखिल छैठौं अर्घाखाँचीले यहि असौज ५ र ६ गते सन्धिखर्कमा २४ औं जिल्ला सम्मेलन गर्न लागेको छैठौंका जिल्ला सह–सचिव सन्देश खनालले जानकारी दिनुभएको छ ।

मालारानी ७ हंसपुरमा राष्ट्रिय जनमोर्चाको भेला सम्पन्न

गोपाल प्रसाद भट्टराई भाद्र१४ अर्घाखाँची : मालारानी ७ हंसपुरमा राष्ट्रिय जनमोर्चाले आज वार्ड स्तरिय प्रशिक्षण भेला सम्पन्न गरेको छ ।रेसम खत्रीको अध्यक्षता र धर्म खनालको संचालनमा सम्पन्न भएको बिशेष भेलालाई राष्ट्रिय जनमोर्चाका जिल्ला सदस्य डिल बहादुर खत्री र खिमानन्द मरासिनिले सहजीकरण गर्दै पटक–पटक भएका निर्बाचनमा नेपाली जनता झुक्कीएकै कारण जुनसुकै सरकार आएपनि देश र जनताको अवस्था सुधार हुन नसकेको बताउनुभएको छ ।

मुलुकमा संविधान कार्यान्वयनका निम्ती संघियता बाधक बनेको भन्दै उहांहरुले देशको राष्ट्रियता अब्बल राख्न जनताले अब त्यस्तो गल्ती दोहोराउन नहुने जिकिर गर्नुभएको छ । वडा स्थित राजमोका नेता तथा कार्यकर्ताको उल्लेख्य सहभागितामा सम्पन्न भेलाले रेसम खत्रीको अध्यक्षतामा ११ सदस्यिय हंसपुर वडा समितिको गठन गरेको छ ।जसको उपाध्यक्षमा मान बहादुर खनाल,सचिव सावित्रा खनाल,सह–सचिव लक्ष्मी खनाल र कोषाध्यक्षमा नेत्र खत्री चयन हुनुभएको छ ।नवगठित समितिको सदस्यहरुमा सिता खड्का,सिता खत्री,शान्ता थापा,उजेला खनाल लगायत रहनुभएको  थियो।

मालारानी गाउँपालिका प्रबक्तालाई मातृशोक

नबिन केसी भाद्र१४ अर्घाखाँची :मालारानी गाउँपालिकाका प्रबक्ता तथा वडा नम्वर १ का वडा अध्यक्ष बालकृष्ण आचार्यलाई मातृशोक परेको छ । आचार्यकी माता साबित्रा आचार्यको बुधबार राती ११ बजे १०३ बर्षको उमेरमा निधन भएको छ । साबित्रा आचार्यको निधनले पालिका शोक मन्न भएको भन्दै गाउँपालिका अध्यक्ष बालकृष्ण शर्मा आचार्यले शोक बक्तव्य जारी गर्दै दिबंगत साबित्रा आचार्यप्रति भाबपूर्ण श्रद्धाञ्जली अर्पण गर्दै शोकाकुल परिबारजनप्रति गहिरो सम्बेदना प्रकट गर्नु भएको छ ।

पालिका केन्द्र खनदहबजारमै हुने पर्ने भन्दै बाजारबासी आन्दोलित

नबिन के.सी,भाद्र १४ रेडियो मालारानी अर्घाखाँची
अर्घाखाँची जिल्लाको मालारानी गाउँपालिकाको केन्द्र दह बजारमा नै राख्नु पर्ने माग गर्दे खनदहबजार बासी आन्दोलमा उत्रिएका छन । आज खनदहबजार बन्द गरि पालिका कार्यालयमा कालो झण्डा राखी आन्दोलनन गरेका छन । भने पालिका अध्यक्ष तथा उपाध्यक्षको कार्यकक्षमा तालाबन्दी समेत गरेका थिए । बजार बासीहरुले ईश्वरी खनाल र शोभाखर खनाल संयोजक रहेको संघर्ष समिति गठन गरेका छन ।

समितिका अध्यक्ष ईश्वरी खनालले पालिकाको केन्द्र खनदहमानै राख्नु पर्ने जनताको माग रहेको बताए । । ‘ जनप्रतिनिधीले जे भन्यो जनताले त्यो मान्न पर्दछ भन्ने छैन । केन्द्र खनदहबजारमै हुनु पर्दछ ’ । नेपालि काग्रेसका पालिका संयोजक तथा संघर्ष समितिका समेत संयोजक शोभाखर खनालले पालिका केन्द्र बजारमै राख्नु पर्ने बताए । ‘ एक राते भन्दा ढुङ्गाडे बजार केन्द्र राख्ने हिसबाले उपयुक्त छ ।

यसमा राजनैतिक भन्दा पनि बजार बासीको आबाजलाई बोकेर आन्दोलन गरेका छौ । ’ पालिकाको बुधबार बसेको गाउँ सभाको बैठकले पालिका केन्द्र राख्ने बिषयमा सहमति नभई सकेपछि बहुमतको आधारमा एक राते पालिका केन्द्र तोकिएको छ । लामो समय सम्म पनि सहमति हुन नसकेपछि प्रक्रियाबाट केन्द्रको तोकिएको पालिका अध्यक्ष बालकृष्ण शर्मा आचार्यले बताए । ‘ मैले एक रातेमा र ढुङ्गाडे मध्येका एक स्थानमा सभाहल र कार्यालय राख्ने प्रस्ताब गरेको थिए ।

तर गाउँ सभाका सदस्यहरुको बहुमतले त्यसलाई नमाने पछि प्रक्रियामा गएर टुङ्गो लगाईएको छ । ’ आन्दोलनका कार्यक्रम घोषणा भए संगै खनदहमा रहेको आर्दश मा.बि समेत बन्द भएको छ । मालारानी गाउँपालिका शिक्षा शाखा प्रमुख रमेश पन्थीले स्थलगत निरिक्षण गर्दा बिद्यालयमा ताला लगाएको भेटिएको बताए । ‘ शिक्षण संस्था बन्द रहेको भन्ने सुनेर आर्दशमाबिमा पुग्दा शिक्षक बिद्यार्थी नभएको भेटिएको र बिद्यालय व्यबस्थापन समितीका अध्यक्ष लाई बिद्यालय खोलन निर्देशन दिएको छु । र आन्दोलमा बिद्यालय बन्द नगर्न आन्दोलनरत पक्षलाई आग्रह समेत गरेको छु । ’

अहिले पालिका केन्द्र राख्ने भनिएको एक राते र ढुङ्गाडे भन्ने स्थान १.५ किलोमिटरको दुरीको फरकमा रहेको छ । केन्द्र ढुङ्गाडेहुनु पर्नेमा १२ मत र एकराते हुनु पर्दछ भन्नेमा २३ मत रहेको पालिका उपाध्यक्ष प्रमिला क्षेत्रीले बताईन । ‘पालिका केन्द्र कता राख्ने भन्ने पक्ष बिपक्षमा हात उठाउँदा बहुमत एक रातेको पक्षमा भयो । म , अध्यक्ष ,वडा न ३ र ७ को अध्यक्ष तटस्थ बस्यौ । ’पालिकाको केन्द्र उपयुक्त स्थानमा तय भएको वडा नम्वर ५ का वडा अध्यक्ष शोभाखर भुसालले बताए ।पालिका केन्द्र गाउँपालिकाको बिच भागमा राख्नु पर्ने भएकाले अहिले राखिएको केन्द्र उपयुक्त रहेका बताए ।

छात्रामाथि यौन दुर्व्यवहार गरेको आरोपमा बुटबलमा प्रिन्सिपल पक्राउ

बुटवल भाद्र १४

बुटवल स्थित ज्ञानपुञ्ज सेकेन्डरी ईङ्गलिस बोर्डिङ स्कुलका प्रिन्सिपल आफ्नै विद्यालयका छात्रामाथि यौन दुव्र्यवहार गरेको आरोपमा पक्राउ परेका छन् । प्रिन्सिपल तोयाराम पौडेललाई अफैले पढाउने छात्रालाई यौन दुब्र्यबहार गरेको आरोपमा इलाका प्रहरी कार्यालय बुटवलले नियन्त्रणमा लिएको हो । पौडेलले आफ्नै स्कुलको होस्टेलमा बस्दै आएकी कक्षा १० मा अध्ययनरत एक छात्रामाथि दुव्र्यबहार गर्ने, गोप्य अङ्गहरु छुने, छात्राहरूलाई राती एक्लै बोलाएर बलात्कारको प्रयाससम्म गर्ने गरेको आरोप अभिभावक तथा स्थानीयले लगाएका छन् ।

होस्टेलमा बस्दै आएकी बुटवल ११ नहरपुरकी गुरुङ थर गरेकी एक छात्राले आफ्नो आमाबुबासँग प्रिन्सिपल पौडेलले गरेको दुब्र्यबहारका बारेमा बताएपछि विद्यालयमा स्थानीयले नाराबाजी गरेका छन् । उनीहरुले पौडेललाई कारबाहीको माग पनि गरेका छन् । आक्रोशित स्थानीयले विद्यालयमा तोडफोडको प्रयास गरेपछि ठुलो संख्यामा प्रहरी तैनाथ गरिएको छ । घटनाको अनुसन्धान गर्न बाँकीनै रहेको र विद्यालयका प्रिन्सिपललाई नियन्त्रणमा लिईएको वडा प्रहरी कार्यालय बुटवलका प्रहरी प्रमुख डिएसपी डिल्ली मल्लले जानकारी दिए । विद्यालयमा १ हजारभन्दा वढी विद्यार्थी अध्ययनरत छन् ।

आरोपित पौडेलले भने आफुलाई फसाउने षडयन्त्र गरिएको भन्दै आफुले कसैलाई पनि दुव्र्यवहार नगरेकोे प्रतिक्रिया दिए । ‘यो गलत कुरा हो, अभिभावकहरुले विद्यालयमा कुनै गुनासो गरेका छैनन्, केही मान्छेहरुको उक्साहटमा यस्तो भएको हो, म अहिले इलाका प्रहरी कार्यालयमा छु’ उनले भने । डिएसपी मल्ले शिक्षकलाई नियन्त्रणमा लिएको भन्दै निष्पक्ष छानविन गर्ने बताए । source:ratopati.com