श्याम घिमिरे भाद्र ६ अर्घाखाँची
सुनचाँदि ब्यवसायी संघ अर्घाखाँची शाखाले नेपाल राष्ट्र बैंकले उपलब्ध गराउदै आएको कोटाको सुन अत्यन्तै न्यून भएको र हाल दिदै आएको कोटा समेत कटौती गरेको भन्दै शाखाले भाद्र ७ गते अर्थात बिहिबार एक दिनका लागि जिल्ला भरका सुनचाँदी पसलहरु बन्द गर्ने निर्णय गरेको छ । अर्घाखाँची सुनचाँदी ब्यवसायी समितिका अध्यक्ष कृष्ण बहादुर बिश्वकर्माको अध्यक्षतामा सन्धिखर्कमा बुधबार बसेको बैठकले सुनको आपुर्ति सहज बनाउन आग्रह गर्दे ब्यवसायीहरुलाई कठिन हुने, तर सुन नपाउदा सिजनको बेलामा ब्यवसायीहरु धरासायी हुने अबस्था आएको भन्दै बिरोध स्वरुप भदौ ७ गते जिल्ला भरका सुन पसलहरु पुर्ण रुपमा बन्द गर्ने निर्णय गरेको हो ।
आफुहरुका माग सम्बन्धीत निकाएले पूरा नगरे चरणबद्ध रुपमा आन्दोलनमा उत्रने समेत समितिले चेतावनि दिएको छ । अहिले अर्घाखाँचीमा सुन निकै सटेज भएकोले ब्यवसाय गर्न कठिन परेको ब्यवसायीहरुले बताएका छन । यस्तै बैठकले सुनचाँदी ब्यवसायी महासंघले उपलब्ध गराएको सुन न्यून भएको र तिजको समयमा सुनको माग बढेको तर सुन नपाउदा पसल खोल्नु र नखोल्नु को अर्थ नरहेको भन्दै महासंघलाई ब्यवसायीहरुको पक्षमा काम गर्न आग्रह समेत गरेको छ अध्यक्ष बिश्वकर्माले बताउनु भयो ।
त्यसैगरी छलफल तथा अन्तर्क्रियाबाट सन्धिखर्क-ढोरपाटन सडक खण्डको डि.पि.आर. तयार गर्ने क्रममा देखिएका विवाद निरूपणका लागि सम्बद्ध सरोकारवाला सबै पक्षहरू तदारूकताका साथ लाग्ने साथै अर्घावाङ्ग देखि सालझण्डी सम्म अगामी वडा दशै अगाडी नै यातायात सेवा सञ्चालन गर्नका लागि सडकको सुधार तथा स्तरोन्नति गर्ने, तम्घास-खर्ज्याङ्ग-पटौटी सडक खण्डमा समेत सहज रूपमा यातायात सञ्चालन गर्न मिल्ने गरी निर्माण कार्य अगाडि बढाउन आयोजना प्रमुख र निर्माण व्यवसायीको ध्यान आकर्षण गराउने निर्णय गरि कार्यक्रम सम्पन्न भएको छ ।
Sandhikharkafm.com 