पाणीनि गाँउपालीकाले मदीरा बिक्रीबितरणमा कडाई गर्ने

सन्धिखर्क एफएम भाद्र ५ अर्घाखाँची

पाणिनि गाउपालिका प्रमुख अच्युत गौतमले अब गाँऊपालिका भित्र मदिरा बिक्री नियत्रणमा कडाई गरिने बताउनु भएको छ । मंगलबार खिदिम प्रहरी चौकी अर्घाखाँचीका नबआगन्तुक सही सत्यनारायण चौधरीको स्वागत तथा परिचयात्मक कार्यक्रममा बोल्दै प्रमुख गौतमले उक्त कुरामा बताउनु भएको हो । कार्यक्रममा मनतब्य राख्दै प्रमुख गौतमले दर्ता बिना संचालीत मदिरा पसल बन्द गर्ने र निश्चित समयमा मात्र मदिरा बिक्रीबितरण लाई लागु गर्ने बताउनु भएको हो ।

अखिल छैठौं अर्घाखाँचीले असौजको पहिलो हप्ता २४ औं जिल्ला सम्मेलन गर्ने

श्याम घिमिरे भाद्र ५ अर्घाखाँची:अखिल छैठौं अर्घाखाँचीले आसन्न असौजको पहिलो हप्ता २४ औं जिल्ला सम्मेलन सन्धिखर्कमा गर्ने भएको छ ।संगठनको मंगलबार सन्धिखर्कमा सम्पन्न भएको बैठकले “शैक्षिक ब्यापारीकरण र संघियता बिरुद्ध हाम्रो आन्दोलन,जनवादी शिक्षा र राष्ट्रियताको रक्षाका लागि २४ जिल्ला सम्मेलन”भन्ने मुल नाराका साथ असौज ५ र ६ गते सम्मेलन गर्ने निर्णय गरेको अखिल छैठौं अर्घाखाँचीले जनाएको छ ।

अखिल छैठौंका केन्द्रिय उपाध्यक्ष देवेन्द्र कुंवर,राष्ट्रिय जनमोर्चा प्रदेश पांचका सदस्य शेर बहादुर बि.सी. र राष्ट्रिय जनमोर्चा जिल्ला अध्यक्ष थम्मन के.सी.को बिशेष उपस्थितिमा सम्पन्न बैठकले सम्मेलनलाई सफल पार्न गोपाल प्रसाद भट्टराईको संयोजकत्वमा ७ सदस्यिय मुल आयोजक समिति,पुरन नेपालीको संयोजकत्वमा ३ सदस्यिय आर्थिक ब्यबस्थापन समिति र बिष्णु के.सी.को संयोजकत्वमा १ सय ५१ सदस्यिय प्रचार–प्रसार समितिको गठन गरेको छ ।

जिल्ला अध्यक्ष गोपाल प्रसाद भट्टराईको अध्यक्षता,उपाध्यक्ष बिष्णु के.सी.को स्वागत मन्तव्य र सह–सचिव सन्देश खनालको संचालनमा सम्पन्न बैठकले आसन्न असौजको पहिलो हप्ता हुने जिल्ला सम्मेलन र असौज २६,२७ र २८ गते झापाको बिर्तामोडमा हने संगठनको २१ औं राष्ट्रिय सम्मेलनलाई भव्य रुपमा सफल पार्न भाद्र महिनाभर जिल्लाका ६ वटै पालिकामा सांगठनिक गतिबिधिलाई तिब्र पार्ने,सांगठनिक अभियानको शिलशिलामा सामाजिक बिकृति,लैङ्गिक हिंसा,बलत्कार,लागुऔषध दुव्र्यशनीका बिरुद्ध सचेतना मुलक प्रशिक्षण संचालन गर्ने लगायतका निर्णय गरेको अखिल छैठौं जिल्ला सचिवालय सदस्य पुष्पा गैरेले जानकारी दिनुभएको छ ।

पूर्व राजदूतको हत्या अभियोगमा पक्राउ परेकालाई १५ दिन थुनामा राख्न आदेश

भदौ ५, २०७५ काठमाडौं: सोमबार आफ्नै कोठामा मृत भेटिएका पूर्वराजदूत केशवराज झाको हत्या भएको २४ घण्टा वितेको छ। तर, प्रहरीले झाको हत्या कसले र किन गर्‍यो त्यो पत्ता लगाउन सकेको छैन।  हत्याको आशंकामा प्रहरीले झाकै घरमा सुरक्षा गार्ड गर्दै आएका सानु तामाङ र दुई जना मालीलाई नियन्त्रण गर्नु बाहेक अरु प्रगति विवरण केही गरेको छैन।

अपराध महाशाखाका प्रहरी उपरीक्षक (एसपी) नरेन्द्रप्रसाद उप्रेतीले भने घटनाबारे प्रहरीको अनुसन्धान जारी रहेकाले अहिले नै सबै कुरा भनि हाल्न हतार हुने बताए। घटनाको काठमाडौं प्रहरी परिसर र महानगरीय अपराध महाशाखाले अनुसन्धान गरिरहेको छ। परिसरका प्रवक्ता प्रहरी नायव उपरीक्षक (डिएसपी) मोहन थापाका अनुसार पक्राउ परेका तीनै जनालाई सार्वजनिक अधिकारीको अवज्ञा सम्बन्धी कसुर अन्तर्गत १५ दिन म्याद पथ गरेर थप अनुसन्धान भइरहेको बताए। 

सोमबार ८० वर्षीय झाको टाउको र घाँटीमा चक्कुले हानेको अवस्थामा शव फेला परेको थियो। झाको घर भित्र पस्ने ढोका सबै लक भएपनि झा सुत्ने झ्यालको जाली काटेर उनको हत्या गरिएको प्रहरीको अनुमान छ। झा बबरमहलस्थित घरमा पत्नी र सहयोगीसहित बस्दै आएका थिए। झाले नेपालको परराष्ट्र क्षेत्रमा ३४ वर्ष सेवाका क्रममा शिष्टाचार महापाल तथा राजदूतको जिम्मेवारी पूरा गरेका थिए। उनी २०४९ सालमा फ्रान्सका लागि नेपाली राजदूत बनेका थिए। झा विश्व सम्बन्ध परिषदका पूर्व अध्यक्ष पनि हुन्।
source:thahakhabar.com

श्रीमतीलाई जबरजस्ती करणी गरेको आरोपमा श्रीमान् पक्राउ

भदौ ५, २०७५ उदयपुरः श्रीमतीलाई जबरजस्ती करणीको आरोपमा उदयपुर रौतामाई गाउँपालिका वडा २ नौले करकुसका ४५ वर्षीय दीपबहादुर राउत पक्राउ परेका छन्। जिल्ला प्रहरी कार्यालय उदयपुरका डिएसपी मेघराज अधिकारीका अनुसार श्रीमतीले आफूलाई श्रीमान्ले जबरजस्ती करणी गरेको उजुरी दिएपछि सोमबार पक्राउ गरेको हो। सोमबार श्रीमतीले दिएको उजुरीको आधारमा रौतामाई गाउँपालिका वडा २ नौले करकुसबाट पक्राउ गरी अनुसन्धान भइरहेको डिएसपी अधिकारीको भनाइ छ।
source:thahakhabar.com

कुशल संगठक भुसालको आगमनले नेकपा कार्यकर्तामा खुसीयाली

अर्जुन भुसाल भाद्र५ अर्घाखाँची :कुशल संगठक पिताम्वर भुसालले नेपाल कम्युनिष्ट पार्टी (नेकपा) अर्घाखाँचीको नेतृत्व सम्हाल्ने भएपछि नेता÷कार्यकर्ताहरुमा खुसीयाली छाएको छ । त्यागी, इमान्दार, सहयोगी र निष्ठावान नेताको रुपमा परिचय बनाउनु भएका भुसालको नाम सर्वसम्मत सिफारिश गरिएको छ । उहाँले नेकपाको नेतृत्व गर्ने भएपछि पार्टीको तल्लो तह सम्मका कार्यकर्तामा उत्साह थपिएको छ ।

भेटेरै बधाइ दिन कार्यकर्ता गाउँगाउँबाट सन्धिखर्कमा रहेको पार्टी कार्यालय आउन थालेका छन् । प्रदेश स्तरीय कार्यदलले सर्वसम्मतले अध्यक्षका लागि उहाँको नाम केन्द्रमा पठाएपछि सामाजिक सञ्जालमा बधाइ दिनेहरु दिन प्रतिदिन बढिरहेका छन् ।

त्रिभुवन विश्व विद्यालयबाट समाज शास्त्रमा स्नातकोत्तर गर्नु भएका भुसालको आगमनले पार्टी बौद्धिक दिशामा अग्रसर हुने अधिकांशको बुझाई छ । २०५४ साल देखि निरन्तर जिल्ला कमिटीमा रहेर काम गरेका भुसालले पार्टी संगठन निर्माणमा ठूलो योगदान पुर्याएको नेकपाका नेता, कार्यकर्ता बताउँछन् । उहाँ तत्कालिन एमालेमा पछिल्लो समय जिल्ला कमिटी सचिवालय सदस्य तथा संगठन विभाग प्रमुखको जिम्मेवारीमा हुनुहुन्थ्यो ।

०५४ सालमा २५ वर्षको उमेरमा तत्कालिन बाँगी गाविसको अध्यक्ष बन्नु भएका भुसालले कुशलता पूर्वक जनप्रतिनिधिको भूमिका निर्वाह गर्नु भएको थियो । उहाँ अध्यक्ष बनेपछि बाँगीको विकासले गति समेत लिएको थियो । अनेरास्ववियुबाट राजनीतिमा प्रवेश गर्नु भएका भुसाल २०४७ सालमै बाँगी एमालेको संस्थापक प्रमुख, इलाका सदस्य, उपसचिव हुदै इलाका प्रमुख बन्नु भएको थियो । जिल्ला कमिटीमा आएपछि विद्यार्थी इन्चार्जको जिम्मेवारी समेत सम्हाल्नु भएको थियो । ०६७ देखि ०६९ सम्म एमाले क्षेत्रीय कमिटी क्षेत्र नं. १ को अध्यक्ष बन्नु भएका भुसालले हरेक निर्वाचनमा पार्टीका उम्मेद्वारलाई सहयोग पुर्याउँदै आउनु भएको छ ।

भुसालले राजनीति बाहेक अहिले सम्म कुनै पनि पेशा व्यवसाय अंगाल्नु भएको छैन । उहाँले हालसम्म लाभको पद र राजनीतिक नियुक्ति समेत लिनु भएको छैन । अरुको दुःखलाई आफ्नै दुःख सम्झने भुसाल अत्यन्तै सहयोगी स्वभावका हुनुहुन्छ । भुसालले महत्वपूर्ण समयमा पार्टीको नेतृत्व गर्न लाग्दा सबै वर्गका कार्यकर्ता हौसियएका हुन । उहाँले युवा, विद्यार्थी, महिला, वृद्धवृद्धा सबैको मन जित्न सफल हुनु भएको छ । दुई पार्टीको एकता पछि बनेको विशाल पार्टीलाई गति दिन आफू दिन रात नभनी काममा लाग्ने भुसालको भनाई रहेकोछ । ‘नेता कार्यकर्ताको विश्वास र भरोसालाई म निराशामा परिणत हुन दिँदैन’ उहाँले भन्नुभयो, ‘सबैको भावना समेट्दै, सबैलाई सँगै लिएर संगठन निर्माण र पार्टी काममा लाग्छु ।