नेकपा पार्टी प्रवक्ता प्रकाण्ड सहित तीन पक्राउ, अदालतबाट पाँच दिनको म्याद थप , पक्राउको बिरोधमा २९ गते नेपालबन्द

Image may contain: textसाउन २३ ,काठमाण्डौ

नेत्र विक्रम चन्द ’विप्लव’ नेतृत्वको नेपाल कम्युनिस्ट पार्टीका प्रवक्ता समेत रहेका नेता खड्गबहादुर विश्वकर्मालाई काठमाडौंको दक्षिणकालीबाट पक्राउ गरिएको छ । प्रकाण्डलाई दक्षिणकालीको चाल्नाखेलबाट पक्राउ गरिएको महानगरीय प्रहरी परिसर प्रमुख विश्वराज पोखरेलले जानकारी दिए ।

उनले प्रकाण्डसँगै उनका ड्राइभर र एक कार्यकर्ता पक्राउ परेको जानकारी दिए । उनलाई बुधबार दिउँसो पक्राउ गरिएको हो । उनीसँग थप सोधपुछ भइरहेको परिसरका प्रवक्ता मोहन थापाले जानकारी दिए । प्रकाण्ड लगायत पक्राउ परेकालाई हाल कांठमाडौं प्रहरी परिसर टेकुमा राखिएको छ । उनीहरूविरुद्ध परिसरले म्याद थप गरेर मुद्दा चलाउने तयारी गरेको प्रहरीले जानकारी दिएको छ । प्रकाण्ड पूर्व महिला, बालबालिका तथा समाजकल्याणमन्त्री तथा २०६४ सालमा संविधानसभा सदस्यमा समेत निर्वा्चित भएका थिए।

पछिल्लो समय प्रहरीले विप्लव लगायतका नेताहरूको खोजी गरिरहेको थियो, जस क्रममा पक्राउ पर्नेमा प्रकाण्ड शीर्ष नेता हुन् । पक्राउ परेका खड्गबहादुर विश्वकर्मालाई काठमाण्डौ जिल्ला अदालतले पाँच दिन थुन्न अनुमति दिएको छ ।

Image may contain: 1 person, outdoor
यसैबिच नेपाल कम्युनिस्ट पार्टीका प्रवक्ता खड्बहादुर विश्वकर्मा ‘प्रकाण्ड’ पक्राउ परेको विरोधमा पार्टीले नेपाल बन्दसहित विभिन्न आन्दोलनका कार्यक्रम घोषणा गरेको छ । नेत्रविक्रम चन्द ‘विप्लव’ नेतृत्वको पार्टीका स्थायी समिति सदस्य तथा प्रवक्ता प्रकाण्डलाई बिनाकारण पक्राउ गरिएको भन्दै उक्त पार्टीले विरोधका कार्यक्रम सार्वजनिक गरेको हो । प्रवक्तासँगै पोलिटब्यूरो सदस्य र केन्द्रीय सदस्य पक्राउ परेपछि त्यसको विरोधमा विज्ञप्ति निकालेर विप्लवको पार्टीले आन्दोलनको घोषणा गरेको हो ।

विप्लवले हस्ताक्षर गरेको विज्ञप्तिमा पाँच दिनको विरोध कार्यक्रम सार्वजनिक भएको छ । जसअनुसार साउन २५ देखि कोणसभाबाट सुरु भएको विरोध कार्यक्रम २९ गते नेपाल बन्दसम्म छ । विप्लवले साउन २५ गते देशभर कोणसभा, २६ गते विरोधसभा, २७ गते भण्डाफोर, २८ गते मशालजुलुस र २९ गते नेपाल बन्दको घोषणा गरेका हुन्।

हाम्रो पार्टी राजनीतिक विचारका आधारमा गरिएको कायरतापूर्ण गिरफ्तारी बन्द गर्न, गिरफ्तार कमरेड प्रकाण्ड, पीबीएम कामरेड सीसीएम कामरेडलगायत सबै कामरेडलाई बिनासर्त रिहा गर्न जोडदार माग गर्दछौं’, बुधबार सार्वजनिक नेकपाको विज्ञप्तिमा भनिएको छ ।

Image may contain: 2 people

Image may contain: text

विपि सिद्धान्त विकास सस्था नेपालको अध्यक्षमा ः आत्मसिंह घर्ती

प्रेमनारायण आचार्य अर्घाखाँची २३ साउन ।

नेपाल यातायात  मजदुर संघ अर्घाखाँचीद्धारा सञ्चालित विपि सिद्धान्त विकास सस्था नेपालको दोस्रो साधारण सभा तथा प्रथम अबिधेसन सन्धिखर्कमा सम्पन्न भएको छ ।
साधारण सभा तथा प्रथम अबिधेसनको उद्घाटन गर्दै जिल्ला समन्वय समितिका संयोजक पिताम्वर शर्माले सबै मिलेर विकास निर्माणमा लाग्नु पर्ने बताउनु भयो । यातायात मजदुरहरुले खोलेको सस्थाको उदेश्य प्राप्त होस भनि सफलताको शुभकामना ब्यक्त गर्नु भयो ।
नेपाली कांग्रेसका जिल्ला सभापति विष्णु प्रसाद खनाल मुस्कानले विपिको सिद्धान्तलाइ आत्मसाथ गरेर अगाडी बढ्न सबैलाइ आग्रह गर्नु भयो । उहाले सरकारले जनतालाइ ढाड सेक्ने गरि मुल्यबृद्धि र भ्रष्टाचार उपहार दिएकोले कांग्रेस सडकमा उत्रेको बताउनु भयो ।
उद्घाटन समारोहमा  नेपाल ट्रेड युनियन कांग्रेस प्रदेस पाँचका सचिव नन्दराम भटराइ, जिल्ला अध्यक्ष सुमन्त प्रसाद बस्याल, नेपाल पत्रकार महासंघ अर्घाखाँचीका सस्थापक सभापति तथा ट्रेड युनियन कांग्रेसका केन्द्रिय प्रतिनिधि विष्णु प्रसाद भुसाल, उद्योग वाणिज्य संघका देवराज श्रेष्ठ, अशोक श्रेष्ठ, नेपाल स्वास्थ्य कर्मि संघका जिल्ला अध्यक्ष गणेशराज पौडेल, पत्रकार महासंघका प्रदेस सदस्य प्रेमनारायण आचार्य, केन्द्रिय प्रतिनिधि विरेन्द्र केसी लगायतले मन्तब्य राखेका थिए ।
अबिधेशनले आत्मसिंह घर्तीको अध्यक्षतामा निर्विरोध रुपमा नँया कार्य समितिको चयन गरेको छ । जस्को उपाध्यक्षमा डिलाराम बन्जाडे, सचिव शुसिल खनाल, सहसचिव पुनम घर्ती, कोषाध्यक्ष हरि प्रसाद पन्थी, र सदस्यहरुमा मिना श्रेष्ठ, डम्वर श्रेष्ठ, राजु श्रेष्ठ र अशोक भुसाल रहेका छन ।
कार्यक्रम विपि सिद्धान्त विकास सस्थाका अध्यक्ष आत्मसिंह घर्तीको अध्यक्षता, शुसिल खनालको सञ्चालन र डिलाराम पाण्डेको स्वागत मन्तब्यमा सम्पन्न भएको हो ।

पक्राउ परेका प्रकाण्डलाई पाँच दिन थुन्न जिल्ला अदालतको अनुमति

साउन २३, २०७५ काठमाडौं
पक्राउ परेका खड्गबहादुर विश्वकर्मालाई काठमाडौं जिल्ला अदालतले  पाँच दिन थुन्न अनुमति दिएको छ । नेत्र विक्रम चन्द ‘विप्लव’ नेतृत्वको नेपाल कम्युनिस्ट पार्टीका प्रवक्ता समेत रहेका उनी बुधबार काठमाडौंको दक्षिणकालीबाट पक्राउ परेका थिए। प्रकाण्ड पूर्व महिला, बालबालिका तथा समाजकल्याणमन्त्री तथा २०६४ सालमा संविधानसभा सदस्यमा समेत निर्वाचित भएका थिए।
source:thahakhabar.com

अख्तियारद्वारा दुई कर्मचारी नियन्त्रणमा

साउन २३, २०७५ काठमाडौंः अख्तियार दुरुपयोग अनुसन्धान आयोगले दुई जना कर्मचारीलाई घुस लिँदा लिँदै नियन्त्रणमा लिएको छ। नापी कार्यालय काठमाडौंका दुई जना कर्मचारीलाई अख्तियारले १५ हजार रुपैयाँ घुस सहित नियन्त्रणमा लिएको हो। अख्तियारले नापी कार्यालय कलंकीका नापी सर्वेक्षक हरिबहादुर ओली र कार्यालय सहयोगी अमरलाल श्रेष्ठलाई नियन्त्रणमा लिएको हो। नागारजुन नगरपालिकाको विवाद मिलाइदिने भनेर उनीहरुले घुस लिएको अख्तियारले जनाएको छ। उनीहरुमाथि थप अनुसन्धान भइरहेको समेत अख्तियारले जनाएको छ।
source:thahakhabar.com

विप्लवको पार्टीका प्रवक्ता प्रकाण्डसहित तीन पक्राउ

साउन २३, २०७५ काठमाडौं : नेत्र विक्रम चन्द ‘विप्लव’ नेतृत्वको नेपाल कम्युनिस्ट पार्टीका प्रवक्ता समेत रहेका नेता खड्गबहादुर विश्वकर्मालाई काठमाडौंको दक्षिणकालीबाट पक्राउ गरिएको छ। प्रकाण्डलाई दक्षिणकालीको चाल्नाखेलबाट पक्राउ गरिएको महानगरीय प्रहरी परिसर प्रमुख विश्वराज पोखरेलले जानकारी दिए। उनले प्रकाण्डसँगै उनका ड्राइभर र एक कार्यकर्ता पक्राउ परेको जानकारी दिए।

उनलाई बुधबार दिउँसो पक्राउ गरिएको हो। उनीसँग थप सोधपुछ भइरहेको परिसरका प्रवक्ता मोहन थापाले जानकारी दिए। प्रकाण्ड लगायत पक्राउ परेकालाई हाल कांठमाडौं प्रहरी परिसर टेकुमा राखिएको छ। उनीहरूविरुद्ध परिसरले म्याद थप गरेर मुद्दा चलाउने तयारी गरेको प्रहरीले जानकारी दिएको छ। प्रकाण्ड पूर्व महिला, बालबालिका तथा समाजकल्याणमन्त्री तथा २०६४ सालमा संविधानसभा सदस्यमा समेत निर्वाचित भएका थिए। पछिल्लो समय प्रहरीले विप्लव लगायतका नेताहरूको खोजी गरिरहेको थियो, जस क्रममा पक्राउ पर्नेमा प्रकाण्ड शीर्ष नेता हुन्।
source:thahakhabar.com