श्याम घिमिरे, असार ३२ अर्घाखाँची
अर्घाखाँची जिल्ला अदालत यस आर्थिक बर्ष २०७४।७५ मा ७८.२४५ प्रतिशत मुद्दा फैसला भै उच्च अदालत तुल्सीपुर बुटवल ईजलास क्षेत्र (लुम्विनीमा) प्रथम स्थान ओगटन सफल भएको छ । जिम्मेवारी सरेका ४० थान मुद्दाहरु र यस आर्थिक बर्षमा दर्ता भएका बिभिन्न प्रकृतिका २ सय ४५ थान मुद्दाहरु गरी आर्थिक बर्ष ७४।७५ मा मुद्दाहरुको लगत २ सय ८५ थान रहेको अदालतले जनाईएको छ । जसमा २ सय २३ थान मुद्दा फैसला भै जम्मा ६२ थान मुद्दा बाँकी रहेको अदालतका सुचना अधिकारी टेकराज गैरेले जानकारी दिनु भयो ।
अदालतमा बिगतका बर्षहरुमा जस्तै १ बर्ष नाघेका मुद्दाहरु भने रहेका छैनन । त्यस्तै ६२ थान बाँकी रहेका मुद्दाहरु मध्ये ९ थान मुद्दा ६ महिना नाघेका र ५३ थान मुद्दाहरु ६ महिना भित्रका रहेको जनाईएको छ । फैसला भएका २ सय २३ थान मुद्दाहरु मध्ये २२ थान मुद्दा तत्कालीन जिल्ला न्यायाधीश केशबप्रसाद बास्तोलाको ईजलासबाट फैसला भएका थिए भने बाँकी २ सय १ थान मुद्दा जिल्ला न्यायाधीश रामचन्द्र पौडेलको ईजलासबाट फैसला भएको बताईएको छ ।
अदालतमा सम्वन्ध विच्छेद, अंश, मानाचामल, जवर्जस्तीकरणी, लेनदेन, जग्गा खिचोला, लिखत बदर, कर्तव्य ज्यान लगायतका मुद्धाहरु दर्ताहुने गरेको अदालतले जनाएको छ । फर्स्यौट भएका मुद्दाहरुको फैसला तयारी सामान्यतया ७ दिन भित्र तयार गरिने ईजलास सहायक ना.सु. नारायण बहादुर भट्टराईले बताउनु भयो । यसैबिच अदालतले लक्ष्य बमोजिम फैसलाको प्रगति हासिल गर्न र बार्षिक कार्ययोजनाले निर्दिष्ट गरेका कार्यहरु सम्पन्न गर्नमा सबैको उल्लेखनिय सहयोग रहेको भन्दै सबैमा आभार समेत व्यक्त गरेको समचारमा उल्लेख गरीएको छ ।
विश्वकपको उपाधि एक पटकभन्दा बढी जित्ने फ्रान्स छैटौं मुलुक बनेको छ । उपाधिसँगै फ्रान्सले ३ करोड ८० लाख डलर पुरस्कार पाएको छ भने उपविजेता बनेको क्रोएशियाले २ करोड ८० लाख डलर पुरस्कार पाएको छ ।
मस्कोस्थित लुज्निकी रंगशालामा खेल सुरु भएको १८औं मिनेटमा उपहार गोलमार्फत फ्रान्सले अग्रता लियो । डिबक्स बाहिरबाट एन्टोइन ग्रिजम्यानले प्रहार गरेको फ्रिकिक बल क्लियर गर्न लाग्दा क्रोएसियाका स्ट्राइकर मारियो मान्जुकिचले बललाई आफ्नै पोष्टको दिशा दिएका थिए ।
फ्रान्सका एन्टोइन ग्रिजम्यानले गरेको कर्नर प्रहार क्लियर गर्न लाग्दा इभान पेरिसिचले दुर्घटनाबस ह्याण्ड गर्न पुगेका थिए । तर, रेफ्रीले भिडियो असिस्टेन्ट रेफ्रीको सहायताले पेनाल्टी दिए जसलाई ग्रिजम्यानले सदुपयोग गर्दा फ्रान्सले पहिलो हाफमा २-१ गोलको अग्रता बनायो । ग्रिजम्यानले जारी प्रतियोगितामा चौथो गोल गरेका हुन् ।
दोस्रो हाफमा फ्रान्सले ६ मिनेटको अन्तरमा दुई गोल गरेर ४-१ को अग्रता बनायो । ५९औं मिनेटमा पाउल पोग्वाले करिव २० यार्डबाट क्रोएशियाली गोलरक्षक सुवेसिचलाई छक्याउँदै गोल गरेका थिए ।
६९औं मिनेटमा इंग्लिस क्लव टोटनह्यामबाट व्यवसायिक फुटबल खेलिरहेका फ्रान्सेली कप्तान ह्युगो लोरिसले गम्भीर गल्ती गरेपछि क्रोएसियाका मारियो मान्जुकिचले गोल गरी अन्तर ४-२ मा झारेका थिए । गोलरक्षक लोरिसले बल समाउन छाडेर आफ्नै पोष्टमा खेलाउन थालेपछि पाएको अवसर माञ्जुकिचले सदुपयोग गरेका थिए । त्यसपछि खेलमा गोल हुन सकेन । र फ्रान्स दोस्रो पटक विश्वकप जित्न सफल भयो ।
Sandhikharkafm.com 