डा केसीको समर्थनमा वीरगन्जमा पनि स्वास्थ्यकर्मी सडकमा :

असार २९, २०७५: थाहा संवाददाता

पर्सा : डा. गोविन्द केसीको समर्थनमा पर्साका स्वास्थ्यकर्मीहरू आन्दोलनमा उत्रिएका छन्। केन्द्रमा इमर्जेन्सीबाहेकको सेवा बन्द गर्ने हल्ला सुनेका पर्साका स्वास्थ्यकर्मीहरू पनि सडकमा उत्रिएका हुन्। केन्द्रबाट चिकित्सक संघले जिल्लालाई कुनै पत्राचार नगरे पनि स्थानीय निर्णयअनुसार सडकमा ओर्लिएको नारायणी उपक्षेत्रीय अस्पताल वीरगन्जका डा. निरज सिंहले बताए। सांकेतिक रूपमा हामीले एक घण्टा कामलाई थाती राखेर प्रदर्शनमा आएको उनको भनाइ छ।

नेपाली सारालाई बचाउने स्वास्थ्यकर्मीहरूले एउटा चिकित्सक उता मर्दै गर्दा चुप लागेर बस्नु हुँदैन भनी आफूहरू नेपाल सरकारलाई दबाब दिन आन्दोलनमा उत्रिएको वीरगन्जका स्वास्थ्यकर्मीहरूको भनाइ छ। सडकमा उत्रिएका स्वास्थ्यकर्मीहरूले माफियामुखी ऐन चाहिँदैन, माफिया पाल्न पाइँदैन भन्नेजस्ता प्लेकार्डहरू छातीमा टाँसेर र्‍याली निकालेका थिए। वीरगन्जको नारायणी उपक्षेत्रीय अस्पतालबाट सुरु भएको र्‍याली वीरगन्जको घण्टाघर चौकमा पुगी कोणसभामा परिणत भएको थियो।

सडकसम्म ओलिएका स्वास्थ्यकर्मीहरूमा नजिकैको नेशनल मेडिकल कलेज शिक्षण अस्पतालमा कार्यरत स्वास्थ्यकर्मीहरूको भने उपस्थिति नभएको आन्दोलित स्वास्थ्यकर्मीहरूले बताए। नेशनल मेडिकल कलेज गोविन्द केसीको समर्थनमा नरहेकोले त्यहाँका स्वास्थ्यकर्मीहरू भने डा केसीको समर्थनमा गरिएको आन्दोलनमा सहभागी नभएको आन्दोलित स्वास्थ्यकर्मीहरूको भनाइ छ।
source:thahakhabar.com

सन्धिखर्कमा रहेका मासु पसलको अनुगमनःकमी कमजोरी सुधार गर्न सुझाव:

 

असार–२९,अर्घाखाँची :गोपाल प्रसाद भट्टराई

अर्घाखाँचीको जिल्ला सदरमुकाम सन्धिखर्कमा रहेका मासु पसलको हिजो अनुगमन गरिएको छ ।पशु सेवा सन्धिखर्क शाखाको अगुवाइमा गरिएको अनुगमनमा सहायक प्रमुख जिल्ला अधिकारी बिक्रम थापा,सन्धिखर्क नगरका प्रमुख प्रशासकिय अधिकृत जिवन ज्ञवाली,जिल्ला पशुसेवा कार्यलयका बिस्नु पौडेल,सन्धिखर्क पसु सेवा शाखा प्रमुख राधा पान्डे,अर्घाखाँची उधोग बाणिज्य सघंका प्रतिनिधि लक्ष्मण कंडेल,बजार सुधार समितिका यमराज पान्डे,लगायतको उपस्थिति रहेको थियोे ।

Image may contain: 1 person, sitting and indoor

अनुगमनको क्रममा उहांहरुले मूल्यमा एक रुपता गर्न,देखिनेगरि मूल्यसूची टाँस गर्न,एकै ठाउंमा मासु संगै अन्य पसल संचालन नगर्न,दर्ता गरेर मात्रै पसल सञ्चालन गर्न र मासु काट्ने ठाउँ देखी बेच्ने ठाउं सम्म सरसफाइमा ध्यान दिन पसलेहरुलाई सुझाव दिनुभएको छ । “अहिले व्यवसायीमा देखिएका बिभिन्न कमी कमजोरीलाई सुधार गर्नका लागि सुझाव दिएका छौँ”, सहायक प्रजिअ थापाले भन्नुभयो, “केही समयपछि फेरि छड्के अनुगमन गर्छौं र सुधार नभएमा प्रचलित कानुन अनुसार कारबाही हुनेछ ।”

Image may contain: 5 people, people smiling, people standing

मुल्यमा एकरुपता ल्याउन जिल्ला मासु व्यवसायी संघ अर्घाखाँचीले तोकेको मूल्यमा मासु बिक्री–वितरण गर्न पसलेहरुलाई अनुगमन टोलीले सुझाव दिएको छ ।यसैबिच ,मासु ब्याबसायलाई ब्यबस्थित रुपमा सन्चालन गर्नको निम्ती सन्धिखर्क पसु सेवा शाखाले हिजै मासु ब्याबसायिहरुको बिचमा अन्तरक्रिया समेत गरेको छ ।जिल्लामा संचालित बिभिन्न मासु ब्याबसायिहरुको सहभागितामा सम्पन्न अन्तरक्रिया कार्यक्रममा नगर उप प्रमुख ठाकुर कुमार बि. क.,प्रमुख प्रशासकिय अधिकृत जीवन ज्ञवाली, जिल्ला पशु सेवा कार्यालय निमित्त प्रमुख बिष्णु प्रसाद पौडेल र सन्धिखर्क २ का वडा अध्यक्ष मोतिजंग रायमाझीले मन्तव्य राख्दै बद्यशालादेखी भान्सा सम्म स्वच्छ र स्वस्थ मासुको उपयोग गर्न आग्रह गर्नुभएको छ ।