कांग्रेस अर्घाखाँचीको जिल्ला सहसचिवमा इन्सु मिया मनोनीत

घनश्याम पौडेल सन्धिखर्क, २८ असार

नेपाली कांग्रेसको जिल्ला सहसचिवमा इन्सु मियाँलाई मनोनयन गरिएको छ । बुधबार विपी स्मृति भवन सन्धिखर्कमा बसेको बैठकमा सर्वसम्मत मनोनयन गरिएको जिल्ला सभापति विष्णुप्रसाद मुस्कानले जानकारी दिए ।
बैठकले प्रशिक्षण विभाग प्रमुखमा लोकेन्द्र विकलाई चयन गरिएको छ । जसको सदस्यमा संगिता बेल्वासे, बाबुराम पौडेल, मानबहादुर रायमाझी, मनिराम परिवारलाई बैठकबाट मनोनयन गरिएको जिल्ला उपसभापति शान्ता भण्डारीले जानकारी दिईन ।
त्यस्तै बैठकले संगठन विभागको प्रमुखमा कृष्ण खनाल, युवा तथा विद्यार्थी विभागको प्रमुखमा पिताम्बर खनाललाई मनोनयन गरिएको जिल्ला सचिव छविलाल पौडेलले जानकारी दिए ।
बैठकलाई सम्बोधन गर्दै कांग्रेसका केन्द्रीय सदस्य मानबहादुर विश्वकर्माले सवै एकजुट भएर अगाडी बढ्नुपर्नेमा जोड दिए । समानुपातिक प्रतिनिधी सभा सदस्य समेत रहेका विकले जिल्लाको विकासका लागी लागीपर्ने बताए ।
बैठक जिल्ला सभापती मुस्कानको अध्यक्षता, उपसभापती भण्डारीको स्वागत र सचिव छविलाल पौडेलको सञ्चालनमा सम्पन्न भएको हो।

Advertisement

प्रधानमन्त्री ओलीद्वारा चीनलाई एकजोडी गैँडा हस्तान्तरण :

असार २८, २०७५ काठमाडौं :थाहा संवाददाता

 नेपाल सरकारले चीनलाई उपहार दिने लागेको दुर्लभ एकसिंगे गैंडा  बिहीबार हस्तान्तरण गरिएको छ। राष्ट्रिय प्रकृति संरक्षण कोषमा आयोजित समारोहमा प्रधानमन्त्री केपी शर्मा ओलीले नेपालका लागि चिनियाँ राजदूत यु होङलाई एक जोडी गैंडा ‘भद्र’ र ‘रुपसी’ हस्तान्तरण गरेका हुन् । चीन पठाउनका लागि ‘भद्र’ र ‘रुपसी’लाई मंगलबार चितवन राष्ट्रिय निकुञ्जबाट काठमाडौं ल्याइएको थियो। चीनबटन आउने विशेष जहाजमा चढाएर ती दुवै गैंडालाई चीन पठाइनेछ।
source:thahakhabar.com

डा. केसीको जीवनरक्षाका लागि डा. भट्टराईलाई ज्ञापनपत्र:

असार २८, २०७५ 

काठमाडौं – नेपाल चिकित्सक संघले गुणस्तरीय चिकित्सा शिक्षा र स्वास्थ्य सेवाका विषयमा १५ औँ पटक अनसनरत डा. गोविन्द केसीको जीवन रक्षाको माग गर्दै नयाँशक्ति पार्टी  नेपालका संयोजक डा. बाबुराम भट्टराईलाई बुधबार ज्ञापनपत्र बुझाएको छ ।

संघका अध्यक्ष डा. मुक्तिराम श्रेष्ठ र महासचिव डा. लोचन कार्कीले बुधबार संयोजक डा. भट्टराई भेटी अनसनरत डा. केसीको जीवन रक्षाका लागि सरकारसमक्ष विशेष पहल गरिदिन आग्रह गर्नुभएको हो ।

डा. केसी १५ औँ पटकसम्म अनसन बस्नुपर्ने बाध्यात्मक घटनाक्रमले नेपालमा चिकित्सकीय पेशाको मर्यादा नै धरापमा पर्दै गइरहेको भन्दै संघले संयोजक डा. भट्टराईलाई यसअघि संघ र डा केसीसमक्ष सरकारले गरेको पटक पटकको सम्झौता तथा माथेमा आयोगको प्रतिवेदनबमोजिम मेडिकल कलेजहरुको गुणस्तर, विश्वसनीयता तथा पारदर्शीता कायम गर्न माग गरेको छ ।

संघको आग्रहलाई अस्वीकार गरिए डा. केसीको जीवन रक्षाका लागि मुलुकभरका आकस्मिक सेवा बाहेक सम्पूर्ण स्वास्थ्य सेवा बन्द गर्ने चेतावनी समेत संघले दिएको छ ।

sourec:ujyaaloonline

काठमाडौं ल्याइएको जोडी गैंडा प्रधानमन्त्रीले चिनियाँ राजदुतलाई हस्तान्तरण गर्ने:

 

असार २८, २०७५

काठमाडौं – सरकारले आज एक जोडी गैंडा चीन सरकारलाई उपहार स्वरुप प्रदान गर्दैछ । चितवन राष्ट्रिय निकुञ्जबाट काठमाडौं ल्याइएका जोडी गैंडा प्रधानमन्त्री केपी शर्मा ओलीले चिनियाँ राजदुत यू होङ्गलाई हस्तान्तरण गर्न लाग्नुभएको हो ।प्रधानमन्त्री ओलीले गैंडाको प्रजाति उत्पत्तिको प्रमाणपत्र, साइटिस निर्यात प्रमाणपत्र, पशु क्वारेन्टाइन प्रमाणपत्र र स्वास्थ्य प्रमाणपत्र सहित गैंडा हस्तान्तरण गर्ने कार्यक्रम रहेको राष्ट्रिय निकुञ्ज तथा वन्यजन्तु संरक्षण विभागका महानिर्देशक मनबहादुर खड्काले जानकारी दिनुभयो ।

सरकारले २०७३ साल असार २६ गते चीनलाई दुई जोडी गैंडा उपहार दिने निर्णय गरे अनुसार पहिलो चरणमा ‘रुपसी र भद्र’ नामका जोडी गैंडा चीनलाई हस्तान्तरण गर्न लागिएको हो । अर्को जोडी गैंडा आगामी साउनमा चीनलाई हस्तान्तरण गर्ने तयारी छ । गैंडा चीनबाट आउने युनिटप एयरलाइन्सको कार्गाे विमानमा राखेर आजै बेलुका  गुआङजाओ विमानस्थल पुर्याइनेछ ।गैडाको व्यवस्थापनका लागि स्याहार सुसारमा खटिएका राष्ट्रिय प्रकृति संरक्षण कोष चितवनका भेटरिनरी प्राविधिज्ञ किरण रिजाल तथा वन्यजन्तु प्राविधिज्ञद्वय दिपप्रसाद चौधरी र विनोद दराई पनि चीन जाँदै हुनुहुन्छ । नेपालले अहिलेसम्म विभिन्न देशमा २६ वटा गैँडा उपहार स्वरुप दिइसकेको छ ।

source:ujyaaloonline