अर्घाखाँचीको सितगंगा ५ जुकेना बसेरीमा जिप दुर्घटना ११ घाईते

बिष्णु कुमार आले,जेष्ठ ३० अर्घाखाँची

अर्घाखाँचीको सितगंगा नगरपालीका वडानं ५ जुकेना बंसेरीमा आज जिप दुर्घटना हुदा ११ जना घाईते भएका छन् । ठाडा अमराई बाट जुकेना हुदै धनचौर तर्फ जादै गरेको लु १ ज १७६७ नम्बरको जिप दुर्घटना हुदा अर्घाखाँची मालारानी ७ का जिप चालक ३७ बर्षिय कमल जिसी , भुमिकास्थान नगरपालीका १० की ४० बर्षिय धनिकला पुन , सोहि ठाँउका १० बर्षिय रेसम गैरे , ४४ बर्षिय केशव पुन ,५५ बर्षिय सरस्वता गैरे ,१२ बर्षिय रेशम गैरे घाईते हुनु भएको छ ।

त्यस्तै रूकुम जिल्ला त्रिबेणी गाँउपालीका ८ का २८ बर्षिय टेकम खड्का , जिल्ला काठमान्डौ नागार्जन,नगरपालीका बस्ने ३२ बर्षिय दिपक बस्नेत , अर्घाखाँची सितगंगा ६ का ६४ बर्षिय दितल बहादुर नेपाली , ६२ बर्षिय जुनकला नेपाली , २२ बर्षिय समिता जिसी घाईते हुनु भएको छ ।

घाईते मध्ये ५ जनाको अवस्था गम्भिर रहेकाले थप उपचारका लागी बुटवल रिफर गरिएको छ भने अन्यको स्थानिय मेडिकलमा उपचार भैरहेको प्रहरीले जनाएको छ । जिपमा १२ जना सभार रहेका थिए ।

सन्धिखर्कमा सात कार्यालय प्रमुखलाई स्वागत गरीयो , नागरिकले तिरेको करबाट तलव खाने कर्मचारीले काममा ढिलासुस्ती गर्न नहुने प्रजिअ भुसालको भनाई

अर्जुन भुसाल ,जेष्ठ ३० अर्घाखाँची

कर्मचारी मिलन केन्द्रले जिल्लाका विभिन्न कार्यालयका कार्यालय प्रमुखलाई स्वागत गरेको छ । भर्खर मात्र जिल्ला आइ विभिन्न कार्यायलहरुमा प्रमुखको जिम्मेवारी सम्हालेका सात प्रमुख र केहि अधिकृतलाई स्वागत गरिएको हो । प्रहरी नायव उपरिक्षक नवराज मल्ल, भुमिकास्थान नगरपालिकाका प्रमुख प्रशासकिय अधिकृत हरि प्रसाद अर्याल, पाणिनि गाउँपालिकाका प्रमुख प्रशासकिय अधिकृत तुल्सी गौतम, जिल्ला न्यायाधिवक्ता हरि प्रसाद घिमिरे, तरकारी जोनका प्रमुख शंकर प्रसाद न्यौपाने, शिक्षा विकास समन्वय इकाइका प्रमुख मणिराम पराजुली, घरेलु तथा साना उद्योग विकास समितिका प्रमुख कमल सुतार कार्की, प्रहरी निरीक्षक खिम बहादुर घम, सन्धिखर्क नगरपालिकाका अधिकृत गोविन्द केसीलाई स्वागत गरिएको हो । यस्तै जिल्ला समन्वय अधिकारी हरिनारायण बेल्वासे र जिल्ला न्यायाधीवक्ताबाट सरुवा भएर अन्यत्र जान लाग्नु भएका रोमाकान्त ज्ञवालीलाई विदाइ गरिएको छ ।

कार्यक्रमका प्रमुख अतिथि प्रमुख जिल्ला अधिकारी खिमराज भुसालले एकै पटक धेरै कार्यालय प्रमुखलाई स्वागत गर्न पाइएकोमा खुसी व्यक्त गर्दै कर्मचारीहरुलाई छिटो छरितो सेवा प्रवाह गर्न निर्देशन समेत दिए । उनले नागरिकले तिरेको करबाट तलव खाने कर्मचारीहरुले काम गर्नमा ढिलासुस्त गर्न नहुने बताए । कार्यक्रम कर्मचारी मिलन केन्द्रका अध्यक्ष खिम बहादुर रानाको अध्यक्षता, सहायक प्रमुख जिल्ला अधिकारी शंकर भुसालको स्वागत मन्तव्य र सन्धिखर्क नगरपालिकाका सूचना अधिकारी नारायण पोख्रेलको सञ्चालनमा सम्पन्न भएको थियो ।

सन्धिखर्कमा सात कार्यालय प्रमुखलाई स्वागत गरीयो ।। नागरिकले तिरेको करबाट तलव खाने कर्मचारीले काममा ढिलासुस्ती गर्न नहुने प्रजिअ भुसालको भनाई

अर्जुन भुसाल ३० जेष्ठ अर्घाखाँची

कर्मचारी मिलन केन्द्रले जिल्लाका विभिन्न कार्यालयका कार्यालय प्रमुखलाई स्वागत गरेको छ । भर्खर मात्र जिल्ला आइ विभिन्न कार्यायलहरुमा प्रमुखको जिम्मेवारी सम्हालेका सात प्रमुख र केहि अधिकृतलाई स्वागत गरिएको हो । प्रहरी नायव उपरिक्षक नवराज मल्ल, भुमिकास्थान नगरपालिकाका प्रमुख प्रशासकिय अधिकृत हरि प्रसाद अर्याल, पाणिनि गाउँपालिकाका प्रमुख प्रशासकिय अधिकृत तुल्सी गौतम, जिल्ला न्यायाधिवक्ता हरि प्रसाद घिमिरे, तरकारी जोनका प्रमुख शंकर प्रसाद न्यौपाने, शिक्षा विकास समन्वय इकाइका प्रमुख मणिराम पराजुली, घरेलु तथा साना उद्योग विकास समितिका प्रमुख कमल सुतार कार्की, प्रहरी निरीक्षक खिम बहादुर घम, सन्धिखर्क नगरपालिकाका अधिकृत गोविन्द केसीलाई स्वागत गरिएको हो । यस्तै जिल्ला समन्वय अधिकारी हरिनारायण बेल्वासे र जिल्ला न्यायाधीवक्ताबाट सरुवा भएर अन्यत्र जान लाग्नु भएका रोमाकान्त ज्ञवालीलाई विदाइ गरिएको छ ।

कार्यक्रमका प्रमुख अतिथि प्रमुख जिल्ला अधिकारी खिमराज भुसालले एकै पटक धेरै कार्यालय प्रमुखलाई स्वागत गर्न पाइएकोमा खुसी व्यक्त गर्दै कर्मचारीहरुलाई छिटो छरितो सेवा प्रवाह गर्न निर्देशन समेत दिए । उनले नागरिकले तिरेको करबाट तलव खाने कर्मचारीहरुले काम गर्नमा ढिलासुस्त गर्न नहुने बताए । कार्यक्रम कर्मचारी मिलन केन्द्रका अध्यक्ष खिम बहादुर रानाको अध्यक्षता, सहायक प्रमुख जिल्ला अधिकारी शंकर भुसालको स्वागत मन्तव्य र सन्धिखर्क नगरपालिकाका सूचना अधिकारी नारायण पोख्रेलको सञ्चालनमा सम्पन्न भएको थियो ।

अबको बाटो आर्थिक क्रान्ति -नगर उपप्रमुख बिक

सुर्य भुसाल,अर्घाखाँची ३० जेष्ठ

सन्धिखर्क नगरपालिका का नगर उपप्रमुख ठाकुर कुमार बिकले अबको बाटो भनेको आर्थिक क्रान्ति भएको बताउनु भएको छ । उहाले मुलुकमा अब सबै खाले क्रान्ति सफल भएको बताउदै अबको बाटो भनेको आर्थिक सामाजिक र कृषि क्रान्ति भएको बताउनु भएको हो ।

सन्धिखर्क नगरपालिका वार्ड नम्बर ५ र ७ मा भईरहेका बिकास निर्माणका काम हरुको अनुगमन तथा सुपरिवेक्षण गर्दै नगरउपप्रमुख बिकले कहि कतै चुहाबट हुन नदिनका लागि स्थानिय बासिहरु लाई सचेत रहन आग्रह गर्नु भयो । प्रमुख प्रसासकिय अधिकृत जिबन ज्ञवालीले पारदर्शिता लाई मुख्य केन्द बिन्दुमा राखेर बिकास निर्माणका कामहरु अगाडि बढाउन आग्रह गर्नु भयो । अनुगमनमा वार्डहरुमा भएका बिकास निर्माणको बारेमा वार्डअध्यक्षहरु राजेन्द्र प्रसाद भुसाल र पृतम थापाले जानकारी गराउनु भएको थियोे ।

एनटिभीको कार्यक्रम प्रकरण : महासंघ- मन्त्रीले बन्द गराए, महाप्रबन्धक- विश्वकपलाई समय नपुगेर

जेठ ३०, २०७५ काठमाडौं : नेपाल पत्रकार महासंघले नेपाल टेलिभिजनमा १२ वर्षदेखि प्रसारण हुँदै आएको ‘सीधा प्रश्न’ कार्यक्रम सञ्चार तथा सूचना प्रविधिमन्त्री गोकुल बास्कोटाको प्रत्यक्ष निर्देशनमा बन्द गराइएको भन्दै आफ्नो गम्भीर ध्यानाकर्षण भएको जनाएको छ। महासंघका महासचिव रमेश विष्टले बुधबार एक विज्ञप्ति जारी गर्दै नेपाल टेलिभिजनमा राजु थापाले मन्त्री बास्कोटालाई सम्पत्ति विवरणबारे सोधेको प्रश्नप्रति असन्तुष्ट भएर कार्यक्रम बन्द गराएको भन्दै गम्भीर ध्यानाकर्षण भएको लेखेका छन्।

विज्ञप्तिमा भनिएको छ, ‘प्रश्न सोधेकै आधारमा निरन्तर रूपमा प्रसारणमा रहेको कार्यक्रम बन्द गराइनु प्रेस तथा अभिव्यक्ति स्वतन्त्रतामाथिको ठाडो हस्तक्षेप र लोकतन्त्रको उपहासका साथै प्रेसको विश्वव्यापी मान्यताविरीतको कार्य रहेको ठहर छ। महासंघ सरकारले नीति तथा कार्यक्रममा आफूले सञ्चारमाध्यम सञ्चालन नगर्ने प्रतिबद्धता स्मरण गराउन चाहन्छ।’ महासंघले प्रश्न सोध्ने र आफ्नो कुरा राख्ने पाउने अधिकार नेपालको संविधानले नै सुनिश्चित गरेकामा उक्त कार्य हुनु सरकार गम्भीर नरहेको देखाएको उल्लेख छ।

विज्ञप्तिमा लेखिएको छ, ‘सञ्चार जगतको हकहितको जिम्मेवारी लिनुपर्ने सञ्चार तथा सूचना प्रविधिमन्त्रीबाटै प्रेसलाई हतोत्साहित बनाउने गरी भएको यस्ता कार्यले सरकार प्रेस स्वतन्त्रताप्रति गम्भीर र प्रतिबद्ध नरहेको देखाउँछ।’ महासंघले उक्त कार्यक्रम तत्काल पुनः सूचारु गराउन पनि माग गरेको छ। बाघ कराउनु र बाख्रो हराउनु सँगै परेको हो : महाप्रवन्धक नेपाल टेलिभिजनका महाप्रबन्धक गोविन्द रोकाले भने नेपाल टेलिभिजनले उक्त कार्यक्रम जारी राख्न समय उपलब्ध गराउन नसक्ने भएकाले रोक्नुपरेको बताएका छन्। रोकाले कार्यक्रम बन्द हुनु र मन्त्री बास्कोटाको अन्तर्वार्ता हुनु संयोग भएको बताए। उनले भने, ‘बाघ कराउनु र बाख्रो हराउनुजस्तै भयो।

कार्यक्रम बन्द गर्नुपर्ने अवस्था र सञ्चारमन्त्री गोकुल बास्कोटाको चर्चित अन्तर्वार्ता एकैचोटि पर्‍यो।’ उनले कार्यक्रम बन्द गर्नुको कारणबारे थाहाखबरलाई भने, ‘हामीले विश्वकपका कारण तत्काल उक्त कार्यक्रम बन्द गर्नुपर्ने अवस्था आएको हो। कार्यक्रम बन्द गरिएको चर्चा र हल्लापछि मन्त्रालयले नै चासो व्यक्त गरिएको थियो। कार्यक्रम करारमा चलाएको हो यो हट्नु वा थप्नु नेपाल टेलिभिजनको निर्णयको कुरा हो।’ सामाजिक सञ्जालमा कार्यक्रमलाई लिएर भएका विरोधलाई उनले सामान्य भएको बताए। रोकाले भने, ‘कार्यक्रमलाई लिएर भएका चासो र चर्चा सामान्य हुन्। पूर्वाग्रहका कारण बन्द गरिएको आक्षेप लगाउनु राम्रो होइन।’
source:thahakhabar.com