स्वास्थ्य तथा पुनःस्थापन घुम्ति शिविर सम्पन्न

श्याम घिमिरे, जेष्ठ २९ अर्घाखाँची
विकलाङ्ग मित्र समूह, अपाङ्गबाल अस्पताल तथा पुनःस्थापन केन्द्र एचआरडीसि बनेपा द्धारा संचालित सक्षम परियोजनाको आयोजना र सिविएमको आर्थिक सहयोगमा सरकारी,स्थानीय अपाङ्गताको क्षेत्रमा कार्यरत संघ संस्थाहरुको संयुक्त समन्वयमा अर्घाखाँची जिल्लाका १८ बर्ष सम्मका शारीरिक अपाङ्गता भएका बालबालिकाहरुको निःशुल्क स्वास्थ्य परीक्षण एवं पहिचानका लागि स्वास्थ्य तथा पुनःस्थापना घुम्ति शिविर मंगलबार सन्धिखर्कमा सम्पन्न भएको छ ।

शिविरमा जिल्लाका ८६ जना बालबालिकाको स्वास्थ्य परिक्षण गरिएको हो । जसमध्ये दश जना बालबालिकालाई शल्यक्रियाको लागी मिति तय गरिएको छ भने, १८ जना बालबालीकाको सहायक सामाग्रीको नाप लिएको जनाईएको छ । यस्तै तिन जनालाई सहायक सामाग्री वितरण,औषधी वितरण,फिजियो सेवा, परार्मश सेवा प्रदान गरिएको छ , साथै १ जना बालकलाई पोनसिटी लगाईएको सक्षम परियोजना अर्घाखाँचीका प्रमुख श्री लेखनाथ आचार्यले जानकारी गराउनु भयो ।

शिबिरमा अर्थोपेडेकि र्सजन डाक्टर विरेन्द्र चन्द, फिजियो थेरापिस्ट अर्पणा रेग्मी, सहायक सामाग्री विशेषज्ञ प्रेम भुजेल , दिप न्यौपाने स्टाफनर्स रुपा लामा र पुनःस्थापना सहायकहरुको उपस्थीति रहेको सक्षम परियोजनाकी रक्षा पाण्डेले जानकारी दिनु भयो ।

 

प्रधानन्यायाधीशमा दीपकराज जोशीको नाम सिफारिस

काठमाडौँ जेष्ठ २९,

वरिष्ठतम न्यायाधीश दीपकराज जोशीलाई प्रधानन्यायाधीशमा सिफारिस गरिएको छ । मंगलबार बसेको संवैधानिक परिषद्को बैठकले जोशीलाई प्रधानन्यायाधीश पदमा सिफारिस गरेको हो। जोशी तत्कालीन प्रधानन्यायाधीश गोपाल पराजुलीले राजीनामा दिएपछि सर्वोच्च अदालतका कायममुकायम प्रधानन्यायाधीशको रूपमा काम गर्दै आएका थिए।

लामो समय न्यायसेवामा विताएका जोशीले प्राध्यापकका रुपमा पनि काम गरेका थिए । न्यायसेवामा राजनीतिक सिफारिसमा प्रवेश गरेका उनले नियुक्त भएर पुनरावेदन अदालतको न्यायाधिश , मुख्य न्यायाधिश , सर्बोच्चको अतिरिक्त न्यायाधिश हुँदै यहाँ सम्म आइपुगेका हुन् । मिलनसार र सरल मानिने जोशी अहिले सम्म न्यायसम्पादनमा कुशल र निर्विवाद देखिदै आएका छन् । परिषदको मंगलबारको निर्णय संसदको संवैधानिक सुनवाई समितिले अनुमोदन गरेपछि राष्ट्रपतिबाट उनलाई प्रधानन्यायाधिशमा नियुक्त गरिने छ ।

 

न्याय बुझाउन अर्घाखाँचीका गाँउ गाँउमा सरकारी वकिल

घनश्याम पौडेल
अर्घाखाँची, २९ जेठ । राज्यले नागरिकमा सहज कानुनको पहुँच पुर्याउन भन्दै निःशुल्क रुपमा कानुनी सहायता उपलब्ध गराइरहेको छ । तर राज्यले गरेको यस्तो व्यवस्था प्रभावकारी नहुँदा ग्रामीण क्षेत्रका नागरिक अझै पनि कानुनको पहुँचबाट बाहिर छन् । कानुन हुने खानेका लागि मात्र भएको भन्दै ग्रामिण भेगका कतिपय मुद्दाहरु अदालत सम्म आउन नसक्दा पिडितले न्याय पाउन सकेका छैनन् ।

अर्घाखाँची जिल्लाका ग्रामिण भेगका अधिकाश नागरिकलाई कानुन के हो थाहा छैन होला, कानुनी काम काज र प्रक्रियाका विषयमा मात्र नभै अन्यायमा परे कहाँं जाने भन्ने कुरा पनि त्यहाका धेरै नागरिकलाई थाहा छैन । आफ्नै गाउँमा एकाएक अर्घाखाँची जिल्लाका न्याधिस सँगसँगै सरकारी वकिल पनि समुदायमा गएर सरकारी वकिल कार्यक्रम भुमिकास्थान नगरपालिका २ ढाकावाङ्गमा सम्पन्न गरेको छ ।

न्याधिस सँग भेट गर्नु हुन्न अदालतमा जान हुदैन, न्याय पाउन धेरै पैसा लाग्छ भन्ने कुरा हिजोको दिनमा आम मानिसलाई लाग्ने कुरा हो, तर अहिले यो कुरा अर्घाखाँची जिल्ला अदालतमा लागु हुदैन, जिल्ला न्याधिश रामचन्द्र पौडेलले प्रत्येक महिना सेवा ग्राहि सँग परामर्श गर्ने कार्यक्रम अदालत सँगै सरकारी वकिलले कार्यालयले पनी गरेको छ ।

नागरिकका गुनासा सुनेपछि जिल्ला अदालत अर्घाखाँचीका न्यायधिस पौडेलले अझै पनि ग्रामिण दुर दराजका नागरिक अदालत सम्म आउन नसकेकाले हातेमालो गर्न जरुरी रहेको उल्लेख गर्दै अव देखि अर्घाखाँची अदालतमा आउन कुनै डराउनु नपर्ने, साथसाथै कम समय, निशुल्क न्याय जनताले पाउन सक्ने बताए ।

ग्रामिण बस्तीका अधिकाश नागरिकमा अशिक्षा र चेतनाको कमीले गर्दा आफनो समस्या दवाएर राख्ने गरेको स्थानियले बताए ।
सरकारी वकिल रोमाकान्त ज्ञवालीले कार्यपत्र प्रस्तुत गर्दै कागज विना राजनितिक व्यक्तिले जस्तो जवाफ दिन नमिल्ने भएकाले मुद्धा फस्यौटका लागि आवश्यक कागजात भएमा प्रक्रिया झन्झटिलो नभएको बताए ।
कार्यक्रममा प्रमुख कोष नियन्त्रक शालीग्राम पौडेल, वडा अध्यक्ष वुद्धि थापा, सरकारी वकिल हरीप्रसाद घिमिरेले न्यायको बारेमा जानकारी गराएको कार्यक्रमको सञ्चालन सुनिता खनालले गरेकी थिईन ।

गाडीको स्टार्ट किन बन्द हुन्छ, अर्घाखाँचीको सुपादेउरालीमा पुगेपछी ?

अर्घाखाँची, २९ जेठ । अर्घाखाँची जिल्लामा पर्ने पश्चिम नेपालको प्रख्यात सुपादेउराली मन्दिर अगाडि पुगेपछि गाडीको गति रोकिन्छ र इन्जिन बन्द हुन्छ । अर्घाखाँचीको नरपानीमा पर्ने सुपादेउराली मन्दिर अगाडी पुगेपछि सबै गाडीले रोकेर मन्दिरको दर्शन गर्छन् । हतार नै रहेछ भनेपनि चालकले गाडीको चाबी निकालेर स्टार्ट बन्द गर्छन् केहि गाडीहरुले गाडीबाटै दर्शन गरेर आफनो गन्तव्यमा लाग्छन भने प्राय जसो बस भने करिव १५–२० मिनेट रोकेर नै मन्दिरको दर्शन गरी मात्र आफ्नो गन्तव्यमा लाग्छन् ।

किंवदन्ति अनुसार एक जना बाटो हिँड्ने युवकले ‘देवी, म सेनामा भर्ती हुन पाऊँ, छुट्टीमा पहिलोपटक फर्की आउँदा एकतोला सुन चढाउनेछु,’ भनी भाकल गरेको थियो । देवीको भाकल अनुसार ऊ भर्ती पनि भयो । केही समयपछि लाहुरे छुट्टीमा फर्कियो । लाहुरेले सुन ल्याउन भुलेछ र बाटो छलेर जान लाग्दा देवीको शक्तिका कारण लाहुरे आफैँ भित्तामा टाँसिएको किंवदन्ति छ । मन्दिर नजिकको पहरामा पछि लाहुरेको नक्सा र उसले बोकेको गुण्टाझैँ आकृति देख्न सकिन्छ । सो स्थानमा अहिले पनि ‘लाहुरे टाँसिएको भिर’ भनेर मन्दिर संरक्षण समितिले होर्डिङ बोर्ड नै राखेको छ ।

सुपा अहिले पनि सो बाटो भएर हिँड्ने गाडीले मन्दिरको दर्शन गरेर मात्र अघि बढ्ने गर्छन् । गोरुसिङ्गे–सन्धिखर्क चल्ने कुनै पनि सवारीका गाडीहरू यो मन्दिरमा भेटी नचढाइकन अगाडि बढ्दैनन् । सुपादेउराली दर्शनको लागि पश्चिम नेपालका गुल्मी, पाल्पा, रुपन्देही, कपिलवस्तु, दाङ, प्युठान लगायत भारतबाट समेत दर्शनार्थीको भीड लाग्ने गर्दछ । ती जिल्लाहरूमा विवाह गरेपछि सुपादेउरालीको दर्शन गर्ने प्रचलन बढ्दै गएको छ ।यसपटकको दशंैको समयमा दर्शनार्थीको भीडका कारण मन्दिर आसपासमा गाडी पार्किङको समस्या देखिएको थियो । मन्दिर भिरको टाकुरामा रहेको कारण सो स्थानमा पार्किङको समेत समस्या देखिएको छ ।

मुख्य मन्दिर नरपानीमा भएपनि अर्घाखाँचीकै बेला र केरुङ्गामा सुपादेउरालीको शाखा मन्दिर स्थापना गरिएको छ । अर्घाखाँचीका अन्य गाविसमा पनि सुपादेउरालीका शाखा विस्तार गरिएको छ । बेला भन्ने स्थानमा रहेको सुपा मन्दिरमा दशंैको समयमा बलि चढाउनेको उत्तिकै भीड लाग्ने गर्छ । मन्दिरमा चढाएको बोकाको मासु नजिकै रहेको खोलो तरेर लैजान नहुने किंवदन्ति अनुसार पूजा गर्न आउनेहरू सोही स्थानमा ‘प्रसादका रूपमा’ मासु खाएर फर्किने गर्छन् ।
सुपादेउराली मन्दिरभित्र नवदुर्गा, महाकाली, महालक्ष्मी, महासरस्वती, शिवजी, गणेश, पाञ्चायन देवता, सिद्ध, झाँक्री लगायतका थुप्रै मूर्तीहरू छन् ।

source:hindukhabar.com

अर्घाखाँचीमा प्रधानमन्त्री केपी ओलीको पुत्ला दहन (फोटो फिचर)

घनश्याम पौडेल
सन्धिखर्क, २९ जेठ । पेट्रोलियम पदार्थको मूल्य वृद्धि र बालकृष्ण ढुंगेललाई सरकारले दिएको आममाफीको विरोधमा नेपाली कांग्रेस निकट नेपाल विद्यार्थी संघ र नेपाल तरुण दल अर्घाखाँचीले मंगलबार सदरमुकाम सन्धिखर्कमा प्रधानमन्त्री केपी शर्मा ओलीको पुत्ला जलाएका छन् ।

विद्यार्थी तरुण तथा कांग्रेसका उल्लेखनीय कार्यकर्ताहरुको सहभागिता रहेको कार्यक्रममा पेट्रोलियमको मूल्य वृद्धि फिर्ता र बालकृष्ण ढुंगेलको आममाफी फिर्ता लिन माग गर्दै पुत्ला जलाइएको नेविसंघका कार्यबाहक अध्यक्ष नेत्र मरासिनीले बताए ।

केही महिनाको बिचमा पटक पटक पेट्रोलियम पदार्थको मूल्य बढाएपछि काँग्रेसका भातृसंगठन आन्दोलनमा उत्रिएको तरुण दलका जिल्ला अध्यक्ष नारायण खड्काको भनाई छ । उनले सरकारले बढाएको मुल्य र ढुंगेलको माफी फिर्ता नलिए अझै आन्दोलनमा उत्रिने बताए ।

 

पुत्ला दहन कार्यक्रममा कांग्रेसका जिल्ला सभापति विष्णु मुस्कान, उपसभापति शान्ता भण्डारी, महासमिती सदस्य केशव श्रेष्ठ, महाधिवेशन प्रतिनिधी कृष्ण खनाल लगाएतका कांग्रेसका नेताहरु समेत पुत्ला दहन कार्यक्रममा सहभागी थिए । पुत्ला दहन पछिकाे काेणसभा नेविसंघका जिल्ला उपाध्यक्ष सुरज रायमाझीले सञ्चालन गरेका थिए ।

 source:hindukhabar.com