जिल्ला प्रसासन कार्यालय अर्घाखाँचीले जिल्लाका विकट वस्तीहरुमा घुम्ति शिविर सञ्चालन गरर्यो

गणेश खनाल अर्घाखाँची २७ जेष्ठ

जिल्ला प्रसासन कार्यालय अर्घाखाँचीले जिल्लाका विकट वस्तीहरुको घुम्ति शिविर सञ्चालन गरेको छ । सितगंगा नगरपालीका विभिन्न स्थानमा शिविर सञ्चालन गरिएको प्रमुख जिल्ला अधिकारी खिमराज भुसालले जानाकारी दिनुभयो । सिमलपानीको पावरा,मौवारी,लापेका स्थानीयहरुलाई यसपटक सेवा दिईएको जनाईएको छ । आइतबार पावरामा भएको शिविरबाट ४५ वटा नागरिकता वितरण गरिएको प्रजिअ भुसालले जानाकारी दिनुभयो । सोमबार दिउसो सम्म पावर मौवावारीमा शिविर सञ्चालन गरिने जनाईएको छ । जिल्ला पशुसेबा कार्यालय जिल्ला वनकार्यालय र जिल्ला स्वास्थ्य लगायतका कार्यालयहरु समेत सेवा दिईरहेको बताइृएको छ ।

प्रहरी र पत्रकारको सम्बन्ध नङ र मासु जस्तै रहेको प्रहरी नायव उपरिक्षक मल्लको भनाई

बिष्णु खनाल ,अर्घाखाँची जेष्ठ २७

जिल्ला प्रहरी कार्यालय अर्घाखाँचीले आइतबार पत्रकारसँग परिचयात्मक कार्यक्रम सम्पन्न गरेको छ । जिल्ला प्रहरी कार्यालयको प्रांगणमा भएको परिचयात्मक कार्यक्रममा काठमाण्डौको हातहतियार भण्डार शाखाबाट अर्घाखाँची सरुवा भई आउनु भएका प्रहरी नायव उपरिक्षक नवराज मल्लले पत्रकार र प्रहरी बीचको सम्बन्ध नङ र मासुको जस्तो भएको बताउनु भयो ।

उहाले जिल्लामा हुने शान्ती सुरक्षा, अपराध नियन्त्रण, लागुऔषध ओसारपसार, महिला हिंसा, झैझगडा अन्त्य गर्न पत्रकारसंग सहकार्य गरेर अगाडी बढ्ने बताउनु भयो । कार्यक्रममा जिल्ला प्रहरी कार्यालयका प्रहरी निरिक्षक प्रदीप कुमार डिसि, पत्रकार महासंघका अध्यक्ष हिम बहादुर जिसि लेकाली लगायतका पत्रकारहरुको उपस्थिति रहेको थियो ।

उद्योग वाणिज्य संघको अध्यक्षमा युवराज श्रेष्ठ निर्वाचित

अर्जुन भुसाल ,अर्घाखाँची जेठ २७

उद्योग वाणिज्य संघ अर्घाखाँचीको अध्यक्षमा युवराज श्रेष्ठ निर्वाचित भएका छन् । उनले ३ सय २८ मत लिएर विजयी हासिल गरे । उनका निकटतम प्रतिद्वन्द्वी कृष्णहरि भुसालले ३२ मत प्राप्त गरे भने ३ मत बदर भएका छन । अध्यक्ष बाहेकका अन्य सबै पद निर्विरोध भएका छन् ।

पाँचौं अधिवेशन तथा सातौं साधरणसभाबाट वरिष्ठ उपाध्यक्षमा नेत्रप्रसाद भुसाल, वाणिज्य उपाध्यक्षमा जीवलाल वञ्जाडे, उद्योग उपाध्यक्षमा रामप्रसाद भुसाल महासचिवमा प्रदिप मिश्र, सचिवमा युवराज खत्री, सहसचिवमा रामप्रसाद पाण्डे, कोषाध्यक्षमा तुल्सीराम खनाल चयन भएका छन् । यस्तै महिला सदस्यहरु यमकला वञ्जाडे, कमला भुसाल, पार्वता श्रेष्ठ र खुल्ला सदस्यहरुमा देवराज श्रेष्ठ, हुमप्रसाद वञ्जाडे, गोपाल प्रसाद भुसाल, डिलबहादुर खत्री (साजन) कृष्णप्रसाद खनाल, रुद्रप्रसाद श्रेष्ठ, जमालदिन मियाँ, बेदराज घिमिरे, सन्तोष बस्नेत, कृष्ण प्रसाद भुसाल राजेन्द्र जिसी, लेखनाथ भुसाल, लक्ष्मण कंडेल निर्वाचित भएको प्रमुख निर्वाचन अधिकृत कमल पन्थीले जानकारी दिए ।

कार्यसमितिका पदाधिकारी तथा सदस्यहरुलाई एक कार्यक्रमका बीच निर्वाचित भएको प्रमाण पत्र वितरण गरिएको छ । कार्यक्रममा बोल्दै नवनिर्वाचित अध्यक्ष श्रेष्ठले आफूले उद्योगी व्यवसायीको पक्षमा निरन्तर काम गर्ने प्रतिवद्धता व्यक्त गरे । जिल्लाको समग्र हितका लागि नयाँ कार्यसमतिले सबै निकायसँग आवश्यक समन्वय गर्दै अघि बढ्ने बताए । निवर्तमान अध्यक्ष कृष्णप्रसाद श्रेष्ठले आफूले १५ वर्ष सम्म उद्योग वाणिज्य संघको नेतृत्व गर्दा संघको गरिमालाई कहिल्यै पनि घट्न नदिएको बताए ।

उद्योग वाणिज्य महासंघका केन्द्रीय सदस्य समेत रहेका उनले जिल्ला संघलाई जस्तो सुकै सहयोग गर्न पनि आफूपछि नपर्ने प्रतिवद्धता जनाए । कार्यक्रमको सञ्चालन निर्वाचन मण्डलका सदस्य विकल्प भट्टराइले गरेका थिए ।

सरकार विरुद्ध नेविसंघको राके जुलस,प्रशासन र प्रहरी कार्यालय घेराउँ गर्ने कांग्रेसको चेतावनी

घनश्याम पौडेल,सन्धिखर्क, २६ जेठ

नेपाल विद्यार्थी संघ अर्घाखाँचीले पाणिनी बहुमुखी क्याम्पस देखी शान्तीवगैँचा सम्म सनिबार साँझ शान्तीपुर्ण राके जुलुस गरेको छ । राके जुलुसमा पाणिनी चोकदेखी शान्तीबगैँचा सम्म प्रहरीले हस्तक्षेप गरेको छ । प्रहरीको हस्तक्षेप विरुद्ध नेविसंघले नाराजुलुस समेत गरेको छ ।

राके जुलुस पछी कोणसभामा बोल्दै नेपाली कांग्रेसका जिल्ला सभापती विष्णु मुस्कानले शान्तीपुर्ण नेविसंघको आन्दोलनमा प्रहरीको दमन रोक्न आग्रूह गरे । उनले गरिव दुखी जनतालाई सरकारले मंहगी बढाएर अत्याचार गरेको भन्दै मुस्कानले शान्तीपुर्ण आन्दोलनमा प्रहरीको दमन अतिवादी भएको भन्दै दशौ हजार कार्यकर्ता ल्याएर जिल्ला प्रशासन कार्यालय र जिल्ला प्रहरी कार्यालय घेराउँ गर्ने चेतावनी दिए ।

नेपाल विद्यार्थी संघका जिल्ला अध्यक्ष युवराज पाण्डेले ओली सरकारले जनतालाई मंहगो चपेटमा पारेकोले नेविसंघले आन्दोलन सुरु गरीएको बताए ।

source:hindukhabar.com

दुईबर्ष पछि पायो मावि भालुवाङले नयाँ विद्यालय व्यवस्थापन समिति आउने, शैक्षिकसत्र देखि प्लस टु सञ्चालन गर्ने प्रतिबद्धता

सन्तोषकुमार गुप्ता  जेष्ठ २६ भालुवाङ
झण्डै तीस महिना पछि नेपाल राष्ट्रिय माध्यमिक विद्यालय भालुवाङले सर्वसहमतिबाट नयाँ विद्यालय व्यस्थापन समिति पाएको छ । शनिबार विद्यालयमा भएको बिशेष अभिभावक भेलाले नरबहादुर केसीको अध्यक्षतामा ६ सदस्यीय नयाँ विद्यालय व्यवस्थापन समिति सर्वसहमत चयन गरेको हो ।

जसको सदस्यहरुमा तेजबहादुर पुन, नारायणप्रसाद शर्मा, गंगा गिरी, बिन्दु घिमिरे र रेखा गुप्ता रहेका छन् । २०७३ साल भदौ देखि विद्यालय व्यवस्थापन समिति बिहिन भएको थियो । विद्यालय व्यवस्थापन समिति गठनको बिबादका कारण विद्यालयको भौतिक पूर्वाधार निर्माणका लागि जिल्ला शिक्षा कार्यालयबाट प्राप्त भएको ३६ लाख रुपैयाँका समेत अन्यत्र विद्यालयका गएको थियो । लामो समयको बिबाद पछि विद्यालयले नयाँ विद्यालय व्यवस्थापन समिति पाउँदा अभिभावकहरु समेत हर्षित भएका छन् ।

यसैबीच नवनिर्वाचित विद्यालय व्यवस्थापन समितिका अध्यक्ष नरबहादुर केसीले आउने शैक्षिक सत्र देखि प्लस टु सञ्चालन गर्ने प्रतिबद्धता व्यक्त गरेका छन् । निर्वाचित भएपछि बोल्दै अध्यक्ष केसीले यस विद्यालयलाई पूर्ण माध्यमिक बनाउन आउने शैक्षिक सत्र २०७६ देखि कक्षा ११ र २०७७ देखि कक्षा १२ सञ्चालन गर्ने प्रतिवद्धता व्यक्त गरेका छन् । साथै आउने शैक्षिक सत्र राज्यको नीति तथा कार्यक्रम अनुरुप निशुल्क शिक्षाको व्यवस्था मिलाउने प्रतिबद्धता समेत व्यक्त गरेका छन् ।

शिक्षक अभिभावक संघका संयोजक खिमबिक्रम शाहको अध्यक्षता एवम् राप्ती गाउँपालिकाका अध्यक्ष नुमानन्द सुवेदीको प्रमुख आतिथ्यमा भएको अभिभावक भेलामा बोल्ने वक्ताहरुले विद्यालयमा अनावश्यक राजनीति गर्न नहुने बताएका थिए । अहिले सम्म व्यक्तिगत स्वार्थका लागि राजनीति भएकै कारण विद्यालयको विकास एकदमै पछि परेको बताएका थिए ।

विद्यालयका प्रधानध्यापक डिलबहादुर कुमालको स्वागत मन्तव्यबाट शुरु भएको कार्यक्रममा राप्ती गाउँपालिका प्रबक्ता तथा शिक्षा समिति संयोजक विद्यासरण चौधरी, वडा नम्बर १ का वडा अध्यक्ष ताराबहादुर डिसी, विद्यालयका पूर्व अध्यक्ष हेमराज शर्मा, शिक्षाप्रेमी भिमप्रकाश पुन, होमप्रसाद शर्मा, कमल केसी, अभिभावक नारायण शर्मा र देउखुरी टुडे राष्ट्रिय साप्ताहिकका प्रकाशक÷सम्पादक सन्तोषकुमार गुप्ता लगायतका शुभकामना मन्तव्य व्यक्त गरेका थिए । कार्यक्रमको सञ्चालन विद्यालयका सह—प्रधानध्यापक अमिताभ आलम हलवाईले गरेका थिए ।